札幌拉麵屋

營業中

休息中

Ramen - tasted average. Service - wasn’t great at all. Had to ask for refill on tea 3 times before getting it. The toilet is shared with other tenants from Java commercial centre which was pretty run down. Would I go back? - nope. Unless I am really desperate for Ramen and wanted somewhere that is closest to the train station (it’s about 2 shops away from exit A of North Point station).

今日簡咗食日本嘢。門面比較細，入面都係得二十個位左右。餐牌都係正常日本餐，唯獨有個自家製漢堡排放到半版紙咁大。如果連招牌菜都唔好食，其他嘢都唔會好得去邊啦。上餐速到正常，十五分鐘左右。飯+餸+面鼓湯+沙津正常應該由應食沙津先嘅，不過冇理由仼個主角凍晒先食掛。份量有啲細，汁冇水浸。夾落唔太結實，夾多下就開始有分裂。個汁酸中帶微甜，但味太濃。完全蓋過晒肉味，似係食緊個汁多過食肉。如果個汁好味都可以接受嘅，不過呢個唔係。加上其實本身肉味都近乎零。開頭個幾淡的確有啲開胃，但食完一個之後已經有啲厭，同埋覺得太酸。食完個飯，飲個湯。面鼓味偏淡，湯亦是。望落好似好多料，其實冇用，又唔入味，冇點多餘。尤其是啲蔥，太多，幾乎每啖都食到。我本身唔討厭食蔥，但都唔洗咁多掛，加埋生蔥嘅辣味，破壞咗個湯。食都一半就放棄。個沙津，望落都知太多醬啦。總結：唔係太難食，但只能評為普通茶記級數。完全唔值86蚊，唔會再去。

北角有間日本老店，經營超過十年，我一直都很喜歡光顧因爲食物整得正宗好吃，服務員殷勤有禮，而且環境寧靜今早有空，獨自來到札幌食店。清早這裡未到繁忙時間，可以拍下它的原貌。店員把店面打理得很好，十年如新，和風木系設計，令人舒服桌上整齊放了餐具及調味料，認真去看，發現了一小樽蒜蓉醬，吃落小小辛辣感，蒜蓉味很出。接著選餐時發現有特惠午餐，我選了只須$62的叉燒拉麵加小豚肉飯！先來小小豚肉飯，很多開胃的配料，豚肉很好味，很快吃光光另外是叉燒拉麵，湯底好濃郁，正宗日本風味可惜這裡沒有溏心蛋，有點失色，但也很抵食

回家途中忽然很想食日本野，經過北角札幌拉麵屋，懷念著在日本食既定食，諗都冇諗就走入去試試. 店內人流不多，但我一人獨食，想外賣回家嘆下煲下劇。看過歺牌後，便叫了個餃子炒飯定食外賣. 落單時那位阿姐用普通話喊入廚房的，心想不妙了。那份定食份量很小，拎上手輕到不得了。也沒有多大期望，回家後打開，果然份量細，飯得好小，但最嚇人是那些油量，每粒飯都沾滿油，那小小飯全部又濕又油的，吃了一口再不能吃下去. 唯有食那四隻餃子，味道也不佳但肚餓只有吞下，沙律一般，湯也是一般.

今日午餐去食日式料理店路經見佢有特價午餐🥣幾吸引所以入去試試店外門口超有日本風🇯🇵店內都係以日本🇯🇵風設計以木為主特價午餐除左拉麵🍜仲有定食真係花多眼亂拉麵🍜50幾蚊算抵仲加$5有埋餐飲但我就俾佢既定食吸引住不過定食就貴點價錢60～80不等但比起晚市已經優惠左所以照食最後我揀左佢個《自家製漢堡扒》餐有紫菜湯有沙律🥗漢堡扒可揀咖哩汁而我照原味漢堡扒佢地自家整好入味 肉汁好多而且好鬆軟好快送晒成碗飯午餐🥣好似$70幾蚊價錢不算平但真材實料認真不錯

一心諗住黎北角揾食。一出地鐵聞到煙味，又見到成大班內地旅客響正出面。本來睇緊潮洲野，但係咁俾人撞到。行過隔離望到呢個餐牌。見到韭菜豬肝定食就無再諗其他野入去。坐低唔想要茶同侍應要左水。佢話只係暖既，家陣再煲熱既，之後同我添！但最終都係無再幫我地加過水（儘管果陣只係得兩枱客）呢個係唯一可以投訴既野！因為得兩張枱，無理由咁差既。食物方面真不錯。貪心既我，凈係定食就滿足唔到我。所以我又叫小食喇！叫左串燒雞軟骨、串燒牛舌。講到明係鹽燒！所以都有重重既咸味，但咸完之後牛舌既軟及爽口就出晒黎！佢仲細心咁開左邊添！（太肚餓唔記得左影）差小小就叫左炸雞軟骨！見到有串燒既就當然即刻轉啦！好味好多！唔係凈係得油炸既感覺。乾身得黎，有小小肉黏住。好味前菜係薯蓉粟米沙律，面豉湯有豆干。之後係好大碟既韭菜炒豬肝，仲有牙菜添！豬肝熟透，十成熟所以好乾身。再叫左金菇肥牛定食！前菜有日式沙律。肥牛唔會話整到太熟。啱啱好！

