李家 (已結業)

睇左街坊廚神舌戰新台韓飲食節目之後，推介左李家韓國餐廳食炸雞，於是就走黎試試。一上到去環境都OK，不停播住韓式音樂，而且坐卡位唔怕同人地背撞背都坐得都幾舒服。本身就好喜歡食芝士，一座落咩都唔駛講就點左金剛話要試的芝士炸雞，再點左個辛辣面。等左二十分鐘個面就黎，黎到第一個感覺係少同咩料都冇，得隻旦係底同埋一碟仔泡菜，食落冇咩特別，敢就盛惠五十！再等多十分鐘，終於主角出場，以為好野在後頭，之前個D印象可以當粉筆字抹走，點知一食落去，舊雞炸到好乾兼且好鞋，冇咩特別，芝士炸雞只係炸左D雞係上面加芝士粉，食兩、三件已經唔想食。講真未試過GE真係可以唔駛黎試！！

差!一上去間餐廳陰陰暗暗,唔似食韓國嘢的感覺。一大班職員係廚房玩,睇埋餐牌,一碟炸雞要160,嘩,可能我窮,真係想走,不過朋友好想食,咁即管試下,叫左炸雞同烏東。前菜係一碟生椰菜加千島汁 ,一碟酸蘿蔔 ,呢二碟嘢真係好好食,生椰菜好生,酸蘿蔔好開胃,祝你好運啦。因為去完書展好攰,所以等都覺得ok,但由攰等到肚餓,都未到,一睇錶,原來已經半個鐘,如果成間好多人客,我都理解,但係因為已經十一點幾所以得我一枱新客,其他都食緊嘢,你都可以覺得我因為晏入去人地要收工所以無咩人做嘢,但間鋪寫營業至0400,當時2300咁我入都正常,茶木收2400我2230到佢話last order我都走,唔想阻人收工。叫個侍應問下係咪真係要咁耐,佢好型咁答我一個字''係!'',但即刻衝入廚房,搞左3分鐘,就有個烏東,個烏東就咁加左dd炸粒粒同蔥,要搞成半個鐘?即拉烏東?!食評係唔彈牙,好淋同埋好似人地食完咁樣散收收。雞肉芝士年糕,好多芝士,多到唔洗錢,但唔會有芝士個d好漏嘅感覺,雞肉好乾同好小,唔食得辣真係唔好食,年糕都得剛剛好嘅.....

話說我晚上2200左右係旺角搵野食,因為落緊大雨既關係,十分狼狽,所以諗著求其係附近搵d野食算數,見到依間李家,諗著新開就試下啦,上到去,有兩三枱客係度,我坐張枱可以望到廚房門口既,佢鋪頭燈光好暗,又不停超大聲咁播放韓文歌,但間間鋪頭style都唔同,所以都算啦。去到點餐,個服務員態度已經唔係好,咁我點左一個芝士辣雞炒年糕($160),一個蜂蜜蒜蓉炸雞($180)同一個烏冬麵($50),落單之後,時間一分一秒咁過去,已經過左30分鐘,終於都有人幫我地加水,咁我忍唔著就問佢...嘜真係要等咁耐既咩,佢答我係架,之後我見佢行左入廚房,唔知講d咩,我心諗佢地9成漏單啦,之後過左5分鐘佢上左個烏冬麵比我,我一望...又細又小,仲要唔太好味,之後過多5分鐘,個芝士辣雞炒年糕都黎啦,食落d雞好硬,整體都唔太好食,再過左5分鐘,幫我落order個服務員問我地野食黎齊未,我話未,仲差個蜂蜜蒜蓉炸雞,佢個樣呆左,我就同佢講未整就幫我取消左佢,佢答我好,之後我見佢去左係張單度寫野,咁諗著野間野咁,快d食埋快d走啦。點知叫人埋單,黎到有張白紙上面寫著$459蚊,我話你地點計架,可以比張單我睇下嗎,佢竟然同我

從來不算是韓式料理的粉絲(雖然也有突然很想食石頭飯的時候)，今次因朋友推介，所以幾個人一齊來試她的翻食之選☆閒日夜晚7點前，只是半滿，所以環境不算嘈雜，可以一路食一路暢飲一路吹水~雞泡魚乾 ($90)幾塊薄薄的魚乾就$90?!?!無錯，你無睇錯，真係得幾塊架炸，因為唔係普通魚...而係雞泡魚~~睇電視都知，要處理有毒的雞泡魚係需要特別的技術，所以真係好珍貴呀~~佢口感其實好似魷魚乾，但薄好多同硬身好多~ 不過個香味好野味，加上附上的蛋黃醬或辣醬一齊食又有另一番風味~~超級推薦呢款小食用黎送啤酒...... 原味炸雞($150)食開日式居酒屋炸雞的我，在韓式啤酒炸雞大熱之時也沒專程去吃。想不到現在熱潮稍稍降溫，反而炸雞店一間開完又一間。李家的炸雞也算出名，所以今次真的要認真試一下 好啦，我認佢真係好好食呀個皮炸得脆而不油不膩，入面的雞肉完全保留到肉汁，非常juicy每粒雞都大大粒，獨食難肥不得不提，當然仲有個辣醬，豐富左雞塊的味道而唔會搶走雞肉的鮮味泡菜餅($120)像酒樓裡食的煎薄罉，不過加入了泡菜，辣得黎又好好食。泡菜的味道與附上的特式洋蔥醬汁十分夾，享受完泡菜的原味，不妨點醬汁試

