木屋小食店 (已結業)

聽講青衣嗰頭有間好平又好好食嘅拉麵店🍜所以就山長水遠去試下🙈🙈🙈💰總消費: $95/2人(冇加一)・　慢煮叉燒拉麵🍜 ($40)40蚊一碗拉麵？🤔唔係啊嘛？好唔好食㗎？我可以拍曬心口講係物超所值💯唔好expect佢同出面100蚊碗拉麵咁，呢間小店嘅重點並非湯底，而係叉燒🥩佢嘅湯底只係普通嘅醬油湯底，麵都普通，但個叉燒真係好好食😋！見佢個叉燒會用火槍炙燒，好正💕💕叉燒有四小塊，都算多！重點係咁多料都只係40蚊，好抵食！🥰🥰🥰🥰不過男仔食會唔夠飽，建議加底，都只需5蚊，平靚正💯💯💯😍😍😍💕💕・　玉子燒🥚 ($15)玉子燒雖然只得2舊，但係好厚身😍😍😍味道甜甜，面頭有少少蛋黃醬，好夾💕💕💕不過食嘅時候要好小心，因為真係好熱🙈🙈🙈佢即叫即整嘅，好新鮮，好正🥰🥰🥰🥰・　環境🏡店舖唔夠大，所以如果想堂食，老闆會開張摺檯、摺凳比堂食嘅客人坐😝😝😝總體評分:7.5/10⭐️

朋友介紹青衣有性價比拉麵，話好平，高質。於是趁著假日，喺灣仔運動後﹐搭巴士黎食。叫一碗慢煮叉燒拉麵同埋玉子燒。真係好平🤭 拉麵$40；玉子燒$15。出面真係食唔到咁抵😆味道方面：湯係鰹魚湯﹐味道剛好﹐唔會咸，我好欣賞。份量剛剛好，叉燒又煮得適中。又有紫菜，又溫泉蛋，好抵，好食😋另外，玉子燒上面有d 沙律醬，熱辣辣咁食，非常好食！友人好推薦😙

閒日嚟食lunch 要等位， 不過都好快有位。 今次係第一次食， 見大部分學生為主，見佢地牆上有好多學生留言支持及推介， 相當受學生歡迎。再望一望價錢估唔到40蚊有拉麵食，而且配上一隻有囍字嘅紅碗幾靚下。味道:朋友食油麵話幾唔錯，我就試佢嘅慢煮叉燒拉麵。 薄切叉燒夠淋而且份量有四大片， 半隻溏心蛋加上兩片紫菜同大蔥花， 另外有幾片唔知係咪筍片，拉麵幼身而且夠爽彈， 湯底濃厚但唔會過咸， (其他地方食好多時都覺得太過咸，包括喺日本食)。 雖然碗麵唔係驚為天人，但絕對係好食而且平靚正， 一定有下次份量: 算正常， 但我發現原來可以免費加白飯，即使加麵都係五蚊雞， 溏心蛋都係五蚊一隻， 我絕對有理由相信佢係一間屋邨良心小店衛生:雖然係街市入面， 但見佢哋乾淨企理，整個廚房都一眼清楚見曬，完全冇擔心佢哋衛生問題。服務:店內見一男一女估計係夫婦， 雖然多客人好忙下，但由安排我哋坐位到我哋離開， 整個過程感覺都好舒服完全冇抬慢。 今次係順路去郵局所以嚟食，下次應該會特登嚟食， 因為見留言板話牛肉飯好食

Intro: 雖然青衣係美食沙漠，但青衣嘅屋村地方都有唔少小店，而呢一間就喺長康邨冷氣街市裡面，專賣小食同拉麵，價錢好地道都係50蚊內，專做中學生生意，記住星期日唔開架～___________________🍽 慢煮叉燒拉麵⭐️8/10💰 40/碗✍🏻 份量足夠，都有四片薄叉燒，只係40蚊✍🏻 糖心蛋好靚，蛋黃熟嘅程度剛好✍🏻 拉麵麵底同坊間貴價拉麵唔同，但好彈牙，可算接受✍🏻 湯底就正常日式濃湯味道🍽 魚蛋 ⭐️6/10💰5/5粒✍🏻 魚肉好散唔彈牙✍🏻 但咖喱汁好香濃___________________🏠 木屋小食店📍 青衣長康邨康和樓長康市集地下M16號舖⭐️ 8/10 ___________________

