春水堂人文茶館 (創紀之城五期(apm))

營業中

休息中

同朋友好耐冇見去到APM唔知食咩好就發現原來呢度有春水堂最近唔食牛肉，好彩佢有素面 比預期好食朋友就食牛肉麵，半筋半腩香味濃郁來到一定要飲番杯珍珠奶茶挺好飲的 最後叫埋個小食好好味。

行下apm，口淡淡便去買野飲，apm呢個商場勁多飲品店，各大連鎖品牌基本上都飲過了，就試下未飲過又多人讚嘅春水堂，聽聞過江龍好威威，要排好長龍。阻人收工最xx😂差唔多九點先去買，黑面是很合理的。點咗鐵觀音珍珠奶茶同朱古力珍珠奶茶，一杯走甜，一杯正常。鐵觀音我覺得偏淡，唔知係咪走左甜嘅關係？朱古力個杯就幾好飲，仲有朱古力餅碎。但兩杯都真係太多冰，慢慢行街慢慢飲，飲完都仲有大半杯冰，珍奶其實只有三份一杯😂三十幾蚊杯…試過便算了，驚喜不大。

一直排队的商店今天空无一人。我经常来的一家台湾餐厅，因为它很好吃。尤其是奶茶，即使在香港也很好吃🧋🧋🧋食物很好吃，但女服务员的态度总是不好。 看得出来，她的心情总是不好🤔总是微笑的男店员脸上总是挂着笑容，一切比以前好多了😄吃完台湾菜，我想去台湾。 下一步我应该什么时候去😜

食物一貫台灣野水準，都幾好食！服務，有位講日文男職員，好好禮貌。本來想領教下戴眼鏡果位女職員，原來在收銀，行出去比錢時，，講咗一句（$319），然後無聲無息放低張收據在枱上。無講多謝（氣場好勵害）！呢位女職員咁優質既服務，原來已經成為標準，真心佩服！（講咁多咪又係排晒隊去食！）

就算呢個係便當 仍然做唔到日本嗰種精緻，✨照燒雞排便當🍱有菇有菜有雞排同飯，感覺上幾豐富🐽照燒雞排外脆內嫩，外皮酥脆，內裡仍保持住雞肉嘅嫩滑口感。帶有少量嘅照燒汁嘅炸雞排配上白飯係幾唔錯嘅🫦🫦✨熱奶茶就係平時飲開嘅台式奶茶味🧋好重「奶」味，同埋紅茶味😋😋

今晚收工去左食春水堂🫢仲要捱多3日先放假自從開左關，就算閒日都多左人食晚餐，不過好彩今日吾洗等位直接入得🥣主食：紅燒牛肉麵🐮$92牛肉麵尼講我覺得幾好食，麵質比較軟淋，食左幾次，今次牛筋夠入味同有咬好，牛肉軟嫩，湯底濃郁，但又冇油膩既感覺😋😋飲品：紅豆鮮奶茶🧋$39春水堂既珍珠奶茶出名好飲，今次叫左紅豆鮮奶茶小冰走甜，因為加左紅豆既關係，走甜都有小小甜味，個人覺得岩岩好🫣食飽飽之後，好想飛去台灣食野同飲珍珠奶茶🧋🧋🧋🎈如果有機會，都想試一次年尾去台灣倒數🎊

春水堂是其中一間經常會回訪的台灣餐廳 回訪的主因是餐廳珍珠鐵觀音奶茶 有一種令人掛念的魔力 百飲不厭 同朋友在觀塘逛街 見到春水堂不用等位 就決定坐低休息一下麻辣牛肉麵(半筋半肉) $92 湯底十分濃郁 夠麻夠辣 牛肉入味軟腍 有牛味 牛筋軟滑 幼身麵軟硬剛剛好 做到掛湯的效果 牛肉同牛筋份量比想像中多黃金香酥雞 $55熱辣辣 外皮香脆 雞肉有肉汁 不會炸到乾身 味道適中 不會過鹹珍珠鐵觀音奶茶 $38春水堂永遠的最愛 選擇少糖少冰 鐵觀音奶茶有出色的茶香 不會被奶味蓋過去 奶同茶的比例剛剛好 細粒珍珠煙韌有咬口 天氣炎熱的夏天飲到 暑氣即刻消失春水堂份量雖然偏細 對女士比較適合 但食物質素一直保持到水準環境又闊落舒服 加上令人念念不忘的珍珠鐵觀音奶茶 還是會忍不住回訪

春水堂係佢第一年開嘅時候，好鍾意食，會願意排隊，因為覺得佢個麻辣牛肉麵好食，另外小食都好食。但事隔一年冇食過，今日再去食就覺得差左。$92 🍜麻辣牛肉麵加價都加得幾多，記得以前都係$70-$80左右。麵條好似未煮好咁，行落去有少少實心，辣都唔夠之前辣，以前牛肉份量比牛筋多，而家食到嘅就係牛肉得兩三舊細嘅。$35 🍚滷肉飯滷肉飯同以前嘅味道一樣，而且有肉鬆，多汁。整體感覺比以前差咗，員工服務懶散，唔會比水客人，問要水嘅時候，就算我哋係兩個人，都只係俾一杯。而且明明11點幾好多位將所有客人area，會感覺迫。加晒價，珍珠鐵觀音奶茶，而家都差唔多去到未加一前要40幾蚊一杯。

