有咸有甜

營業中

休息中

想吃魚肉燒買...本想專賣小食的一定比便利店的好味，而他們5，6個電視牌都不停播放「燒買6元5粒」既畫面，就去cashier 畀錢，點知佢收我 8蚊，見到張單先知得6粒!!! 一問之下，收銀話:「個價錢改左好耐啦!」....以為8蚊得6粒既超貴魚肉燒買可能係會好好味，點知係冇味既粉團.....一次就夠!!!

呢間野我由細食到大..而+轉左電腦化好神奇..不過佢部機擺正[]係門口..我又唔想[]係正門口篤..所以會走去cashier果度落order..但係又唔係次次都有人企[]係度..有時經過想食都會睇下入面咩環境先決定食唔食..其實佢地d汁真係好好味,,夾埋魚蛋,,墨魚丸同蘿蔔,,真係冇得彈..有時食晒都想keep番d汁,,自己買d丸黎整..如果佢地可以改一改d服務..我一定會成日買黎食...

失望！收銀員態度惡劣食物亦不新鮮(魚蛋 豬腸等）飲品又貴又難飲唔係一次係咁 次次都無改善如果唔係得一間賣小食物 都唔會幫親但係辣汁一直都好味！最想收銀態度好少少唔洗次次買野食都受氣

其實我覺得如果多多一間賣魚蛋既, 佢應該唔夠人爭....咁普通既魚蛋都可以咁難食....魚蛋是梅的, 香腸過"林"...細個睇住個是頭婆由街邊做到舖頭, 而家間舖只你靚左....人手多左,不過食物都係冇變...都是差的....

說實話，我並不是因為食物而進去的。而這食評，也不算是對「食物」的品評，小弟純粹想講下，那部令我入襯的自助點餐機。一般小賣店都是「叫單」，或者伙計落單，香港很少讓客人自助的，雖然部機選擇好仔細，但這會否是小賣店的「人情味」消失的前奏？為了玩機，點了兩條腸仔另加一杯少珠的珍奶加胚芽

幫襯左多年, 始終覺得最正都係蘿蔔(每份 $6) 蘿蔔好稔及好入味, 炆得夠火喉, 算料方面亦講究, 食這麼多次都是無渣的蘿蔔, 又唔會太苦. 切得好大件, 份量亦夠多 魚蛋普通, 質感偏實 牛柏葉爽口不過最正都係辣汁, 夠辣, 又濃又惹味

今日要去樂富拎蛋撻,拎之前去了有咸有甜買食物和珍珠奶茶.由於珍珠奶茶是家人要飲的.為免影響味,所以走冰.最後店員也記得真是有幫我走冰.買過珍茶便從咸點中找尋食物,原本好想食鹵味,最後因為要買魚蛋和燒賣,再加炸魚蛋,不得不放棄了,燒賣:6元5粒,燒賣有分魚肉和豬肉,今朝早餐己吃了豬肉,夜晚當然食魚肉,魚肉燒賣無性格,又係一般大路粉多過魚肉的款式,唔食無乜損失魚蛋:6元6粒,魚蛋細細粒,魚味唔覺有,彈牙程度一般,只是辣魚蛋真的幾辣,食到我流鼻,除此外乏善足陳炸魚蛋:6元3粒,炸得唔夠時間,火喉未夠.魚味也唔覺有,只是粉下得頗多,幾難食之物珍珠奶茶:$12,奶味唔算重,茶味算突出,珍珠幾彈牙,飲完唔會覺得飽滯,12元都飲得過服務:收銀姐姐態度幾好,只是對食物件數並不太清楚,我問她魚蛋6元多少粒,她也唔太肯定.這方面應作出改善後記:自從維園年宵熟食檔己天價被人投到,全人類都知魚蛋格價幾多.我覺得做得飲食生意當然要賺錢,何況新聞報導只是講魚蛋價,還有人工,一般店鋪還水電人工呢??如果好食的話貴一貴,我任你開乜野價都無所謂,只是這間店鋪的小食完全唔得.看來也是來貨的了,1蚊粒魚蛋質素竟然可以如此,

朱古力奶茶不像中意飲的椰汁珍珠奶茶 ( http://www.openrice.com/restaurant/sr2.htm?shopid=31073 ) , 這杯奶茶的塊冰是完全溶於奶茶中入口有少少朱古力味 , 但茶味奶味都欠缺 整杯都比較稀的 奶茶$12 一大杯 , 份量多 , 亦夠便宜但我寧願份量少一半 , 味道濃沃一些會更好

舊店買完魚蛋豬皮蘿蔔就要企出街食, 現在擴展左又有位坐, 而且小食種類比以前仲多好多!!! 生菜魚肉 $12 魚肉白雪雪, 唔腥, 好彈牙 ==> 最緊要呢樣 魚味略淡, 不過都預左, 平價小食都是這種味道 魚肉有些片得太細條及過碎 唐生菜切成細細塊, 墊在魚肉底, 菜夠爽脆 湯是咸咸地的味精水, 加埋麻油味道都算夾好地道的港式小食!!!

有咸有甜的前身，是"樂富辦館"，一個，集報紙檔、生果舖、小食店一身的辦館。新開的有咸有甜，也是賣小食和車仔麵；猶記得在樂富辦館最後的日子，讓我發現了它的腸粉是何其美味，既然有咸有甜同是賣小食，令人有些希望 - 會否只是重新裝修而已，骨子裏仍是樂富辦館？於是是日就要了個腸粉 + 燒賣當午餐。腸粉標價$6/3條，不過店員絕不吝嗇，把一些小段的都加進去了，所以份量也不少。可惜，吃上去與其前身完全是兩回事，不夠爽滑，咬下去感覺太實淨了點，更不用奢想有米香了，只靠甜醬和麻醬添食味。魚肉燒賣則算不過不失，是一般凍肉舖的燒賣貨色，沒驚喜也沒驚嚇，沒有蒸得皮散肉碎，算合格了。想「有咸有甜」是「樂富辦館」的「借屍還魂」？恐怕是我想多了....