有咸有甜

營業中

休息中

五餸車仔麵；熱氣騰騰。外賣到家中仍然非常美味湯底好味，跟餐的罐裝汽水是冰凍的十分細心食物保持水準配料豐富，醬汁味道也不錯最體貼顧客是湯水分開用另一器皿放，回家食用時可以將熱湯加入麵中同食

這店舖有位女老人家，已有幾次出錯食物俾我，也是在我沒有留意時先會出錯。（叫生菜魚肉翅，她可以唔俾翅我囉）我也有1次買完野食後，俾了錢佢，因為我電話到，一時沒留意，就沒有找錢俾我，到我發現時，我已回家了，所以都沒有追回。仲有。。。這位女老人家，俾我們客人食物得份量，是一次比1次小，（大腸得4片，豬皮得3塊都試過）我有出過聲，但她沒有理會，但如果是4眼哥哥，比較年輕的女士，他/她俾的份量是工常的，（通常都是，大腸7，8片，豬皮也是一樣）所以我一見到果個女老人家係度，我都唔會去買！！其實我不是想追究，只是希望大家會留心啲，個女老人家，咁就大家食得開心！其實佢哋啲食物都幾好食！！

煎釀三寶，冇一款係正常味道，堪稱最難食煎釀三寶🤮廚餘都不如🤢魚腥臭味、食材唔新鮮、醬料難食得人驚，唔敢再食落去，成包棄掉了，免得食出個病來⋯⋯最重要既魚肉都調製呢個樣，應該係唔休做⋯⋯

大熱天時30幾度 唔係好想食飯 想食啲濕濕地嘅嘢一於就食番碗車仔麵喺樂富出名嘅車仔麵其實唔多不過我有鹹有甜呢間車仔麵店已經開左好多年今次食佢都覺得 保持到一貫水準叫咗個三餸一菜油麵 加辣汁 $4x分量多到 差啲冚唔到蓋成碗麵嘅靈魂可以話係佢嘅辣汁，同個油麵好夾面底方面係油面 麵質彈牙唔會太淋三個餸分別係 豬紅 牛腩 豬腸全部餸都鹵得好入味 新鮮 無臭味 之前試過其他車仔麵 豬腸同豬紅 如果唔新鮮 會有 臭味牛腩亦都係入口即溶整體 性價比高 會繼續幫襯＊後記大熱天時真係好 敬佩 喺車仔麵工作嘅姐姐裏面冇冷氣 仲要有幾個爐對住 蒸氣蒸住冇返啲耐力 真係頂唔順佢哋都可以好有禮貌咁樣對客人 值得一讚

簡直就係垃圾，啲豬紅完全係冇味搵滾水白烚，啲湯又冇味，仲要唔知點解會係紅色，三餸麵$38，我諗我以後都唔會再幫襯，三和附屬機構，煎釀三寶又唔掂，做咗咁耐啦，應該都好快捱唔住

有咸有甜🍜📍 樂富聯合道198號樂富廣場UG3號舖╍╍╍╍╍╍╍╍╍╍╍╍╍╍╍╍╍╍╍╍╍╍╍╍╍╍╍╍╍╍本身諗住食壽司郎外賣🥡，點知而家疫情期間，外賣係下晝五點幾就截單🥲。 夜晚又冇堂食， 就試下呢間好多人排隊既街坊車仔麵😗。呢間鋪頭做外賣，不設堂食既。 不過整體上價錢都比較平價，而且味道都唔錯既，特別係個魷魚🦑，呢個好食👍🏻🌟四寶麵 $28🌟三餸麵 $35🌟四餸麵 $40🌟五餸麵 $45 （另加 $5 可選配 豆漿、烏龍茶、罐裝汽水）整體推介指數：❤️❤️❤️🤍🤍╍╍╍╍╍╍╍╍╍╍╍╍╍╍╍╍╍╍╍╍╍╍╍╍╍╍╍╍╍╍

適逢疫情，所以買下外賣食，去左有咸有甜買左一個三餸麵、四餸麵同一份燒賣。個人自備左餐盒，以便將麵同湯分開裝。三餸麵叫咗兩份雞翼同一份牛肚，四餸麵叫咗蘿蔔、紅腸、牛柏葉同牛腩，非常足料抵食，叫左小辣，辣度仍非常足。蘿蔔夠入味，唔會苦，牛腩略嫌有啲乾柴，其他整體都非常不錯，其他不過不失，普通車仔麵料同燒賣，就唔一一提及。總括而言，都算係優質頹食，糧尾無錢可以試下。😚

