智尊酸菜魚 (展鴻大廈)

營業中

休息中

今日去電腦城買啲game，行行下見到呢間智尊酸菜魚好似唔錯就入去試吓😁我叫咗佢既午市套餐～-智尊金湯酸菜魚 $68 配菜飯嚟到呢度梗係要叫個酸菜魚啦，個湯底夠酸辣，入邊仲有啲配菜仲有啲薯粉，啲魚都好滑👍🏻-醋香爽木耳 $20醋香好酸爽好開胃😋-陳醋酸辣海蜇頭 $38咬落去好爽脆，好入味🤩-鴛鴦紅豆冰 $25、龍鳳檸七 $25好少地方有鴛鴦紅豆冰，見到梗係要試吓啦🤭-萵筍 $48呢款清清地，係我鍾意食嘅口味😎啲萵筍完全冇絲，好有口感，咬落去索索聲㗎🥰-紅糖糍粑 $48外層酥脆，加埋黑糖醬同黃豆粉好正🤤

抵食二人餐 酸菜魚調味得當 酸中帶辣 亦有煙韌粉條～～～好耐冇去銅鑼灣行街，週末過黎買衫濕平準備迎接夏天之後，就順道諗住喺附近食晚餐，不過唔知係咪大家太耐冇出街，銅鑼灣完全係逼到人山人海，所以小Q同朋友仔就轉戰去灣仔附近食晚餐😝～～～呢一間街坊餐廳有二人套餐，免茶芥亦都冇+1服務費，$228一個二人dinner，個餐入邊包左兩個冷盤，一個主菜，一款小菜同埋兩碗飯，幾抵食。～～～冷盤✨麻辣水晶粉皮Spicy Crystal Vermicelli✨醋香爽木耳Vinegar Scented Fungus2款冷盤裏面，個人更愛水晶粉皮，麻麻辣辣但係又唔會好嗆喉嚨，粉皮晶凝通透凍冰冰，夏天食好舒服。醋香木耳就好爽口同埋酸甜開胃。～～～主菜 - 🐟 主菜可以揀✨智尊酸菜魚或者四川水煮魚，前者可辣可唔辣，幾經掙扎之後就揀咗小辣嘅酸菜魚。魚肉滑溜，裏面有調調粗身寬粉，非常煙靭糯口，個人好鍾意，酸菜魚湯汁味道調配得很不錯，酸度辣度都恰到好處，～～～小菜：家常小炒方面就可以選擇🐷四川回鍋肉或者家鄉紅燒豆腐，無肉不歡嘅我哋就揀咗回鍋肉，回鍋肉5分肥5分瘦，邪惡但係味道好下飯，幾惹味，怕肥嘅話可能家鄉紅燒豆腐

智尊酸菜魚(克街) 這餐是在禁晚市堂後第一次出街食晚餐，係灣仔放工後與同事到了克街這間的智尊酸菜魚食晚飯。看看餐牌，食物款式都很多，各樣有多款特色的京菜、川菜美食、水煮魚，有辣有唔辣，令人花多眼亂。我們叫了1份2人套餐，套餐有冷盤、主菜和家菜。冷盤有麻辣水晶粉皮和醋香爽木耳。而主菜我選了智尊酸菜魚和四川回鍋肉。智尊酸菜魚店員介紹要吃一吃招牌的酸菜魚，那當然要食下這家店的招牌菜，酸菜魚份量都很足，而酸辣道剛好。魚肉都很少骨，很放心食用。魚片呈雪白色，魚肉新鮮嫩滑，賣相和味道都很吸引。而鍋底還有萵苣、薯粉、荳芽、酸菜、辣椒、花椒。酸菜鮮魚片怕辣的我點了少辣，酸酸辣辣味道剛好。而酸菜魚份量十足，因為是鮮魚片，店鋪都幫你去了骨，所以很放心食用。魚片呈雪白色，魚肉鮮味突出，口感嫩滑，賣相和味道都很吸引。四川回鍋肉回鍋肉的配菜有青椒、椰菜等，而肉的份量都多，比較不算肥膩，味道也較新鮮。而肉片味道很足，辣味到位，是好下飯的一道菜。

