月華

營業中

休息中

太子竟然有一間日本高級串燒！？餐廳主打係食雞串燒，有別於普通的串燒店！佢哋會有較特別的部位～例如有雞胸軟骨和半熟雞胸😋都是香港比較稀有餐廳會做的雞胸肉（三成熟）表面微焦，中心嫩如刺身，加酸醬提鮮，敢做三成熟顯實力燒雞翼外皮超脆，裏面肉質嫩滑，朋友覺得好好食，我哋叫咗六隻🫣雞頸肉肉質彈牙帶筋膜，炭香滲透肉絲雞胸軟骨嚼感像升級版雞脆骨，又有口感又香梅子紫蘇起司雞肉捲紫蘇清香+梅子酸+起司奶香，爆漿口感，芝士控一定要食鹽燒大蔥雞肉雞腿肉夾烤甜蔥，蔥段焦糖化後甜度飆升，增加整個口感免治雞肉棒脆骨加免治雞肉，口感豐富，注意是沒有跟流心蛋，所以建議配搭豚肉糖心蛋，可以點蛋汁吃！豚肉溏心蛋豚肉裹流心蛋燒製，戳破蛋黃混肉香金菇豬肉卷佢嘅金菇係剪到豬肉嘅size，剛剛好可以包住所有金菇，一口咬落去焦香嘅豬肉包裹住多汁嘅金菇，超香！！薯仔沙律薯仔上面再加上魚子和黑松露醬，超吸引菠蘿炭烤甜點表面焦糖脆殼，咬開超多汁，完美收尾解膩

太子新開高質日式串燒店，地點方便，環境舒適，每一串串燒都感受到師傅嘅心機😚廚師精選套餐性價比高，只需$420，就可以享受到十串時令串燒，仲可以揀主菜，選擇有特製燒飯團🍙、雞湯素麵或者親子丼，最後仲有雪糕作為甜品🍧串燒方面，特別推介梅子紫蘇芝士雞肉卷，嫩滑嘅雞肉配上酸酸甜甜嘅紫蘇醬，再加上芝士🧀，真係絕配！免治雞肉棒，點上豚肉流心蛋蛋漿，味道真係無得輸！新鮮白鱔燒到金黃香脆，口感一流🤤燒炸豆腐外脆內軟，加上木魚，味道更上一層樓🫶燒飯團燒到飯非常焦香，香氣撲鼻😋芫荽白蔥沙律配上鰹魚汁，食落非常清爽，完美平衡油膩感🍢✨最後，奉上海鹽🧂/開心果/柚子雪葩作結🫶 #月華#串燒#太子美食#旺角美食#日本菜#hkig#hkfoodie

今晚同老公去太子搵野食，行經過見到一間居酒屋裝修得幾特別，同埋難得係呢區見到有居酒屋，所以去食先。入到去見到好多酒做裝飾好靚，佢前菜係蘿蔔漬物，店員推介我哋食既野食都好唔錯🩷🩷🩷🩷🩷:雞胸肉，咬落去好淋之餘又唔會太嚡口。雞腿肉，面上面嘅雞皮好夠脆，而且咬落去會有肉汁，雞肉好嫩滑。極上牛舌，好淋既牛舌，完全唔使用力咬，而且燒得啱啱好，唔會太過熟。照燒鵝肝，呢個好有驚喜，因為佢整到外脆內軟，再加埋啲燒汁好正。鰻魚飯，配埋一個燒汁可以加埋落去，更濃味。而且鰻魚都表面燒到好夠脆。親子丼，蛋同雞肉整得幾好，唔會太過。仲後加左蘋果汁橙汁，整體嚟講都唔錯，值得一試。👍🏻

