春水堂 (新城市廣場三期)

營業中

休息中

春水堂野飲就當然好好飲！其堂食絕對值得一試！滷肉飯絕對強力推薦每次必點！！！！另外牛肉麵也十分好食！！湯濃 牛肉夠淋而飲品就當當然要飲！而甜品麻甩三小 也值得一試不過成日都好多人排

平日去新城市廣場，經過春水堂總見排長長一條龍，在人氣咁旺應該好嘢的心態下，已經心思思想試下。今日同屋企人又行過，見十一點半冇乜人等位，馬上衝入去坐低。叫咗紅燒牛肉麵，珍珠奶茶同黃金香酥雞。牛肉麵真係有料到，真係有台灣味道，牛肉軟硬適中有口感，麵夠彈囗，湯頭唔錯。香酥雞味道正宗，唔似其他地方肉少少全是粉漿。珍珠奶茶正常口味，珍珠有嚼頭。唯一缺點就係食物唔夠熱，牛肉麵湯已經變溫，拉麵已經黐埋一舊。可能係厨房不在舖面，上菜時間耐嘅關係，其實新城市廣場呢邊幾間舖嘅出品都同樣問題，上菜慢同埋餸菜唔熱，天氣冷時更為明顯。下次去其他春水堂再試真啲。

今日夜左少少，8:30pm左右，見春水堂唔多人排，幾好。排3張枱左右，15分鐘就入得。當然每個人都要叫碗牛肉麵再加杯嘢飲啦。問咗店員，紅燒牛肉麵既話就一定半筋半肉，要全肉呢就要叫牛骨濃湯先得。我比較鍾意食肉，所以叫左牛骨濃湯，味道唔錯，比紅燒清淡，唔會油膩。另外果碗紅燒牛肉麵, 有小辣，但湯底好濃，岩哂口味重少少既朋友。小食叫左碟黃金香酥雞，入口香脆，無油膩口感。台灣野珍珠奶茶一定走唔甩，有無糖，半糖同少糖簡，其實半糖或者無糖都已經好夠味。

香港版既春水堂，沙田呢間長期都有啲人排緊隊，我都要排左15分鐘。叫左呢個手工麻香麵線$48，有啲䓤油同埋隻蛋，講真既話我覺得不及台灣的香口，一上台好香既麻油味，但係食落口就有啲失望，麵線有咬口，但味道就真係寡左少少啦。相反，隔黎既麻辣青瓜$38就好啲，夠曬惹野，不過辣度對於一般人黎講就偏辣，所以如果個胃唔太好既朋友就應留意一下喇，麻得夠，條脷會有少少麻既感覺，如果加多少少醋會仲香呀。小編仲嗌左杯鐵觀音珍珠奶茶$28不過因為要解辣所以直接把口飲先無留比相機飲，我覺得同我一如既往一樣都係奶茶做得最好有奶香味。今次無叫平日最香口既牛肉麵，如果鍾意牛肉麵記得叫番個。大家如果掛住台灣可以去吊下癮，題外話都係台中既春水堂最抵食。

午膳時間最好12:15 前到否則要等位坐位寛敞⋯⋯就算你係兩個人佢都會比四座位你坐而不需要搭枱✅今日叫咗一碗紅燒牛肉麵 $82一個慢煮豬手 $58一個黃金地瓜條 $33一杯凍朱古力珍珠奶茶 $38（另收+1服務費）牛肉同面嘅份量適中有牛𦟌，牛腩，牛筋….大約有六至七舊到肉類全部都好軟淋個湯底唔會覺得口渴豬手啲肉好軟淋地瓜條出邊有啲鹽鹹鹹地但係入邊係甜嘅…幾得意當同朱古力珍珠奶茶唔算太甜真追到幾多整體質素都OK

