李圓圓 (億利工業中心)

營業中

休息中

昨天在這店買了一杯黑糖珍珠奶茶，然後插飲管時已滿到瀉，已經十分麻煩，還好沒有把衣服弄到，點了少冰少甜結果一點冰塊也沒有，重點是珍珠熱，奶茶不冷不暖，有常識都知道這些冷暖溫差下很容易會肚瀉，於是向收銀員反映意見，於是被那沒禮貌及惡劣的嚇怕了，還氣直理壯說這樣的，一氣之下步出門口便把整杯丟了，只喝了一口而已，絕不會光顧這店，有生之年喝過最差的珍珠奶茶就在這裡。

李圓圓好出名，珍珠奶茶控既我終於黎一試叫畫一杯黑糖珍珠綠茶2.0無糖小冰試完感覺個珍珠的確係好好食好煙韌彈牙因為佢地用鍋保持暖度，令珍珠煙韌得黎係帶有少少軟，係好好咬。唔會得個韌字但個茶底個人感覺普通我仲要叫綠茶2.0真係覺得茶底普通冇特別真係個珍珠救左杯野

全港最好飲黑糖珍珠奶茶應該係😛黑糖珍珠鮮奶2.0黑糖味超級無敵香，但係甜度調中應該係黑糖品質非常好先做到咁嘅效果🤣珍珠偏淋但有咬口已經變咗我心目中黑糖珍奶嘅number one

叫咗兩杯嘢飲，一杯係綠茶鮮奶，另一杯係茉莉黑糖珍珠，雖然等咗唔係好耐，服務態度都幾好，但係兩杯都好難飲尤其係個杯茉莉黑糖珍珠，啲茶冇味，好似水，淨係靠啲黑糖珍珠挽救甜味，如果唔係每啖都有珍珠真係好唔掂......另外個杯抹茶鮮奶明明淨係叫咗少冰，都冇叫少甜，結果成杯好淡味..啲冰未溶都已經唔夠味，溶完之後仲淡咗味......兩杯加埋都要46蚊，又唔係好抵，size唔大，但又唔好飲，唔會再試......

話說我哋承蒙走肉·朋友嘅邀請試糉，🐷就同🐖同🐷🐷一齊去D2攞糉，順手飲埋哩間咁出名嘅黑糖珍珠鮮奶店🥳。———————————————————— 舔舔脷指數 : 🐽🐽🐽🐽🐽🐽🐽🐽(8.5/10）抵食指數:🐽🐽🐽🐽🐽🐽🐽🐽(8.5/10）———————————————————— 黑糖珍珠鮮奶2.0($33) 豬🐖揀咗黑糖珍珠鮮奶2.0，2.0即係鮮奶🍼🍼🍼+30%，黑糖珍珠真係好好好好好食，超級煙韌，好好咬好有嚼勁，雖然佢冇得揀甜度同冰度，但飲落唔係好甜，係啱啱好😋👍🏼，奶味🥛好重好滑好好飲，係🐖飲過最好飲嘅黑糖珍珠鮮奶。黑糖珍珠鮮奶紅茶($30) 豬🐷🐷就揀咗黑糖珍珠鮮奶紅茶☕️，揀咗半糖，紅茶味較重，帶少少澀😫😖，奶味啖，同埋可能佢本身都唔太甜，半糖飲落完全唔甜，🐷🐷覺得唔太好飲。不過珍珠幾好食，煙煙韌韌咁。

而家夏天真係好熱好熱，出街一陣都溶左🥵真係頂唔順要買返杯珍奶😝今日來到我覺得全港最好飲的黑糖珍奶鋪，李圓圓❤️-今次試下新嘢，就係黑糖珍珠奶昔，其他地方一定冇😬其實同佢地原本的黑糖珍奶分別唔大，只係加左碎冰入去打成沙冰，感覺更消暑👍🏻 同埋佢地的黑糖係一如既往的咁濃，好香黑糖味，仲要可以掛到個杯好靚😂飲落去黑糖珍珠仲係暖暖地，加埋沙冰一冷一熱，令粒珍珠好似過冷河咁，更煙韌同QQ🥰 但有個唔好處就係因為加左冰落去，所以奶味變淡，冇我平時飲開的咁濃🧐 同埋間唔中都會有小小碎冰咁。-但我都係咁中意呢間，好推介，如果大家中意濃的奶就叫返原本的，如果中意凍啲，同沙冰就即管試下呢款啦😝