週日晚上想找個地方放鬆，找到了一家新開業的日式居酒屋餐廳環境簡約，木質桌椅搭配溫暖燈光，營造出輕鬆的氛圍以傳承日本居酒屋文化為理念，牆上放滿酒瓶吧台後的開放式廚房看見師傅專注烹調，環境乾淨日式小食梅醬鮫魚軟骨切成小塊，晶瑩剔透，酸甜脆嫩酒盜芝士的獨特鮮鹹與濃厚奶味完美融合，餘韻悠長燒魷魚一夜乾鮮甜濃縮，帶微微鹹香，咀嚼間釋放炭燒風味日本自家製魚餅煎得兩面微焦，散發淡淡魚香火炙明太子橙紅微焦，綿密鹹香，微辣後勁迷人

週末專程到訪太子人氣日式串燒居酒屋【月華】，店內主打以日本三大名雞製作的即燒串物。大部分食材由日本直送，師傅即席燒製，火喉準確，風味十足。另備廚師發辦料理，每道菜都充滿驚喜。前菜"酸洋蔥"清新醒胃，"雞胸軟骨"燒得金黃微脆，吃下爽脆彈牙，外層薄薄雞肉鎖住肉汁，越咬越香，鹽燒調味簡單卻突顯食材本味。"白鱔"外皮微焦脆口，魚肉細嫩，油脂分佈剛好，配上特調醬汁，更添甘香。"金菇豬肉卷"，金菇吸盡豬肉汁，肉香中夾雜菇的鮮味，鹹香惹味，層次豐富。"芝士玉子燒"厚實柔軟，內藏香濃芝士，濃郁而不膩，趁熱食一啖暖入心。"菠蘿"表面炙至微焦，散發果香，酸甜清新，解膩一流。"廚師精選"包含10款店家精選串燒、主食及甜品，份量十足、每串都有驚喜！當中可嚐盡多款「燒鳥」名物。"雞翼"外皮微脆、肉嫩多汁，簡單鹽燒已經香氣撲鼻。"梅子紫蘇芝士雞肉卷"緊實有嚼勁，半溶芝士香濃，紫蘇葉的清香及梅子酸甜與雞肉完美融合。"雞胸肉"柔嫩細滑，燒得剛好最能展現雞肉原香。"雞腎"鮮香細膩，"免治雞肉棒"肉質鬆軟，雞香濃郁。"紫蘇豬肉卷"紫蘇的清香中和了豬肉的油香，入口平衡清爽。"和牛肉眼"配搭青椒、車厘茄、洋蔥等蔬菜賣相繽紛，

呢間新開的「月華」，原來只是開張了一個多月，今晚被我發現了，離地鐵站只需3分鐘路程。今晚嘅餐單，串燒佔咗九成，而8成都係鷄添！嚟呢度我提議一定要叫「鷄」吖！🍡免治雞肉棒 $38🍡雞皮 $34 - 呢個真心要推薦俾大家，鷄皮燒得夠均勻，非常香脆!😋🍡雞翼 $30🍡雞胸軟骨 $30 - 非常有「咬」感🍡雞心 $30🍡雞尾 $32 - 除咗香仲口感好滑嫩🍡雞腿肉 （塩） $36🍡雞肝 （塩） $36 - 燒至半生熟，俾一般鷄肝較軟熟🍡雞胸肉 （$32）上面加咗柚子胡椒 - 燒至半生熟，肉質好嫩🍡大蔥雞肉 （塩）（$34)🍡牛脷 $52🍡燒炸豆腐 $36🍡燒菠蘿 $45 - 菠蘿好甜兼且可以解芝士玉子燒 $60 - 玉子配埋芝士，更加惹味燒飯團 $45 x 2 - 形狀好似一隻雞腿咁，唔講唔知係燒飯團，飯團燒得外脆內軟！值得推薦！👍🌟每位茶錢 $20