此小食店最抵食之選一定是叉燒拉麵，盛惠40元送多一碗白飯。大胃王都應該不會投訴不夠攝牙罅😂目測有八片以上，近尾部有點骨，飯的份量接近日常用的飯碗一碗半，汁就真是很鹹。但這個價錢，這般份量，真是很難挑剔它的質素沒有星級。唯一令我不會回購的原因，竟然是他們用微波爐叮熱鰻魚😅。平常不會選吃叮叮食物的我，當然不會為它破戎。拉麵配料還有半隻蛋和紫菜，日式風格，拉麵不會黏在一起，又有口感。平食一餐日式拉麵，絕對是不二之選。

位於長康邨一期街市入面嘅小店!之前食過幾次慢煮叉燒拉麵，印象中湯底比較香濃厚身，油份較高。唔知喺味轉咗湯底，對比上幾次，今日湯底較清，味道清甜，比較啱我口味!拉麵及叉燒份量足，個人建議可以慢慢咀嚼叉燒，味道會更豐富!另外仲叫咗3條腸仔，不過略嫌醬汁太甜!

我每次去長康邨睇完醫生之後都會去木屋小食店食拉麵。外面既拉麵通常都係濃厚嘅豬骨湯又或者係蝦味增湯，而呢度就係用魚乾、醬油、雞湯做湯底（如果我無食錯的話😅）比較清甜，有啲似以前細細個去八佰伴食麵拉麵嗰種湯底，當然呢度正好多啦！而且呢度仲多一份人情味，係度食嘢好似老街方咁，老闆一家好親切好warm，外面普普通通一碗拉麵都收你$100，呢度只係賣$40，仲要係用慢煮叉燒，你話CP值幾高👍🏻（溫馨提示：呢度嘅豬軟骨超級正！）

去咗試呢間小店，慢煮叉燒好淋好好味、拉麵爽口、湯清甜，燒賣個辣汁好正，入口甜甜地辣嘅後勁由你吞左之後由喉嚨慢慢上返嚟，令你會有少少出汗。我見好多人寫字喺佢幅牆度話牛肉飯好食，下次要試吓先😝慢煮叉燒拉麵$40

拉麵之旅來到近排工作的地點長青邨，在這個美食沙漠發現了一個綠洲！長青市集裏面有兩間有良知的良心小店，其中木屋小食店就是賣拉麵和手卷的。【慢煮叉燒拉麵】第一次吃的時候真是驚為天人！湯底超級令人難忘！很重的魚乾味道，又嚐到清甜雞湯鮮味，真的無想過$40價錢吃到$90貨式的拉麵！而慢煮叉燒亦超級好味道，老闆刀工一流，切得很薄，不過一碗有4-5大片，實夠喉！最後溏心蛋半隻，浸得甜甜的，中間質感又正！完全無懈可擊。老闆亦非常有心和認真，近排換了一款新的曲拉麵，鹼水味輕了不少。【豬軟骨烏冬】三大舊超級軟腍的豬軟骨，真的是入口即溶的豬軟骨，$45實在是令人難以置信的價錢。由於豬軟骨比較肥膩我覺得配烏冬更加好吃，而選擇烏冬並非拉麵最好就是沒有鹼水味道，吃完烏冬還可以喝下整碗湯！【咖喱豚肉飯】日式咖喱汁調味十足，又咸又甜的特色煮法配上角切豬肉，很適合較大食嘅朋友，因為飽肚美味開胃！【牛肉飯】自從冇食吉野家後，已經很少在外面吃牛肉飯，而這裏的牛肉飯又不錯，牛肉汁味道很適合送飯吃，牛肉份量亦不少！【秘製辣汁魚蛋】本身這裏的魚蛋和燒賣已經超級便宜，最特別是這個秘製辣汁！質地比較稠，有點像韓式辣醬的味道，加上魚