東哥點心籠仔蒸飯專門店

營業中

休息中

無論食物同服務都越做越差。點心水準不穩定都算，無人等位，有幾張4人吉枱，入面都有2人客坐緊4人枱，但侍應就一句無2人枱就要個客等1個鐘，咁入面d坐緊4人枱的2人客又點解入得呢？入到去食點心火鍋，收人$10醬料費但自助吧連無蒜蓉都無人理，真係自助到連蒜蓉都要自備嗎？醬料只包豉油嗎？點心仲要一籠得3粒，叫多一籠食唔哂又浪費。雞煲叫左一隻雞，但上菜應該份量無一隻。食左雞煲叫侍應加湯亦都係叫幾次先有人應，真係咁忙嗎？飲品區的選擇唔多，飲管全部都無紙袋獨立包裝，個個都掂過哂d飲管，真係唔敢用。

相隔一個星期六之後,再度相約新舊朋友共4人嘗試及回味上次滿分經驗！當晚上8時到達店舖與朋友共進開始點餐（點心火鍋放題2小時）,平均每人都點同一份點心先行醫肚,並向新朋友介紹上星期嘅绝好評價,當服務員送上點心後,發現與order之數目不符,各樣點心只送來各一籠,平均每人一粒！之後向服務員查詢過都不知原因！那麼我再order寫上共幾多籠,結果並無送齊,部份更每籠少一粒點心,真的摸不著頭腦！算了吧！我們唯有再order過一次啦！都係未能滿足到需求！我們剛剛到坐定都唔係好耐但係所有食物都未能送齊,大失所望！但見到隔離台共浪費多籠點心,反之我們又唔會浪費食物但係又無法滿足需求！建議店主應該改善或限制所有顧客只可以進食某數量之點心及火鍋,否則未能做到任食之主題！

點心火鍋放題與三伍知己昨天24-09-2022登山活動後, 晚上首次預訂嘗試東哥點心火鍋放題,初時並無太大信心食物質素！當點了幾款點心試食後,全枱朋友都讚不绝口,之後再來雞煲,原來全部都可以任點任食,仲有啤酒汽水都係任飲,每個朋友都滿載（肚）回歸！最後結賬都只係$196連加一服務費,最重要係服務員專業服務,待客如賓,非常好！

鋪頭附近其實都有幾間雞煲揀今次揀咗呢間又有得食點心又有得雞煲🐥雞煲黎講都係不過不失唔需要期望啲火鍋配料好食所以都係建議多食雞煲 唔洗留肚打邊爐不過值得推薦係啲點心🥧真係幾好食🤭

食物是正常水準，貼地的經典點心，提供舒適環境都係食店的關鍵，室內環境好熱室溫都有廿八九度，冷氣開左幾分鐘就閂了，食得滿身汗，無哂心情食嘢，食物方面，蝦餃皮太厚，蝦春卷未算出色，蝦不夠彈牙，牛肚正常發揮，已是最好的，鳳爪可以再濃味d

其實想去好耐， 難得今日早收工， 就去試一次先， 因為又咩限聚呀禁堂食， 都兩年幾無飲過茶啦， 今次主打食點心先點心其實唔算多， 十二定唔知十四樣左右，但樣樣係主打（如果有埋腸粉、叉燒包更正）， 因為都想留肚打邊爐，就叫左尼度幾樣茶樓特大中點試下先～牛肉球剛剛好熟，粉嫩的牛肉球加上喼汁，好好味～ 鮮竹卷正常味道～ 燒賣同蝦超多蝦，仲要彈牙既，正～ 菜苗餃都好好味，好有菜味（癈話），係個皮太厚想encore都唔得～尼個係人蔘灌湯餃， 真係有條人蔘㗎， 有蔘味，食埋成個飽左大半囉好啦 入另一正題： 火鍋胡椒豬肚雞湯底， 未淥前先飲啖湯先， E… OK喎， 唔係好辣但有胡椒味，成個湯唔會飲完口渴特別提下尼幾樣： 菜好新鮮， 個生菜一淥廿秒即上，索索聲😋； 脆肉鯇腩鮮味正； 雲吞同水餃都有彈牙蝦； 牛腱有根～ 丸及其他係正常嘅！不過… 當日嘅生蠔唔知點解有陣味，淥完上嚟唔食得🙈整體係唔錯既，可能個日唔好彩遇上壞生蠔，但點心真係好正，又可以放入Table list到啦

