晉家門炭燒工房

營業中

休息中

《隱世用心小店》———————————————-#晉家門炭燒工房 🔥-呢間由於太子同深水埗交界嘅小店相當隱世，但係超高質，提供好特別嘅fusion菜，有牛扒食之餘又有港式小食，仲有得啤啤佢🍻-🐮 炭燒安格斯肉眼扒安格斯牛扒都煎得幾香，大大塊，份量十足，而且牛味好出，口感嫩滑！本身唔使點醬都已經算濃郁😍-🇭🇰 炸燒賣一籠有十粒，燒賣炸到外脆內嫩，配上秘製辣椒豉油，非常之夾！-餐廳有好多比利時出品嘅啤酒collection ，非常少見特別，激罕😍呢款淡白色麥酒泡沫豐富，麥味回甘味，強烈突出🍺-🍍 芒果菠蘿沙冰大大杯，色彩鮮艷，質感非常幼滑，芒果嘅香甜味同菠蘿嘅微酸味完美結合，而且唔會太甜，味道剛好🥭-⭐價錢參考：（另收加一）炭燒安格斯肉眼扒 ：$408炸燒賣：$28芒果菠蘿沙冰：$45Belgium Tremens：$68🍌抵deal 指數：7/10

星期六行街撞見「晉家門」復古門面，一入去秒穿越！以為得燒烤，原來週六有Lunch Set，即刻叫黎試吓～ 🍝 巴馬火腿意粉｜火腿鹹香夠份量，意粉妹有咬口，簡單但滿足 🍕 菠蘿辣肉腸薄餅｜薄脆餅底x拉絲芝士，辣肉腸+菠蘿甜辣CP無得輸 🍨 鮮果雪糕窩夫｜即製窩夫外脆內軟，配雪糕同新鮮水果，完美Ending 裝修懷舊得嚟有心思，以為去咗舊式西餐廳～ 服務貼心，性價比高，突然想食西餐可以Encore！ #太子美食 #西餐驚喜 #炭燒工房 #週六午餐 #相機食先 📸

香煎西班牙豬鞍外皮煎至金黃微焦，肉質細嫩多汁，搭配秘製醬汁更添層次，鹹香與微甜交融，讓每一口都充滿驚喜。香煎三文魚柳三文魚外酥內嫩，肉質細膩，搭配滑順而帶有微甜南瓜香的忌廉汁，營造出溫潤而濃郁的口感，令人回味無窮。菠蘿芒果沙冰清爽的果香與細膩的冰沙口感讓味蕾得到完美的平衡，酸甜適中，為整頓餐點增添了一抹清新。餐廳的裝修特別，第一個印象以為是食中菜，原來係食西餐，餐廳座位雖然不多，但服務員十分有禮貌。

今日去開太子站附近，找找下午茶有冇咩好食，見到間叫晉家門炭燒工房，咁啱落大雨💦，就入去試試✨✨✨先叫個菠蘿多士，面頭有D似鳳梨酥，多士脆卜卜，幾好味😋😋😋跟住叫左個是日精選，老闆話是蛋糕，等左一陣先上，原來是雲朵蛋白蛋糕，大大件，賣相幾靚，打卡一流頂，蛋糕空氣感十足，配左一球雲里拿雪糕，性價比一流👍🏻👍🏻👍🏻另加左兩杯沙冰，一杯芒果沙冰，一杯菠蘿沙冰，幾大杯，沙冰高出杯口不小，味道偏甜，最後都飲唔曬～

餐廳裝修古色古香🏮，紅磚牆配木系傢俬，仲有開放式窗邊位，望住街景食飯好chill～ 🌟 炸魷魚圈 🦑🌟炸粉超薄脆，魷魚鮮嫩彈牙，熱辣辣上枱，用點心籠擺碟好有創意呀！😋🌟 千島大蝦薄餅 🍕🌟薄脆餅面舖大蝦同拉絲芝士，千島醬酸甜開胃，簡單配搭，大推！👍 🌟 卡邦尼煙肉意粉 🍝🌟煙肉焦香，醬汁creamy得嚟唔膩，意粉煮得al dente，邪惡但好食！🌟 紅棗圓肉玫瑰花茶 🌹🌟養生之選！紅棗甜香加上玫瑰花香，飲落暖笠笠好舒服～！💖🌟凍檸檬蝶荳花茶 🍋🌟夢幻紫色超吸睛！檸檬清新酸香，蝶荳花天然花香，仲可以自己調甜酸度，打卡必點！📸🌟

在太子的這間餐廳，和朋友聚會的氣氛非常輕鬆。餐廳主打的炭火燒烤讓人期待，點了一口和牛串和羊柳串，搭配上孜然粉，香氣撲鼻，肉質鮮嫩，令人一口接一口。Floris passion芒果啤酒，金黃色的色澤讓人眼前一亮，帶有芒果、木瓜和柑橘的香氣，口感清新，回甘的果香更是令人愉悅。另外，香草燒春雞的香氣令人垂涎，肉汁豐盈，切開時更是讓人忍不住流口水。炸燒賣外脆內嫩，配上秘製辣椒豉油，味道一流。整體而言，這裡的食物和飲品都很出色，無論是聚餐還是享受悠閒的下午，都是不錯的選擇！