#灣仔美食 #小蓮星呑食灣仔 🔻 智尊酸菜魚灣仔克街1-15號展鴻大廈地下A&B號舖/$228 2人套餐，免茶芥，唔收+1 ，又有酸菜魚，又有兩款前菜同埋一個主食，仲要包兩碗白飯，好抵食。/🧃麻辣水晶粉皮粉皮細細條，厚薄適中，夠煙靭，有少少捲邊，好好咁樣包住啲辣汁，配埋芝麻同埋青瓜食，超級開胃。/🧃醋香爽木耳酸酸Mei Mei ，木耳唔會硬掘掘，而係好爽脆。/🧃智尊酸菜魚估唔到咁大兜，而且賣相勁靚，全部滿滿都係魚片，入面仲有薯粉同埋萵筍，超級抵食。湯底偏酸，唔係好辣，啱晒唔食得辣嘅朋友，魚肉冇骨，質地好滑嫩。/🧃四川回鍋肉肉片肥瘦適中，薄薄地，一啲都唔乾，個汁甜甜辣辣，送飯一流。///#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

偶然經過呢條街見呢間酸菜魚幾吸引咁今日就過黎試下而家唔可以堂食晚飯就諗住EARLY DINNER但原來呢個時間得下午茶餐點左~金湯酸菜魚配上海麵其實湯底幾好酸酸地唔會OVER左幾惹味既仲有少量薯粉芽菜魚肉份量唔算多而且有細骨本人就麻麻地呀~醉雞配擔擔麵雞就算入味既有淡淡酒香不過份量一般呀連埋D骨位好似唔算多擔擔麵湯底正常少少花生香味唔算十分濃郁**如果可以有番平時MENU可以散叫就GOOD呀

智一家人食外賣有咩好選擇？今次經過灣仔嘅「智尊酸菜魚」，見到仲有下午茶😍 平靚正，一於試吓👍🏻智尊酸菜魚 $48 魚肉份量算多，肉質好鮮嫩，味道唔會太酸太鹹，唔錯👍🏻四川水煮牛肉 $48牛肉份量足料，肉質夠淋，水煮夠惹味😋上海排骨菜飯 $40排骨好香口，菜飯有薑蔥，幾特別，好味👍🏻四川口水雞 $48口水雞好滑，唔會好辣，夠入味😋各款都可以配白飯、菜飯、四川擔擔面、高湯上海麵，或者重慶酸辣紅薯粉，我哋試咗菜飯、擔擔面、同埋紅薯粉，都唔錯👍🏻

京川菜中好喜歡食酸菜魚，酸酸辣辣勁惹味。友人公司附近開了一間酸菜魚專門店，找她食晏試一下。寛濶的梳化卡坐，舒服。午市套餐吸引又抵食。當然要食主角酸菜魚，賣相了得。薄薄的魚塊，啖啖肉，非常入味，酸辣味恰到好處。配料有芽菜，薯粉，鹹酸菜…..十分豐富。四川擔擔麵味道濃厚，麵質不錯，掛湯力勁。嫩雞煨麵又是一個好選擇。湯底鮮甜。麵條較粗身，有嚼口。點了一份小吃陳醋酸辣海哲頭，辣度十足。海哲頭爽口。奶茶不遜於茶餐廳，質量好，茶味香濃。

孖寶爸非常鍾意食酸菜魚，朋友介紹灣仔有間出名食酸菜魚，當然要去試下啦！餐廳裝修企理，坐得舒適。午市套餐主食可配搭白飯/菜飯/上海麵/擔擔麵/紅薯粉，好抵食啊😍！智尊金湯酸菜魚🐟 $68即使是套餐，份量也不少，大大碗好足料，魚片嫩滑又唔醒，而且不太辣，好送飯。四川水煮牛肉🫕 $65呢個有驚喜！上枱已聞到陣陣麻香味，牛肉充滿著麻辣味道，辣辣地好惹味。水煮牛配上紅薯粉，真係好match好好味。四川回鍋肉 $65回鍋腩肉好邪惡，不過整得惹味，連蔬菜都炒得入味，送白飯或擔擔麵都正呀！擔擔麵