太子新開張日式串燒店，主打日本三大名雞燒鳥以及其他蔬菜、牛等串燒，亦有日式小食、清酒啤酒。餐廳仲開到凌晨兩點，最適合同朋友過嚟chill下，坐低慢慢飲酒食串燒。🌸月華套餐（$330）-8款串燒（柚子醬雞胸肉、雞翼、雞頸肉、雞尾、雞腎、青椒、免治雞肉棒、明太子翠玉瓜）-親子丼-雪糕有選擇困難嘅話可以直接叫呢個套餐，有曬推薦既燒鳥部位，出色既燒鳥往往只需要簡單調味，所以大部分都系默認鹽燒。當中最令人驚喜系5成熟既燒雞胸，嫩滑無比仲有淡淡柚子香氣。雞翼皮燒得勁脆，雞尾油脂感豐富。親子丼滑蛋部分亦相當出色。🌸梅子紫蘇芝士雞肉卷 ｜$34🌸雞皮 ｜$34🌸和牛肉眼 ｜$70 🌟入口即溶！🌸牛腸（汁燒）｜$32 🌟牛油脂肪味香，牛腸控必點！🌸魷魚一夜乾 ｜$80 魷魚彈牙，配燒汁沙律醬一流🌸明太子玉子燒 ｜$60 🌟完美蛋漿比例，入口滑嫩，明太子香口唔會過鹹🌸雞心（鹽燒）｜$30

最近去咗太子站附近新開嘅餐廳🍽️，餐廳有吧枱，師傅超NICE，全程照顧晒我哋食嘢嘅節奏，就算掛住傾計都唔怕啲嘢食凍晒，氣氛好放鬆。  汁燒免治雞肉棒佐天竺肉溏心蛋🥚：半熟蛋漿與嫩雞肉超搭，比生蛋更驚喜。照燒鵝肝：保持滑嫩口感，味道濃郁，一客四件性價比高。明太子玉子燒：鹹香帶甜，流心效果滿分。海膽鹽辛：第一次嘗試，口感有嚼勁，鮮鹹味濃。燒飯糰：外脆內軟，加埋紫蘇葉，食落特別清新。最後飲杯梅酒🍶，酸甜濃郁完美收尾！

呢間串燒店，太子站行兩步就到，高檔得嚟唔拘束，今晚專登揀bar枱位，睇住師傅燒串燒，就好似睇live show咁過癮！ 🍹 **Ume sour** 話明要醒胃，呢杯梅酒sour酸咪咪，飲完成個人都醒神晒，開動～ 🥗 **昆布椰菜沙律** 爽脆椰菜絲撞上煙煙靱靭昆布絲，鹹鹹地，清新開場無得輸！ 🍢 **串燒逐串數** ▪️香菇 - 厚肉又爆汁！面頭灑咗薄薄一浸鹽，鹹香得嚟唔搶菇香😋 ▪️明太子翠玉瓜 - 明太子鹹香＋翠玉瓜清甜，呢個組合我比💯 ▪️日式魚餅 - 外皮燒到微脆，咬落去超彈牙😘 ▪️鰻魚 - 皮脆肉嫩，魚油香得嚟唔腥，必encore！ ▪️和牛肉眼 - 五成熟，一啖咬落去...嘩！油脂香噴出嚟，仲keep到粉嫩肉色 ！😍 ▪️雞胸 - 驚喜！以為會柴，點知超juicy，師傅火候掌握神級，燒到五成熟，一丁點芥茉，少少刺激，yummy！▪️雞翼 - 皮脆到似玻璃紙，入面肉汁鎖得好好🥰 ▪️銀杏 - 甘甘哋有咬口，食完喉嚨有陣回甘👍🏻 ▪️鹽燒雞腿肉 - 簡單鹽燒已經無敵，雞皮脆、雞肉滑😘 ▪️雞頸肉 - 爽脆口感似豬頸肉，油香超濃🥰 ▪️免治雞肉棒 - 混咗軟骨粒，蘸少少七味