小編心目中黑糖珍珠鮮奶top 3，李圓圓都有上榜！今次試吓另外一啲嘢飲先😝 😋 冬瓜茶 $20 無得去旅行就會諗起台灣嘅味道😭 最近小編又飲咗好多冬瓜茶，李圓圓嘅冬瓜茶唔係好甜但冬瓜味比其他飲過嘅都重！原來用咗冬瓜磚，唔怪得同其他地方飲嘅唔同😝 😋 黑糖珍珠鮮奶2.0 $33 呢杯起碼半年前飲，嗰陣未寫食評，我盡量靠記憶寫兩句啦😂 之所以叫2.0係因為佢係厚奶version，即係多咗奶。要介定一杯珍珠鮮奶or珍珠奶茶好唔好飲，就緊係要睇啲珍珠煮成點，唔係嘅話我飲淨鮮奶/淨奶茶好過啦係咪先😅 李圓圓嘅珍珠又係有甜味同勁彈牙，咬落去係真係feel到佢彈，堅好飲，必試🥰

全靠咁熱既天氣🔆 好同事決定萬歲🎉 令到我有機會試下<李圓圓>呢間黑糖珍奶🥛過江龍Yeah~ 多謝同事👏🏻 (btw 外賣🥡送達速度真係好快😲)1️⃣ 黑糖珍珠鮮奶紅茶🥛- 半糖少冰黑糖珍珠仲有微微既溫度♨️ 最重要係量真係超多🥰 每粒都充滿黑糖味道又唔會過甜😋 而且仲大大粒好Q彈好好咬😬 飲到最後要粒逐粒咁啜上黎咬😆我飲得奶多會肚痾🚽 所以無叫最出名既黑糖珍珠鮮奶🥛剩係叫左+紅茶既版本😆成杯野飲落感覺就偏淡少少🤏🏻近排想食得健康少少🤏🏻 但係個個都話<黑糖珍珠鮮奶🥛>係最好味😋 睇黎又比多次藉口黎懲罰下<李圓圓>😆 飲埋之後再努力過🙈

來自台灣淡水嘅過江龍😻 我大大話話都飲過幾十間台飲店，呢間嘅黑糖珍珠係我食過最好味嘅☺️🥤 黑糖珍珠鮮奶2.0 $33呢款係招牌NO.1，果然冇失望～ 2.0係比一般嘅增量30%鮮奶，奶味好濃郁但飲晒成杯都唔會好膩😙 另外黑糖珍珠用明火烹煮，好煙韌勁q彈，咬落去仲有好香黑糖味，好好咬的珍珠🤤🥛 黑糖珍珠奶昔 $33好少見到呢個combination，所以好奇心驅使下就試埋佢，一樣冇令人失望😌 佢將鮮奶整成冰沙，一飲就勁透心涼，好特別的飲品～😌雖然黑糖鮮奶唔可以調整甜度同冰度，但飲品做到甜而不膩～ 大滿足😌😌

近期香港熱門台式飲品店之一，剛好荔枝角有分店，亦都係我第二次幫襯。呢次我揀佐冬瓜茶，甜度適中，而且有得比你揀溫熱👍🏻👍🏻👍🏻👍🏻唔會等好耐，服務亦Ok, 所以會再黎❤️

聽過大家推介李圓圓，講到係全港最正嘅珍奶咁，終於今日黎朝聖一下。今日飲嘅係新推出嘅黑糖珍珠2.0（$33），仲有同款嘅紅茶版（$33）。2.0即係少啲冰多啲奶，用嘅仲係明治奶，奶味更重更滑！呢度珍珠嘅size比出面一般嘅更大粒，黑糖味好突出好吸引，好有咬口，每啖都食到黑糖味～因為宜家疫情關係都好少係公眾地方行住飲，呢度有好貼心嘅外賣包裝，一次過連埋飲管同兩杯飲品。呢度達卡位都唔錯架，走之前影多兩張相都得！而且店員都幾有禮貌。

