時新快餐店 (已結業)

每次我去紅館睇演唱會,我都會黎時新不過這些機會,卻沒有下一次了...長話短說,闊別2年,格局不變,價錢變了,同時亦換來質素,份量既轉變不解釋,直接上圖闊別兩年的雙層芝士漢堡換來既係兩塊加左脫水劑既漢堡扒味道其實跟兩年前差不多,係比較乾身,同小巧左d之但係呢,你唔講我仲以為我食緊Mini burger,這種份量連3歲的小朋友都吃不飽同行既友人都叫左個豬柳蛋漢堡蛋煎得很"lone",扒亦不外如是但價錢卻跟麥x勞的看齊,$13元整!!確實很失望的說...最後因為時新,終於一嘗挑戰18件麥麥雞的滋味...

放假~行過紅磡, 又去食最好味既漢堡包~最鐘意食既都係芝士蛋漢堡, 蛋係即叫即煎, 放去芝士上面, 熱熱既煎蛋即刻令到芝士融化,雖然係買外賣, 但係買完出去就即係食,真係超正!!!此外, 仲有好耐冇食過既炸雞脾~加埋可樂真係超正,雖然O係火車站行落去係比較遠,不過為左美食, 冇計啦!

這應該是我最後一個不用上班的星期六了. 這一回, 當然要盡量享受一下啦, 說正確一點, 是我想享受多一下駕車的樂趣. 日後回到市區返工, 又要返星期六. 應該只有星期日可以開開車遊山玩水.中午要去尖東接老婆, 早了出市區的我就決定入去紅磡兜一兜. 兜一兜之餘, 也順道來這一家"名店"朝聖. 把車泊在橫街, 行返出大馬路買食. 不過, 始終是日頭, 雖然沒有雙/單黃線, 但點都怕抄牌. 所以快快趣買完包包. 坐返上車, 慢慢嘆. 買了一個比較full的漢堡, 雙層芝士蛋漢堡. 一塊塊手打牛肉, size雖然比較細, 但煎得香, 肉汁甜美, 比得上好多外國過江龍的漢堡包店. 蛋, 覺得是這個漢堡的精髓所在. 平時食外國式的漢堡, 厚煎蛋, 全熟. 這蛋, 是半熟蛋, 非常之嫩滑. 食落, 蛋汁肉汁再加上半溶芝士, 混合起來, 又香口又好味. 牛肉新鮮, 煎蛋夠滑, 芝士香濃.... 是次感受, 無得彈....

7月30號晏就6點幾,同個朋友去紅磡,專程去呢間時新快餐店,因為見"開飯喇"有幾百人讚好,就去試下吾係好難搵姐,好快就搵到呢間野,不過我同個朋友行錯路,搞到曬左好多時間,去到門口,見到好多人,以為係排隊,點知個D人係拎外賣既第一次去呢間野到,個樣同普通餐廳差吾多,我同朋友每人叫左一個雙層芝士蛋漢堡同埋一個薯條雙層芝士蛋漢堡,好味,正, $17@1薯條吾錯,幾好 $11

本來7月1 日慕名而來時新, 可惜當天沒有開門, 真係幾失望. 今天再次到來, 心裡哀心希望一定要開門。 店外站了很多人, 我們以為有好多人等位, 入到店內諗住攞非等位, 但原來搞錯左, 出面的人是等外賣的, 我們花了大約5分中找到卡位, 台面比較窄。 我們買了薯條 , 炸脾和可樂, 芝士蛋漢堡(等的時間比較耐)薯條很熱和脆, 很像從前放學後在小食店買的薯條. 個人不太喜歡食有一層炸粉在表面的炸脾, 時新的炸脾沒有厚粉, 朋友食得津津有味, 看似不太油膩. 芝士蛋漢堡, 新鮮前的蛋和漢堡, 看起來挺油膩~.~ .. 簡左沙律汁, 感覺幾好食, 細細個的, 男仔食應該唔係好夠飽. 很開心現在還有這些舊式快餐店 : >

因為近Ｐｏｌｙｕ，　陪伴我考試的食物。有時幾多人，　不過當日平日，　人數不多。正！！我好鍾意他們ｂｕｒｇｅｒ的汁。豬扒包，豬扒普通，下次食雙層芝士漢堡好了。雙層芝士漢堡絕對值得去一試

聞名而來很普通的漢堡飽+紅荳冰+滷水雞翼, 但超平超抵食!! 吃得出這裡的人情味 雞脾肉唔怕老, 而且很夠味 burger細左小小(好似有大, 下次叫大先) 但好好味, 塊牛好有牛味紅豆冰甜度剛好, 奶同豆的比例配合得非常好!! 有機會會再黎

一早已經聽閒呢間d漢堡好食!今日終於來試!!大約兩點幾去到..都幾多人下~要自己等位,等左唔係好耐就有位兩個人叫左一個芝士漢堡,一個芝士蛋漢堡,薯條同一杯凍奶茶~奶荼就冇咩特別,,普通茶餐廳水準總括來講,真係好食過周街都係既快餐店!!絕對值得去一試~

平野唔一定冇好野ge...早幾日過開紅磡，特登兜路過去食時新食包...上一次去都已經係半年前ge事lu...雙層芝士漢堡好好味.....好多汁...咬落去依然有口爆的感覺...很喜歡他們即叫即造的那一份堅持.....每時拿上手時，到放入口中的一刻...都是熱辣辣的....對男仔黎講一個包係少左d.......所以，如果當㠪餐食，我會食2個包...講真, 環境同服務...我都唔會有咩期望....十幾蚊一個包....仲想點ar...味道，出餐時間 ＆ 價錢合理就ok la .....

