影片
港鐵太子站 D 出口, 步行約3分鐘
繼續閱讀
電話號碼
63044900
開飯介紹
以專注日式燒鳥見稱，不論雞腿、雞頸至雞皮，每個部位各具風味，現場燒製，炭香濃郁、肉質鮮嫩，配上暗黑系裝潢，打造出富格調的酒館氣氛。
繼續閱讀
營業時間
今日營業
17:30 - 02:00
星期一至二
17:30 - 02:00
星期三
全日休息
星期四至日
17:30 - 02:00
以上資料只供參考, 請與餐廳確認詳情
有關獎賞計劃
窩夫與蝦子餅在太子花墟買花後去「月華」吃晚飯。點了師傅精選Omakase ($420)，有10串精選串燒，配飯團、素麵或親子丼，還有雪糕。前菜是雞腎，十分爽口，味道帶點辣。現今不少餐廳忽視食物的溫度，難得見到上桌時熱至冒煙的燒雞翼，可見「月華」對出品是有要求的，留下非常好的第一印象。套餐一串加上單點的一串，一人一隻燒至金黃色的雞翼，不用爭著吃。要先吃柚子醬雞胸，雞胸不是燒至全熟的，肉質比較嫩，配柚子醬味道幾夾，雞心很爽口，跟雞胸肉有很大的對比。窩夫與蝦子餅第一次吃燒牛腸，很喜歡那個醬汁。金菇豚肉卷做得不錯，十分扎實，廚師建議用紫蘇葉包著吃，味道更有層次。聽從店員的建議將燒鰻魚放一會才吃，吃下去特別入味，口感彈牙，一點也不腥。當季日本香菇($30)一上桌便傳來陣陣菇香，火候控制得很好。汁燒雞肝($36)可選三成、五成或七成熟 ，窩夫與蝦子餅選了七成熟，口感很特別，比平日吃的雞肝嫩滑。燒過的車厘茄番茄味特別香濃。極上牛舌($98)是寫在黑板上的廚師推介，非一般牛舌的口感，鮮嫩多汁。燒雞髀肉肉厚又多汁。燒炸豆腐($36)很有驚喜，外層薄薄的，脆脆的，入面的豆腐滑滑的，建議按個人口味蘸醬汁來吃。師傅精選Omakase 的主食選了雞湯素麵，雞湯令人驚艷，是窩夫見過最「金」的雞湯，味道濃郁。
繼續閱讀
為食🐑最近搵到一間喺太子新開嘅日式串燒店，環境走新派嘅日式風，今次專登為試佢哋嘅雞肉部位而來，仲有個燒鳥omakase套餐，師傅會親自揀10款串燒俾你，仲包主食同雪糕，真係好有驚喜！🥢廚師精選omakase $420 🐓
話說呢個omakase真心抵食，10串燒加主食同甜品，款款都好有心思，燒鳥控絕對要試！💛半生熟柚子雞
雞肉燒到半生熟，保持嫩滑口感，上面仲有清新柚子香，配搭簡單椒鹽調味，香港唔係度度都有生雞肉食，必試！💖手羽先
呢款真係必試！外皮燒到金黃香脆，咬落去肉質仲保持嫩滑，啖啖肉好滿足，食完真想再encore！🐓雞心
對於鍾意內臟嘅朋友，呢個雞心絕對唔會失望！入口完全冇重內臟味，燒得啱啱好，口感彈牙又juicy，驚喜之選！🐔雞蠔肉
聽講呢個係髂骨背側嘅凹陷位，超罕有！外皮燒到脆卜卜，肉質軟嫩多汁，咬落去仲有陣陣肉香，呢款真心推介！🐃牛舌 ：牛舌燒得煙靭有嚼勁！🤎鰻魚
鰻魚燒到外脆內腍，肉質軟綿綿，配上微甜嘅鰻魚醬，香氣撲鼻！🐷紫蘇豚肉卷
一咬落去，紫蘇葉嘅獨特香氣即刻爆發，豚肉肥瘦適中，燒得唔會太乾，入口油香四溢，呢款真係好有層次感！🫑小青椒
小青椒燒到微焦，帶少少辛辣，清新嘅口感好解膩，夾喺肉串之間食最適合！🤍燒炸豆腐
四四方方嘅豆腐燒到外層金黃香脆，內裡仲keep到軟滑，上面灑咗少少木魚絲，yummy!另外仲點咗🐟照燒銀鱈魚🐟$120💖呢個銀鱈魚真係不得了！肉質滑到好似入口即化，照燒醬汁甜鹹平衡，燒得微微焦香，食完真想再叫一份！✨每款串燒都燒得啱啱好，火候控制得精準，味道層次豐富！枱面有辣粉同椒鹽俾你自己加，但佢哋嘅調味已經好夠味，加太多反而會蓋過食材原本嘅鮮甜，真心建議原味食最正！🐔💛親子丼
食完一輪串燒，仲有個精緻細碗親子丼做結尾！蛋汁滑到好似絲綢咁，甜甜地仲帶點明太子嘅鹹香，配搭香甜洋蔥同軟熟飯，食完真係大滿足，飽到飛起！🍺飲品Yebisu $78 梅酒 $60雪糕🍨焙茶或者柚子💛食得太飽，揀咗酸酸甜甜嘅柚子！