前陣子天氣驟降，想食雞煲，朋友便推介這間集結點心、雞煲、火鍋的放題餐廳。餐廳任食各式粵式點心，全部即叫即蒸，包括有蝦餃、燒賣、灌湯餃、炸春卷、鮮竹卷、紅棗糕等等共12款。一般點心的數量是4件甚至3件為一碟，由於我們只有兩個人，店員亦好貼心提示我們，填寫想食的件數，這樣便可以避免造成食物浪費。雞煲可以選擇辣度或者走辣，要半隻或是一隻雞，食完還可以免費繼續添加。雞煲醬汁香辣濃郁，雞件份量亦很多，但肉質並不算十分嫩滑。餘下的醬汁及配料再加上清湯就可以打邊爐。食材選擇多至50種，包括一些海鮮、肥牛、豬肉片、丸類、魚滑、蔬菜等等。對於任食放題來說，質素屬於一般，尚可接受。 飲品亦設有免費無限量任飲，都是一些罐裝的飲料。店內設有調味料區但需要額外收取$10醬料費。

昨晚終於都試到啦🎉由於上星期睇到專頁,覺得幾好😏突發想試下,點知打電話去訂枱,店員話當日好忙,最快九點半後才有位給我們,咁無理由等到咁夜嘅,所以就冇食到啦.🥲之後就訂咗今日9月16號晚上6：30來到試下雞煲🍲 點心🍢 打邊爐 💕我哋準時到達店舖,餐廳入面不算太大,店員姐姐好禮貌地帶我們座卡位,我哋可以選雞煲或者火鍋湯底,我哋選擇咗雞煲,點心不算太多,明白貴精不貴多,每樣都好好食🥰有我最喜愛嘅蝦餃😍特別介紹~人參灌湯餃,入面真係有一支人參😱每籠都熱辣辣大大件,過足口癮🥰先來係雞煲,香口好味不算太辣🍲火鍋選擇亦都算大路,不算太多對我來說是已經是夠食的😁總括嚟講抵食好味👍🏻👍🏻👍🏻可以一試😍

性價比超高，一個價錢就可以任食點心同埋雞煲仲可以打埋邊爐添😍想食嘅朋友記得一定要早幾日訂定位，如果唔係經常滿座就要喺門口等位啦點心方面，一定要食佢哋呢度嘅蒸蝦餃👍雞煲味道好正👍仲可以無限加雞😍火鍋方便，一定要食牛小排，廣島蠔同黑豚豬👍首先東哥本身佢哋嘅蒸點心一定有品質保證，依家仲可以任食點心然後再加佢哋超好味嘅雞煲，仲有冇揸流攤嘅火鍋配料👍，二百幾蚊又有得任食點心，任食雞煲，仲有好多靚食材嘅任食邊爐，真心推介比識飲識食既朋友仔

其實我真的很喜歡吃點心所以晚上也會刻意光顧點心屋飲杯茶，食個包這是我第一次幫襯東哥點心朋友說在元朗吃過它的籠仔飯很想帶我試一試所以晚上我們到了屯門分店試試以置樂餐廳而言鋪位算幾光猛企理我們二人坐在側邊的二人卡位發現身邊所有人都在吃火鍋點心任食店員也一直遊說我們吃火鍋不過因為一心想試籠仔飯所以沒有轉軚點了🐱蝦餃：大大隻，味道正常 $28 👍🏻👍🏻👍🏻👍🏻🐱燒賣：好大粒，不過蝦比較少 $28 👍🏻👍🏻👍🏻👍🏻🐱腸粉：皮很厚，顯得蝦很細，以及比較油 $30👍🏻👍🏻🐱奶黃包：真的有流沙，味道正常 $25 👍🏻👍🏻👍🏻👍🏻🐱籠仔排骨飯：排骨很多，飯味香，份量多$43👍🏻👍🏻👍🏻👍🏻🐱籠仔蒜蓉海蝦飯：蒜蓉味濃，海蝦很新鮮，飯鮮甜 $50 👍🏻👍🏻👍🏻👍🏻🐱南北杏豬肺湯：味道像一般菜乾湯，普普通通$35食物味道其實不差，不過點心一次過送上，所以吃到尾的時候已是涼的了，大打折扣🥲最差是只吃了半小時左右就已被吹交枱，因為外面有在等吃火鍋放題的客人，還被溫馨提示不要在7-9pm 吃點心，因為火鍋客很多，但其實我們二人也共吃了二百三十幾元，不比火鍋客吃得少...... 😔😔😔 吃點心也會想慢慢歎下茶，所以我

