曦

營業中

休息中

每間廚師發辦都各有風格，所以我喜歡四圍試，今晚來到炮台山的「㬢」，以壽司為主、刺身及和食為次的廚師發辦，同樣稱心滿意，尤其和食有驚喜，例如炸魚肉里芋丸富新意，亦喜歡與魚湯及斧飯的配搭。所有壽司皆配醋米飯，因此刺身選材更加要新鮮，酸度適中，沒有蓋過魚的鮮味，反而有助提鮮，回甘的酸香令人開胃，愈食愈想食；壽司略鬆，恰到好處的空氣度。前菜以「醋麵豉螢光魷魚」開始，小巧柔軟，配一些柚子醬及崑布。第一款是「真鯛」以蔥汁調味，清鮮味甜。接下來是「沙甸魚卷」，餡料有芝麻及蔥成份，很有魚味。「鰹魚刺身」有着獨特的蒜香，已加了蔥及芥末，平衡魚味。「魚湯」作中場休息，奶白濃郁，非常美味。醋米壽司系列開始，「墨魚壽司」及「羽太壽司」口感柔軟。來到第三款的「平正魚壽司」，口感突然變爽。繼而是「間八壽司」再次溫柔軟熟。「鮟鱇魚肝」絕對是極品。「鰆子鯛壽司」肥美，魚肉與醋米飯在口中溶合，奇妙的變化。最期待的「大拖羅壽司」及「中拖羅壽司」，非常豐腴，完全冇筋，入口即溶。來了一球炸物，名為「魚肉里芋丸」，全身鋪滿紫菜，怪不得綠綠啡啡的顏色，咬開見真身，白色餡料，魚肉及里芋泥混合，非常熱騰，外脆內軟，味道討好。「鯖魚壽

呢間餐廳提供Cp值極高嘅Omakase，晚市Set一共有超過20道菜，有齊前菜、刺身、壽司、煮物、天婦羅、主食同甜品，非常豐富🇯🇵🥢Hikari Omakase ($1380)💗前菜爽脆嘅醋蓮藕配上爽口嘅鮮蝦，底下以檸檬啫喱襯托，整體微酸開胃🦐💗刺身3款1️⃣真鯛：真鯛爽口有彈性，配上香蔥醋汁2️⃣間八：間八魚腩肉質幼滑細膩，肥而不膩3️⃣帆立貝：火炙醬油帆立貝肉厚鮮嫩，包住紫菜一齊食💗吸物用上北寄貝同蔬菜熬煮成嘅吸物清甜鮮味，仲有大大隻爽甜嘅北寄貝🍲💗壽司15貫1️⃣羽太：羽太肉質鮮美Q彈2️⃣縞鰺：縞鰺肉質爽口，充滿魚鮮同油脂3️⃣鳥貝：師傅先拍一拍鳥貝令神經收縮，口感更爽滑，以青檸汁激發貝鮮味4️⃣金目鯛：金目鯛鮮嫩柔滑，師傳輕炙魚皮激發油香5️⃣大拖羅：大拖羅入口即化，魚油係口中爆發6️⃣中拖羅：中拖羅肥美柔嫩，帶豐潤魚油香7️⃣赤身：赤身口感柔軟，魚味濃郁8️⃣牡丹蝦：昆布漬牡丹蝦爽口黏糯9️⃣池魚：池魚緊實爽口，以香蔥同薑蓉調味🔟高部魚：高部魚柔嫩鮮美1️⃣1️⃣三文魚籽：三文魚籽用酒自家醃漬，脆卜卜一口爆出鮮甜1️⃣2️⃣海膽：海膽色澤呈鮮橙黃色，食落Creamy甘甜💗煮物汁煮金目鯛魚鮫夠哂嫩滑，而且魚鮫嘅肉絕對唔少，帶甜甜嘅醬油香。

香港越黎越多高級鮨店，尤其哩兩年出唔倒國，更加多人捨得食。㬢同其他鮨店好唔同，因為全店得一個$1800/人嘅套餐，而且完全冇簡介有咩食，真真正正係廚師發辦，會多左一份期待感。㬢店面唔大，圍住壽司吧檯大約可以坐倒12個食客，一貫淺木色設計，感覺舒服。墨魚醋物 - 先黎一道開胃小菜，入面除左有墨魚，仲有青瓜同紫菜，酸酸地非常開胃。廣田灣生蠔 - 生蠔好大隻飽滿，海水味唔會太重，就咁加少少青檸汁食就得。真鯛 - 真鯛黎自愛媛縣，師傅將佢薄切，中間再包住北海道馬糞海膽，因為加左海膽，所以整個味道都好鮮甜。沙甸魚磯邊卷 - 磯邊卷入面放左好多沙甸魚，中間係芽葱，魚味幾重。北海道白象拔蚌 - 師傅喺象拔蚌上面落左岩鹽同青檸，象拔蚌口感爽脆。瀨尿蝦 - 師傅將瀨尿蝦 燒到暖暖地，加左岩鹽，所以可以唔洗蘸豉油，就咁用紫酥葉包住食，瀨尿蝦肉質軟腍有彈性，紫酥葉味道比較強，我自己就鍾意空口食多啲。等師傅上菜期間，都會食下啲配菜，食完師傅會再加，今次第一次見有芥菜頭，食落有少少似炸菜。燒太刀魚 - 似似地本地嘅牙帶魚，佢比較多油，食之前可以加青檸汁，等食落冇咁膩，如果唔夠味先蘸酸汁食，我自己就鍾意配酸汁食。

