李圓圓 (億利工業中心)

營業中

休息中

前日（18-4-2025 Fri）復活節假期第一日，同老公喺黑布小巷同D2 一期食完嘢後，向第二區出發，但由於須要飲嘢，而咁啱順路經過呢間，於是停低諗吓可以買咩飲。我哋睇咗一陣，決定要$30.00嘅豆花薑汁豆漿一杯，入到去俾錢，店員問係暖嘅，可以嗎？我答可以，咁等咗2分鐘就有，店員問係咪即飲？使唔使幫我開？我答好，佢就幫我將紙飲管篤落去。我拎上手都幾熱，不過一飲落去，就飲到啲凍，應該係豆花凍，之後溝埋晒，溫度就降低啲，佢嘅味道係薑汁太多而太辣，豆漿味道其實好濃，嘥晒啲豆漿。味道同抵食係2.5分

以台式飲品店嚟講，李圓圓算係相對做得比較「專」—menu上嘅飲品大部分都係配搭佢哋嘅招牌黑糖珍珠，佢哋嘅黑糖珍珠亦都係我喺香港最鍾意飲嘅一間天氣涼涼哋所以呢次嗌咗杯暖嘅黑糖珍珠豆漿暖下個胃，李圓圓店內有好大個煲熬煮黑糖珍珠，即使嗌凍飲啲珍珠都係微暖唔會咁易變硬，珍珠亦都異於坊間普遍嘅Q彈，佢哋係偏向軟糯嘅口感，我自己更加鍾意呢種質地，豆漿配上黑糖嘅味道亦都好好，好有台式古早味嘅感覺唯一唔知算唔算缺點嘅就係佢哋俾珍珠俾得好多，通常飲完都未食晒啲珍珠，但係我好鍾意佢哋嘅珍珠所以俾多啲我都好開心🤣以前買嘢飲草印仔草夠10個就有張9折會員卡，唔知依家仲係咪呢種玩法呢，我張會員卡好耐之前換落已經有啲殘舊haha 呢次買嘢飲仲有得抽聖誕&新年優惠，我抽到嘅係下次買嘢飲-$5，優惠卷係張好cute cute嘅薑餅人紙仔，好鍾意睇到店舖喺呢啲細節位花嘅心思以前李圓圓嘅分店都有5-6間，但係市道真係唔好，執下執下淨返3間，希望佢哋會做得住啦

香港嘅夏天真係唔講得笑🥵日日都3x幾度天氣太炎熱，梗係要買飲品解下口渴😏「李圓圓」是出名的台式飲品店鋪不過我今次都係第一次試飲😏去到門口都已經見到有人排緊隊，現在有咗手機程式下單，生意唔錯，客人亦都可以預時間，不用在門口等太久👍🏻見到職員好用心煮「珍珠」😅而且每杯飲品都可以自選甜度，冰块多少🧊奶茶到手後，飲一啖覺得果然名不虛傳！可能因為奶茶嘅甜味係自選，所以剛剛好👍🏻珍珠十分有口感，煙煙韌韌😋📍李圓圓荔枝角億利工業中心大廈地舖

李圓圓是我其中一個十分喜歡的台式飲品，共有三間分店。今日經過荔枝角，所以和朋友買了兩杯解渴。去的時間比較多人，大約都等了15分鐘。但店員服務態度很好，取飲品時，還細心幫我們插飲管。黑糖珍珠鮮奶炭焙鳥龍$30飲的時候記得用飲管攪5-6圈。李圓圓的黑糖珍珠果然名不虛傳！黑糖珍珠用獨家古法熬煮多道工序，每日新鮮即煮。的確是很特別，而且好煙韌，飮完不會覺得哽胃/不消化。冬瓜檸檬烏龍茶 $22冬瓜的淡雅，檸檬的清新，配以烏龍茶。特別適合飯後解膩。

去朋友屋企玩 經過呢間舖頭記得之前都好出名於是就想買一杯返上去屋企飲本身係喺OpenRice度撳咗先再去拎點知去到嘅時候佢先至會即刻整本身原意係去到即刻拎但佢為咗飲品嘅質素決定我哋到咗先至即刻整咁大家就要預番啲時間啦 因為本身自己唔鍾意飲黑糖珍珠奶嘅產品於是就嗌咗黑糖珍珠檸檬鐵觀音烏龍第一次試嘅係檸檬產品，入面加珍珠成個感覺，估唔到係咁夾味道非常之好，而且非常之解渴值得推介而朋友就係嗌咗出名嘅黑糖珍珠奶茶佢哋都覺得飲品係出色嘅

好大杯李圓圓珍珠奶茶，黑糖珍珠鮮奶的珍珠是現煮的，直接就可以見到店員係度煮珍珠，好Q彈口感，糯糯嘰嘰，黑糖鮮奶很濃鬱，冰量、甜度都可以揀，黑糖珍珠鮮奶，黑糖都係現場熬，好香味。