林立太子嘅晉家門炭燒工房，裝修復古得來舒適。而且有貓貓睇。佢哋嘅食物亦都相當好味。鹽燒牛舌：家庭製作的風格。用 Simply 鹽和胡椒燒烤得非常好。番茄芝士沙律：這道菜包含新鮮羅勒葉、起司、櫻桃番茄、橄欖油、香草醋、少許鹽和胡椒。食材非常新鮮，而且準備得很好。燒豬頸肉：鹽和胡椒燒豬肉，搭配泰式蘸醬。甜、辣、酸、鹹各適其適。一口和牛：配搭 Tabasco 、鹽和胡椒。牛排多汁，而且沒有被香料過分渲染。燒雞皮：這是我吃雞皮的唯一方法。口感才是最重要的。脆脆的口感讓任何東西都可以吃。薄荷朱古力冰沙：巧克力薄荷的口感徹底勻循。不鏽鋼杯可保持飲料冰涼。對於西方人來說，這超出了她的舒適範圍。這裡讓她嘗試到亞洲特色食物的地方！

又係串燒😆不過今次係中式串燒🤤呢間餐廳係主打多國菜，有好多唔同種類既野食，除左串燒仲有意粉、意大利飯、牛扒、沙律，而且仲有好多款手工啤酒，整體裝潢風格好有特色係走古風，紅磚外牆配搭木系檯凳今次我同朋友主要叫串燒，最推薦係菠蘿！🦪炸日本吉列蠔呢個蠔炸得啱啱好，外層啲粉唔會太厚，蠔都好新鮮🐽 串燒辣肉腸呢個腸肉汁豐富，配埋酸甜嘅菠蘿，增加風味🐽 醬汁燒豚肉串豬肉正常發揮，但值得一讚係唔會燒得太老🐮 鹽燒牛舌牛舌一串三件，口感軟腍爽口🐮 一口和牛牛味好重，但唔會太肥膩🐟 鹽燒白鱔白鱔係我嘅最愛，加埋檸檬汁一流🍍燒菠蘿呢個係全場最驚艷！菠蘿勁多汁鮮甜😍大推🍆燒茄子燒茄子係串燒必備，加埋蒜蓉勁香口🍺手工啤酒推介Kwak比利時傳統琥珀啤酒，麥香味好濃，配串燒就岩岩好LINDEMANS Raspberry呢個適合女仔飲，莓果味好清爽，同埋夠甜🥰Overall: 9/10

店舖裝修好有特色，座位舒適老闆及店員態度友善沙嗲雞串，醬汁燒豚肉串，一口和牛串，鹽燒牛舌，串燒羊柳，串燒辣肉腸，珍寶牛仔腸，煙肉菜卷，蒜香牛油焗翠玉瓜，鹽燒白鱔，日本甜薯，北海道刺身珍寶大帶子串燒，即叫即燒，時間火候，啱啱好，不會燒得太乾，每一串都能夠，留住D肉汁以上全部，都好好食，我最鍾意就係鹽燒牛舌，煙肉菜卷，北海道大帶子！！串燒羊柳能夠食到羊肉的味道！另外值得一讚嘅係店主選用咗環保飲管， 並不是紙嗰種…係鐵…..嘅飲管， 愛護地球，值得表揚

😻一間懷舊小店 店舖空間不大 但係舒適外邊窗邊亦有打卡位 可以飲咖啡～老闆和藹可親 好細心介紹食物俾我見佢對新嘅客人都好熱情 平時工作態度都好因為聽到客人話佢第一次嚟 覺得啲嘢食唔錯有其他食客就主動同佢傾偈👍🏻食客自己都打成一片~貓入邊仲有一隻貓🐈‍⬛ 神出鬼沒的😹.✨串燒🍖沙爹雞肉（2串） $38醬汁燒豚肉串（2串） $382款串燒 各有千秋 兩種醬汁，我都好鍾意係非常之充滿肉汁 肉份量多 擺落口爆肉汁嗰下好滿足.✨煙三文魚薄餅🍣🍕 $98朋友都好鍾意呢個薄餅 香酥口感薄餅好別緻 每片薄餅都鋪上煙三文魚配上新鮮法式捲葉萵苣 加一小勺醬料 味道恰到好處因為呢個薄餅我願意再返嚟食 仲有好多款式都好想試.✨明太子蟹肉意粉🍝 $118明太子非常之多 份量毫不吝嗇 幾乎每一條意粉都掛汁 鹹香層次分明蟹肉清甜 奶油醬裹彈牙意粉 creamy口感 好喜愛.👨🏼本來老闆有推介燒春雞 但係見到要等40分鐘所以決定下次 預多啲時間食先再試！

