杉玉 (黃埔新邨)

🇯🇵🏮🍣鬧市中的居酒屋▫️QR code點餐✅辣味噌肉醬茄子🍆-$28茄子有四件，用油泡過，本身都香口，最好味嘅係特製嘅辣肉醬，辣辣地又鹹香十足✅炸串盛合-$38一份有5串，包括魚、薯仔、蝦、鵪鶉蛋、全部嘅外皮都炸得好薄好脆，裏面嘅食材亦都好新鮮，尤其係魚真係好滑。🆗淚崩三文鮮島 -$58上面嘅牛油果粒配生拌三文魚真係好正，扣分位喺下面四粒壽司，因為只係包住咗兩舊青瓜同埋一舊Wasabi，我唔太鍾意食青瓜，另外係Wasabi太嗆鼻，流晒眼水😂🆗圓鰭魚魚子醬赤蝦壽司 -$30赤蝦都新鮮彈牙，上面加咗少少魚子醬，但係夾埋一齊又冇乜特別，性價比較低，畢竟壽司郎一件赤蝦壽司只要$12✅魚子醬壽司·圓鰭魚魚子醬-$38呢個外觀幾特別，用一個小鐵罐上，底層有飯中層有少少魚肉醬，然後面頭有魚子，整體口感味道都好夾，同埋好特別，值得一試。✅豪華花之戀 -$48只有一粒，雖然有d貴，但都好足料，外面有2片三文魚、上面有好多三文魚子，仲有海膽同埋魚子醬。食材新鮮。🆗鰻魚玉子 -$25呢個味道一份有四件，味道正常但冇咩驚喜✅ 芝麻油漬三文魚 -$38有大約六至七片薄切三文魚，浸咗喺麻油度，上面再有啲芝麻，麻油味好香，雖然好似有啲油膩，但係味道幾特別。✅大啖滿足茶碗蒸 -$28茶碗蒸真係好滑，而且好足料，上面有大量嘅三文魚子，入面仲有一粒蝦、一隻帶子、一隻蜆同埋冬菇。…查看更多

店舖內外都以日式建築的設計，配有插畫。坐位多數係2-4人座，部分係卡座設計。牆身以酒樽作裝飾，視覺效果震撼。咁啱隔離枱係日本人，全程聽住日文好似去左日本🇯🇵。餐廳以QR code手機落單，食物上菜速度都快，食物熱辣辣上枱。職員都好貼心適時加菜同收走空碟。限時100分鐘，最後20分鐘會提我哋last order~｜熱食🍲｜霧鎖玉龍藏仙山 $68｜玉子燒俾鰻魚包住，再加入山藥泥，甜甜地營養滿分💯大啖滿足茶碗蒸 $28｜份量比壽司郎少，面頭鋪了三文魚子點綴，充滿咸鮮味炙烤喜之次魚腩 $38｜燒到魚腩的油脂滲出黎，加啲檸檬🍋汁，好鮮味唔油膩｜壽司🍣｜海上鮮島 $68｜三件壽司🍣配上爆量的鮮味餡料，有吞拿魚腩、吞拿魚蓉、三文魚腩、蝦、魷魚同三文魚子，非常滿足😋大切黃鰭吞拿魚三味 $33｜三款口味的吞拿魚，鮮味肥美魚子醬壽司•圓鰭魚魚子醬 $38｜用小鐵盒裝住的壽司，配上圓鰭魚蓉同黑黑的魚子醬🖤｜炸物🍤｜杉玉特製南蠻炸雞 $42｜炸雞包住肉汁，配上焦糖洋蔥沙律醬，味道多層次，香脆熱辣辣唐揚魷魚 $38｜唔係用魷魚嗎件，而係用魷魚漿炸成的唐揚魷魚🦑，有啲失望池魚脆骨餅 $28｜份量非常多，無加額外調味，池魚骨炸的十分香脆，好啱配酒食｜飲品🍸｜鹽荔枝x西柚梳打酒 $48｜鹽邊封口，配上西柚味梳打酒，清新解渴，唔覺有酒味梅酒（加冰🧊） $58｜可選擇加水/冰/剩梅酒，口味偏甜，好易入口❣️預早係網上預約，到時就唔洗排隊等啦～…查看更多

