影片
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
相關文章
「 Sugidama 杉玉 」壽司郎集團旗下居酒屋開左都一段時間；我一次都未食過；媽媽心心念念想食左好耐；因為佢連壽司郎都無去食過；為左方便媽媽；就去黃埔分店請媽媽食個lunch；順便滿足媽媽心願🫶🏻🌸大吞三文魚親子丼 $138有大約六至七片薄切大吞三文魚；滿滿魚子同玉子Lunch set 有麵豉湯；味好濃；但就淨係得湯…..🌸壽司10貫• 牛肉島冬定食 $108再追加天婦羅 $35Lunch Set配烏冬；大大碗食到飽壽司方面真係普普通通；可能我唔太喜愛醬油飯；性價比只有合格；起碼食完真係食得飽而天婦羅皮薄香脆；有魚、茄子、番薯 ….我同媽媽都好中意👍🏻營業時間：11:00- 23:00📍紅磡民泰街53-57C號黃埔新邨可榮樓地下G號舖#foodie #foodblogger #黃埔 #黃埔美食 #居酒屋
繼續閱讀
同男朋友去紅磡咁岩見到呢間食日本野🇯🇵，成日見到都好多人食，次次都話想去食下，今日都好多人排隊🚶，囉張飛好采下一個就到，所以今次都好快有位入到去見到D餐牌好多都好想食😜😋😋鰻魚玉子$30外層的玉子蓬松濕潤，蛋香郁且带一丝微甜，鳗鱼肉肥美軟糯，醬汁甜度適中屋台風魷魚炒麵$30麵條是粗身的日式油麵，外層微焦帶脆，內裡吸飽了濃郁的日式炒麵醬，魷魚圈厚實彈牙上玉盛合$108有藍鯨大吞拿魚腩，吞拿魚，三文魚，油甘魚，魷魚，熟蝦，海螺，沙甸魚大啖滿足茶碗蒸$28蛋非常嫩滑，但太細碗了特盛蜆肉配日式高溫玉子燒$68蜆肉都好大粒，配了玉子燒都還可以大人的薯仔沙律$48這個非常特別，要自己做下DIY, 味道不錯😋醬漬炙烤三文魚刺身$48三文魚腹先味噌醬漬透骨，再被噴槍烈焰舔舐成焦糖脆殼，入口超級好味👍🏻Follow 社交媒體網站仲有野飲送😉😉埋單仲有張印花紙俾你每滿$100蚊就有一個印仔，吸夠有5個印花就有禮物送🎁🎁
繼續閱讀
壽司郎集團旗下的居酒屋：杉玉開咗咁耐，一次都未食過，既然黎到黃埔，就去試下啦！1點左右去到，1-4位都完全唔駛等位。我就被安排坐喺二人bar枱位置午餐menu都有不少選擇，除咗刺身壽司，仲有天婦羅，另外，主餐牌都可以點，所以選擇都好夠。我揀咗10件壽司 + 茶碗蒸麵豉湯味濃，海澡大片爽口，唯獨唔夠熱。相反，茶碗蒸熱辣辣好好味，入面有蜆、帶子、雞肉等等，成個蛋好滑好鮮食開壽司郎，本身諗住對於杉玉既壽司唔會覺得有咩驚喜，點知食咗一啖就發現兩個驚喜：1. 嚿飯係啡色既有味醋飯，味道濃咗，不過無得揀細嚿飯2. 全部刺身都好厚身大件，件件都新鮮，質素高去杉玉食午餐雖然都有60分鐘限時，不過無人等位的情況下，就無提示時間，所以相對食得輕鬆d，無咁趕。而晚餐時間仲有90分鐘添因為我揀咗高質餐，所以價錢唔係平，不總算係物有所值，有下次
繼續閱讀
杉玉開既時候，一直book唔到位，今日經過黃埔見到冇乜人，於是就Walk in入去試吓等左十分鐘左右就有位，雖然話佢係壽司郎既居酒屋版，但入面既setting 完全唔同，唔係平板落單，係用自己電話掃QR Code，加茶要叫staff幫忙，基本上枱面只有紙巾同一支豉油。限時100分鐘，上食物速度亦好快，可能我地想試既款式好多，二人枱有啲細，唔夠位放。適合打卡既魚子醬壽司，食落冇太大驚喜，就係蟹子壽司味；特盛蜆肉配日式高湯玉子燒，玉子幾好，蜆都唔錯，不過就唔好對個湯有期望喇；海陸峰會天婦羅既魷魚好出色，做到外脆內軟；鹽燒油甘魚鮫都唔細塊，多肉同油脂豐富👍🏻抵食；炙烤鮟鱇魚肝拌柚子醋啫喱係一致認為最好既一味😋結論係食壽司都食去返壽司郎，性價比高好多，想要氣氛既話可以黎杉玉，因為店員每隔5分鐘就會好似日本居酒屋大大聲咁嗌: いらっしゃいませ😂
繼續閱讀
返工咁辛苦，一個禮拜入面點都要揾一日lunch食好啲嘅🫢想食壽司郎又未必排得切，唯有去近公司啲嘅壽司郎居酒屋—杉玉🙈平日12點半前都未使等位住，3個人食都有卡位坐。平日有lunch set可以揀，揀咗天婦羅•壽司定食($88)，壽司有8件，魚生款式都大路，有吞拿魚三文魚腩油甘魚等等，而壽司飯亦用咗赤醋。天婦羅有炸魚，魷魚，蕃薯同茄子，相比壽司郎嘅天婦羅，呢度嘅炸衣更加薄同乾脆，比較好食😗配埋抹茶鹽更加帶到兩種海鮮嘅鮮味🤓另外都嗌咗 14貫 ($118)，魚生大部分都正常，唯獨有池魚食到少少嘅魚骨，14件對女仔黎講都好多，同事食到最後都淨咗幾舊壽司飯😂麵豉湯亦用咗赤味噌，飲落比平時嘅重口味~我自己就幾鍾意，但未必個個接受到~
繼續閱讀