曦

曦 • 北角Omakase🍣✨📍地址： 香港北角炮台山電氣道183號AIA Tower地下16號舖💰價錢： $1380/位（Omakase套餐）______________________________1. 煮磯粒貝 🐚磯粒貝經過慢煮後，肉質鮮嫩得嚟帶微微彈牙，湯汁滲透咗貝肉嘅鮮甜，仲有淡淡昆布同清酒香氣 🍶咬落唔會韌，反而有種滑溜彈牙感！2. 華漣生蠔 🦪呢隻生蠔肥嘟嘟，入口即爆海水嘅鹹鮮！蠔肉creamy得嚟帶礦物味，尾韻仲有淡淡嘅甜味回甘 🌊3. 沙甸魚磯邊卷 🌯沙甸魚蓉混咗蔥花同薑末，用紫菜包住，一啖咬落去魚油香爆出嚟！魚肉細膩冇腥味，紫菜脆卜卜，成個組合好有層次感 💥。4. 深海池魚魚腩 🐟魚腩部位超肥美，油脂分布似雪花，入口即溶！肉質爽彈，師傅輕輕炙燒過，逼出魚油香，足夠帶出鮮味🔥5. 吸物：午魚魚湯 🍲湯頭奶白色，熬足幾個鐘，飲落濃郁得嚟唔油膩，午魚肉嫩滑到幾乎唔使咬 🥄完成個胃暖笠笠，好舒服～6. 墨魚壽司 🦑墨魚切到超薄，口感黏黏哋又帶微微韌性！甜味同墨魚本身嘅淡雅好夾，咀嚼時仲滲出少少海水味 🌊7. 金目鯛壽司 🔴金目鯛油脂適中，魚肉香甜、肉質緊實得嚟唔會柴，醋飯嘅溫度剛好，同魚油融合得超完美 💫8. 羽太壽司 🐠即係石斑魚嘅一種，肉質結實得嚟好細嫩，鮮味突出！魚香濃郁，加少少wasabi，刺激感同鮮味一齊衝上鼻腔 👃9. 間八魚壽司（輕燒）🔥間八魚嘅魚背部位，油脂較少但肉質爽脆！輕燒過後魚皮香脆，魚肉保持半生熟狀態🍊10. 燒鰆魚壽司 🐟🔥鰆魚油脂豐富，燒到外皮焦脆，內裡依然嫩滑！配埋青檸汁，清新感中和咗油膩，魚肉仲帶微微煙燻香，食落好有深度 🧅11. 真鯛壽司 🎏真鯛肉質清甜淡雅，師傅刨咗新鮮柚子皮喺面，柑橘香氣瞬間提升咗成件壽司！魚肉嘅透明感同醋飯嘅酸度平衡得剛剛好 🍋12. All拖羅壽司 🏆中拖羅部位，油脂比例完美！入口即化，魚油香濃但唔會膩，筋位處理得乾淨，加咗少少醬油同wasabi，鮮味直衝腦門 💦13. 超拖羅壽司 💎大拖羅嘅極上部位，脂肪紋理似和牛！一啖咬落去，魚油爆發，尾韻帶微微酸味，完全唔腥，係味蕾嘅高潮 🤯14. 蠔朝煮，白茄子 🍆🦪蠔肉飽滿，用清酒同高湯慢煮，吸收晒湯汁精華！白茄子煮到軟綿，吸滿蠔嘅鮮味，成道菜溫潤得嚟好有深度，暖胃又滿足 ☺️15. 赤貝壽司 🔴赤貝爽脆，鮮甜度爆燈！師傅拍打過令肉質更彈牙，加咗青檸汁，酸爽感令貝類嘅鮮味更突出，食完仲有回甘 🍋16. 關池魚壽司 🐟關池魚肉質緊實，油脂較少但鮮味集中！飯嘅溫度剛好，簡單但好考功夫 👨‍🍳17. 海膽壽司 🌊馬糞海膽鋪到滿瀉，creamy到似食緊濃郁嘅海洋奶油！鮮甜冇苦味，紫菜又夠香脆，海膽嘅餘韻喺口腔停留好耐，幸福到暈 🥰18. 素冷麵 🍜冷麵用咗鰹魚湯做底，冰涼清爽！麵質彈牙，配埋青蔥，簡單但解膩一流，食完咁多魚生後嘅完美結尾 ❄️19. 草莓大福 🍓外皮軟糯，甜度剛好，包住酸甜士多啤梨！凍食令麻糬皮更煙韌，作為結尾甜點，滿足感爆燈 💖______________________________總結： 呢個價錢食到咁高質素嘅Omakase，絕對物有所值！師傅手勢純熟，食材全部時令新鮮，每道菜都有驚喜，值得encore 🌟…查看更多