試新野，可惜一打開個餐牌已經覺得好乏味，無乜野食選擇，而且價錢仲唔平囉！一個辛辣麵$50，仲要煮得好硬！魚餅鍋$150，裡面d料少到阿媽都唔認得，芽菜就最多，完全唔值呢個價囉！海鮮餅$150，d粉勁多，好厚，口感好核突！芝士炸雞$180，得呢個叫做正常囉！絕無下次幫襯呀！🙅🏻（食左$594）

同學聚會一行十人，原來約了去尖沙咀的李家，但因為太多人，所以店員叫我們搭的士去旺角新開的分店，當然的士錢佢地比可能因為未攞到酒牌，可以自攜酒精飲品我地叫了兩份炸雞原味，甜辣及蜜糖蒜香，另外再叫了兩份香腸，芝士海鮮年糕超多🐷士可以拉好多C還有一個類似豬排的肉餅，及鐵板5花腩，當然還有不少得的芝士旦yummy，整體的食物還可以，份量都很大，多幾個人可以試多幾款

後悔無睇食評就上去食一行兩人，第一感覺環景唔錯，侍應都好好，主動黎介紹，侍應話兩個人建議叫碟炸雞加一樣野（唔餓就可叫湯類，餓就叫年榚或肉類），問佢炸雞會唔會好多，我地怕兩個人食唔哂，跟住佢話：「吓…兩個人點會食唔哂啊？都係十幾件，唔會好大件」，咁我地到最後就叫咗炸雞加湯類叫完後，上前菜，得生椰菜絲加千島醬同酸籮白，都幾差……到主菜：雙拼炸雞，都幾脆，但酸辣醬比較（漏），食唔到幾多件而個湯……味道都可以，但個湯無乜瓜菜，芽菜都係得小小最後碟炸雞都食剩一半，（漏）到食唔哂，總結感覺好唔抵，好似局你食唔比你擇咁，兩個人邊可能食到咁多雞，又無細size選擇，埋單$380倒，但好似無乜食過野咁………暫不考慮會再番去食

好多人推介李家韓國餐廳，今日一嚐，原來虛有其表，一入餐廳，男侍應已經態度好差，坐左好耐，水同menu都無，終於有位女侍應幫我地落order，叫左一份泡菜餅，一份雙併炸雞，前菜只有菜沙律同酸梨，沒有泡菜，泡菜餅味道一般，但好油膩，炸雞除左辣，一啲味都無，見到廚師將傳出來的食物放在垃圾筒上好耐先有侍應傳菜，叫左好耐都唔加水，男侍應又講粗口一路係我身邊鬧個女侍應。對哩間餐廳的環境及食物都好失望，一碟炸雞都$160，卻換來咁既質素！！唔會再返去幫襯！！！！如果想貼錢買難受就去啦

見是分店開就試下. 一去到一個人都冇. 可能是新開, 冇人知. 叫辛辣麵試下. 先上前菜.如圖, 真係不知所謂. 賣相不好 及冇味. 真係有史以來最難食的前菜. 可能不用錢, 韓國老闆以為整d垃圾, 香港人都愛食. 我想可能辛辣麵要錢, 會好食d.等25分鐘都沒有. 有冇搞錯. 只得我一個人,為何要等. 不要話我知要煲湯. 等了30分鐘,結果見條友拿剛買辛辣麵即食麵急腳去廚. 我心想你連麵都冇就開店, 不給服字都不行. 5分鐘後麵就上. 結果發現我去黑店. 你看圖, 冇肉, 冇海鮮, 冇菜, 只有一隻蛋. 湯是即食麵湯底. 麵少少生. 麵份量極少, 我想可能是1個麵份量.埋單是55元. 食完好似冇食,結果要食老麥, 發覺竟然好食好多. 回公司看佢灣仔分店評價, 竟然有客 話食KFC 好食佢整炸雞 ><

本來想去尖沙咀店，點知俾我哋發現咗原來旺角有分店，即刻嚟試。一行10人叫咗好多嘢食，老老實實好多都好好味，而且份量都好多吓，所以建議最好一大班人嚟食。職員招待好好，或者我哋半夜先幫襯，所以冇咪其他客，可以專心serve我哋。一句講晒，鍾意食韓國嘢，又愛食宵夜，真係首選。