睇睇OPENRICE 發現一間漢堡店既然可以獲得咁多好評決定一試睇下係咪真係咁惹味真係好唔容易先搵到鋪既位置 附近無咩其他鋪本身入到去都覺得間鋪好細 環境好似麻麻點都唔似會有好野食再睇下D包講緊都係15,6 蚊個個終於等到了 真係好新鮮 熱辣辣最令我驚喜既係芝士係半溶之間同鬆軟既包出奇地配合真係好好味 佢未必用最好既材料 唔係其他包咁HARD SELL咩特色但佢真正做到新鮮 果然係老字號

它，是「香港芝堡」-------「雙層芝士蛋漢堡」，是香港最地道美味的芝士蛋漢堡包。它，是「香港之堡」，是最能代表港式漢堡包的美食。它，是「香港之寶」，吃過它的顧客幾近有讚無彈，未吃過它的食客總是慕名而至，個人覺得它確是香港之寶，當之無愧。以上所說的，當然是「時新快餐店」的「雙層芝士蛋漢堡包」啦！沒來這名店好一段日子，近日趁著自己要來這區上課，特地找了一天來此吃了頓豐富早餐。也許自己真的很久沒有到來了，竟忘記了叫「雙層芝士蛋漢堡包」而只是要了普通的單層「芝士蛋漢堡包」，講到食味，當然是雙層比單層豐富得多啦！不過即使是普通的「芝士蛋漢堡包」，不知怎的，這兒售賣的，雖然也不過是撒上芝麻在面上的包包、煎得熟透，蛋黃與蛋白已連成一體的煎蛋、疑似卡夫芝士片與煎得比一般小食店和西餐廳好，夾雜著洋蔥茸在裡面，肉質鬆軟，醃得入味的漢堡扒而已，但在加上店家秘製的沙律醬汁，再在爐中烘熱之後奉客，卻變得美味動人，教人感到這裡的「芝士蛋漢堡包」比一般的漢堡包好味得多。當然，香港的食店臥虎藏龍，本地薑固然不少，過江猛龍也多的是，特別是漢堡包這種舶來的食物，雖然除了「時新」這神級本地名店之外，還有其他高質素的西餐

去年９月上大學了。除了要重新面對新學習環境的人和事外，當然還要花時間搜尋附近的五臟廟啦。紅磡這小小的地方居然隱藏著漢堡始祖？！不過說實在的，要不是上學的緣故，我想我該不會為這麼一個漢堡而千里迢迢來到紅磡。從門口探頭往內看，只見狹小的餐廳裝潢佈置簡陋。坐下那左右搖擺的椅子上，和後面的食客背靠著，此時沒有眼神交流，只有汗水交替。我是一個很受環境影響食慾的人，但是面對著剛認識的新同學們，為了跟大家有更多的話題，沒法子了。驟眼看看餐牌，食物種類和價錢都很大眾化。沒吃早餐的緣故，點了一份雙層芝士蛋漢堡、薯條和可立克。薯條淡而無味，可立克甜而太膩。但是咬了一口漢堡包後，剛剛所有的不滿都抵銷了。的確，這傢伙真讓人驚喜！哈哈！看上去份量小，吃下去嘛‥‥只會讓女士們充滿罪疚感，因為它的熱！量！很！高！:'(不過看在漢堡始祖的份兒上，就呈上增磅作為見面禮吧。各位食客，勿當奴了！支持這些有實力有水準的小店吧！沒有優質顧客服務標籤，沒有冠冕堂皇的裝潢，有的，是一份比起M字頭更值得尊重的專業！

終於食到時新上次K先生得登帶我行去，點知端午節前夕唔開！1：30PM去到都幾多人食左芝士蛋漢堡（沙律汁），K先生食左雙層芝士蛋漢堡（沙律汁），加罐可樂我本身以為即叫即整，塊芝士會溶，點知佢係整左我o個個再整K先生o個個，我o個個就凍左lu所以下次應該要分開買！K先生唔夠飽叫多左個漢堡蛋麵奶茶佢話D麵唔係幾好食，哈哈我都同佢講左唔係出前一丁黎架啦我就叫左薯條，都係唔熱，諗住係即炸架嘛其實個飽都OK，不過要熱D

With 700+ people before me, there's not much more I can add but to add one more Smile to the rating. The double cheeseburger was nice and juicy - so many places in HK mess up this basic detail. This place did not disappoint! Awesome!

今日去開紅磡見又有d肚餓於是就行左尼時新到食個包其實都唔係第一次幫襯不過就今次先尼寫個食評時新既沙律汁係自制既別有一番風味今次叫左一個芝士蛋漢堡包我去幫襯既時間係差唔多夜晚7點所以人唔算好多一去到買左飛轉頭就整好了新鮮出爐熱辣辣個包脆脆地感覺非常好!難怪有咁多好評哈哈事實上我都覺得佢地既漢堡包真係整得好出色咁有特色既食物一定要keep住呀!!