松記糖水店

營業中

休息中

尋日10:00去到，2位，不用等位，直接入去。叫食物時，我朋友叫雪耳燉木瓜， 服務員問我們是否木耳又問是否雪梨， 我便指住餐牌讀一次比她聽， 雪耳燉木瓜， 她反而叫我朋友講清楚一點。真的好奇怪， 因為從一開始，便講得好清楚。態度惡劣， 而食物品質都好一般。 我叫了雜果明珠， 大明珠最好加一點糖水， 因為真的好乾。

今午陪媽媽外出購物後、路過看到了康寧道有松記糖水店、內進後點媽媽最愛的芝麻糊⋯⋯媽媽很開心的說、吃了很多不同糖水店的、就是這裡最最好、適中的甜度、香濃的芝麻味、而且濃稠度也是剛剛好👍👍👍

一行五人，分別叫左榴連雪山，幻彩明珠，金枝玉露,桂園蓮子蛋茶&雪糕涼粉....個金枝玉露，完全冇味，非常難食... 不可一不可再... 個榴連雪山又係另一敗筆點...冇榴連味，吾講吾知自己食緊咩...冇可能再去....

吃完晚飯，經過觀塘松記進去坐下，向服務員點了一份糖不甩，不用一會，精美的糖不甩便放在眼前，糖不甩口感潤滑，再親托上香味十足的花生沙，吃時在口中散發香味，差點就忍不住叫多一碟，價格公道，賣相給引，又好吃，極力推介給各位糖不甩愛好者品嘗

今晚又經過松記就入左去，記得之前食咗一碗楊枝甘露有少少失望，因為沒芒果味，但係一路都食開咗楊枝甘露葛今晚又叫咗一碗楊枝甘露，比較起之前嘅楊枝甘露唔同咗好多，而家芒果味濃郁左，滴料又夠足哦香左勁多，服務態度好好，出名嘅鋪頭確實係唔同啲，真係抵讚👍🏻，食過番尋味💕💕💕

松記甜品從來食評都好好 一如既往都係食summer 今次仲同朋友加咗個雷沙湯丸Summer如以往一樣味道 最中意裡面嘅配料 又好水果 又雪糕 真係好啱summer嘅天氣食朋友個芒果豆腐花 冇咩特別 不過雷沙沙丸有點失望 朋友第一次食 不過芝麻饀麻麻 變相唔太好食 希望會轉下啲芝麻湯丸喇雖然都好耐冇食 不過餐牌冇點轉 款式唔太夠

本身滿懷期待去食呢間野，但d野食令人有d sad。5粒湯圓 4粒爆開1粒就爆..窩夫林哂但最後補番2粒未爆湯圖粒湯圓 4粒爆開1粒就爆..窩夫林哂但最後補番2粒未爆湯圖因為很重要 所以重複一遍

紫米露+芋圓 外賣，打開 一粒芋圓都冇 全部地瓜圓 仲要韌過香口膠，紫米露又勁水 可能得三分一係紫米 其他係勁稀 既甜水。老公叫雜果芋圓仙草凍 有一粒芋圓 多謝哂 ！永久blacklist

非繁忙時間黎甜品店唔洗排隊，但都好逼。男友想食薑汁撞奶，但係無🤦🏻‍♀️，就勉強點左燉蛋，可惜個燉蛋太熟又太甜，簡單講即係唔好食。而我就點左芒果芋圓紅豆涼粉，正常味道芒果偏酸，可能唔係當做季節關係。當甜品食就麻麻架啦，搵個地放坐低傾計就還可以。

食完蛇，大家話要食下糖水，因為第2個胃未飽，咁岩一出街口見到松記，所以就佢啦，因為咁出名，應該冇錯入到去，咁少人既，唔緊要啦，到叫野，點知叫水晶，冇，蘆薈，冇，清涼爽，好啦，呢啲冷門，算，叫紅豆沙拼豆腐花，夠普通啦，點知話，唔好意思，豆腐花賣哂其實都只係9點到，真係有咁好賣所以最後我地叫summer，涼粉紫薯芋圓，香芋西米露同紅豆沙拼芝麻糊加芋圓Summer : 朋友話從未試過咁少水果香芋西米露 : 冇椰味，芋頭硬既涼粉紫薯芋圓 : 最ok, 但芋圓都似未夠熟紅豆沙拼芝麻糊加芋圓 : 同樣芋圓未夠熟真係一次就夠