灣仔站📍智尊酸菜魚（克街）-星期日又係食酸菜魚嘅好日子😹🐟二人套餐（$228）兩條友又廢事諗食咩，套餐就最適合😎呢個套餐包左兩個前菜（麻辣水晶粉皮、醋香爽木耳）、一個主菜（我就簡左智尊酸菜魚少辣）同埋一個家菜（今次簡左家鄉紅燒豆腐），另外仲有兩碗白飯。先講下前菜，麻辣水晶粉皮份量都好多，醬汁夠多，配埋青瓜絲比較清爽解膩。醋香爽木耳酸味十足，我就食唔到咁醒，女朋友中意食酸就覺得好開胃（唔通有左baby😂？）酸菜魚一上台就見到好多魚🐟🐟🐟魚片冇骨彈牙，仲大大片，食落好滿足！配菜有娃娃菜、豆芽、萵筍、寬粉。兩個人食黎講份量都幾多😹跟餐有兩配飯，酸菜肉湯送飯一流！今次食少辣覺得唔算太辣，下次可以挑戰中辣🌶🔥家鄉紅燒豆腐比想像中好食！豆腐滑捋捋，外層酥香，配埋芡汁好惹味😎環境方面，卡位夠闊落，坐得舒服，企理衛生。$228套餐黎講都幾抵，兩個人食都飽到嘔😹👍🏻

好鍾意食酸菜魚，上網見到灣仔克街開咗間智尊酸菜魚，於是周末約咗朋友食個lunch。餐廳好多卡位，坐得好舒服。午市套餐好抵食，50至60蚊有一個餐 除咗小菜，仲跟白飯/菜飯/擔擔麵或者重慶麻辣紅薯粉。金湯酸菜魚$68酸菜魚片肉質爽滑彈牙，好新鮮，個底有好多芽菜同薯粉。木耳浸時蔬$58 木耳同菜心夠健康👍京城咕嚕肉$65 炸得幾香脆，甜甜酸酸，開胃。以上每款跟一個主食，擔擔麵湯底香口惹味， 麻辣紅薯粉辣辣地幾刺激，菜飯夠健康。

我同朋友都鍾意食酸菜魚，最近搵到一間抵食又好味，簡直可以列入「常去飯堂名單」。▪️◾️小食◾️▪️點了兩款小食，份量不少，價錢真係平到唔信！蒜泥白肉肉質Q彈，沒有騷味，水準唔錯。🐡陳醋酸辣海蜇頭（$38）🐷蒜泥五花肉（$20）▪️◾️下午茶餐◾️▪️各款配以下主食一款：🍚絲苗白飯、江南菜飯、高湯上海麵、四川擔擔麵、重慶麻辣紅薯粉🍥四川麻婆豆腐（38）麻婆豆腐好好味，花椒帶來麻的感覺，辣味輕微，撈飯食真係一流！🐓上海八仙醉雞（$48）雞肉嫩滑無比，齒頰留淡淡酒香，係最能彰顯酒香嘅菜式！🥓四川回鍋肉（$42）🐟至尊金湯酸菜魚（$50）招牌菜酸菜魚係必食，湯色金黃，酸辣清爽不嗆喉，魚肉嫩滑細緻，好評！🌶四川水煮魚（$50）辣度足夠，魚片完全吸收辣湯湯汁，惹味十足！🥄老火湯（+$8）咁抵嘅價錢，食到咁多好味川菜，下次一定回來！

今天約了好友到他的家吃飯，來到灣仔便來先來個下午茶。二人套餐＄228，醋香爽木耳、麻辣水晶粉皮、四川水煮魚、家鄉紅燒豆腐、絲苗白飯。四川水煮魚，除了生魚片之外，還有配菜有萵筍、薯粉、芽菜和木耳。生魚片切得很有技巧，沒有碎骨，魚肉鮮嫩美味。水煮魚的做法很正宗， 麻、香、辣俱全。醋香爽木耳，陳醋的酸甜味道十足，令到木耳更爽口清甜。麻辣水晶粉皮，粉皮爽口嫩滑，加上青瓜絲，更加有口感。家鄉紅燒豆腐，這個豆腐很有特色，有腩肉片伴炒，令到豆腐不再孤單。

