東京街日本料理 (西洋菜南街)

營業中

休息中

因為最近買了新相機, 舊的相機就在網上放售, 這晚約了買家在太子地鐵站交收, 完成後在附近找吃, 在飲食網站找到這間餐廳,可以用親民價吃日本菜,看來也吸引, 便決定試試。小食是一碟墨魚仔,食落爽口彈牙還有些香麻味道。當然不要錯過天婦羅蝦, 粉漿不太厚, 炸得乾身不油膩, 炸過後也能保持蝦的爽口彈牙, 也是好吃。最後有自選壽司(十件), 精美的賣相, 飯糰握得緊緻卻不太實，刺身的新鮮程度也是滿意,當中較欣賞吞拿魚和油甘魚豐腴有濃郁的魚鮮味; 花之戀的三文魚肥美而蟹籽晶瑩剔透味道不腥; 其他壽司也味道不錯。這裡的價錢夠親民, 食物質素也不錯, 環境企理乾淨, 就這晚所見人客也不少, 是相當旺場。

今日又同朋友去太子買野，順便黎食東京街，記得呢間係太子既日本野幾好食，所以又要encore🤣🤣 (有d 朋友叫既價錢忘記了）刺身拼盤🤤🤤 有齊三文魚，三文魚腩，帶子，吞拿魚，池魚，甜蝦，油甘魚，樣樣都係我鐘意食既☺️☺️刺身好新鮮，用冰底上可以保持新鮮，我地邊食邊傾都唔怕放太耐芝麻八爪魚 ($35)幾好味既小食，朋友指定要叫🐙🐙蟹子沙律 ($28)食日本野都係最鐘意呢隻basic 既沙律，仲要打解膩添廣島吉列蠔 ($48)熱辣辣炸起夠哂脆，唔會太厚粉，size 適中，配埋個汁岩岩好清酒煮蜆🍲🍲用鍋上碟既，店員仲細心提醒我地呢個好熱要小心，個蜆煮得好入味，食完咁多凍野有佢暖下胃幾好😙😙海膽魚籽花之戀壽司 ($38)三文魚腩壽司 ($20/2件)赤蝦壽司 拖羅魚蓉帶子戀壽司 ($25)壽司類都幾出色，花之戀同帶子戀都係佢地既特色怪獸壽司，配搭得幾好，有鮮味又有多重唔同既口感，食完好滿足😋😋📍 東京街日本料理 (太子)太子西洋菜南街228號地舖

第二次去呢間餐廳，質素依然好好，好抵食。~~田園沙律d菜好新鮮，配埋個汁，好開胃。~~雜錦天婦羅即叫即炸。食落好香口，好脆。蝦好大隻，食落好爽口。番薯好甜，好好味。~~炸三文魚頭炸得好酥脆，好好味，又唔會好油。魚肉好嫩滑。食到停唔到口。~~刺身生蠔好大隻，好新鮮，食落好creamy同鮮甜。三文魚好厚切，睇到d魚紋就知好新鮮，食落好香油脂味，口感同味道都一流。帶子都好大粒，食落好爽口。~~壽司拼盤怪獸三文魚腩壽司，三文魚腩好厚肉，食落好肥美。帶子拖羅戀都好好味。火炙赤蝦壽司，蝦好新鮮，加埋d蒜香牛油，好夾。

你去開邊度食魚生飯？有無諗過幾十蚊可以食到有幾種刺身嘅魚生飯？有時爭x盒裝魚生飯都要50蚊啦所以呢度嚟講算係幾抵架啦何不坐低舒舒服服咁食？入店可以食埋個service添88蚊我就可以食到有帶子三文魚（仲要係魚腩）牡丹蝦同蛋蛋啲壽司飯ok酸酸地夠醋味所有刺身都無腥味夠新鮮魚腩真係好厚但全部都唔係勁鮮甜炸餃子勝在夠多隻皮同餡都係普通嘢一個人想平平食食日本嘢又唔會要求勁高我覺得可以去試下係街坊價同街坊味道

簡單講重點，精髓:夜晚同女友去試下新餐廳1.)一入去被安排坐係喇叭隔離，全程被的日本風味歌嘈到傾唔到計，2.)等野食途中聽到廚房方向不停四字粗口真言問候人地娘親的聲音淘淘不絕，我地係坐得好近廚房位置的(金色長髮女士)感覺，去咗茶記3.) 當享用完晚餐，飲茶之際，服務員走過黎問枱上的壽司碟仲要唔要，當禮貌地回應可以收走時，服務人員快速地將鼓油碟，Wasabi, 墊枱紙，所有枱上物品收哂，如果唔係我拎住隻杯，都應該收走埋，此舉我相信是想我們盡快還枱做下一枱客人生意，但由入座到食完枱上食物不到半小時，我話可以收走的壽司碟，但我冇話我唔食唔再加單喎食飯品質是好的，但服務態度，處事方式，環境的設定，廚房的衛生希望有改進的地方(座枱枱號3號)