#小胖遊沙田🐠—————————————————🔹照燒雞扒便當🍱 $82呢個絕對係減肥人士外食恩物，有齊4大營養素，2格滿滿蔬菜🥬同菇🍄，清清地又易入口，蛋白質有🥚同嫩滑雞扒、醬汁唔會太鹹配飯🍚食相當唔錯🥢仲有一小碗牛丸湯添！成個組合超balance😆.🔹🍅半筋半肉蕃茄牛肉麵🍜 $92蕃茄湯香，牛肉同筋都好易咬同入味，配上好食粗麵，美中不足係麵份量偏少同埋湯都算多油😂.🔹胚芽奶茶🧋$32茶底醇，奶都滑，不過因為我食無糖，所以覺得其實無乜特別，價錢就偏貴了😳.💡晚餐時段Suggest 6點幾好去排🙈—————————————————🧜🏻‍♂️口水度：🌕🌕🌕🌖🌑🤑CP值💰：🌕🌕🌕🌘🌑🧚🏻‍♀️打卡值：🌕🌕🌗🌑🌑🥰舒適度：🌕🌕🌕🌘🌑👅再食指數：🌕🌕🌕🌗🌑.♟Overall♟首推🥇照燒雞扒便當🍱 沙田分店部分位置好近岀面🙈無乜私隱如果唔趕時間都係等坐入面嗰啲位🪑

無論是一客便當，或一客牛肉麵，豬手好味不多骨，雜菌量多，西蘭花係青綠色的，買配了一件貢丸湯，牛肉牛筋不少，非常夠份量。食物品質和配料都見到店員的認真。好開心的一次外賣。

被譽為台灣珍珠奶茶始祖的春水堂，係香港開設分店已有一段時間，但每次經過都大排長龍，證明受歡迎程度並沒有退減。麻辣牛肉麵 🌶🍜$82睇介紹話湯底係用牛肉和牛骨髓經過一日半時間烹調而成，但可能加左麻辣關係，牛肉味唔算突出，牛筋和牛肉煮得非常軟腍入味 。慢煮豬手 🐖$58在自家秘製配方的鹵水中烹調超過30小時，豬手煮得相當入味，豬皮充滿膠質口感彈牙。魯肉飯(小碗) 🍚$28選用左珍珠米，粒粒飽滿，軟硬適中。滷肉肥瘦均勻，軟爛香滑，入口不油膩，冬菇和肉鬆增添口感🤩配上醬料，好食到食唔停口。我會為咗呢碗魯肉飯再嚟多次😆😆

一直以為沙田嘅春水堂，只係飲台式飲品有一次朋友話去春水堂食午餐，先至知道有堂食聽日下午12時先正式營業，所以十二點半左右去到已經坐滿曬人，仲要等幾耐先至入到去。麻香烏⻣雞麵線 難得等咁耐，所以叫碗特別嘅麵，烏雞出面好少有，又好似幾補，所以就嗌咗㴝食啦不過賣相同menu有啲唔一樣，個湯比較黃，但都係好味嘅因為menu張相個湯係有少少啡色，以為係似藥材燉湯黃金香酥雞新鮮炸，炸粉唔算厚，又唔係好鹹胚芽奶茶我以為所有嘢飲都有珍珠，點知到咗先至知冇。問店員可唔可以加錢加返啲珍珠，好彩佢話可以啫。所以嘢飲隔離白色兜珍珠，係另上啦

春水堂貴為世界珍奶嘅發源地 但聽過frd講春水堂無想像中咁吸引咁好食🤪好奇寶寶都係想試下點樣唔好法kekee 6點幾呢啲時間果然已經排緊長龍 諗緊個個都好似我咁first try定回頭率咁高🤣。。。🦔👉紅燒牛肉麵(半筋半肉) $82食台灣野唔係唔試牛肉麵呀🤪一送黎見到滿滿的牛肉湯 都見唔到麵添kekee 麵條食落果然好似comment講嘅咁腍🥺小妹表示不快 幼得黎腍 又無質感 絕對唔係我取向 牛肉除咗好幾嚿肉 都有大大嚿筋 但佢啲牛肉味唔同其他台式牛肉🤔我唔太習慣 除此以外仲有兩嚿爽口小棠菜 隨湯會附上細細碟茶甫碎粒 我灑咗係正中 淨食會少少辣無乜特別 建議加埋係湯跟麵食。。。🦔👉珍珠茉香奶茶 $34斗膽的我叫了走甜🤣又真係有走甜呢個option喎！本身都幾驚會好似茶飲咁微微糖/走糖已經淡到無味 但春水堂又做到走甜得黎用茶香黎替代喎🤩好彩我今次難得地叫茉香 茉莉茶香真係好舒服香濃 加埋佔咗3分1有多嘅細珍珠 成杯我好satisfied🥰不過唔太鍾意濃茶嘅你千祈唔好咁睇唔開叫走甜。。。🦔👉珍珠鐵觀音奶茶 $34睇comment見好多人飲鐵觀音評價好一般🤭朋友又堅持飲且同樣叫走甜 但鐵觀音

