朱敏記大牌檔

營業中

休息中

之前朋友打電話訂左位，成班人去到居然話有訂幾多位，要重新在門口排隊，做餐廳訂位必然要問人數留枱的，在餐廳對質時也有其他人是這樣，可能是慣性手法，後來去左第二間食，不死心又黎多次，訂位時講明有位先幇我留位，冇位請講清楚，成功留位，但食品質量好差，餐廳噪音好大，不會再光顧第二次。

這間餐廳近來在長沙灣非常出名，除左係因為在地鐵站附近的新商場開張外，店內氣氛和裝修也受到很多注目和宣傳，所以經常大排長龍，於是就嚟試試一來到門口已經見到餐廳誇張耀目嘅裝修，有好多大字標語，豬油好處多等等，門外長期有大批人等候以及食煙🚬 門口空氣非常差，等了好耐才有位置，餐廳大，但座位比較迫而且嘈吵，菜單選擇都算多，但唔係香港地道嘅大排檔菜式，所以唔太岩胃口，價錢亦相當之貴，一碟通菜或者芥蘭都要收$100以上，雖然冇加一🫠 但係都有其他雜費叫咗幾碟餸，好多都係偏辣，又唔容許走辣椒，個碟好大但係實際份量就普通。我地要查詢食品的辣度時，餐廳侍應服務態度非常差，對客人要求不瞅不睬，本身上菜速度慢，等咗好耐先有嘢食，進食時間只有一小時，未夠一小時已被提示要離開，除咗餐廳有氣氛外，幾乎冇任何優點，之後都唔會再考慮來食🙁

預約左8點晚飯，7點8已經到達等位，一直等到8:30都冇位⋯中間老人家聽嘢唔清楚，問咗兩三次等位情況，門口接待態度十分惡劣，手上嘅接待牌差啲整到老人家，我哋叫佢態度好啲嘅時候，佢就不斷反駁。當最後決定唔等，同佢講嘅時候佢就拉住叫你唔好走、繼續等⋯人好多唔係態度差嘅藉口，前邊嘅枱應該要同啲客講清楚食幾耐，唔係俾佢無限咁坐，若果唔係後邊根本唔需要訂位！唔應該諗住可以翻枱！見到佢不斷叫外面嘅客人（非訂枱客）入去，冇處理到啲訂枱嘅客，服務非常差！就算食物有幾好食，有幾多網上嘅人介紹又如何？不值一去！！！

中伏了，真係未試過一間餐廳要打食評怒小 首先book左房又話冇，份量少又好叉貴 一人一啖就冇啦，好啦，貴都算，又要好x難食 檸茉係好大杯 好大杯水味黎架，平時黎大排檔都唔會要求有幾乾淨幾企理，呢間污糟到不得了，碗油淋淋好似冇洗，地又油到跌腳，今時今日仲有呢d地方？ 坐低都周身唔自在，唔明點解呢間野仲有生意，下不為例，麻煩唔好再呃大家 真係好嬲 疫情後諗住一班人食得開心，一人一啖冇x哂 人均埋單都兩舊幾但唔叉飽，我食五個m記餐都冇咁嬲😡🤬🤬🤬🤬🤬🤬🤬🤬🤬 I was impressed when I ate without reading the reviews. I have never tried a restaurant and I have to criticize it. First of all, Book Zuo Fangzai said that the portion is small and expensive. Okay, okay, it’s expensive, but it’s also good Is there any place to wash the

同朋友慶祝生，已經早10日book枱8:30，8點左右已經去到，開始連訂咗枱既資料都都搵唔到，搵咗好耐先話找到，就叫我地等一陣，我們20人等了好耐，一直都說沒有枱，未得，一直說盡快，根本就沒有枱给我們😡😡😡😡服務員態度勁差，一直就說要等，根本就沒有枱埋單😡簡直過分，根本book枱都係冇用，最後等到9點15左右都一直未有枱給我們，我哋要臨急臨忙再搵另一間餐廳，從來未試過一間餐廳可以差到咁😡