一經過門口見到寫住東京就俾佢吸引咗入黎，餐廳裡面唔係好大，但裝修得都幾有日式風味，食物選擇都好多，基本刺身、壽司就一定有，而鍋物、炸物都有好多款，有選擇困難症可能要叫拼盤或者定食先得啦。帶子甜蝦戀壽司帶子同甜蝦都好新鮮，好有海鮮鮮甜味，上面仲有魚子，食材一啲都唔吝嗇。芒果花之戀三文魚嘅油脂香同芒果嘅甜味加埋好夾，一般花之戀沙律醬味道太出，蓋過咗三文魚嘅味道，變咗做芒果嘅效果好好。黑椒三文魚醬油漬壽司三文魚經過醬油漬處理後，仲係好嫩滑鮮甜同帶有陣陣醬油香味，再有少少沙律醬同黑椒調味，好食。.蒜香牛油大赤蝦壽司大赤蝦好彈牙，仲好鮮，蝦上面有牛油同蒜蓉，加埋一齊食都唔錯。.火灸醋青魚壽司醋青魚用醋醃製過有微微酸味，上面仲有梅肉，令到壽司食落更有層次。刺身拼盤三文魚腩厚切，食落啖啖肉，食得好過癮。吞拿魚一啲筋都無又新鮮。北海道帶子又係好厚肉夠哂鮮甜。油金魚肥美鮮甜，油香味十足。三文魚頭雜菜鍋三文魚頭大大個，魚頭肉同魚鯇好滑，下面雜菜有金菇、豆腐、冬菇等等，連埋魚頭一齊煮，啖湯好有鮮味。日式炸蟹鉗炸蟹鉗啱啱炸起就上枱，食落熱辣辣，加埋甜酸醬一齊食更好食。

舊年疫情最嚴重嘅時候禁堂食，無意中發現東京街外賣壽司，覺得又抵食又平，所以周不時都會嚟買～原來依家仲開咗堂食，就一於同朋友嚟食下。平日晚上嚟食，全場都差不多坐滿，生意幾好～刺身我叫咗三文魚腩、油甘魚、池魚同埋拖羅，三文魚超誇張超過成寸厚，全部都好肥美，性價比好高呀！晚市極尚火炙壽司呢度嘅火炙壽司絕對係必食之選～一共有10舊好抵食，其中最好食嘅就係左口魚，咬落去充滿油香！另外芝士蟹棒，蒜蓉帶子都好香口～壽司九宮格海膽三文魚子花枝戀壽司+厚切三文魚腩花壽司+原隻有頭甜蝦配帆立貝壽司+油甘魚壽司🍣擺盤好靚～仲要好大方，件件厚切，又肥美又新鮮！三文魚頭湯烏冬三文魚頭同埋魚鮫油香十足，個面有炸過好香口，魚肉好滑！湯入邊仲有好多娃娃菜同埋櫻花蝦，烏冬煙韌有口感。煉奶芝士年糕$32啱啱炸起勁香脆，個樣睇落好似炸饅頭咁樣，其實內有乾坤！原來係年糕入邊包住爆餡芝士，點埋煉奶真係超級邪惡～不過大大嚿一件都好飽啊。蟹籽沙律$28青瓜絲加上蟹柳同埋蟹籽，配上沙律醬，口感清爽！整體來講性價比超高，下次要再嚟食過！

友人生日，諗緊食咩好。睇到openrice 既餐廳滋訊介紹呢間餐廳CP 值高(睇相都覺得唔錯)，就去試下。當晩叫左個幸福摩天輪，諗住可以試下多D唔同類型既壽司，誰不知愈食愈覺得唔對路。海膽如果唔好食的話，係可以好難食。而當晚個海膽就係有股化學味，如果無食過好食既海膽，第一次就食咁樣海膽既朋友可能就會蒙上陰影，以為海膽就係咁既味。當晚另一件完全食唔落既壽司就係炸鵝肝壽司, 從來未食過咁重膻味嘅鵝肝😵‍💫咬落去並唔係食到油脂既香味，而係膻味，最後要吐翻出嚟。生蠔嚟講正正常常、但唔係特別鮮甜。當晚除咗俾以上提過嘅壽司嚇親之外，其實都都有啲好食嘅。例如三文魚腩的確厚切肥美，牡丹蝦壽司同埋其他魚生壽司都正常水準。建議大家嚟呢度食嘅話，叫D大路既壽司就好了，眼見我哋身邊嘅人都叫啲壽司盛食，呢個就性價比比較高。咁樣嘅幸福摩天輪就差唔多$600，食完一啲幸福感覺都冇😵‍💫