今時今日可以唔使坐咁窄的環境都好少有，即使係有水準的餐廳，都可能同隔離枱坐得好近，講嘢傾偈都要就住就住。春水堂雖然唔可以book仲要排隊，排左25分鐘，兩個人坐4人枱，非常舒服，我覺得等都係值得喎，不過排緊隊時睇到人地枱面D食物好正，係會越來越肚餓的😅至於食物，點了兩碗紅燒牛肉麵，有根有肉，最好食係個面，細食的我都食哂，好煙韌彈牙，個湯好濃飲左好多湯，牛根非常林，唔使用牙咬都溶左，好好食最抵食係炸雞翼，38蚊4隻大大隻，可能係炸粉先睇落咁大隻，但係新鮮炸好野味，十分推介再叫左個滷水牛肚，好入味，跟埋個辣油仲好食，唔辣的飲品就叫左朱古力奶茶，未試過可以試下，都好足料好好飲，唔會太甜太多冰，啱哂女仔飲等下係值得嘅，十分推介！

When one thinks of Chun Shui Tong, one thinks of their infamous bubble tea. But I discovered they now serve toast and bao.Menu is in English and Chinese. Dining in costs a bit more along with an added 10% service charge. I saw they had a seasonal item, so decide to try that drink.This is the Pink Guava Lemon Premium Jasmine Tea ($38). It wasn't as dark red pink as the menu but it tasted quite good. A strong guava taste with the sourness of the lemon. You can still taste the tea.Boyfriend had the

沙田新城市一向都好熱鬧，美食林立，呢日黎到春水堂，懷念一下台灣既味道蜂蜜綠茶，綠茶味突出，整體唔太甜，同蜂蜜平衡得好好朱古力奶茶，人氣飲品朱古力味香濃，茶又滑又甜，加上朱古力脆脆，增加口感黃金香酥雞，每件雞都幾大塊，份量夠多，外脆內軟，而且肉汁豐富鹽酥雞翼滷肉便當，滷肉香口，唔會太肥。鹽酥雞翼同樣有水準，鬆脆配上貢丸湯，清清地，食完飯可以解一解膩蕃茄牛肉麵(半筋半肉)，牛肉軟腍細滑。刀削麵大大條，彈牙，亦吸收晒湯汁，好惹味，令人食到停唔到

今次黎到沙田食野，發現呢度原來都有間春水堂， 呢個台灣過江龍岩岩黎香港果時都好受熱捧嫁，不過都係飲珍奶多～食野都係第一次！🥳紅燒牛肉麵 $82呢個牛肉麵就勝左個湯底！係好濃好濃既牛味！淨係食個湯底都抵！😂佢既面係幼面黎，咬落都好彈牙！好食！ 牛肉唔會太肥，啲肉炆到好淋！好好食！🥳當歸藥膳湯 $68好多料既湯呀！有大約一半都係材料黎！超級真材實料！個湯一上黎已經聞到好大陣藥材同當歸味！超醒神！ 😍飲落又唔會苦喎！ 有啲紅棗同豆皮係度balance番個味！飲完個身暖笠笠～推介嫁！💪🏻

記得幾年前在台中旅行時就已經品嘗過春水堂美食。而近年春水堂已在香港開了多間分店。每次去光顧，我都會叫米糕系列☺️。👍🏼招牌米血糕 $34👉🏼’‘米血糕’‘沾上好像沙茶醬的醬汁後，是糯米口感入口非常煙韌。👍🏼金沙芋泥丸 $48👉🏼‘‘金沙芋泥丸‘’ 是芋泥加流心奶皇餡，不知道為什麼，每次吃都會想念台灣的地瓜球，外形太相似吧😂。👍🏼台式芋米糕 $28👉🏼’‘台式芋米糕‘’炸得香脆，有米香味，口感極像炸脆了的蘿蔔糕。🍜紅燒牛肉麵（半筋半肉）$82👉🏼牛肉麵牛肉是半筋半肉，非常柔軟，但分量偏少。🍚細碗魯肉飯 $ 28👉🏼魯肉飯有肉鬆及滷肉汁蓋在飯上，入口惹味。🥤珍珠奶茶 $32👉🏼而這裏的珍珠奶茶味不是很濃厚，有淡淡茶味~🥤春水堂📍香港新界沙田三街18號新城市廣場期3樓A332&A393A鋪