幫襯同路人系列特登來回30min幫襯李圓圓以為假日位於工廈區冇咩人幫襯啦原來都好多家庭客店面有個好cute cute 的大招牌打卡一流仲可以睇到入面廚房煮緊黑糖珍珠，沖飲品同包裝幾開放式樓面裝潢都比較簡約列出一些招牌飲品喺櫃檯餐牌都一目了然選擇唔算好多但分類清晰甜度則只有3級沒有微糖的選擇不過都OK我在等飲品期間見到廚房的員工將一大盤黑糖珍珠倒入樓面個鑊度擺到明是現煮黑糖珍珠由於我唔飲奶類嘢，於是點了茉香黑糖珍珠（半糖，少冰）臨走時，店員會問我是否即刻飲我答: 唔係（其實我當時唔知答「是」或「否」會有咩唔同待遇）原來我答：「唔係即刻飲」時店員會幫我將飲品打包放入有李圓圓logo的杯套內拿走免費的包裝走回家15分鐘，回家後即刻品嚐覺得黑糖珍珠雖有黑糖香但我個人比較喜歡煙un的珍珠李圓圓嘅珍珠比較淋但珍珠數量頗多足夠送飲料茉香黑糖珍珠的茶味則稍遜要認真細味先感覺到茶味，但都尚可都叫有茶味比較啱唔鐘意太茶味嘅朋友黑糖珍珠值得一讚是新鮮現煮可惜咬感一般

睇過 FB 才知道 , 今日 30th April, 係 #國際珍珠奶茶日 , 實在冇唔買一杯珍奶飲的理由 ~ 適逢在這個「真五一黃金週」要幫襯 , 當然要幫襯黃店 , 買珍奶 , 我就選擇了出名黃店的 李圓圓 ~Menu ~黑糖珍珠鮮奶紅茶 : 賣相踏實，以純鮮奶取代無益的奶精，味道更香醇，也當然更健康 ; 黑糖煮成的珍珠 , 粒粒Q韌彈牙 (黑糖亦是在店舖內現煮的)，濃厚的黑糖味道是這杯珍奶的關鍵，味道甜蜜又不會過甜 ; 珍珠奶茶嘛 , 說到底 , 茶底當然是靈魂之所在 , 茶底味道香濃 , 有回甘味又不苦澀 , 紅茶+鮮奶+珍珠黑糖 組成了黃金三角比例 , 有夠好喝 .... 真是越飲越過癮 ~#bubbletea #珍奶 #珍珠奶茶 #國際珍珠奶茶日 #真五一黃金週 #黃色經濟圈 #黃店 #良心小店 #李圓圓 #bubbleleehk本篇完 ~

係網上面見到大家話呢度既珍珠好好食，我都忍唔到過黎幫襯見到招牌話呢杯黑糖珍珠鮮奶2.0係No.1,我即刻諗都冇諗其他野飲，就叫左等左2至3分鐘，野飲就到手啦，店員仲會問你想即刻飲定拎走點知，杯野飲到手，我第一下就覺得杯野唔滿有啲失望咁囉冇諗到俾左33蚊，但得咁少份量不過，珍珠係幾好味既，而鮮奶加埋入去都好飲既，就係咁囉希望下次再去，杯野會俾足d份量，另外會再試埋普通嘅黑糖珍珠鮮奶同2.0有咩分別！！

台灣最好飲嘅黑糖珍珠鮮奶李圓圓香港開咗三間分店分別喺荔枝角佐敦同埋旺角三間分鋪嘅水準同喺台灣嘅做都係一模一樣雖然佢主打係黑糖珍珠鮮奶但我個人最鍾意飲嘅係黑糖珍珠奶昔因為感覺冇咁甜之餘仲比較健康熱辣辣軟綿綿嘅珍珠係沙冰嘅急速冷凍下變得堅堅韌韌由於沙冰好快融嘅關係，所以呢杯飲品亦都冇得做外賣除咗奶類嘅飲品之外，佢嘅冬瓜茶亦都好出名夏日炎炎飲番杯就最適合如果你叫我唯一挑剔嘅就係佢有部份飲品真係太甜未必真係適合香港人嘅口味又或者講未必係唔適合只不過感覺音樂太唔健康但係間唔中一兩杯都係可以接受如果真係太甜想試吓其他可以試吓佢嘅奶茶系列因為黑糖珍珠嘅黑糖已經一早煲好咗冇得調教甜度但係奶茶就可以另外見着佢將個好嘅珍珠攞出嚟嗰一下又真係好療癒