抵吃大件刺身飯😌已經是第二次介紹啦！✨✨出名抵吃的「東京街」不失所望👍🏻炙燒魚生飯，$108魚生包括：拖羅、左口魚、三文魚、油甘魚。每樣都厚厚的💕💕肥美的✨✨✨更配上甜蛋和蟹柳😆很抵吃✨✨此外點了人氣之選「怪獸三文魚腩壽司」一件$25三文魚腩真的超厚超厚！啖啖肉！👍🏻下次會再去💕💕💕

嚟到太子 見到有間日本料理都幾多人排 價錢又抵食 緊係唔執輸入去試下炸生蠔表皮超脆 而且唔會太多粉或者台乾 蠔味濃郁 夠曬過癮！胡麻醬豆腐沙律豆腐好嫩滑 配搭refreshing嘅沙律菜 係開胃好選擇三文魚頭湯呢個湯係出乎意料地足料 湯本身鮮甜已經好正 除左魚頭之外仲有大大塊輕微炸過嘅三文魚肉 金菇同粉絲都有 飲完已經飽飽地呢度主打係壽司 緊係要叫翻幾款啦帶子吞拿魚蓉壽司好高質 新鮮清甜 個人認為係必叫黑松露香味同吞拿魚嘅微腥味估唔到會咁夾 食完一陣餘香味仲係度炙燒和牛壽司都好重牛嘅脂香唔少得超厚三文魚刺身 魚香回味無窮每款都無令人失望！最後叫左個大蝦天婦羅 4隻都咁大 同樣炸得出色 同區真係唔知仲有無咁高質又抵食嘅日式料理 會再回頭幫襯！

約好左今晚放工後去花墟買花💐然後到附近dinner, 搵左呢間可以打電話📲訂位既餐廳(如果有得網上訂位就更好喇)。我地點左晚市極尚火炙壽司定食, 日式唐揚雞拉麵同可樂🥤。晚市極尚火炙壽司定食 - 雖然我好鍾意食壽司, 但就絕少會嗌壽司定食黎食, omakase 直頭無食過, 因為我個胃唔多好, 所以食日本野都唔會淨係叫曬刺身呢類生冷食物, 一定會加個湯同嗌D小食中和一下。加上, 無論朋友推介或見網上評價好的omakase份量都好多, 最少都10件壽司, 真係食唔曬(討厭食魚🐟同刺身既老公一定唔會肯幫手食)。但今晚見到呢個壽司定食就覺得好吸引, 因為佢係火炙同埋唔係全部都係魚, 咁就可以分D比老公食喇。呢個晚市極尚火炙壽司定食我真係好推介, 每一件壽司都好新鮮足料, 厚肉。樣樣都好味, 尤其鰻魚必食, 好少主動嗌鰻魚黎食, 因為太容易食到雪藏味重, 一係多骨又腥。而東京街日本料理的鰻魚就非常高質, 入口嫩滑肥美, 醬汁香甜。另一覺得要特別讚下既係左口魚, 發現原來左口魚呢種食材好適合火炙, 炙燒過後的左口魚魚油香氣十足, 好味。$148呢個價錢只可以用超值黎形容。不過MENU寫住晚市定食

人數：3個（女）日期：啱啱～時間：8:00天氣：少熱天氣熱無乜胃口就想食壽司行到咁啱有位，入去坐低冷氣好夠～涼晒叫左個香葱呑拿魚腩丼飯，一個火炙壽司定食，仲有呑拿魚腩小卷同火炙芝士玉子👍🏻呀！仲有個前菜螺肉～好抵食呀！整體評分：中上上 🍣🍣🍣🍣螺肉（35）：味道不太對～可以避免就避免香葱呑拿魚腩丼飯（78）同小卷（28）：份量真係無得比，呢度簡直係用呑拿魚包住啲飯咁多火炙定食（148）同火炙玉子（18）：每次都有點～款式多，又抵食，三文魚肥美好正服務：主動性一般，其中有一個好有禮貌環境：港式日本風清潔：尚可而家仲有得係openrice買coupon 用～值得一試～滿足抵食～

