有間麻辣燙

營業中

休息中

國內好興食嘅麻辣燙，其實香港都有，仲好近我公司添，想食辣嘢就會諗起佢。店名叫有間麻辣燙，地點在九龍灣的Eastmark，呢個場好多嘢食揀，而呢間麻辣燙日日爆場㗎。入店先攞筲箕，再去自選食物區度揀餸，鍾意食咩就夾咩，豐儉由人😆⭐藤椒湯自己呢碗夾咗啲丸同餃子，仲有西洋菜，主食就要咗拉麵，湯底就揀咗藤椒湯。去收銀磅完畀錢，再送入去廚房煮，大概十分鐘到就煮完出嚟，店員會叫號，仲會幫手送餐添。湯底嘅藤椒味十分濃鬱，大麻小辣，越食越上癮，個湯底真係好正😋⭐牛骨麻辣湯朋友呢碗同樣操作，佢就揀咗牛骨湯同大麻辣。麻辣湯係最受歡迎嘅，個個都揀呢款湯底咁濟，入口試咗幾啖，真係有好香嘅牛骨味，麻麻辣辣好惹味，呢個湯都正喎😍⭐飲品飲品叫咗一支綠茶同冰糖雪梨，冰冰涼涼啱曬食辣嘢飲。朋友仲出咗去醬料自助區度攞咗碗混醬，個人就覺得個湯底咁好味已經唔使再點醬，不過朋友不嬲重口味，哈哈，佢將啲餸點醬料再加麻辣汁食曬😆順帶一題，逢星期五估中幾錢全碗免費，是晚真係有人估中咗，勁呀👏

【九龍灣•有間麻辣燙】@ππππππππππππππππππππππππππππππ自己DIY食材及自選湯底嘅麻辣燙餐廳一家專門提供自選食材的麻辣燙餐廳，這裡的用餐體驗不僅有趣，還充滿了創意。自選食材進入餐廳後，雪櫃裡面擺滿了各種新鮮的食材。從新鮮的肉類到各式各樣的蔬菜，讓人目不暇接。顧客可以根據自己的口味和偏好，自由地夾取想要的食材，這種DIY的過程讓人感到無比的享受。多樣的湯底選擇蕃茄湯底：這款湯底色澤鮮亮，酸甜可口，十分清爽。搭配新鮮的海鮮和蔬菜，讓人感受到每一口的清新與滿足。牛骨湯底：濃郁的牛骨湯底，帶有肉香和醇厚的味道，特別適合喜愛重口味的食客。將各種肉類食材放入其中，讓湯底吸收了食材的精華，味道更加豐富。滕椒湯底：如果你喜歡刺激的口感，這款滕椒湯底絕對不容錯過。微辣的香氣加上濃烈的麻味，讓人瞬間上癮香菇湯底：這款湯底更加清淡，適合喜歡健康飲食的食客。香菇的鮮香味道，讓湯底充滿了自然的甘甜，適合與各種蔬菜搭配。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 200✨✨✨✨✨✨✨✨✨✨✨✨✨#九龍灣美食 #有間麻辣燙 #web3九龍灣

朋友話帶我試新嘢，佢話最近好興好高人氣，原來係自助港式麻辣燙🍲食材湯底醬料都係任人配搭，我哋去到餐廳見到裝修都好潮好colorful, 夠晒年輕😂餐廳有晒教學指示，首先去消毒櫃攞熱辣辣嘅籐籃同食物夾，然後去揀想食嘅餸，總共有三大個雪櫃，有九十幾種餸比你揀，餐廳標榜香港人口味，好多地道新鮮材料，有雞翼尖，蜂巢百頁豆腐，鴨紅，秋葵，萵筍，仲有好多洗得好乾淨嘅菜， 揀好曬之後再加埋想食嘅粉麵，就可以擰去收銀處磅重，價錢係$16.8/100克，我揀嘅時候因應自己嘅口味，自己想食乜嘢就揀乜嘢，每樣夾一件，不知不覺都一大碗😂比錢時揀埋湯底，依度總共有4種湯底，分別係牛骨湯底，有BB辣小辣大辣選擇；招牌藤椒湯底；特濃蕃茄湯底；濃香菇菇湯底；我哋揀咗藤椒同蕃茄，藤椒唔會好辣，偏向麻嘅感覺多啲，蕃茄湯底鮮甜，感覺好健康😋然後餐廳就會根據你揀嘅湯底去煮，食落好新鮮，特別推介蝦滑，好鮮甜，依度仲有兩款特色飲品，港男爆打檸檬茶同埋錫住港女檸檬茶，個名好搞笑，我要咗杯港男，好清新解渴😋依度店員好友善，地方乾淨，下次再嚟食其他湯底先😍評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：