位置鄰近地鐵站出口👌🏻可能附近多工廠大廈 好多小店 台式飲品店天氣愈黎愈熱 🌡️🌡️🥵🥵我地都係因為太口喝所以黎買野飲🥶最後揀左黑糖珍珠豆漿🧋🧋甜度係預設既珍珠滿滿既黑糖甜香口感幾好 有咬口豆漿比鮮奶無咁濃同滑但清淡啲無咁膩 味道唔錯😁OVERALL 想飲黑糖又唔想咁膩呢個選擇都唔錯👍🏻👍🏻方便指數: 4/5環境指數: 3.5/5回頭指數: 4/5地址: 荔枝角長荔街6號A2鋪億利工業中心

李圓圓用外賣App買 有半價呀～～～十幾蚊就買到 呢個真心好抵！！！！平時個價錢真係要考慮多幾次先會買😆😆😆😆😆😆😆😆😆😆😆😆😆今次買前係附近食左晚餐因為食到好飽飽所以叫左茶底🤩🤩🤩🤩🤩🤩🤩🤩🤩🤩🤩🤩紅茶飲落竟然似港式奶茶既味好特別呀今次真係估你唔到～另一杯係炭焙烏龍 好香炭烤味 正呀喂～ 估唔到除左奶都一樣出色❤️❤️❤️下次可以試埋冬瓜奶茶唔知會唔會好甜呢～

今日同朋友去D2 Place 街街，因為冇拎水出街，所以諗住去附近買野飲。發現外賣平台買李圓圓有半價優惠！所以就買左一杯試下佢。之前一直都試下依間出名嘅過江龍。 佢啲黑糖係用明火煮。聽聞佢啲珍珠好好食。叫左杯黑糖珍珠鮮奶紅茶（半價後$16）李圓圓既紅茶，估佢唔到咁重茶味。鐘意！🥰其實佢一拎杯野出黎，你已經見佢到佢杯茶同平時出面飲既珍奶好唔一樣。啲色係比起平時深好多。入口就更加不出我所料 ，茶味勁濃。另外佢珍珠都比較多，同埋黑糖珍珠好煙靭又彈牙！趁佢仲有半價，呢幾日去買多杯先！🥰

買左佢個珍奶，一般啦，普通，茶底有啲澀同酸，珍珠偏淋，唔算煙韌，或者係因為佢出色既係其他款既飲品？唔知不過好既係我用Openrice 外賣自取，去到個陣佢就即刻整比我，唔會有杯野飲出晒倒汗水既問題。另外店員服務態度都好好，由於整野飲個個位係得塊玻璃隔住，所以個製作過程可以一眼睇晒，污唔污糟都可以睇得到，而佢個工場係十分乾淨既，係好安心。（就真係只係要整得再好飲啲。。。😂😂話晒個野飲先係主角，唔好飲既話服務再好地方有幾乾淨都無用。。。）

有日行過D2 place, 心血來潮叫左杯李圓圓飲嗌左黑糖珍珠紫薯鮮奶諗住凍凍地有紫薯好似唔錯佢個黑糖珍珠仍然發揮到水準煙un好味但個鮮奶太甜紫薯味都唔太出下次都係叫返黑糖珍珠鮮奶好d

嗌咗杯豆花薑汁鮮奶,真係伏到爆,見佢開咗一包豆腐花到入去個杯度，跟住呢就用水溝啲粉咁嘅嘢啦再加少少牛奶跟住就完成一杯豆花薑汁鮮奶😆😆😆🥱🥱成本可能$10雞都唔使😩飲咗啖就揼咗啦

雖然已經入秋🍂但係天氣都係仲係有啲熱🔥要解渴飲番杯四季春都唔錯👍今次經過仲見到佢有檸檬新品🍋梗係要試吓啦🥳🍋檸檬手摘四季春 $20 : 呢個檸檬手摘四季春入口嘅時候味道好清香🌼我叫左半糖少冰🧊少咗糖味道一啲苦澀味都冇👍清香茶韻嘅四季春茶加埋新鮮檸檬汁呢個新組員合💯甜酸度控制得啱啱好呀🥳🧋黑糖珍珠冬瓜檸檬四季春 $28 : 用咗四季春做茶底☕️加埋新鮮檸檬汁🍋呢杯裡面仲有超有咬口又彈牙嘅黑糖珍珠😍煙煙靱靭💯呢杯揀左少冰🧊正呀喂🥳

原本想試吓一啲小店，點知間鋪冇人之餘，仲要等好耐。有三個員工喺度都唔知做緊乜！等得來以為有好嘢飲啦，諗你都唔使諗。啲紅茶有怪味，珍珠又唔煙靭啲紅茶有怪味，珍珠又唔煙韌。冬瓜檸檬，又剩係得個甜字一句講晒，唔使試

✨黑糖珍珠鮮奶2.0（$33）我自問都係一個台式飲品控，飲過好多不同品牌既黑糖珍珠鮮奶🧋，李圓圓呢杯2.0真係太出色，黑糖珍珠係熱鍋撈上杯，確保到珍珠既新鮮度唔會因為凍而變硬呢一點，珍珠既大細唔會太大亦唔會太細，呢點相當重要！冰度、甜度都是剛剛好，唯一缺點就是太細杯，真係唔夠飲哈哈哈。✨冬瓜茶（$20）李圓圓既冬瓜茶味道有別於其他品牌，佢既冬瓜味道更重一點，帶有另一種層次既味道，係你口腔裏面散發出淡淡既冬瓜味，唔會好甜，佢既冬瓜茶真係令我一飲再飲👍🏻好消暑