Book咗21個人8:30，一早book定，點知去到等左1個鐘都冇位，淨係叫你不停等一陣🤬🤬🤬只叫等等比紙包飲品你就是等．．仲好意思要帶我去看vip房說3500起收費，可惜人哋菜都未食，說給我房

尋日book咗12位一家人有大人+兩個BB同老公慶祝生日，去到唔需要等、職員個個都好醒目，見我哋有兩個BB車都安排我哋坐入少少，食物方面都幾好食，個個都話唔錯，去到大概8:30左右開始職員會用咪講嘢，之後過嚟同台生日嘅人講一啲祝賀嘅說話，大概九點就開始播歌熄燈，小朋友好開心跟住一齊跳舞，另外兩個BB竟然係咁嘈嘅環境底下可以瞓埋覺…😂😂😂整體嚟講食物好好味，價錢又合理，有下次嘅，已經約咗再去同朋友食🥰有興趣嘅朋友都可以試！

同朋友喺打完邊爐，只係晚上九時許，有點早！聽聞朱敏記日日排長龍，所以搭的士去試吓😄去到未夠10點，已經唔使等位，但店內客人有九成滿。店內燈光似夜店，又播着勁歌，頗有氣氛！因為剛剛食飽，所以淨係點咗兩瓶啤酒同一個凍檸茶，啤酒夠凍，又有冰桶。凍檸茶夠大杯，成個檸檬喺裏面，但係唔係切片，相信係渣爛個檸檬，用飲管飲時，經常有檸檬碎攝入飲管內，要處理完先可以再飲，有點麻煩🥹朋友叫咗個小炒皇，份量同味道都正常，但美中不足，啲腰果冇炒過，凍冰冰放咗喺碟菜嘅上邊。隔咗一陣叫咗碟黃金茄子，蛋黃醬同炸粉恰到好處的包着茄子，熱辣辣的幾好食。最後叫咗碟豉油王炒麵，份量同味道都可以，淨係嫌佢多咗少少油！可能店內音樂太嘈，侍應聽唔到我哋的要求🤔

環境嘈雜不堪，音樂大聲到同waiters 落單都有障礙，完全頭都暈，放低音樂大聲食物方面，味道得過鹹10:00點炒蜆無，蟶子無，九肚魚無，鮮魷無，白飯魚無，講十樣一半都無最後點炸食饅頭半打，韭菜豬紅，唔記得乜乜伊麵，炒菜，炸蠔餅蠔餅得麵粉食好多先得一兩粒蠔，韭菜豬紅完全係麻辣鴨血，炒菜得咸味，伊麵水汪汪唯一係炸饅頭食得，其他完全不知所謂如果旅客嚟香港第一食大排檔，完全破壞香港美食天堂凍檸茶無茶味，檸檬又大粒打得唔夠細，飲管又唔係粗身，檸檬不停塞住飲管😵‍💫總之，味道質素完全唔知自己食乜免費請都唔會再嚟寧願食杯面都唔會再食一次

約咗朋友喺長沙灣等，朋友見到呢間餐廳幾得意就幫手攞埋位，呢間朱敏記我之前食過土瓜灣分店，印象中佢個胡椒豬肚湯係幾足料，所以都想試吓呢間新開嘅分店。weekday 6pm啱啱開始晚市，其本上人流唔多，侍應都係一貫嘅服務態度，好多嘢都要問兩三個先有人應。蒜蓉蒸蠔仔：賣相先扣一份，又浸滿油咁，個菜式嘅presentation真係要搞搞佢，啲蠔仔好細粒，基本上幾啖下肚就冇晒啲蠔仔，而且因為落得太多蒜蓉嘅關係，成碟嘢只有蒜頭味，完全蓋過蠔仔本身僅有嘅鮮甜味道，可以話係本末倒置，調味掩蓋咗食物本身嘅味道蒜蓉蒸吊桶：俾足8件排到靚靚都好有心意，但啲吊桶好靭，同埋即使落咗蒜蓉都掩蓋唔到吊筒嗰陣腥味豆豉鯪魚油麥菜：最後叫咗個油麥菜，呢度菜理應係家常小炒，似最穩陣嘅菜式，但唔知係落鹽定其他調味料重手，我覺得鹹得滯，而且油膩感重，食咗3份1到就要放棄就係啱啱先上返OpenRice諗住打個食評，點知原來已經係負評如潮，早知睇咗OpenRice先，叫我朋友即刻轉餐廳，唔使嘥咗個胃