😋😊秋天食甜品永遠都要叫熱食，養生之道😌糖不甩同蕃薯糖水😋最鍾意重姜味既糖水連湯圓咁食，芝麻湯圓個好香😘下年中秋節買d生湯圓番去煮先😉普通既糖水店，正正常常

食完飯同媽媽食糖水，糖水舖選擇唔多，於是去左松記。夜晚七點左右，全間舖得4個顧客👀因為我有啲喉嚨發炎，所以嗌左熱海底椰西米露。甜品好快就上枱👍🏻👌🏻賣相一般～👍🏻海底椰幾軟身，有4-6舊👍🏻份量足夠👎🏻雖然唔會太甜，但味道有啲淡👎🏻椰汁唔夠多😢👎🏻唔夠熱！只可以用微暖黎形容🙈今次係佢開張以黎第一次食，平時見唔多人食，所以一直冇試。試完覺得麻麻地，短時間內唔會再食🤢另外廚房嘅姨姨見冇咩人，傾計好大聲啊🙉

食完飯經過康寧道既松記，見到的門口有張<紫薯芋圓仙草凍>既poster好似幾吸引，所以入去一試好啦，主角登場嗯。。。。。同poster都有8成相似，不過芋圓好似甩左色咁。雖然芋圓甩左色，不過都無損煙韌感紅豆煮得透，好軟滑最驚喜係紫薯！因為並非用現成買回來的紫薯泥，而是用真正成個紫薯<不>個波波出來！！雖然<成本論>來説真紫薯應該會平過現成紫薯泥，但作為食客來說，真紫薯的口感比紫薯泥好很多唯一美中不足是仙草唔夠滑總結來說，整個甜品甜度好適中，符合所講的低糖小甜，罪惡感不高而且仲收8達通，非常方便

有晚同幾個朋友喺官塘食完晚餐未夠喉，就諗住去食下糖水再繼續傾，見到附近有間松記唔洗等位就入左去！點知咁就中左伏！！！！！！本身見佢出左好多新款既甜品，我地仲好興奮咁諗住試下..............我地四個人仲好衝動咁一口氣咁叫左5款，呢“一口氣”最後換黎既係“一肚氣”喺落單既個刻，店員啲態度已經好差好晦氣，全程黑面榴蓮雪糕雪山HKd$36又浠又淡！雪耳燉木瓜(熱)HKd$23黎到只係暖，一啲都唔熱！！！開心世界(加芋圓)HKd$48呢個最正常！！鮮芒果雪糕窩夫HKd$46個窩夫真係實淨到可以掉親人雪糕冰冰杯HKd$35呢個係伏中之伏，一“筆”開，入面既有八成冰已經溶到變水，同店員反映，佢地只係黑晒面咁話：啲冰係咁架啦我地最後只係食左最上面既雪糕就無食到，因為食完雪糕碗野已經變曬水啲甜品要熱既唔熱，要冰既又變水，仲要店員態度咁差，我真係諗唔到再黎食既理由！！其實個晚真係令到我地好氣憤

其實而家真係有好多糖水舖冇再整舊款糖水，包括我最愛合桃糊。觀塘呢間松記糖水有新舊款糖水。講講合桃糊，合桃味濃郁，整碗糖水呈稠稠的狀態。入口香滑，冇咩渣，做到色香味俱全。熱辣辣嘅合桃糊，雖然唔知食完可否真係做到補腦😂但至少做到味覺的滿足！榴槤雪糕及班戟，雪糕一黎個陣太凍太硬，應該雪左一段時間。但班戟皮軟，cream加上很多榴槤肉，入口有陣好香榴槤味，cream都好似變左榴槤味咁食到咁上下，雪糕開始融，雪糕都係好重榴槤*真係要愛吃榴槤先至接受到不過要提提黎光顧的朋友，找贖時需要睇清楚，因為我是次光顧，埋單找錢找少左7蚊，好在冇即刻行開對一對數。整體算是不錯，價錢及水準都成正比，但冇話特別抵食。係一間如果經過都會想食少少甜品的甜品店。