同朋友去太子一間新開嘅串燒店食嘢 竟然迎來一個突破🙃 就係「無牛不歡」嘅我 冇order牛串燒 依然食得愜意😌-🐷豚肉糖心蛋🐷紫蘇豚肉卷🐷䐁肉金菇卷原因之一 係因為豚肉串燒高質好食 豚肉金菇柔韌有嚼勁 配紫蘇葉之後 豬肉鮮同油香 俾紫蘇幽香襯托得更好食 而且唔油膩‼️ 再嚟一個脆豚肉片包流心蛋 口感滿滿🤩-🐔走地雞🐔鹽燒雞皮🐔燒雞翼燒雞翼～我鍾意食‼️ Round 2 食雞 走地雞肉醃得入味 燒雞皮最正😍 金黃酥脆有彈性 佐酒一流🍶🍻-🥒明太子翠玉瓜-🥑🧀燒忌廉芝士牛油果牛油果有薄薄一層脆焦糖 似足cream brûlée 忌廉芝士嘅smooth加完熟牛油果肉 雖然味道淡淡地 但又滿口滑溜creamy 呢個小食 都幾撐肚🤣-🍚鰻魚飯🐟銀鱈魚西京燒最後食魚 用濃郁燒汁同肥美鰻魚珍珠米 作為一個美好嘅收結😁

呢間位於太子的日式串燒店新開張，走高級路線，裝潢簡約利落但不失格調。🍢 食物方面，每串都燒得恰到好處，有層次又唔油膩：- *和牛肉眼* 肉質嫩滑，油香滲出口腔，每啖都有滿足感。- *牛脷* 烤得微焦，帶點嚼勁，口感富彈性。- *雞心* 雞味濃郁，唔腥，燒得啱啱好。- *芝士玉子燒* 帶甜味又有芝士鹹香，口感滑溜又鬆軟。- *雞腎* 處理得乾淨無羶味，煙韌得嚟唔硬。- *梅子紫蘇芝士雞肉卷* 酸酸地幾開胃，紫蘇香味突出。- *香菇* 鮮甜多汁，燒香味撲鼻。- *明太子翠玉瓜* 意想不到咁夾，鹹鮮嘅明太子同清甜瓜味互補。- *鰻魚* 醬汁唔會搶味，魚肉嫩滑，入口即化。- *明太子茶漬飯* 鯛魚高湯香濃，配上明太子好滿足，係個唔錯嘅結尾。- *免治雞肉棒* 咬開仲有蛋黃藏心，鹹香之中帶滑，幾有驚喜。

放假對自己好啲，喺太子搵到間食材來自日本嘅高質串燒店！師傅好用心做串燒，亦對我哋好熱情❤️我地叫左師傅精選omakase🥳🥳含十串精選串燒1. 雞翼：雞翅，經典的串燒選擇，外酥內嫩，常用鹽或醬汁調味。2. 雞肩：取自雞的肩部肉，肉質較為結實多汁，適合燒烤。3. 紫蘇豬肉卷：豬肉片包裹紫蘇葉，風味獨特，結合肉香與清新紫蘇。4. 雞蠔肉：雞的胸腹部位，肉質較嫩，適合燒烤至熟。5. 雞腎：雞的腎臟，口感細膩，常用鹽或醬汁調味。6. 牛舌：牛的舌頭，經過烤制後有嚼勁，風味濃郁。7. 冬菇：香菇的一種，經燒烤後香氣撲鼻，是素食者的好選擇。8. 燒鰻魚：烤制的鰻魚，外皮酥脆，內部鮮嫩，是日本料理中的經典。9. 京都燒豆腐：京都風味的燒豆腐，口感細膩，常搭配醬油或味噌。10. 免治雞肉棒：碎雞肉捏成棒狀，經過烤制，肉質柔嫩多汁。豚肉溫泉蛋：豚肉串配搭溫泉蛋，蛋汁濃郁，增添風味。另可配特製燒飯團/雞湯素麵/親子丼 三款中的其中一款，最後還有一款雪糕，啱晒夏天透心涼。😄😄親子丼飯：以雞肉和雞蛋燴煮於米飯上的日式蓋飯。我哋仲試咗以下幾款特色料理🍣🍣 紫蘇芝士雞串：雞肉串包裹紫蘇葉和芝士，融合多層次的味道。燒