行到呢間舖頭覺得有啲得意，因為佢哋係重量嚟決定價錢，簡直係「磅秤自助車仔麵」！入到舖頭初頭有啲疑惑…店員耐心有禮地向我解釋點單程序：首先要去消毒櫃入邊攞個筲箕同鉗，之後再去食物櫃揀選自己喜歡的食材。食材基本上係各種丸，菜，雞肉，肥牛，牛腩，面都有好幾種。最近減醣，所以專登揀啲非澱粉質健康啲嘅食材 。拎住一筲箕嘅食材同飲品，去到收銀度磅重同揀湯底。佢哋嘅湯底都好特別，當然我二話不說就即刻揀咗我嘅至愛藤椒湯底。佢哋宜家有會員計劃：$138就可以入會做會員，送50支飲品同全年九折。諗諗吓其實為起支飲品都係兩個幾，真係值回票價。買咗單先見到佢哋兩款手調檸檬茶，下次要試吓。今次第一次食呢一間，試咗一啲比較特別嘅食材：蛋角同潮汕餃好好味，好值得推介。呢度仲有筍同牛脷可以揀，真係第一次見。以為大大條蟹柳冇乜特別，咬咗落去先發現原來係芝心蟹柳！有驚喜。佢哋有廚師腸，芝士腸。但我對波波腸情有獨鍾。好味。佢哋個藤椒湯底真係冇令我失望，好香麻椒味但又唔太辣，冇點面食嘅我都過足癮口，好滿足！

九龍灣有間麻辣燙自助模式，盡情體驗「有得揀先係老闆」😌作為「老闆」嘅我，想食麻辣燙就有四部曲要儲齊～第1️⃣步一定係搵個靚位先第2️⃣步拎個筲箕盤第3️⃣步去搵食區選擇你想要嘅食材所有食材都HK16.8/100克～去之前真係要搞清楚100克究竟有幾多先唔會眼闊肚窄，浪費食物啊😚呢度食材選擇都唔少，正常嘅丸類，蔬菜類，雜菌類，豆製品，甚至仲有少少海鮮好似蜆，魷魚🦑，連粉面類都有好多款，好似薯粉，蔬菜麵，寬粉第4️⃣步就係去埋單同選擇湯底呢度湯底有四款：招牌藤椒湯底，有間牛骨湯底，特濃蕃茄湯底，濃香菇菇湯底～如果想試牛骨湯底同朋友記得早啲去食，因為買完就得返豬骨湯了點咗蕃茄湯底同藤椒湯底各一碗～相信蕃茄湯底是鮮製的，蕃茄味濃仲帶有一點點酸，配上有硬度的蔬菜麵十分掛湯～鍾意椒麻味道的朋友不要錯過，濃濃椒麻香食到嘴巴麻麻，配上寬粉或者薯粉最好味

🆕九龍灣Eastmark新開咗間🇭🇰港式麻辣燙店🙌🏻由配料, 麵食, 湯底, 醬料皆是自由配搭🕺🏻😻想食咩就夾咩,份量多少自己控制,自由度高🥳環境光鮮整潔, 空間闊落🕹️星期五有競猜活動, 估中重量即時免相應金額💰🧚🏻‍♀️入店簡單流程1️⃣消毒櫃：拎籐籃和食物夾2️⃣食材區：揀選配料和主食超過50款食材選擇：蔬菜、丸類、肉類等🥢主食麵類：有間寬粉、年糕、辛辣麵等3️⃣收銀處💲：磅重付款和揀選湯底$16.8/100克4款湯底🥣：(辣)牛骨湯🦴｜藤椒湯🌶️(唔辣)番茄湯🍅｜菇菇湯底🍄‍🟫辣度: BB辣/小辣/大辣4️⃣搵位🪑：等待職員叫號和送餐最後2碗加埋$125, 平均$62.5/碗👻🔸招牌藤椒湯🌶️ 7/10藤椒味清香, 麻中帶辣🤪❄️天氣凍食好正, 頓時暖哂☺️韮菜和山根索哂湯汁, 份外惹味🔸濃香菇菇湯底🍄‍🟫 7/10🍄‍🟫菇菇湯底鮮香濃郁, 同蔬菜好夾🥬☑️適合清淡口味人士🥢有間寬粉比普寬粉闊同煙韌比較似闊版薯粉, 都好飽肚😳鮮牛片和豬肉片不會太肥, 減脂人士都啱食~🔸港男爆打檸檬茶 +$18 6/10🔸錫住港女檸檬茶 +$18 6/10🥤檸檬茶即叫即製, 男店員手打檸檬茶🍋2杯同樣充滿鴨屎香芳