捉住有得堂食的尾巴😍收工後即興同朋友黎試呢間智尊酸菜魚。聽到個名就知道呢間餐廳嘅招牌菜係酸菜魚啦！入到去餐廳，環境好舒服，侍應服務態度大讚，啲茶飲完即刻會有侍應斟茶，我地安排左去坐卡位，座位好寬敞舒適，有種放鬆的感覺。我同朋友嗌左一個2人套餐加一個口水雞，又平又好食！真心好抵呀🥰成都老城口水雞（$68）呢個口水雞醬汁好特別，除左辣，仲有麻香的味道。最重要嘅係連啲雞肉都好滑🤪非常惹味😍2人套餐（$228）冷盤麻辣水晶粉皮醋香爽木耳冷盤有齊2樣😆水晶粉皮質感好爽好彈，配埋麻辣芝麻醬同青瓜絲，多重口感。而木耳酸酸地帶點辣味，好開胃。精緻主菜（2選1）智尊酸菜魚四川水煮魚套餐的主菜可以2選1，我地揀左招牌智尊酸菜魚。以為佢呢個咁平嘅價錢，份量會好少，點知有一大碗，份量嚇親我地🤣🤣入面好多魚，新鮮又嫩滑。入面仲有好多配菜，有芽菜、酸菜、白菜，同我地最愛嘅寬粉，好煙韌🥰🥰配埋個酸辣湯好開胃😉家菜（2選1）四川回鍋肉家鄉紅燒豆腐我地揀左四川回鍋肉，好有家鄉的味道。呢道菜好惹味，啲菜炒到好香好入味，配上白飯一齊食，真係會食唔停😙配：絲苗白飯呢間餐廳真係平靚正，同朋友吹左好耐水都冇趕我地走，下次一定會再

灣仔向來都係多嘢食，剛放工經過灣仔就口淡淡想食酸酸嘅嘢，皇天不負有心人，比我喺附近（克街）見到一間酸菜魚，本來無抱著咩特別嘅期望，點知有驚喜！店內裝修走簡約中國風。二人套餐先$228，前菜有凍木耳同埋水晶粉皮，木耳醃製嘅酸度剛剛好，食落幾爽口，而水晶粉皮就一般般，不過不失。店內仲會提供中國茶，感覺就好似真係去咗中式餐廳咁🤣評分：👍🏻👍🏻👍🏻重頭戲：金湯酸菜魚，呢個名真係幾好聽，金色嘅湯浸住分量十足嘅新鮮生魚片，鮮嫩程度其實一用筷子夾上去就會feel到，唔會散晒，仲保持一定水潤彈性，食落真係非常滑溜。評分：👍🏻👍🏻👍🏻👍🏻👍🏻二人套餐內包括一款主菜，可以選擇四川回鍋肉或家鄉紅燒豆腐，店員就推介我哋食回鍋肉，果然不錯，而豬肉片鹹淡適中，帶點微辣惹味香口，送飯一流！評分：👍🏻👍🏻👍🏻👍🏻餐廳內其實仲有唔少特色小菜，有四川、上海、廣東小菜。當中有辣有唔辣任君選擇，期待下次再試下（尤其想食四川紅糖糍粑，之前喺四川食過，真係念念不忘）

聖誕節日，去左銅鑼灣時代廣場看電影，廿二世紀殺人網絡第四集。一如既往，主角奇洛李維斯游走虛擬與現實世界，依家潮流興元宇宙，我相信遲下幾年，在網絡世界度點餐都唔係冇可能，係虛擬世界度食酸菜魚會係點？暫時想像唔到，終歸現實，睇完套戲到四點咁滯，個肚好空虛，一於在現實世界裡滿足口腹之欲，其他什麼元宇宙、酸菜魚網絡則係後話。又一如既往，在or上玩點指兵兵/飯仙，指到我哋今日的destination係智尊酸菜魚。但智酸原來係有兩間，一間在機利臣街，一間在克街，本來我地去左機利臣街嗰間，但公眾假期關係，冇開門做生意，只好退而求其次，揀克街的。餐廳寬敞，燈光通明。因為太肚餓，睇menu都費事，直接order二人餐。麻辣水晶粉皮，粉皮晶凝通透，加上惹味的辣汁蘸料，開胃過癮醋香爽木耳，木耳充滿陳醋香味，咬感爽口，木耳有降血壓功效，食多多都無所謂點左個紅燒豆腐，惹味香濃，撈飯一流。黃金酸菜魚，可謂係店的靈魂菜式。魚片應該是用生魚片，所以食落去口感係滑腍彈牙，肉片入味，配上金黃色的酸辣湯汁，淋落碗白飯，真係大快朵頤，愈食愈起勁。除左魚肉，仲有萵筍，酸菜同寬粉，寬粉即係寬扁的薯粉，總之就食到飽飽啦