朱敏記大牌檔

營業中

休息中

朱敏記大排檔一直好出名，近期係長沙灣開左間新分店。宜家試業中，門口都已經大排長龍，人山人海。新舖新裝修，同之前大牌檔裝修比完全唔同，好多霓虹燈牌，佈置滿分。食食下到九點鐘就會有個熄燈儀式，有埋廣播，全場一齊倒數，都幾有新意，氣氛唔錯咁岩我地八點入場，見證住由開燈到熄燈。熄燈之後個場就開始轉哂氣氛，隨機播住懷舊歌曲、韓國音樂等等，仲有侍應係到拍手帶氣氛，鍾意熱熱鬧鬧既人就岩啦。不過如果想同朋友仔傾計就唔建議啦，因為音樂好大聲，根本聽唔到杯檸檬茶大杯到，一個人真係飲唔哂唔知係咪人多，上菜速度就慢左少少。不過唔限時，慢慢上慢慢食都okay。

有錢唔賺，特登試吓，去買午餐外賣，收銀寸咀話唔做外賣，好忙，又話等一個鐘囉，咩嘢態度，又話有幾好食，又話最緊要服務，一個咁寸咀嘅員工，係度趕客走，唔知老闆又知唔知呢，唔通係老闆意思，真係太忙唔做外賣，外賣錢少賺唔到，只係做堂食？係就麻煩寫幾個大字話俾人知，唔做外賣啦⋯⋯又唔係得佢哋一間所為嘅食肆，再搞幾多新花款新菜式都無用，過咗度氣咪又係普通野，應該管員吓啲員工，辛苦唔好做，休息下，唔好趕客，態度語氣要好啲⋯⋯

約咗枱8:00，點知去到要等位，等咗成半粒鐘問服務員幾時有位？又唔答你，一味話盡快，等到9:15先入到去，喇叭勁大聲，根本講唔到嘢，嘈到耳仔都暈，價錢又貴又鹹又唔好食，尤其嗰個魚香茄子，咸到…，事頭婆好多人都覺得佢好好招呼佢，其實我又真係唔覺得，問佢嘢，同埋好彩你

朋友想試，預早幾日book位。去到見到店內一班都是當去disco嘅人，已心知不妙。當日我們一班朋友足足等了1小時30分鐘都仲未能入座，心情超級差。店員完全沒有做到分流、交枱應做嘅責任。訂了枱要等半個鐘，其實我都會接受，但係一個半小時係仲未有位完全唔掂😡

等左1個半小時先有位，非常混亂出面d桌有人打占唔管，播住d音樂吸引一班老野坐到天荒地老都唔肯走叫海鮮d蜆好多沙無洗乾淨而且無乜味，唔沾豉油係完全食唔落口，唔值呢個價錢唔會再有下次

今日諗住同人慶祝生日，平時見門口咁多人排， 入邊爆曬場，以為好好食，完全唔知食緊乜，叫咗三個餸等咗一個幾鐘，吹左四五次先同你跟一跟，入邊啲音樂嘈到你講嘢都聽唔到，叫咗條烤魚浸味似豆豉鯪魚，勁多人喺入邊食煙，九唔搭八，俾錢買難受，食嗰個真係交智商稅，成班中坑喺入邊跳舞，不知所謂，真係鄧嗰度啲員工慘，隻碟就大到成個面盆咁又重，，d餸就少到，…真心冇下次，，d餸油到反光，未試過食到咁嬲， 食到成肚油，，，，

一個鐘菜都上唔哂，啲嘢唔好食太鹹，炸白飯魚一啲都唔脆軟淋淋，啲粥勁水，一碟菜百幾蚊份量少，得個炒通菜好食啲，叫菜都煮唔好就咪開啦。位又好逼，逼到算，仲要有人跳舞，完全唔知做乜9，食食下飯播歌都算，仲要播到勁大聲，連講嘢都聽唔到，一家人食飯完全日啲音樂聲嘈到點解可以係住宅區附近開，小朋友都頂唔順。如果想開club可以去番蘭桂坊，開餐廳就唔該正正常常。一家人落嚟食飯冇諗過可以差到咁。唔會再嚟食，想食嘅都可以食其他，講真尼個價錢去食自助餐都抵食啲。