-📍 有間麻辣燙 (九龍灣)九龍灣常悅道21號Eastmark 1樓2號舖 📞：68419717今日嚟到九龍灣Eastmark呢間食麻辣燙既鋪頭，呢度新開未夠一年，先係門面已經覺得好有特色 企理又乾淨 有多款唔同配菜，$16.8/100g任夾，小編揀咗特長芝士蟹柳、蟹粉丸🦀️、秋葵、鵪鶉蛋、娃娃菜仲有蕃薯🍠麵😋夾完餸記得揀湯底：有牛骨、藤椒、蕃茄同菇茹湯底 小編就揀咗蕃茄加藤椒，蕃茄味濃酸酸甜甜再加藤椒麻麻辣辣🌶️，好味又醒胃🤪😋飲品：呢度仲有多款罐裝、枝裝和紙包飲品任均選擇😉

麻辣燙就聽得多，港式麻辣燙你又聽過未？適逢今日天氣有幾分寒，今次帶大家黎到位於九龍灣站旁邊既Eastmark，同大家介紹一間「港式麻辣燙」一 有間麻辣燙小店主打港式麻辣燙，湯底除左店家每日新鮮熬煮既招牌牛骨湯、藤椒湯以外，亦有素食友善既特濃蕃茄湯、濃香茹菇可供選擇，而價錢亦相對親民🌟招牌牛骨湯x藤椒(BB辣)自選食材 $16.8/100g藤椒無預期既辣，而系帶陣陣椒麻香，食得辣亦可以根據個人喜好選擇加辣🤤👍🏻📍有間麻辣燙地址：常悅道21號Eastmark 1樓2號舖#九龍灣 #有間麻辣燙 #麻辣燙 #留港消費 #支持小店 #素食友善 #港式麻辣燙 #為食關注組 #覓食九龍灣 #食在九龍灣 #九龍灣食乜好 #香港美食地圖 #九十後行到邊食到邊

九龍灣成條常悅道都係附近打工仔放飯好選擇，今次同同事去Eastmark食麻辣燙🍲餐廰操作簡單直接 店員比篩自己搵位 夾餸揀湯$𝟏𝟔.𝟖/𝟏𝟎𝟎𝐠 磅重比錢等店員送餐😎⚠️食得哂先好夾 請勿浪費食物⚠️五款湯底可選 我地揀咗湯底惹味香濃 飲多幾啖都唔口渴༯ 招牌藤椒湯花椒八角味濃不嗆易入口藤椒辣度清香恰到好處配辛辣麵好夾 索哂湯好正😆༯ 特濃蕃茄湯飲落係有屋企煲嘅蕃茄薯仔湯味蕃茄味清甜且鮮並有微微酸餸菜方面離不開菇菜、肉丸、麵食等，個人推介：༯ 牛丸 豬肉丸👍🏻墨丸都OK༯ 鮮牛👍🏻豬牛肉還好有少肥༯ 風琴豆卜👍🏻索湯之選店內亦設有蔥 蒜 辣椒 醋 豉油等其實無需額外調味料都綽綽有餘若好辣者想更辣 佢個辣椒油很不錯🙂‍↕️◡̈ 以上食評乃個人意見僅供參考◡̈ 價錢僅供參考一切以餐廳為準

眼闊肚窄的我食得好開心😂呢度可以自己選擇成碗麻辣燙嘅配料，50幾種配料，每樣揀一粒或者一條都得😳按重量計算費用，咁樣平時出去食嘢，每樣都想嗌嘅我，可以試晒每樣又唔使擔心食唔晒啦！🤤由配料、麵食、湯底、醬料都自由配搭！湯底選擇有五款，可以混合湯底，我揀左招牌藤椒x特濃蕃茄，香辣得黎又蕃茄酸甜嘅味道，超開胃！湯底唔算太過油膩食完唔會難受最近星期五有活動，估中幾重幾錢，全碗免費！😆 我差$3炸！好犀利了😂📍九龍灣常悅道21號Eastmark 1樓102號鋪

有間麻辣燙位於Eastmark，喺享樂烘焙既樓上。呢間麻辣燙比起出邊一般麻辣燙更加多湯底選擇！入到去先攞個筲箕，再去自選區度揀配料同麵底。揀完就可以去磅重揀湯底同飲品，之後就可以去醬料區調配自己鍾意既醬汁，就可以坐定定等食啦。🤤呢度既湯底分別有四款，分別係牛骨湯底、藤椒湯底、蕃茄湯底同菇菇湯底。而今次我哋試咗藤椒湯底同小辣既牛骨湯底。藤椒湯底已經定咗辣度，湯唔會話好辣，係微微香辣既味道加上少少麻麻哋既感覺。而牛骨湯底可以選大中小辣，今次就試咗小辣，呢個湯既麻辣味更加突出，亦品嚐到牛骨既鮮味！我哋揀咗既公仔麵索滿晒麻辣湯既香味，正啊！😋聽店員講佢哋既配料都係新鮮送到，當日使用！配料特別推介雞腎同魚餅😗食得出當日啲蔬菜都幾新鮮。呢度除咗有唔同種類既支裝同包裝飲品，亦都有爆打檸檬茶等等。