呢間位於太子新開嘅店舖以日式串燒為主打，店裡環境舒適，每一串串燒都能感受到廚師嘅用心烤制前菜係牛舌，煮得夠香腍，食落牛味香濃枝豆清蒸至熟，保留咗原🈶嘅鮮味，加上少許鹽調味，簡單卻充滿鮮香氣息，既健康又解膩海膽鹽辛以新鮮海膽醃製而成，鹹香濃郁，帶有鮮明海洋風味，細膩嘅口感中夾雜著醃製嘅獨特鹹香，非常適合餸酒食燒魷魚一夜乾咬落鮮嫩彈牙，帶有濃郁嘅魷魚香氣，點上沙律醬食就更美味熱騰騰嘅芝士玉子燒口感柔軟，芝士融化後增添香濃層次，甜鹹適中，每一口都洋溢著濃郁嘅日式風情燒忌廉芝士牛油果🥑都幾特別，經過炙燒後，牛油果更香軟，配上粒粒忌廉芝士🧀食就更加滋味滿滿呢度嘅串燒真係必食，雞翼燒到外皮金黃酥脆，內裡肉質鮮嫩多汁雞胸軟骨燒至外層微焦，咬落脆口有嚼勁豚肉溏心蛋➕免治雞肉棒更加係perfect match ，豚肉包住一整隻溏心蛋，食落口感層次豐富流心蛋黃汁配上免治雞肉棒食簡直一流👍🏻粟米🌽鮮甜可口，食落原汁原味，係燒烤之中嘅健康之選鰻魚飯更加係必食，鰻魚外層烤至香酥，肉質細膩鮮嫩，仲要冇骨，自家製醬汁撈飯食都足以令人食晒成碗飯飲品揀咗蘋果汁➕可樂，呢款蘋果汁都幾好飲，味道唔會太甜

呢間新開嘅串燒店似足京都後巷嗰啲秘店，牆身黢黑，配上木制枱櫈，有一種好「大人」嘅居酒屋氛圍。 🍅前菜凍番茄冰涼爆汁，好醒胃🥢梅醬鮫魚軟骨脆卜卜帶酸香，咬落「索索」聲🥗芫茜白葱沙律芫茜白葱絲甜辣交織，加上鏗魚汁，清爽得嚟有性格。 🍢主角串燒全部即叫即燒，師傅對住炭爐心無旁騖，慢工出細貨，等嘅時間正好同朋友摸住杯底吹水。 🍢雞胸肉: 驚艷！選用刺身雞，燒至半生熟，嫩滑帶汁🍢雞翼: 皮脆肉嫩🍢大葱雞肉/京葱葱段燒到微焦juicy, 雞腿肉嫩滑🍢免治雞肉棒即場手打肉混軟骨，用心制作的手工菜🍢鰻魚皮脆，魚肉油脂豐富🍢橫膈膜野菜卷牛橫膈膜肉配搭蔬菜，肉香夾住蔬甜🍢鹿兒島A5和牛肉眼炭香封印咗和牛油脂，入口即溶但唔膩🌟一品料理🐤特製走地雞選用日本名雞，肉質彈牙紮實，好有口感。🐟照燒銀鱈魚魚油豐腴到漏，照燒汁甜中帶香🌟埋單嗌飽但唔滯，暗黑格局反而令人專注食物同對話，即燒慢工帶出食物質感。

太子新開左間居酒屋🏮地點非常之方便，主要食串燒、小食，飲酒為主。點左好幾款燒鳥，有雞皮、雞翼、免治雞肉棒、梅子紫蘇芝士雞肉卷，佢地燒到雞肉好嫩滑，雞皮超級脆，好好味😋其他串物有金菇猪肉卷、牛脷、燒炸豆腐、豚肉溏心蛋、其實賣相唔只吸引🤩真心好味👍🏻燒魷魚一夜乾，一d都唔乾身，送啤酒🍻仲好鬼正。明太子玉子燒，蛋好滑好滑夾埋明太子個味道啱啱好👍🏻明太子茶漬飯，簡簡單單已經食到廚師嘅心機。