係太子搵野食，見到呢間好有特色既舖頭，招牌和大門好特別，充滿中國風，餐廳內既裝修都係古色古香。但萬萬諗唔到，一睇個menu, 原來佢係一間中西合璧，一方面主打串燒小食，一方面提供多款西式扒類意粉，薄餅，意大利飯的餐廳。今日仲好好彩有幸見到神出鬼沒既貓店長🐱，對住我喵喵叫 ，好可愛😽講番d 野食，串燒絕對高質素，大推牛舌，外脆內軟。另外叫左龍蝦汁虎蝦意粉（ $128）同吞拿魚太陽蛋薄餅（$88）。意粉有5隻大虎蝦，好新鮮彈牙，意粉煮得啱啱好，口感Al dente，好有驚喜。薄餅更加係必試項目，餅底香脆，超爆餡，新鮮焗起熱辣辣👍🏻👍🏻除咗野食出色，餐廳仲有多款酒類提供，好適合同朋友把酒談歡。餐廳亦提供很多午餐下午茶優惠，推薦比大家👍🏻

太子呢頭真係好多嘢食，今次試咗間炭燒工房🔥，由小食到主食都超有驚喜！ **蜜桃梳打**🍑 第一啖飲落去，蜜桃味超清新！甜度啱啱好，仲有粒粒果肉，解膩一流，配炭燒嘢食簡直絕配～ **醬汁燒豚肉串**🍢 豚肉燒到外脆內嫩，醬汁甜中帶微微焦香，咬落仲有肉汁爆出嚟！食完即刻想encore多兩串😋 **一口和牛**🥩 和牛粒size啱啱好一啖一粒，炭燒香氣十足，入口即溶嘅油脂感真係冇得輸！貴精不貴多，食完仲有回甘👍 **卡邦尼意粉**🍝 估唔到炭燒店嘅卡邦尼都咁出色！醬汁creamy到掛住每條意粉，煙肉同蛋黃香好濃郁，唔會太膩，仲有少少黑椒提味～ **炸燒賣**💥 外皮炸到金黃脆卜卜，入面仲keep到魚肉彈牙！點埋喼汁食，完全係童年回憶升級版👶🏻💖 **總結**：炭燒火候控制得好，食物質素高，價錢合理！特別推介蜜桃梳打配串燒，夏日消暑一流～ 📍晉家門炭燒工房 (太子) 太子白楊街3號地舖 🔖太子美食 🔖炭燒工房 （P.S. 晚市人氣旺，想試嘅朋友記得早啲去霸位！）

我地叫左一杯蜜桃soda加左雲呢拿雪糕，呢度既飲品都好真材實料，蜜桃soda真係落左蜜桃果肉落去而唔係好似出面甘得蜜桃汁，用心制作。我地叫左一串安格斯和牛，一串牛舌，和牛肉質juicy彈牙，牛舌厚切鹽燒，食物即叫即整。菠蘿辣肉腸pizza：欣賞店家用左多款芝士黎做pizza食落有濃郁既芝士香味同好拉絲既口感，pizza係小編最愛，菠蘿酸甜加埋辣肉腸既辣好特別。芒果菠蘿沙冰：無諗過佢會甘高身既沙冰，望落好靚飲落都好有口感唔係淨係得冰味甘簡單。

有日途經太子見到呢間裝修幾有祠堂feel，仲要開放式。鍾意呼吸，飲酒，吹吓水嘅朋友可以坐出面，今日就過嚟試吓～原來Menu係多國菜，除咗唔同串燒之外，仲有好local嘅炸燒賣，pizza, 扒類, pasta ,risotto，都幾多選擇. 最surprise係佢哋有從世界各地搜羅嘅特色手工啤，當中有唔少用鮮果釀製。最特別竟然有香蕉啤酒，不過太受歡迎賣晒。就試咗另一隻比利時用100%芒果汁嘅手工啤。聞落超香芒果味，飲落都好濃甜甜的，非常好飲🤤朋友嘅蜂蜜檸檬蝶豆花梳打都好有誠意。冰粒係蝶豆花冰，再親手倒入濃濃的蜂蜜，睇住佢變色～炸燒賣炸到粒粒圓轆轆，脹卜卜。用個點心籠莊住好得意。辣椒油更畫龍點睛，十分之香😬

今日去左一間好古色古香嘅串燒舖。牛舌，䐁肉，雞肉串燒- 一開始叫左幾串串燒，牛舌非常鬆軟爽口，個口感一流。 豚肉肉質非常鬆軟，勁香口。秋刀魚，香辣魷魚鬚-秋刀魚啲皮燒到脆脆地，肉質又好嫩滑。忍唔住 食完一啖又一啖。 魷魚鬚都相當辣，但一般食住魷魚鬚一邊人啤酒 勁chill。講起啤酒，呢度都相當有特色 有好多唔同種類嘅酒類。 今次我就同朋友嗌咗一個大象啤酒同酸梅菊花茶。 唔止用普通啤酒杯， 仲有個大象杯 好飲又好玩。最後仲嗌咗個羊架， 啲肉勁嫩勁大嚿。又係送酒一流。同朋友飲吓酒，吹下水，食吓串燒呢個地方相當唔錯。