好耐好耐冇寫評，今次真係忍唔住。野食方面睇食評本身都預左一般，睇到報道覺得幾有創意，都知而家飲食業難做，真心純粹係想嚟感受一下個氣氛支持下。價錢貴都算、嘢食真係唔係個個頂得住，超鹹超重味精🤮🤮🤮，色香味俱冇～大排檔？？？仲要食到有頭髮😒同店員反映～侍應咩都冇講直接收走…咩料，唔好意思都冇句！？好野，一定冇下次。4個人埋單$2553，貼錢買難受😣大家想見識下都可以黎，首先睇吓自己想要啲乜嘢啦！😬

嘢食好鹹！好似d豉油唔洗錢咁，成碟都係，鹹到死！！上菜超慢！平均9個字先上到一碟菜，甩漏好多！ CP值低！夜晚9點半去幫襯，叫佐4個菜，落單半個鐘話我知冇A，9個字出嘢飲，差不多一個鐘出佐一個菜、再過15分鐘出第二個，不過係出錯佐、重做，又等佐半個鐘，最後一個炒麵，催佐3次、等到11點半都未到！成晚就係咁吸佢d白霧，根本開唔到口講嘢，一講嘢就覺得呼吸唔舒服，嘢冇得食，計傾唔到，都唔知坐係度做乜，睇班叔父係度表演？唱得又難聽！嬲爆，唔食好過食！絕對冇下次，極之唔推介！

收工同老婆經過附近，本住一試新店，結果卻是難受，叫左兩個菜，都係好咸，要鮮味無鮮味，要香味無香味，完全唔好食，唔值佢寫既價錢，差評，差評，差評，唔會再有下次幫襯

看似明星開店，進場一看，即時中伏，首先服務員唔夠，全場4至5個，對住上百個食客，服務多好大家心裡有數。看餐牌時，一碟青菜都去到近90。價錢是否物超所值唔清楚？看見餐牌寫5寶飯，問服務員是指哪些，人家即回應我剛入職唔清楚。後無人可問。2個人點了豪仔粥，即時中招，一堆黃泥漿，勁腥兼勁大胡椒味，完全唔合格，底還有壳兼x東西，豪仔絕對唔新鮮，吃到本人及老婆反胃，盛惠100多，簡直想死的心都有簡單說去過一次無回頭，如老闆有幸看到本人食評，請認真用心經營。

如題 炒個公仔面炒九個字都炒唔到出嚟開餐廳唔係搵個大波妹出嚟搖幾下就可以用心做好野食先係重點野食求其整同行友人點了雜扒飯已經知道係頹餐 但估唔到頹到d肉韌到咬唔開個汁仲要勁hea 又咸又唔好食出餐又慢 仲要等左半個鐘先出到黎其實每一個客人入到餐廳都想盡快有野食唔係入黎坐 加上冷氣又不夠涼令到無野食既情緒更加之差咁樣做生意點會有回頭客試業搞唔掂就好心控制下人流未搞掂就放哂d人入黎就得到依個結果估唔到第一次出食評係比左依間伏無下次了

開張第三日嚟到試朱敏記6點已經要拎定位嗌左杯凍檸茶勁大杯😂豬肚雞湯勁好飲必叫👍🏻👍🏻食食下9點令鐘突然倒數10秒熄燈播晒disco歌真係夜繽紛😂仲見到有啲老野唱歌🎤

一心試下新餐廳。結果一肚氣上菜極慢 全部漏哂單 部份親友餓到轉場食第間一家人3圍枱 隻碟就大大隻 份量小 員工手腳慢。碗盤吾乾淨 開咪叫人體諒佢地得3個爐頭 所以上菜慢同埋漏單應付吾到甘多客人 就吾應該開哂全場位一到9點話開party 搞到disco甘 放哂白煙 烏煙瘴氣 仲點食d餸阿 happy伯可能就會中意去哩d餐廳 一時又話哩樣餸有 一時又話冇 叫左個蒸魚成粒鐘 我地催單 先黎講今日冇鯇魚吾知食左咩落肚 嬲到成肚氣就有 無下次 ！！

叫咩無咩，所有野都好細碟，又難食，又無冷氣，全場員工好似唔知做緊咩咁，發緊夢，叫左的餸又甩單，追左三次都無黎到，一隻雞$388，但梅的，七點幾入等兩個鐘都未上齊d餸。最後食唔飽咁離開。勸大家唔好去