松記粥品

營業中

休息中

最近因為天氣 轉冷， 突然好想食啲熱辣辣的早餐， 所以行去大家都話好味嘅松記粥品。入到去， 餐牌好多選擇， 淨係豬潤已經有十多 款選擇， 但是我選擇我喜歡食的皮蛋瘦肉粥， 第一啖食落去覺得冇味精， 但係越食越咸，又 小皮蛋少瘦肉。 炒麵 好乾 好似食緊橡筋咁。 蝦米炸兩 賣相幾好，以為好好食 ，但係原來條炸兩係林bet bet ， 同埋佢啲甜醬辣醬好似溝咗水咁， 落咗等於冇落到， 仲要貴到飛起， 唯一可取之處就係舖面乾淨企理，幫襯一次就夠啦， 好失望！！！！

呢日男友病左,夜晚出來買粥佢食。唔想食海X咁hea,唯有去又新街買~又新街街尾有2間人龍粥店,先唔講味道, 係囉, 要排隊囉~有間仲要價錢較貴。唔想排隊? 我會揀松記粥品。其實佢d生滾粥都幾多配搭可以揀~男友中意食魚腩粥,就買個鮮鯇魚腩粥($35),牛脷酥($10), 咸肉粽($19)。鮮鯇魚腩粥($35),牛脷酥($10), 咸肉粽($19)牛脷酥($10)之前食得油炸鬼多, 今次買牛脷酥。牛脷酥同油炸鬼一樣, 都好脆~呢間D牛脷酥同油炸鬼真係幾出色!就算放涼左都仲脆卜卜!仲唔會太油膩~送粥一流!鮮鯇魚腩粥($35)鯇魚腩新鮮, 冇腥味!大大舊! 好足料!粥底綿滑~再配上蔥絲同薑絲~咸肉粽 ($19)咸肉粽相對就失色少少~失色嘅唔係佢嘅味道,而係佢嘅餡料~味道係唔錯的~但我expect $19一隻粽,餡料會豐富d?係喇, 餡少d囉~總括, 呢間粥店d出品係唔錯的~唔想排長龍唔想食貴粥, 呢間係好選擇~

由於唔想喺元朗又食壽司同串燒 所以選左呢間粥鋪 應該係家庭式經營 店面不大 但粥類都幾多 點左白粥 炸兩 肉片粥 白粥味道清淡 加左蔥 成碗粥味道即刻昇華左 可能我本人好中意食蔥 肉片粥肉片過咸 成碗粥食到中間已經咸到食唔到喇 炸两好出色 粉皮好薄咁包住油炸鬼 做得好好 炒麵就一般般

夜晚收工想食d 五會甘飽既野，加上 落雨，又想食d暖胃野，路經呢間粥鋪就決定系佢啦！元朗呢間粥鋪價錢便宜，選擇都夠多 ，我叫左碗最普通既 瘦肉粥，瘦肉料都比足，但個粥就冇我之前食開 新蒲崗過邊既老字號甘 綿身，粥底米香都偏淡，但勝在夠滑

個炸兩好滑，有米嘅香味！本身單純想醫肚求其入一間食就算，但好有水準，所以記錄低😂😂。另外叫左柴魚花生粥同皮蛋粥，皮蛋粥無乜特別，個魚粥有排骨又疑似有雞肉，問店員係咪嚟錯😂，佢話柴魚花生粥係有呢啲料。haha唯有信佢。店員態度麻麻，不過呢啲傳統鋪頭無得要求咁高。

入元朗多野食就緊架啦，忽然想食粥既不妨試下呢間松記。拿先旨聲明，唔好要求Service ，你預左無架要。入黎松記只求食個靚粥。坐低即刻有個靚姐招呼，同枱送多幾個伯伯，妹下妹下咁食啲靚粥，簡單係賞心悅目。粥絕對無得彈架喇，熱辣辣，香噴噴。豬潤唔係鞋十十，係嫩，鮮，彈。大大塊。油炸鬼大大條，好似啲十八歲妹妹仔咁卜卜脆，浸入粥到食簡直一流呀！環境就求其啦，你望住碗粥食就得，鐘意既可以望下隔離啲叔伯兄弟姨婆姑姐七嬸 ，微微報個微笑😊，指住碗粥直豎母指 👍🏻👍🏻。

We bought takeaway there, two congee, and guess what, when i opened the plastic bag, this view came out... So one of my congee is wasted.. As the plastic cover was melted right into my congee... And so as the card paper (to put in between congee)..