喺九龍灣戲院對面天橋一落就係嘅呢一間有間麻辣湯佢係$16.8就100克，自己拎完個盤，自助式自己夾餸夾完呢就去磅吓幾重再俾錢再揀湯底同嘢飲咁呢我朋友就試咗呢個藤椒嘅麻辣小辣湯底同埋我就食咗呢一個蕃茄小辣湯底咁食完呢整體上都覺得個湯底真係好好味，咁我都有試到朋友嗰個嘅無論係藤椒或者係蕃茄湯底都好好味😋👍🏻湯底係冇得輸嘅，咁不過呢我同朋友分別呢碗嘢呢都$80幾蚊嘅，平就唔算係平（我個人認為呢因為佢啲肉類就唔係太多），但係真係好多餸又好好味個湯底（不過其實啲丸都唔平嘅，但係可能都重重地實心嘅丸），但整體上我都覺得呢間係好食嘅！冇影到單買單，計埋包紙包飲品190十幾都OK嘅最尾嗰張圖個蛋角好好味

終於有間麻辣燙係我附近,位置近MCL戲院過條天橋就到商場🏬店內長期人來人往首先自己搵個位置坐低,然後出去拎筲箕,之後就可以自己揀自己鍾意食嘅嘢🥟🥬🥓🥚🍲揀好就去收銀磅秤 $16.8@100g同揀湯底及辣度落埋飲品俾好晒錢就坐低等叫號湯底有4款, 我就叫左藤椒我朋友就叫了蕃茄滕椒出邊比較少,如果食🌶️我會建議食滕椒~麻麻辣辣😋蕃茄湯底都幾濃,亦都可以加辣,不過就無麻嘅感覺😝😝如果唔夠辣出邊有個混醬區再調味,款款蔬菜都好新鮮,所以夾咗好幾款🤣有幾款餸我要推介蟹棒好特別入面有芝士餡蜂巢豆腐好彈牙入面又好滑蛋餃唔係成日見,個蛋又索湯豆串索湯之選鵪鶉蛋依個純粹我個人好鍾意😝整體黎講~交通方便👍🏻最緊要環境乾淨一間屬於香港人麻辣燙🌶️#有間麻辣燙

在九龍灣覓食，走進C出口德福商場，穿過相連的天橋後，發現"有間麻辣燙"，於是去試試一入門口先取筲箕，揀選飲品，最便宜$5已有罐裝飲品然後到食物櫃取想吃的，由菜，肉類，海鮮，麵類全部都有多款選擇，實現食材自由選好後拿去付款，按重量收貨，$16.8/100g最後選湯底，我們選了牛骨湯底和藤椒湯底，牛骨湯非常香濃，藤椒麻香惹味，如果第一次來較推介牛骨湯底，下面還有醬料可以自己加兩碗麵食材新鮮，味道香濃，下次想吃麻辣燙會再來

成日想食火鍋，但又驚任食食得太飽終於搵到間食幾多俾幾多錢的火鍋店🤤基本上$80都可以食到飽🤤又可以每樣野食少少因為小編近排想減肥 唔食太多澱粉，終於比我搵到一間可以淨係食餸嘅餐廳❤️當然驚唔飽嘅朋友都可以夾米線、薯粉、公仔麵🤣聽個名麻辣燙就以為係辣嘅 湯底方面其實有多款選擇，有辣有唔辣如蕃茄湯、純牛骨湯、菌菇海底辣嘅湯底可以自選3個辣度、BB辣、小辣同大辣👍呢間火鍋食法幾特別1.自己先拎個筲箕2.可以揀自己鍾意食嘅配菜 再拎去個磅磅吓幾重再埋單（$16.8一磅）3.佢會幫你煮埋4.自助調配醬料整體食材質量上乘🤤丸類新鮮且無冰味😆蔬菜唔會太靭👍內臟類無腥味😆✨極力推介✨肥牛豬頸肉雞腎牛丸有間麻辣燙（九龍灣）九龍灣常悅道21號Eastmark 1樓2號舖#香港美食 #香港好去處 #香港旅行#香港打卡 #香港小店 #香港製造 #香港生活 #香港🇭🇰 #香港品牌 #香港店 #香港景點 #香港電影 #香港街拍 #香港美食指南 #香港美食推介 #香港美食日記 #香港美食地圖 #香港美食分享 #香港美食推薦 #香港美食攻略 #香港美食天堂 #香港美食探店 #香港美食家 #香港美食打卡 #香港美食🇭🇰