午飯時段同事話去食親子丼原本我都係諗住買下外賣 但我跟咗同事去食呢間既親子丼一開始諗去邊間食呢 原來係呢間札幌拉麵屋但我之前過呢間啲拉麵一次 覺得係街市既貨色 覺得佢地啲拉麵唔掂但今日去食飯 因為我冇食過所以去試下話就話食親子丼 最後我係食咗豬扒蛋飯既咁呢到個午餐豬扒蛋飯 仲有碗麵豉湯既 個湯都唔錯 濃淡OK既咁同事話呢到豬扒飯好食啲所以我都係揀豬扒食食落都OK既 唔難食 一般普通豬扒飯 洋蔥比較多其實都係好一般 間唔中食到悶黎食一兩次都可以既入座唔駛等位 LUNCH時段唔爆 我諗同質素都係有關 

札幌拉麵屋喺北角開業已經20年有多，即係話比其他近幾年開嘅拉麵店更早扎根香港。今日喺北角食lunch，久唔久又想食下呢間拉麵比坊間嘅拉麵專門店平，揀咗拉麵（小）炸雞蛋飯（小）（$58）拉麵（小）中規中矩的拉麵，稱唔上好食，但絕對唔係難食，湯底比正宗拉麵淡，相信係因為廿年前嘅香港人接受唔到正宗嘅濃味湯底，為咗迎合當時嘅香港人口味，所以做淡咗個湯底炸雞蛋飯（小）雖然係小份量，但係都有四件炸雞，滑蛋加上洋蔥味道甜甜地，仲好食過拉麵話好好味就一定唔係，但午市來講都算係抵食，純粹懷舊一下，一食無妨。

ラーメンで1000円近く、揚げ出し豆腐などのツマミも600円とか、余りに高すぎる。それでもお客さんが入ってる不思議。IBISホテルの近くという立地なんだろうか。カードはなぜか断られた。

臨近去日本之際，食番d日本拉麵打下底先！呢個係公司附近既日本拉麵，每次都好多人排隊，試試先！特價午餐$55起，有拉麵有飯，好似唔錯，我叫左個拉麵加雞肉滑蛋飯個飯好快就黎到，份量好細，但熱辣辣，好多蛋係上面，飯就普通。等左好耐，餐廳客人太多，但得一個侍應係度終於有拉麵食，湯底有d似杯麵既味道，不過d拉麵幾彈牙，叉燒就普普通通，唔係太特別，呢個價錢算係咁。有麵有飯，最後都食到好飽。不過呢個價錢我應該下次唔會再食。

食物味道一般，不話十分好味！唔知佢2:30 last order 3:00 close！態度唔想你入去食，好似左住佢收工咁！唔第一次幫襯，已經覺得自己唔會再幫襯下次！！

甚少食咖哩嘅我，今日突然心血來潮好想食日式咖哩，而札幌又近我，所以比多次機會佢。兩點十五分左右，店舖內只得兩三枱人客，總算可以靜靜地享受午餐。我的吉豬咖哩飯對我來講有驚喜，咖哩汁配上薯仔很正常，但原來還有煮得好軟綿綿嘅豬肉在內，好味。吉豬雖然脆口，但味道欠佳，飯亦唔夠熱，整體是暖暖的，係我最唔鍾意嘅一點。價錢方面，其實還可以，不過要加10%就變得貴咗啲。

我叫左個最正统既叉燒拉麵，不過d配料就少左d. D拉麵就有d淋啦， 個湯都幾有鮮味，不過都幾好食既。，其實我一直都好想食下，睇下係咪真係有我係日本食既咁有水準，一入去見到個價錢牌既野吾貴，我由原本好期待，搞到無咩特別期待，呢個價點會食到好野？結果我都幾滿意啦，，，坐都好舒服， 算係咁啦 重有一個好好味既餃子，佢一上枱重係好脆，個皮完全吾厚，加上個汁都好正，呢碟野果然有驚喜，值得一試。叉燒拉麵so far so good

今晚去咗間評分唔錯嘅拉麵館柯打咗個自選拉麵套餐$78同燒牛肉定食$98我個塊叉燒好鬼鹹，但唔關個湯底事應該係師傅醃叉燒時重手咗，而個串燒雞翼就燒得好好味道 個牛肉定食賣相同味道都唔錯， 個麵豉湯仲好足料 。 早知我都嗌定食喇。 雖然間舖頭細細得1個人執枱同招呼人客，但因為佢手腳非常快速而食物嚟得都算快，所以完全冇人手不足嘅感覺。不過因為地方始終太細食完都唔好意思坐得耐驚阻住人做生意，所以有d似食快餐感覺

今日黎左依到食飯,位置都幾特別嫁,入到去裹面唔算太多人，當然都唔洗等位一坐低就當然要睇下餐牌，價錢絕對唔貴,咁就唔想諗太多,就叫餐就算喇,一人一個唔洗煩我就當然要叫麻辣拉麵，之後就要左依個日式炸豆腐，朋友就要左蟹肉拉麵同埋依個煎餃子,等左一陣好快就黎喇,全部既賣相外觀都非常好好,麵係好抵讚既,因為食落好彈牙,口感好好，湯底方面都唔錯,起碼夠濃先,我個麻辣拉麵就幾樣配料,叉燒、蟹肉、肉碎、牙菜荀大蔥花海帶，辣就唔算太辣喇,不過食落好香口,唔錯既,如果再辣D就仲正喇,另外就係個麵既份量係十足嫁,一個人食真係超飽呀,朋友個煎餃子都算正常，幾好味,食落口起碼脆脆地,唔錯,又唔會太油,最正係個豆腐,食落非常之滑呀，當然就要襯熱就食，如果唔係就會唔夠脆口。