星期三，我本來打算在「新蒲崗」享用「牛腩飯」晚餐之前，先在「新蒲崗」附近的地區找間食店，食完一碗包含有「雞肉」食材在內的熟食食品，作為晚餐裡面的「雞肉」一部分食品。本來我在「樂富站」旁邊的「樂富廣場」地庫舖位裡面，找到一間港式車仔麵食店，食店的名稱叫做「有咸有甜」，我正打算享用「有咸有甜」裡面的堂食車仔麵，當作我今晚晚餐裡面的「雞肉」食品。怎料我光顧「有咸有甜」之後，才發現現在的「有咸有甜」已經沒再提供堂食，所有食客現在無論任何時間光顧「有咸有甜」，都只能夠享用外賣自取食品而已。其實我絕對不介意在「有咸有甜」店舖裡面，以「立食」的方式享用「車仔麵」，可惜「有咸有甜」在這方面看似比較有點固執，堅持沒有提供堂食。所以我購買有「雞翼」、「牛腩」、「蘿蔔」作為餸菜，粗麵底的三餸「車仔麵」。至於「有咸有甜」「車仔麵」湯底屬於一般辣味湯底，但是店員告訴我可以選擇為「車仔麵」，另外加入甜味「海鮮醬」作為調味醬料。所以我最後付款購買了一碗，另外加入甜味「海鮮醬」的三餸「車仔麵」，然後攜帶「車仔麵」，在「樂富」乘坐專綫小巴前往「新蒲崗」享用「牛腩飯」晚餐。至於「有咸有甜」廚房製造，有「雞翼」在裡面的甜味

35蚊一碗面 個湯又好味 辣汁夠辣 生菜魚肉份量多先22蚊一碗 真係好抵 大大份好抵食 支持小店 唔想再幫襯大集團 次次放工行過必買 老闆又好禮貌 抵讚 支持香港本地小店 加油！！！！！

放工肚餓行過唸住食個燒賣，個呀姐又唔知自己係到做緊乜，成間店4個人係到都唔識清單，個個望住某一個呀姐做單，我要個燒賣都等左5分鐘，仲要唔俾籤我食都算，6點後唔可以堂食我知，佢連蓋，袋同籤都唔俾我，唔通叫我就咁企係街食？有個大年紀既呀婆整野食又唔帶手套又冇禮貌，以後都唔會去食！

呢間車仔麵由以前未裝修，到而家裝修轉左位置個車仔麵比以前好食得多有車仔麵，小食，碗仔翅等等。呢排成為我lunch 經常去食既地方，而且都會叫車仔麵三餸麵$35 好平必點: 1. 魷魚 🦑有自家製醬汁好入味(基本上每次都會點）2. 肉用厚切午餐肉3.牛柏葉夠爽口湯底:咖喱汁 and 自家製蒜蓉汁老實話兩個醬都好味，可以試哂佢or 你可以兩溝。個人偏好蒜蓉汁多的大大碗，價錢底，味道又不錯員工都好有禮貌，比心機，努力經營香港加油

以前好喜歡呢度車仔麵及三寶，而家完全兩回事。聽講師傅不同了。三寶嘅炸魚旦真係超唔掂。車仔麵雖然未及從前，但算仍然可以接受。但牛腩太乾又硬。整體來說，只可以說仍然懷念以前嘅味道。

小編雖然經常帶大家搵好嘢食，但今日有啲唔同，因為呢一間車仔麵檔夠哂平民👯‍♂️，而且位置亦都好方便，易搵。而呢間名叫「有咸有甜」嘅車仔麵檔喺近於樂富站🚇，喺大型商場附近顯而易見，咁就一於去試🥡。✦✦✦✦✦✦✦✦✦✦✦✦✦✦ 🎈四寶麵 $28「四寶飯」就聽得多，見識少嘅小編唔知咩係「四寶麵」🤔。問一問姐姐，原來係有豬紅、豬皮、蘿蔔同魚蛋🤩，而價錢方面只係$28蚊。嘩！真係平，夠哂平民👍，而且唔洗揀，四款都係香港人經常會食嘅配料🙌，小編就決定外賣呢個「四寶麵」。✦✦✦✦✦✦✦✦✦✦✦✦✦✦ 因為小編外賣拎走，用咗好耐時間先返到去🕑，可能影個麵有少少乾，不過其實唔差✨，味道好濃沙嗲醬加少少辣。而每款配料都係車仔麵檔嘅熟悉味道😊，價錢係令小編吸引嘅地方之一，其二就係夠快夠簡單👀，唔洗左諗右諗就一碗麵。✦✦✦✦✦✦✦✦✦✦✦✦✦✦ 餐廳仲提供咗碗仔翅，燒賣，基本應有嘅食物🍴，住喺附近嘅朋友應該食咗唔少次。另外，餐廳依家就無坐位，亦無提供堂食，唯有外賣返屋企食又或者拎去附近食喇✨。✦✦✦✦✦✦✦✦✦✦✦✦✦✦ 

心思思想食，有時候路過會買一碗食下 今日一打開，食左兩淡，起初以為系肉碎，越望越唔似，唉！ d姐姐換左另一碗全部系送嘅比我，但係我已經唔想再食虽然你哋好支持香港，但系真系要注意下

又咸又甜重新裝修搬咗位置成日去呢邊揾朋友玩，無意間發現一間又平又好味嘅車仔麵店價格不貴，最重要味道又好咸度適中，湯底味好，而且都算係干淨同埋！！！呢度嘅服務好好好有人情味