✨呢間店真心感受到佢哋對每款串燒嘅用心，食材新鮮，燒烤技巧一流，食落有種精緻感，🔥重點係佢開到凌晨兩點，夜麻麻肚餓都可以衝去醫肚，下次想試佢哋其他部位，燒鳥控快啲mark低啦！
繼續閱讀
太子這間新開冇幾耐嘅日式串燒居酒屋,裝修簡約暖色燈光好有氣氛,坐吧枱可近距離欣賞廚師手藝。餐單除散叫及有Omakase Set:包括10串串燒,其中5串鷄、2串肉類、1串海鮮同2串蔬菜/素食及一份主食同雪糕！廚師發板會睇當造新鮮嘅材料而決定,都幾有驚喜！✨黑松露薯仔沙律薯仔上面再加上魚籽和黑松露醬, 超吸引!✨鹽燒雞翼/雞髀肉烤至外皮金黃香脆,,肉質嫩滑。✨燒雞心/雞胸肉(三成熟)表面微焦,中心嫩如刺身,肉質鮮嫩,雞胸肉搭配柚子醬好清新！✨鹽燒蒲燒鰻魚/牛舌肥美多汁,燒後帶炭香,鮮味突出！燒牛脷燒後Q彈,牛味濃郁！✨燒冬菇✨青椒烤得香口,唔會好乾身,食落去Juice！辣椒燒得微焦,唔辣,入口爽脆！✨免冶雞肉軟骨棒外層焦焦香香,裏面免治肉加入雞軟骨碎粒,增加口感！✨金菇豚腩卷外層微脆,豚肉裏面金菇軟嫩,好惹味！✨燒和牛肉眼勁靚粉嫩嘅和牛肉雪花紋,,牛味濃郁,入口超軟！✨照燒鵝肝夾埋生洋蔥絲一齊食,肉味濃郁,再配埋特製醬汁,入口甜甜地咬落外脆內滑超香口！✨燒飯團燒飯團外層燒到脆卜卜,飯粒粒分明充滿醬油香,香脆又飽肚！✨開心果雪糕雪糕香濃幼滑, 開心果味香濃冰涼消暑,大滿足！
繼續閱讀
今次去左太子新開既【月華】食日式串燒、燒鳥。餐廳主打比較高級少少既燒鳥，有D特別部位同omakase set。我地就叫左一份omakase set同幾樣單點。Omakase Set：包括10串串燒，其中5串鷄、2串肉類、1串海鮮同2串蔬菜/素食。一份主食同雪糕。Set入面個人最推薦鷄腿、鰻魚、鷄皮，親子丼都非常不錯。鷄腿：炭火燒到外皮焦脆，肉質嫩滑多汁！簡單鹽燒已經好香口鰻魚：蒲燒醬汁甜度啱啱好，魚肉肥美無骨，入口即化！表面燒到微焦脆邊，正～鷄皮：燒到超脆身，油脂逼出嚟但唔會膩，灑少少七味粉更加惹味～送酒一流！親子丼：滑蛋煮到半熟，撈埋鮮嫩鷄肉同洋蔥，醬汁甜香入味！飯粒吸飽蛋汁味淋魚乾：魚乾烤到外脆內軟，味淋甜香突出自家制魚餅：真材實料魚肉製作，彈牙得嚟唔會粉，煎到表面金黃牛舌：厚切爽脆，炭火香十足！簡單鹽燒已經好正，建議擠少少檸檬汁～豚肉溏心蛋：豚肉片卷住流心蛋，燒到外層微焦，切開蛋汁流出嚟～口感層次豐富！免治鷄肉串：混入軟骨增加口感，燒到外脆內多汁！點埋生雞蛋黃更加滑溜濃郁～芝士玉子燒：厚身玉子燒夾住半溶芝士，鹹香十足！不過呢個係無甜味既版本黎既。
繼續閱讀
月華，位於太子，好近地鐵站，型格裝修😎主打日本串燒，加部份日式小食、居酒屋料理，幾吸引👍🏻酒嘅選擇都唔少，好多配食清酒，天氣咁熱飲返杯高質嘅惠比壽生啤🍻準備開餐OMAKASE串燒餐，廚師發辦，10道菜式🍢鹽燒雞翼，外皮夠脆，鹽味唔錯🐥蒲燒鰻魚，非常厚身😍啖啖肉好好味，燒牛脷，帶胡椒粒，厚切咬落去爆汁👍🏻味道相當正，金菇豬肉卷，幾特別嘅，咬入去幾Juicy，汁燒雞腿肉，嫩滑有咬口，新鮮雞肉特別好味😋燒雞皮好香脆唔錯，明太子翠玉瓜，幾特別嘅蔬菜，好味道🙌🏻燒炸豆腐炸得非常之脆，豚肉溏心蛋+免治雞肉棒，好夾既配搭，咬淡豚肉糖心蛋，就有埋蛋漿去點免治雞肉棒😽免治雞肉口感唔錯，有軟骨，兩串都係幾高質嘅串燒🤞🏻雞湯素面，專門做日式雞串燒嘅地方先會見到嘅主食，雞濃湯配素面啱晒味，好正🫶🏻繼續追加🍡鹽燒雞頸，新鮮雞太吸引，最愛部位雞頸，更加有咬口，味道正🤤和牛肉眼，雖然價錢唔係平，但非常有質素👍🏻肉質淋滑，充滿牛汁😵牛味爆發，芝士玉子燒，有蛋汁係入面，加埋芝士，幾豐富嘅口感😎燒飯團配埋紫菜食，香脆好味😆整體相當高質素嘅串燒，材料食得出係有要求🤘🏻味道和風，想食日本串燒可以試下依間！😇
繼續閱讀