話說今日老公話見到拒唔使排隊，同埋見拒杯超大凍檸茶好吸引，於是就去試下！我地當時係2點落單，一個牛河，一個蒸陳村粉！個waiter仲話炒嘢要耐D！我地心捻，炒個牛河應該20分鐘都得了，點知30分鐘都未有野到！然後見到周圍D人都開始催單，我地就知道瀨野了！等到40分鐘，見到一堆牛河出黎，原來係等埋曬一齊炒！仲要炒到爛曬，燶噶！份量又少！我食左一啖，唔知食左D乜！跟住等左45分鐘，碟陳村粉都未到！最後放棄，唔要埋單走！真係不知所謂！

又到咗夜麻麻搵嘢食嘅時候，突然諗起呢間餐廳就去試吓。晚上九點幾入座，餐廳好多人，幾乎坐滿，咁啱唔使等位，門口見到五光十色嘅雷射燈，播住好大聲好勁嘅音樂，好有disco feel，望入門口大部份都係上咗年紀嘅中年食客，有啲食客興起喺度載歌載舞，真係第一次見識😆環境非常熱鬧非常之嘈，每個位置有唔同嘅佈置蒜蓉蒸吊桶 - 個人覺得呢碟幾好食，平時出邊嗰啲吊筒好細隻，佢係好大隻，蒜蓉和汁好味豬油渣炒椰菜苗 - 好大碟，成盤上，味道偏鹹椒鹽豆腐 - 正常份量和味道大檸樂 - 勁大杯，只係三十幾蚊，係大型啤酒杯嗰隻size脆皮花生 - 冇椒鹽味，係鹹鹹地嗰隻，唔食花生嘅我試咗一粒，呢碟係強迫你要的，坐低就要必須收費食物質素冇乜特別，最差就係落錯單，第一次嚟張單嘅餸菜唔係我哋叫嘅，叫侍應更正，第二次再拎單嚟都係錯嘅，到第三次先啱。之後又送錯餸菜嚟我哋張枱，原來就係之前佢落錯單嘅餸菜。另外，我哋食咗個零鐘，椒鹽豆腐都仲未嚟，上菜就真係有少少慢，同埋價錢偏貴。

3個朋友諗住出黎食下飯,吹下水。見新開冇耐試業中的朱敏記大排檔就去試下。雖然係星期三，夜晚食市竟然要等位！？之前行過的都唔會爆棚，就係因為好奇，我們都選擇等這裡食飯。食物味道唔錯，有些更加係比在內地更好食。雖然價錢偏貴。當晚叫左最好味的“麻辣手抓骨”， 食到9點左右會搖身一變成夜總會，迷幻燈光加勁音樂節拍，真的很新奇。但未必個個喜歡。Anyway, 同朋友慶祝生日，或者試下新奇野，強力推薦。

中伏，未食過全部係麵粉，炸到硬咬唔入的咕嚕肉，粒肉係勁迷你，麵粉勁多，小炒王好似係淥熟完再炒咁，完全配唔上大排檔呢個名，冇鑊氣冇味道！松子魚賣相OK，不過都係全條都係麵粉，食炸麥粉咁，鐵板桶蠔啲桶蠔係出咗水啲水都未乾，就擺上鐵板，蠔裏面完全都唔夠熱，根本就未夠熟就攞出嚟俾人食，味道較為正常嘅，就係烤羊排，同埋杯大檸茶！如果係想食大排檔嗰啲有鑊氣嘅口味，呢度完全俾唔到你，………………………………………

落單等好耐，伙記半個鐘無出菜單，遲來食客都已經落單、出單、上埋食物我們還在等，伙記推搪同事食飯中，他們應該漏咗單，已經一個鐘還在等，催了幾次還未出餐......🤬🤬🤬🤬🤬