📌 杉玉 (黃埔新邨) - 紅磡民泰街53-57C號黃埔新邨可榮樓地下G號舖🗓(17/8) 星期四 ⏰ 晚上6:45左右 💈特式：壽司朗進軍香港都有一段長時間，近年仲開闢左居酒屋呢條路線，由第一間開係灣仔，第二間開係沙田，我一直都未有時間去試，今次第三間竟然開左係我地頭，咁我就梗係要去朝聖下啦。🥩🍔🌭🌮🥗🥯🥘🍲🍝🍣🥟🍤🍱食物：餐廳主力係做居酒屋路線，食物都係偏向小食居多，壽司款式亦都唔少，但就無居酒屋最常見嘅串燒/燒物，而家等我同大家講下🎌味道先。開幕期間限定生啤套餐 $1️⃣0️⃣0️⃣ - 呢個set係餐廳開幕限定，包左一杯生啤同3選1小食，我就揀左杉玉薯仔沙律，呢個都算係餐廳主力推介菜式，都叫做不過不失。芝麻油漬三文魚 $3️⃣8️⃣ - 呢個油漬三文魚好重芝麻油味，三文魚都新鮮，不過就有d太碎，但價錢都唔貴，算ok。霧鎖玉龍藏仙山 $6️⃣8️⃣ - 個名好有意景，用埋個蒸籠上菜，其實佢就係原條蒸穴子包住一大件玉子，味道都幾夾，不過可能蒸嘅時間唔夠，穴子食到微熱，但玉子就偏冷。韓式辣醬醃鰈魚鮨邊 $2️⃣8️⃣ - 呢個就係平時食嘅日本漬物鰈魚，但轉左韓式口味，值得一讚係佢地嘅鰈魚鮨邊幾重油脂香，同埋價錢都幾平。大啖滿足茶碗蒸 $2️⃣8️⃣ - 個茶碗蒸係全餐最好食嘅野，又足料又香滑，蒸蛋個高湯又夠味，絕對好食過壽司郎本身嗰款多多聲。杉玉特製南蠻炸雞 $4️⃣2️⃣ - 只可以講係普普通通，出面有好多居酒屋餐廳會比佢做得更好，而且份量偏小，唔太抵食。炙燒海膽牛油鮟鱇魚肝壽司 $3️⃣0️⃣ - 入口唔係好食到海膽味又或者鮟鱇魚肝味，但味道又唔係難食，但可以不試。魚子醬壽司(圓鰭魚魚子醬) $3️⃣8️⃣ - 我唔似劉德華咁霸氣可以一人一罐，所以只係叫咗一罐兩份分。個魚子醬唔太鮮味，中間再夾左吞拿魚蓉，之後底下個飯有點雪得過硬，都係唔難食，但都只係噱頭野。上玉(盛合) $1️⃣0️⃣8️⃣ - 盛合共有8件壽司，包括大吞拿魚腩/吞拿魚/三文魚/油甘魚/魷魚/熟蝦/海螺/沙甸魚，質素整體都比壽司郎好一截，個飯亦唔係平時個d醋飯，係有輕微調過味。特玉(盛合) $1️⃣5️⃣8️⃣ - 呢款盛合都係有8件壽司，包括大吞拿魚腩/炙燒大吞拿魚腩/中吞拿魚腩/鯛魚/赤蝦/赤貝/帆立貝/鰻魚，呢款用料就比較矜貴，質素亦都係比壽司郎好得多。☕️🍵🥤🧋🍺🍷🥃🍹🧉🍾🍶🥛飲品 : 餐廳有提供熱抺茶，味道都係同壽司郎同出一轍，另外因為佢係走居酒屋路線，所以會多左幾款梳打特飲，同大量唔同嘅酒類選擇。🍽環境：餐廳空間就唔算大，兩人枱都幾窄，坐位都偏迫夾，食物一次過上幾款時，張枱都差d擺唔落，但裝修/佈置都做得唔錯，同埋始終新開無耐，所以都仲好新淨整潔。🤵🏻🤵🏻‍♀️🤵🏻‍♂️服務：店員服務都真係值得讚賞，每位都好有禮貌同笑容，見到佢地都好忙，但上茶/收碟/加茶都好迅速，點餐就係用QR Code落單，介面都幾清晰。💰💸價錢：其實佢地大部分食物都係由$2️⃣8️⃣～6️⃣8️⃣左右，可以話比坊間一般居酒屋平，我今日叫左成枱野，買單連加一就$7️⃣0️⃣0️⃣左右，話好平又唔係，話好貴又講唔上。🐲💬總結：整體質素係比同集團壽司郎為高，但如果要同坊間居酒屋比就好似仲差少少，食物種類亦唔夠多，大多用花巧/噱頭補救，希望未來佢地會再有進步。推薦指數：❤️❤️❤️🤍🤍…查看更多