砲台山 曦 Hikari位置喺炮台山 AIA Tower後面街，原來都開咗將近 3 年，之前仲比Omakase 關注組定做預約困難店，晚市一口價 $1380，食咩都真係入到去先知真係好神秘晚市 夜の御品書 $1380/pp📍前菜/刺身 5點醋味噌螢光魷魚酸酸地好開胃燒鰆魚魚皮微微火炙過突出脂肪香氣之後既華漣生蠔絕對係初夏限定必食 蠔身好爽口而且海水味重食完幾款刺身最後飲埋濃魚湯就去壽司環節喇當中沙甸魚磯邊卷絕對係其中一個MVP，完全無諗過依家沙甸魚都咁肥美📍壽司 9 貫9款壽司，當中我係第一次食無醋漬過既鯖魚，原來係咁鮮味，另外墨魚壽司切咗粒粒成個口感變得好特別！另外仲食埋吞拿魚三部曲～-墨魚-羽太-深海池魚-間八-大拖羅-中拖羅-赤身-鯖魚-海膽📍煮物2款煮物白茄子瀨尿蝦+燒太刀魚前者味道鮮甜後者肉質肥美📍主食-海膽鮑魚松葉蟹釜飯: 呢個釜飯聽個名都知用料十足，每一口都滿足到不行📍甜品-梨…查看更多

好耐冇食Omakase 今次試下炮台山呢間叫 ✨曦✨環境充滿和風設計 簡約舒適今次主要食壽司 有好多款魚刺身都未食過 幾Surprise 😄前菜係🐚汁煮姬貝 口感彈牙 味道鮮味日本靜岡蕃茄 甜度好高 味道非常香甜季節限定~🦪華漣生蠔係首款奪得「日本一」殊榮的日本蠔加咗少許青檸汁肉質肥美飽滿 味道鮮甜 🐟沙甸魚卷入面捲着芝麻、薑、蔥、wasabi點少少豉油已經可以提升鮮味🐟燒間八魚肉質肥嫩幼滑 味道鮮甜 燒一燒味道更香🐟馬友魚湯半煎煮馬友魚 外皮煎香加入湯汁煮成 帶有有咸香味🐟羽太係福崗產嘅石斑魚種 屬於超高級魚肉質鮮味有彈性 味道清爽 口感細膩🐟深海池魚~肉質鮮嫩 魚油甘香🐟鰹魚~香味新鮮、清新爽口🐟真鯛魚肉好嫩滑 味道清新 帶有甘甜味🐟吉列真鯛表面炸至金黃色 炸得薄脆內裏魚肉嫩滑 點埋沙律醬更加惹味🐟春子鯛魚係鯛魚 BB 肉質好幼嫩魚肉呈粉紅色 比鯛魚味道淡少少🐟大拖羅油脂甘香 入口即溶 🐟汁煮拖羅筋第一次食拖羅筋 呢個部位好重油份 好香口 加上醬汁、菜、紫蘇花一齊食 層次豐富🐟鯖魚~肉質嫩滑 味道鮮味 🐟關池魚~味道鮮美 入口溶化✨北海道馬糞海膽海膽金黃色 味道濃郁甘甜 🤤🦪真鯛蠔斧飯真鯛 生蠔 加上三文魚籽 充滿鮮味🍇白酒jelly 白酒啫喱加入青提子 酸酸甜甜 可以清新味蕾…查看更多

