智尊酸菜魚 (展鴻大廈)

營業中

休息中

同事聽聞今年利東街嘅聖誕裝飾唔錯，就過去行吓，影下相。但其實唔太特別。5分鐘行完影完就去咗覓食。然後，同事又話好耐無食酸菜魚啦，就上網搵吓附近有冇。然後就搵到克街近期新開左間食酸菜魚嘅。就去試吓。環境唔錯，座位闊落。裝飾偏中式。睇完片餐牌，兩個選擇困難症最後揀左個二人套餐。醋香爽木耳作為一個開胃前菜，木耳嘅爽脆，配上陳醋酸酸甜甜嘅味道，簡直令人胃口大開。麻辣水晶粉皮水晶粉皮亦好爽口，麻辣味越食個口就越麻，再食返啖木耳中和，簡直係挑戰味蕾啊😂😂智尊酸菜魚（少辣）魚肉嫩滑爽口，份量亦好足。魚湯酸甜可口。最驚喜嘅係裡面有少少寛粉，煙煙韌韌，我嘅至愛。我覺得美中不足嘅係，酸菜其實可以再酸啲。可能我本身食得比較酸，總覺得酸度唔太夠。家鄉紅燒豆腐紅燒豆腐味道比較濃，適合口味比較重嘅人（我哋）😂

天氣降溫，就想吃麻辣或酸辣的食物，正常來說也要2、3百一份酸菜魚或水煮魚，今天给我發現灣仔竟然有不超過50元酸辣套餐下午茶餐，仲要連埋飲品，正呀👍🏻智尊金湯酸菜魚$50用得舖頭名做招牌，湯底一定足料，奶白色的湯底已經夠鮮甜，加上酸菜的鹹酸，超開胃。生魚片夠嫩滑，多食也不怕肥。四川口水雞$48口水雞雞肉嫩滑唔使多講，真係要讚一讚口水雞的醬汁，麻辣之餘亦非常之香，連一個不能吃辣的朋友也誇這口水雞醬汁惹味。京城皇府紅燒肉$50四方四方的五層紅燒肉，看到已經值吞口水😅紅燒肉炆煮得很了得，入口即溶的口感超正，感覺一啲都唔肥膩，而且瘦肉部亦腍滑多汁唔鞋口，真是超值。台灣三杯雞$50睇落平平冇其，食落口方知甘香惹味。雞塊爆炒得蕉香后，加酒、加醬快炒，真好味😋這些套餐除了可配白飯外，還可選菜飯、擔擔麵、和重慶酸辣紅薯粉，真係十分之超值。

平日晚同朋友去食下酸菜魚,叫左個二人餐，有兩款前菜，酸菜魚再加個家常菜，包兩碗白飯同茶。而且仲免茶芥同加一！二人餐 $228 兩款前菜分別係醋香爽木耳同麻辣水昌粉皮自己本身好鍾意食粉皮，因為卡路里好低。佢哋整嘅粉皮好彈口爽身，配埋青瓜絲同芝麻醬，真係一道醒胃小菜。木耳酸酸地，唔會好辣，好岩開胃👍🏻智尊酸菜魚（唔辣）一上枱原來係勁大碗，魚肉好嫩滑，不過有少少骨。入面仲有寛粉、芽菜同好多酸菜，酸酸地好正😆四川回鍋肉微辣家常川味，啱晒唔食得辣又想試辣嘅朋友。五花肉肥而不膩，加上清香嘅蒜頭同菜炒到少少微焦，好惹味，配飯食一流。

智尊酸菜鱼灣仔克街1-15號展鴻大廈地下A&B號舖 川菜中水煮魚/牛及 酸菜鱼是首屈一指的名菜, 自從加入了FACEBBOK的酸菜鱼關注組, 見踴躍的MEMBER成日POST出相片, 我單單見到相已經流口水了。有飯式者麵配，特別有擔擔麵，中午六十幾數仲包飲品主打酸菜魚，有其他架小炒供應，$68 陳醋小排骨 $68 骨雞，跟菜飯同擔擔麵。醋味好香，醋令肉質變軟。酸酸甜甜好埋跟菜飯。醉雞淡酒香，雞像海南雞口感，用左雞脾位仲啖啖肉。要讚個擔擔麵，湯好飲濃郁呢間勝在價格實惠，且可以1人份，自己心思思想食都過到癮。

同朋友仔放工搵地方食嘢，突然間好想食酸菜魚，於是搵咗呢間智尊酸菜魚。呢度地方寬敞，坐得好舒服。有兩層，仲可以約私房菜，有房有得打牌。好，坐底睇下有咩好食先。智尊酸菜魚，大大盆好有份量，魚好滑，而且酸菜夠酸，配料仲芽菜，津白，薯粉。因為朋友仔唔食得辣，可以走辣，味道都好好。呢度用上苕粉，個煙韌口感比薯粉更優勝。四川回鍋肉，炒得唔錯，大大片肉，微辣，大人小朋友都食到。最後食埋呢個冰粉，涼浸浸，冰粉口感滑嘟嘟，又唔會太甜，正！