朋友介紹呢間飲茶帶埋我去喎😂平時多數去酒樓飲既又試下囉😊原來仲有做火鍋添架，搵日可以試埋🤭其實佢有套餐可以揀，我當然唔使揀因為朋友仔會直接推介邊樣抵呀邊樣好食呀🤣🤣我只要坐低聽佢講同埋食就ok了😌先睇睇正路既點心紙😁當然係雙面🤣無錯係喇喇喇📢📢📢睇下喇喂📢📢📢3蚊茶錢呀🤣我好耐未見過喇🤣🤣🤣好啦係我見識少🙈指定時間去食真係好鬼抵食👍重點係質素好過好多酒樓老實堅係正👍👍👍😋😋😋2個人埋單先76蚊咋👏👏😆

星期日同男友來東哥飲下午茶，2位食左5個點心，埋單$142意猶未盡，第二晚同好友Chris再來食火鍋點心放題，預早一日打來book位訂咗7:15pm，準時到達全場爆滿，等咗一陣就可以入座，本身餐牌上有寫$10醬油及加一服務費，暫時唔使收上次嚟食咗雞煲，好快飽，所以今次轉戰火鍋，泰國椰香冬陰功鍋泰國椰香冬陰功鍋內有蕃茄、粟米、蝦、青口...，冬陰公湯頭好正，香香辣辣野味，我哋食到尾都唔需要加水肉類只有四款，我推薦比大家四款都好好食質素好高，其他食材都新鮮點心堂食同埋放題都係用同一批貨，冇偷工減料，蝦餃好靚雪櫃有飲品汽水、啤酒自取，醬料放咗喺櫃上自己搞掂，服務員姐姐態度非常之好

恭喜東哥點心又再擴展分店蒞臨屯門。東哥十幾年前已在元朗教育路開設點心主題店，很快地憑藉出品，已在元朗區樹立薄薄名氣。他便在另一條街安寧路開設分店，兩店早晚均有營業，當年年輕我自己經常工作加班至深宵，就直接往東哥進膳，必點名菜是籠仔蒸飯，籠仔舖上原塊荷葉內裡包裹白飯及主食，可以選擇蒜蓉海蝦、鳳爪排骨、窩蛋肉餅，送來時陣陣荷香撲面而來，加點豉油，非常誘惑。然後，再多加一款點心，配上清茶幾杯，煩惱疲勞盡消，結帳才約一百元以內。由於經常光顧，記得東哥老闆是非常勤奮，上午會長駐教育路總店，晚上會跑到安寧路分店視察出品及廚師手門。東哥之紫底招牌配紅圈黑字，烙在心中。早上駕車經過屯門置樂內街，見到東哥開設的新店，便即時入內品茗。車可泊在門外或附近錶位，非常方便。內裡佈局都比元朗兩店大，建築師在設計上未有主題性，灰牆壁白天花綠椅子原木櫃，顏色冷暖錯配，令人心緒混亂。但也看得出新店是願意投資，全是新添天花冷氣射燈裝置。位數大概有六十餘，樓面員工四人，都是阿姨擔任。我不求服務態度，只求再享東哥精美點心吧。餐牌與當年元朗沒有太大分別，是正背A4紙張，約三十多款點心選擇。如果管理上沒有更改，東哥會每季更換餐牌