松記糖水店

營業中

休息中

男朋友成日都帶我過黎食糖水，都算係我地既糖水食堂。😂價錢合理，味道岩我地口味，係唔錯既選擇。有觀塘朋友會話港記好食d，但我地都係鍾意松記。✅芒果明珠 ($36)我地每次黎親都會叫佢既芒果産品，全部都好好味，明珠即係大西米，好有口感，正呀！👍🏻楊枝甘露豆腐花 ($40)豆腐花好香滑，但我覺得同楊枝甘露唔夾，第一次食有小小失望。😌下次會試下其他，其實大部分産品都ok。😄好食就唔算超好食，但起碼係唔錯，絕對可接受。😂

這間糖水店在香港有多間分店，而且經常爆滿，有很多人還架車去外賣。今天介紹的分店位於觀塘，鋪位不大，我們去到的時間是星期一晚上9點左右，但已坐滿人客，要即時開埋2樓給我們。我叫了楊枝甘露，但我覺得似芒果西米露，因為只有十分少的芒果和柚子，全碗幾乎是西米，我還以為叫錯呢。我的朋友叫芒果班戟，上枱時是用透明膠盒包著的，我朋友要自行剝掉膠紙，可以為客人多做一步嗎，而且班戟十分細。另外的是芋圓雪糕涼粉，這個算不錯。離開時門口已見有人在排隊等光顧，香港人愛吃甜品可想而知，怪不得可以開完一間又一間，但我覺得味道一般。

難食到想嘔 首先我嗌左外賣平台 叫左4樣野食 芒果西米露 花生湯圓 糖不甩 同埋腐竹糖水個芒果西米露淡過水 求其落pat芒果糖漿落去就叫芒果西米露 芒果酸到入骨 第二 糖不甩 薑味重到喊 難食到呢 求其整兩粒湯圓就話係糖不甩 十級難食 除左其餘兩樣叫正常野其他掉哂 真係好好好難食不知所謂仲要唔係平末食過d糖水咁難食 連西米露咁基本都做唔好 況且依家疫情 唔該啦 生意唔係好唔好做d垃圾出黎啦 其實出貨賣俾人都應該試下味先

嗌左兩碗熱嘅中式糖水一碗紅豆沙豆腐花加芋圓一碗芝麻糊豆腐花加湯圓第一 糖水無味 第二 員工態度差第三 賣相極差 貨不對版 倒瀉晒第四 叫芋圓無比芋圓第五 位置逼夾第六 難食得滯 想快啲離開 本身都唔諗住寫食評但太誇張所以先寫食評鬧臭佢以後唔會再嚟

夜晚想食糖水就係外賣平台嗌松記 (本身食開港記但食到厭想轉下)，嗌左個雜果芋圓仙草凍 （寫住人氣，同本身好鐘意食芋圓）同榴槤奶凍 好啦一黎到榴連奶凍比想像中細有啲失望但一食落去又真係好香同好有味 重點係榴連肉好多 ！ 但最慘黎啦個芋圓仙草凍 ，啲宇圓硬到已經唔想食，啲所謂雜果重要冇味 ！成碗野係 完 全 冇 味 點做到既呢😟 除左個榴連冇問題之外 最機本既芋圓仙草都可以做到咁差

石頭木糠布甸條友用手攞到雪糕不得止個雪糕仲硬過石頭佢仲話係咁㗎喎 第一次食木糠布甸係石頭咁嘅質地 唔建議再來說謊環境好惡劣 成間都係垃圾 我諗其他甜品都係咁嘅樣 taste like shit

觀塘APM附近比較容易搵到嘅一間連鎖糖水舖，即使假日時間用餐嘅人都寥寥可數，想坐幾耐都可以，係一個適合同朋友吹水嘅地方。但係宜到嘅糖水質素實在欠佳，製作唔用心，雖然價錢唔貴但係都對唔住出品嘅質素。芒果牛奶布甸冇咩牛奶味，芒果都唔夠甜，實在令人失望。

經過康寧道有間松記糖水，，見到個環境好唔錯，，兩個人入到去嗌咗個芒果糯米飯同埋一碗雪糕西米，，芒果糯米飯嘅口感好唔錯個芒果都好甜，，Oreo雪糕配西米都好正，。

琴晚同朋友去食個糖水一入到去個員工態度好差個場唔大 得幾枱人舉手舉咗好耐又冇反應叫唔該又黑口黑面走埋黎🙂都算叫咗碗芋頭椰汁紫米露嘩 完全冇紫米露味真係成碗糖水🤢得個甜字。。完全冇其他味除咗個口感似紫米露外都真係唔似跟住我朋友碗金枝玉露好似雞蛋糖水咁🥲朋友話食落都好彩尚算係嗰回事我印象中既松記真係唔係咁定淨係哩間係咁。。雖然我係第一次黎觀塘分店但印象真係好差環境方面就尚算乾淨比起一般地鋪黎講都可以接受👌🏼

唔知 疫症 冇生意啲貨 買唔到 ， 都好耐冇過嚟食糖水，松記啲水準越來越差 ，叫咗 榴槤水晶涼粉， 榴槤超難食 真 難食 ，水晶凉粉更加唔掂 ， 改善下啲出品 質素，都係九龍城糖水有 水準，

以前成日食既松記，因為又平又大碗又好食，咁岩呢日食完飯好想食下甜品，就去食下觀塘既間松記不過唔知係轉左老闆定真係質素差左，叫左3個甜品有2個都唔合格。仲要食食下有昆蟲，店員都無反應當睇唔到，要我地自己要求轉位先安排個新位，仲要無抹枱咁比我地坐🙄綠茶木糠布甸雪糕好明顯轉左做黎貨一個個雪糕波，木糠布甸好硬，應該雪左好耐，同記憶中既木糠布甸好大出入芒果雪糕西米露，無咩特別芝麻糊豆腐花加小丸子芝麻糊好似水咁稀，似飲水多過飲芝麻糊，豆腐花正常

食左10幾年松記 睇住佢開左好多分店 每次幫趁 都係鐘意食楊枝甘露 食過好多間都好好味 但係官塘分店哩間嘅楊枝甘露走曬樣 成碗好似奶水咁 完全無芒果味 簡直難食到一個點 好失望😞⋯⋯⋯⋯

唔知你有冇一個想法係，無論點食飽飯之後都要食糖水！.重點係可以見多陣朋友仔！.觀塘既港記甜品都幾多人排，原因係佢有好多款甜品冰、西式、中式甜品都有！今次阿魚就食左拿破侖！重可以配一球雪糕！識食一定係揀曲奇味！不過都等好耐...拿破崙要等成15-20分鐘......但都值得既，拿破崙好脆！！！好好食！！！！.大家下次去可以試下食！！！.松記糖水店地址: 觀塘康寧道32-36號康華樓地下3號舖電話: 23823169

不能話食品全部唔好味，但就我點的紫薯芋圓，芋圓冇有達標，硬得之餘咬落去仲有種粉粉地的感覺。 其次，再講下服務態度，就今日黎睇服務員態度冷漠，要下單時呼喚店員也沒有反應。 除了叫野食我係全程冇講過野，態度也沒有針對任何人因為只係去今日一次，所以也只能粗略評價

愈來愈吾好食，以後吾再幫襯叫咗兩個楊枝甘露加個榴槤雪山，楊枝甘露又苦又唔夠香，冇芒果味差勁👎極度失望榴槤雪山，冇咩特別，一般般，好普通完全食吾反以前個種感覺希望日後可以加以改善。