酸菜魚的專門店越來越多，各有千秋，最近在網上得知灣仔開了這間酸菜魚專門店。二人套餐$228冷盤：麻辣水晶粉皮、醋香爽木耳智尊酸菜魚四川回鍋肉兩碗白飯麻辣水晶粉皮，粉皮爽口彈牙，醬汁麻中帶小小香辣，很有四川特色。醋香爽木耳，木與口感清爽，配合陳醋的酸甜味道，便令人胃口大開。智尊酸菜魚，魚肉份量十足，鮮嫩可口，金湯的味道，鮮甜帶少少酸味，忍不住喝了兩碗。另外擺盤都非常有心思，以菊花入饌，色彩鮮艷，增添了觀賞的價值。四川回鍋肉，回鍋肉脂肪分佈均勻，香辣味道適中，是佐飯的一道好味小菜。

灣仔呢邊一到中午時間，周圍都爆曬棚坐滿人，想搵間心儀嘅餐廳舒服坐低食餐飯唔係咁容易，今日搵到呢間酸菜魚，雖然都多人但好彩我哋早到，順利直入唔使排隊。 午市套餐選擇都幾豐富，除咗酸菜魚之外，仲有好多特色套餐，例如上海排骨、鳳梨咕嚕肉等等，竟然仲有辣子雞添，都係我好鍾意食！今餐仲配埋飲品同埋一個主食。《智尊酸菜魚擔擔麵》$68嚟到呢度梗係要食招牌酸菜魚啦，我哋要咗小辣，魚片都幾肥幾滑，而且冇細骨，呢個價錢來講已經好滿意，酸菜芽菜亦都好多，擔擔面個汁好好味，亦都唔會好稀！《至尊辣子雞》$50估唔到呢個辣子雞都整得好好味，超出我嘅預期，因為呢度始終唔係食正宗嘅川菜！辣子雞揸得好脆，好似食緊雞軟骨咁，而且份量好多，好抵食。 總括嚟講，灣仔來講平民小小嘅食物呢間都算幾唔錯，推薦！

越滾越入味嘅街坊酸菜魚店 烤魚也好吃🐟～～～收工去銅鑼灣燈籠街附近做facial，之後打算到附近覓食，點知做完之後成條燈籠街已經人頭滿滿，所以就行咗黎灣仔呢條好多餐廳嘅克街食飯。😛～～～行到過嚟啱啱好朋友就收工，就叫咗佢落嚟一齊食呢一間我之前冇食過嘅酸菜魚餐廳。😆～～～餐廳裝修望落好新淨，應該新開無耐，店員服務態度都幾有善。聽到員工同客人嘅對話，似乎好多都係街坊客，整體感覺幾溫馨。😊～～～餐牌選擇頗多有酸菜魚水煮魚等等，最後見到佢哋嘅推介餐牌嗰度有烤魚，就叫咗一個黎試下，最近天氣凍，烤魚一路滾住一路食，冇咁容易凍，幾適合呢個天氣食。😛～～～等魚🐟嘅期間先，嚟咗兩個前菜，分別係手拍青瓜同埋醋香黑木耳，前者相對濃味，後者就比較清新，兩款都不錯，頗開胃。～～～酸菜魚有經輕煎過，魚肉唔容易散開，質感扎實頗鮮美，酸菜魚嘅底部自帶白菜、豆芽、薯粉、酸菜、土豆片、芫荽、紫洋蔥、芹菜同蒜茸等等，調味同配菜都幾豐富，尤其鍾意佢哋嘅闊身薯粉，入味且Q彈嫩口，索汁非常。～～～🥢魚亦係越滾越入味，食完之後個人暖乎乎的好舒服。如果唔夠飽嘅話仲可以叫其他火鍋料加落去，不過我哋兩個咁啱都唔係太肚餓，所以叫一個酸菜魚

要非常強調呢間野係只收現金, 並不打算加入其他的收費方式. 所以帶不夠錢切記不要進內.早餐有些很有營養的, 例如豬潤, 例如鮑魚絲, 這些不是間間有. 味道也不錯, 而且分量也足夠.服務正常但非常慢, 因為員工數目真的非常不足, 沒有辦法希望老闆增加人手吧. 快食不建議.

又係放飯時間，今日去左位於灣仔克街嘅智尊酸菜魚，筆者今日著短裙，唔適合去啲坐得太擠逼嘅餐廳，最後選擇左呢間外表亮麗、乾淨企理嘅中式菜館 我地獲安排坐卡位，環境寬闊，燈火通明，第一感覺相當之唔錯。侍應服務態度亦十分良好，行動迅速得嚟又唔會催你落單咁(咪以為不值一提，呢一點好多餐廳係做唔到架......)。中午菜式有好多，包括甚受港歡迎嘅酸菜魚、口水雞同水煮牛肉，我最後嗌左四川水煮魚配酸辣粉：水煮魚份量頗多，配料亦非常吸引，味道偏辣(唔食得辣嘅朋友要注意了！)；至於酸辣粉顏色雖然鮮艷，但係味道唔算太辣，兩者味道十分配合，係一餐色香味皆全嘅用餐體驗。午餐跟凍飲加$5，跟熱飲就加$3；如果食辣野，建議都係加杯凍飲，尤其喺咁熱嘅天氣之下，凍飲更加幫助解辣~

與同事一起去試午餐點了酸菜魚加擔擔麵,魚頗滑,內有很多芽菜,酸菜(不夠酸)及少許薯粉,味道不及在內地吃的惹味,麵有點少; 飲品要了港式奶茶,頗正宗.同事要了回鍋肉及醉雞,總體都算滿意; 同事讚紅豆冰唔錯!