上個禮拜趁住阿媽放假，就同佢嚟到旺角啲邊搵好嘢食～佢話想食日本嘢🇯🇵我哋就揀咗呢間日本餐廳，感覺幾好味😋刺身拼盤一大個拼盤，仲有縷縷絲煙出嚟添～好有仙氣！入面有唔同種類嘅刺身，全部都好新鮮～尤其鍾意三文魚🍣超級大塊好厚肉，食落覺得啖啖肉，仲有拖羅都好正壽司拼盤有好多款嘅壽司🍣三文魚壽司都係好正～壽司好新鮮，最特別嘅係芒果花之戀，有香甜嘅芒果粒喺壽司面，仲有三文魚包住，幾靚～鮮蝦壽司都好好味😋天婦羅蟹鉗炸得好香嘅天婦羅蟹鉗，外皮卜卜脆，入面有新鮮嘅蟹肉，好正～牛油果蟹肉壽司第一大塊牛油果片🥑係壽司面🍣中間係天婦羅蟹肉，牛油果幾香，中間嘅天婦羅蟹肉脆卜卜，幾香口蟹籽沙律一大碗蟹籽沙律🥗有好多蟹籽，仲有啲蟹柳條，底下有好多青瓜絲，配埋沙律醬，酸酸甜甜，幾好食😋海鮮烏冬好大鍋海鮮烏冬，有唔同嘅海鮮🦞包括青口，大蝦等等～海鮮幾新鮮，幾清甜，仲有好多烏冬，豆腐好香滑，仲有啲薯粉係入面，超級豐富～

- 最近行開太子，見到呢間價錢唔貴同幾多人食既日本餐廳，於是決定入去試一試，點知都真係好有驚喜🤩。- 前菜我地叫左小食拼盤，每碟份量都好足，有中華沙律、八爪魚仔🐙同仿魚翅海蜇。另外仲叫左蟹子沙律🥗，又平又抵食，仲好清新添！- 至於炸物就叫左日式炸蟹鉗，粒粒都夠熱夠大粒，金黃香脆，食落口唔會好粉，而且好彈牙。- 刺身方面，我地見都幾抵食，所以都叫左唔少。當中，花之戀四重奏賣相係最靚既，由4款刺身卷成花型，塊塊厚薄均勻。- 之後，我地就叫左油甘魚刺身、三文魚腩刺身、池魚王刺身同甜蝦刺身既二人份。油甘魚晶瑩剔透，非常甘香，唔會太厚，仲好新鮮。而三文魚腩刺身就完全唔同，厚度係怪獸級別👾，食落有油香同好爽彈。而池魚王刺身就挺身得黎帶點清甜，睇到師傅刀工唔錯。而甜蝦刺身就蝦如其名，甜度十足，勁好味😋！- 另外壽司都叫左幾款，包括：東京首產怪獸壽司、怪獸三文魚腩壽司同大赤蝦壽司，全部價錢非常經濟實惠。東京首產怪獸壽司係由甜蝦、海膽、三文魚子同吞拿魚茸整成，一口落去，真係可以分解成唔同味道，非常有層次，但共通點都係非常清甜。而怪獸三文魚腩壽司就同刺身一樣，非常厚實。大赤蝦壽司同樣厚實，飯底唔會好鬆散

9 0 後 的 味 蕾.去開花園街嗰邊買金魚，，原本諗住食吓街頭小食，快快脆脆搞掂個晚餐，點知見到新開左一間日式餐廳，睇個Menu見到日本料理款式種類幾多，價錢都幾實惠，就入去試吓！.食完之後有以下總結：✅食材新鮮、刺身肥美✅價錢極度實惠 、CP值極高✅餐廳上菜速度超快.餐廳環境充滿日本氣息，牆上掛滿女技藝畫像，又播放住輕快嘅日本歌曲，令到自己都覺得好似真係去咗日本咁🤣🙊.🔸素翅海蜇 $38呢個配搭幾好，份量都幾多，素翅好滑，海蜇又夠爽口🔸三文魚頭湯湯好清甜，好濃郁嘅娃娃菜味，三文魚頭超大塊，好多肉，稍為炸一炸之後，魚油香濃郁，魚肉又夠滑.🔸刺身刺身好新鮮，完全冇腥味又冇雪藏味，餐廳仲要勁慷慨片片都好厚身，三文魚腩我覺得有1cm厚，叫一碟四件都只係需要$58，仲抵過買一舊返屋企自己切，三文魚腩油脂香味濃郁，赤背夠爽口，蝦有膠質既黏口感，好新鮮，池魚就夠清香.🔸壽司🍣呢間餐廳就算你有選擇困難都唔使驚，超多款壽司、手卷俾你任揀，價錢仲要低至$14有兩件，炙燒和牛壽司啲牛香味好濃，怪獸三文魚腩壽司基本上係必點，帶子壽司好清甜，亦都係必點系列.🔸煉奶芝士年糕 鍾意食芝士年糕絕對唔可以放過，中間