皮蛋瘦肉粥 一粒瘦肉都無 得皮蛋 個粥底本身無味 真係食唔落 唔會再幫襯 🌚 員工做野混亂 廚房師傅求其 😖 真係貪方便先買係到外賣 😕 蝦米腸 都還可以 不過不失 😐 下次寧願行遠小小都唔食松記既粥🌚

小妹一向都很喜歡吃這些粥品，但在香港真的買少見少，那些海X / 阿X粥麵，除了味精，便是７無味，這家松記，確有驚喜！ 豉皇炒麵($13)，沒有小妹最討厭的梘水味，炒得夠鑊氣，帶出豉油香甜味，正！ 炸兩腸($16)，外層腸粉香米味，夠薄不黏牙，中間的油炸鬼夠新鮮，又香又脆，把這道港式小食的精粹發揮得淋漓盡致。 主食點了生滾湯飯（$38)，小妹點了很久沒吃的豬紅及滑牛片，豬紅味道較淡，滑牛片確是滑，但略欠鮮味，湯則味道清甜，小妹的舌頭告知應以豬膶餚制，疑似不加味精。 店內還經常播放著八九十年代的歌曲，同行朋友因為很懷勉某些歌曲而要求店員點唱，店員樂意答允，實在有趣，這種街坊式服務，實在難得於市區感受得到。

腸胃不適，放工決定去買粥番屋企食。想食國記但已經關門，用openrice search最近粥品店就搵到一街之隔既松記。門外有餐牌比顧客睇，除了白粥，最平既都要$21，相比國記既$15, 絕對欠缺競爭力，但勝在營業時間長同地理位置方便，去到個時都有唔少人正在用餐看了餐牌就點了一碗外帶碎牛粥($21)，等了30秒左右番到屋企打開發現碎牛肉數量很多，非常足料，但味道普通，不過不失，下次會試其他粥

肚仔餓走去松記"食夜粥", 2條友叫咗一個鹹蛋廋肉粥、一條油炸鬼、一碟豬潤腸。可能我見識少, 平時去其他粥舖好少見有鹹蛋, 呢度有, 我又好鍾意食, 所以差唔多每次食粥都要加鹹蛋, 不時係一隻切開2邊, 今次係整散咗既, 不過老公話咁仲好, 啲粥夠味啲喎油條係暖暖哋既, 仲有少少脆, 唔錯豬潤腸唔係度度有得食, 而且亦唔係間間整得好食, 松記算係整得幾好食, 啲豬潤同腸粉都好滑, 個豉油甜甜哋幾好味。叫油條嗰陣阿姐又係好細心咁問我哋使唔使剪碎條油條, 無黎一排, 店員既服務態度同食物水準都仲係咁好, 抵讚。

呢晚夜收工, 經過又新街見到呢間松記粥品, 開咗幾個月都未試過, 今晚就入去試吓先。 店內客人唔多, 地方都幾乾淨, 店內寫住係無厠所既。 我樣樣都想試, 但係食自己一個, 只能夠揀咗個魚片鹹廋肉粥、蝦米腸、牛脷酥。 阿姐問我牛脷酥使唔使碎上, 好細心。個粥底好綿, 啲料粥料味道都唔錯, 蝦米腸係即叫即做既, 好味道, 牛脷酥好大件, 味道一般, 如果係熱既我估會好好多。禽晚又走去食, 試咗個魚片鹹蛋粥(無影相), 有成隻鹹蛋, 啱晒我, 今次試咗個蘿蔔糕, 我覺得個糕粉太多, 所以有啲硬, 不過咪道都唔錯。  店內員工服務態度好好, 我見到有啲客睇咗個餐牌好耐先至叫嘢食, 阿姐都無黑面, 仲有個客叫阿姐收咗佢枱上既碗, 因為個客好細聲阿姐聽唔到佢講乜, 問佢講乜嘢, 個客就好大聲咁話"叫你收碗呀, 講乜!", 態度惡劣, 點知個阿姐一啲都無嬲, 仲好有禮貌咁同個客講"唔好意思, 我頭先聽唔到你講乜", 嗱嗱聲幫佢收咗佢個碗, 服務態度一流呀。