滷水拼盤幾好食炸番薯條都唔錯嘢食唔錯，咁點解說是一般般呢？因為沒有任何服務可言，想找一個店員，不停舉手也找不到。價錢也不便宜，性價比不高，但係有好多人食，仲要等位。可能因為APM冇咩太好嘅選擇。

餐廳入邊有一大面積範圍暫停使用，話要做清潔，當時8:15pm ,排緊隊的時候完全冇講過，我排緊第三台客，後面一家四口排緊隊，在後面有兩位客人，另外幾位係一人用餐戴眼鏡的女職員走來同我哋講8:45pm last order ,完全冇禮貌，咁我當然問佢為何入邊唔開放，門外還有咁多客人排緊隊，而且沒有同人講last order時間，我排了差不多20分鐘才告知8:45pm last order,戴眼鏡女職員答我佢哋9:30pm 收工，所以要清潔好啦…..到8:42pm 我終於有位啦，個戴眼鏡女職員真係好冇禮貌個樣問我三位入先定四位入先我問佢咁邊個排隊先啦…..佢話我點知你哋黐埋一齊究竟邊個想入先？大佬……我食餐飯，唔知點解要有咁嘅對待後面一家四口都莫明奇妙….有位唔俾人入，排隊又唔同人哋講last order 幾點如果唔係湊住個小朋友，我真係一早走咗大家有冇同樣的用餐經驗？

餐牌冇寫到明唔俾拎春水堂外賣杯入嚟，我哋有個同事見外賣杯平啲所以買外賣杯拎咗入餐廳 跟住戴眼鏡嘅女侍應極度冇禮貌話要加錢 連句唔好意思都冇講 跟住我同事話佢唔會飲喎 咁都唔得咩 跟住個女侍應完全冇理就搶咗張單 （真係用搶字都唔過分）話要加錢 但係我哋已經講到明唔會飲 咁我哋就據理力爭 話堂食嘅時候一定唔會飲跟住佢都冇辦法 但係之後佢送餐嘅時候 勁大力咁放低 又西口西面 完全唔知得罪咗佢啲乜？唔講以為佢有入股間餐廳

今日拎住個hand carry 喼去食lunch一入到去，被一位戴眼鏡的女店員招待，被分配到一個雙人座位，個位後面係後門，而後門門口打開咗見到有啲污糟，唔想對住個污糟後門食飯，我向另一位店員表示來調去角落坐，該店員話ok，所以就過咗去坐。點知坐咗一陣，眼鏡女店員走過黎，態度極不友善，向我發脾氣話我唔坐佢分配既位，宜家個喼放係枱同枱之間，搞到佢俾唔到其他客入黎座！OK，咁我將個喼靠牆放，確保你有位入客（但最後隔離張枱全程無人坐）

麻辣涼伴牛肚絲 $44牛肚絲有口感得黎唔會韌到咬唔開整得入味👏🏻第一啖辣味較出🌶️越食越過癮😋金沙芋泥丸 $52即叫即炸熱辣辣♨️芋頭味十足芋泥質地綿密🍠口感外皮小脆帶點兒煙韌中間有流沙奶黃餡流出流🫕鹹鹹甜甜好食👅黃金香酥雞 $55外皮炸得香脆🍗味道唔鹹皮厚肉較少一般🫢魯肉飯 $35有驚喜🤩唔中意食肥膏既我好少食魯肉飯但春水堂既魯肉飯🍛食落唔會油膩醬汁調味恰到好處鹹淡適中👍🏻有香菇、肉鬆配搭撈埋口感煙韌既珍珠米一齊食正🥳珍珠鐵觀音雪糕吐司 $62賣相吸引既熱量炸蛋🤣珍珠細粒煙韌鐵觀音雪糕有兩球🍨雪得夠凍味道唔苦澀帶茶香☕️吐司係丹麥吐司🍞煎香左🍳外脆內軟所有野夾埋一齊食冷熱交融、口感豐富好滿足要挑剔既係楓糖漿偏甜🍯比較容易膩🫣珍珠鐵觀音奶茶 $38嗌左走冰走甜鐵觀音奶茶🧋奶同茶既比例balance得幾好品嚐到茶香又唔會太澀珍珠細細粒口感煙韌、有咬口🤤無黑糖味唔怕過甜👌🏻整體味道清新唔會好heavy😎

個人認為呢間台灣菜價錢略貴，不過勝在食物質素幾好👍🏻✨御品三寶牛肉麵（$105）有牛肉、牛筋、牛肚，配料既份量都算多，麵條偏軟身幾好食，湯底都適中不太鹹。✨珍珠茉香奶茶（$38）珍珠夠彈牙，茉香奶茶夠香唔會太甜，茶底味道濃郁。總結一下，未試過既朋友仔唔嫌貴的話可以一試，食物份量嚟講係適當既，味道夠好。

今晚同朋友去春水堂食晚飯，我避免夜晚瞓唔著，唔叫紅茶、綠茶、咖啡、奶茶，見有個新特飲蕃茄蜜凍飲，加左d胚芽，唔太酸、幾好。侍應幾醒，離遠叫拎匙羹及俾清水都get到。