幾個月前同老友 “村井” 初訪, 事隔一段時間, 記憶係魚料新鮮抵食, 但體驗有扣分位, 唔記得係乜, 一直希望再訪. “關注組” 係 “㬢” 開業初期推過一兩次, 人氣普通, 唔算 “預約困難店”. 🥢 神推鬼㧬, 今日 “谷友” 約飯聚, 揀咗呢間鮨店, 商討未來幾個月嘅飯局. 餐廳設一張L型壽司吧枱. 兩位師傅, 各一打五. 今訪點咗12件壽司套餐, $480+10%. 🍣 封面相片: 鯖魚🍥 蒸蛋. 有蝦同埋元貝. 夠熱已經贏咗一半.🍣 第一件... 真鯛, 愛媛. 味道清新簡單. 合格.第二件... 帆立貝. 鮮甜, 厚肉, 充實, 爽口. 超水準!第三件... 金目鯛. 油香略遜預期. Ok嘅.第四件... 鯖魚. 超重魚味, 簿切三片再叠埋, 除咗賣相加分, 口感更柔滑. 今訪驚喜之一.第五件... 鱈魚幼魚. 配麵豉醬, 俾咗少少甜味, 油脂豐沃. 十分讚.第六件... 池魚細切. 師傅用 “三升漬” 處理過, 甜甜辣辣. 超好味喎. 三升漬其實係北海道鄉土料理.第七日... 赤貝. 爽身彈牙. 正常.第八件... 深海池魚. 非常肥美. 不俗!第九件... 吞拿魚醬油

話說幾個星期前同朋友 “村井” 食咗間新嘅廚師發辦, 一個字: 失望! 我提議食番間我食過又有信心嘅, “村井” 竟然話唔怕失敗, 寧願試新嘢, 可以睇下我寫新食評 😂. 終於夾到時間. 食乜好? 谷友大神推介嘅大部份都係 “預約困難店”, 唯有開店幾個月嘅 “㬢” 似乎未必被推爆, 我同 “村井” 決定趁早一試.🍽 “㬢” 入口喺宏安道, 對住馬路嘅地舖. 餐廳設有一張10人L型吧枱, 兩位師傅, 今日每人一打四. 點左12貫壽司套餐, $480+10%.🍥 蒸蛋. 配有蝦, 元貝, 俾到鮮味. 夠熱. 好味道!🍣 第一件... 真鯛. 配少少青檸汁. 以第一件嚟講唔淡味喎, 合格.第二件... 金目鯛, 千葉縣. 十分肥美, 冇燒過都咁好味嘅? 掂!第三件... 帆立貝, 配岩鹽. 清甜爽口, 非常厚身, 口感澎湃, 我鍾意! “村井” 好奇問師父點解帆立貝唔係圓形係長方形, 師傅即席示範: 中間切開, 反出, 得咗.第四件... 櫻鱒, 秋田. 口感綿綿軟滑, 有驚喜.第五件... 關鯖. 加咗薑蓉, 蔥花及秘製味料. 油脂滿溢, 魚味濃郁, 味道調教一流. 師傅將魚料切開三片再

開左應該未夠半年見佢喺電氣道地舖好方便WhatsApp預約 ：9186 8938午餐只有兩款 $480 $1080 Lunch時間分兩場12：00 pm -13：30 pm13：45 pm -15：15 pm每場個半鐘 全場座位 :10 個 日式木裝修今天師父介紹吃 $480+10%= $528 的12貫壽司因暫時不做熟食估計大概是今月頭(March)的疫情嚴峻每天三萬幾宗的影響吧現在也是每天過萬宗 新聞報確診百幾萬人感染 ，但早前沒有申報或已經康復的人 因為系統混亂而沒申報 香港可能已衝破二百萬人感染咗新冠病毒都唔定了～晚市要停到4月20號亦很久沒有出來吃午餐了居然掛住興奮食 中間有三舊唔記得咗冇影到相蒸蛋真鯛金八池魚赤貝（唔記得影 好好味超爽口）鹿兒島大尾魷（淨係影咗切緊 完成品是碎上壽司的好味）牡丹蝦 （唔記得影 新鮮大隻）青魚出名腥 （但今次腥味只係食到最尾有少少）疏子 深海池魚 (成塊過食肥美但唔腥喎 可能師傅配得啲汁汁好 所有壽司都不需要另外點汁已經調好味在壽司上面一口吞咗落肚）鱈魚（呢舊好似有少少雪味）拖羅 北海道馬💩海膽 手卷右口魚邊 （我自己都係比較鍾意食左口魚邊