最近喺炮台山發現咗間新開嘅Omakase位置隱密喺東岸板道嘅步行距離門面唔起眼但開始漸有名氣一入去真係別有洞天——同餐廳個名「曦」一樣有種靜謐庭園嘅感覺木質設計加綠植點綴氣氛好舒服我試咗佢嘅$1380嘅Omakase Menu全晚16道菜豐富得嚟又冇一味堆砌每樣都見心思！⸻TOP 1｜沙甸魚卷將沙甸魚卷成太卷，賣相靚得黎，味道印象深刻TOP 2｜醬油淺漬中拖羅魚味同魚脂巧妙平衡，鮮美TOP 3｜春子鯛海膽燒春子鯛油香豐富，配上鮮甜海膽甜味⸻<先付>• 煮磯粒貝<刺身>• 醬油淺漬鰹魚• 華漣生蠔• 沙甸魚卷<壽司>日本石斑魚深海池魚真鯛火炙間八，非常豐美大拖羅，魚油滿滿中拖羅，魚味更濃無醃鯖魚，魚質彈牙池魚海膽手卷<熟食>煮間八魚魚鮫春子鯛海膽燒鰻魚釜飯<湯/甜品>• 石斑魚湯• 抹茶羊羹⸻大將將每道菜都處理得實而不華魚料新鮮熟食穩陣用餐節奏順暢令人食得好舒服…查看更多

成日都聽人講「曦」好食今次終於試到心情係期待又怕失望但食完之後真係可以話——正！唔浮誇唔走fancy路線魚料靚味道穩連熟食都冇伏！刺身｜煮磯粒貝：一開場就幾有誠意，唔係得個樣，啖啖鹹鮮味華漣生蠔（季節限定）：夠肥美，唔腥，冰冰地入口好爽沙甸魚卷 + 蔥薑酸醬：少見嘅做法，賣相靚得黎，又夠開胃，個醬真係畫龍點睛醬油淺漬鰹魚：輕輕調味，唔搶味，保持到魚香壽司｜日本石斑魚：第一次試，肉質彈牙，好啱做頭炮深海池魚真鯛：新鮮無比，無腥味，咬落有層次火炙間八：火炙令油香更突出大拖羅：豐腴但魚味偏淡，放喺前段可見大將心思中拖羅：脂香平衡最好，特別係中拖羅，唔會膩無醃鯖魚：冇經典鹹味，反而食到佢原始嘅魚鮮牡丹蝦：凍冰冰入口爽到不得了，肉質更爽口彈牙池魚：平時少見，今次食到，唔錯海膽手卷熟食｜石斑魚湯：清香得嚟有魚味，入口濃稠，正煮間八魚魚鮫：脂香濃郁，口感實在，熟食之選！春子鯛海膽燒：意外驚喜，熟香中帶海膽甜味，配得好鰻魚釜飯：壓軸！煙靭香氣一流，粒粒飯都吸晒汁，超滿足！一共食左：4款刺身 + 8貫壽司 + 4款熟食先食刺身然後熟食同壽司間住出現節奏好唔會太急或者太慢師傅喺板前一路準備一路介紹每件壽司都解釋用咩魚同有咩特色感覺好似朋友招呼你咁唔拘謹「曦」唔係嗰啲一入門口已經見到大龍蝦、金箔海膽果啲高調玩法而且實實在在用美味取勝大將對食材處理整個飲食流程配搭都體現出功架加上魚料新鮮處理細緻舍利調味同溫度全部都啱啱好令人印象深刻…查看更多