春水堂人文茶館 (創紀之城五期(apm))

營業中

休息中

Lunch經過見到唔使排好耐 就即刻衝入去食😍 麻辣牛肉麵🍜 $82一嚟到先飲咗一啖湯底 正！唔會太辣 但係都保留到又麻又香嘅味道另外半筋半肉 一定係最Juice 啲牛肉亦都夠淋！鹽酥雞翼魯肉便當🍱 $82
本身對鹽酥雞翼冇乜特別期望點知佢炸得非常鬆脆😛 好鍾意佢酥脆嘅口感呢個便當有雞翼又有滷肉 我覺得係幾抵食朱古力珍珠奶茶🧋 $38見到好多人都叫咗呢一杯 成杯朱古力而且又有一片曲奇喺面 實在幾吸引😂📍 春水堂 觀塘apm一樓L1-1號舖


觀塘春水堂就唔係第一次食，但係不得不說今次真係有啲失望。 平時同同事嚟食通常都係買杯飲品食吓牛肉麵咁，今次放咗工之後諗住自己一個食個飯就試到個便當真係要進步一下。春水堂嘅環境依舊無變，夜晚依然好多人所以嗰日都派咗一陣隊。未計加1 80幾蚊一個變當你講其實又唔係話特別平定係貴，但係個雞扒嘅汁又真係水咗少少，便當配啲蔬菜固然係好但係調味又真係講唔上有。烚菜真係有少少冇誠意嘅老實講😅 如果普通喺街邊食間台灣嘢我又覺得冇乜所謂嘅，但係感覺上拎住春水堂個名又好似期望值會高咗好多。芋米糕就繼續都唔錯嘅！

*✲ﾟ*。 🧋人氣台灣過江龍🇹🇼紅燒牛肉麵個湯底唔錯 牛肉炆得幾淋 😋
不過成碗麵份量唔太多
鹽酥雞翼魯便當有好多配菜 (椰菜、小唐菜、雞脾菇、西蘭花、蕃茄仔) 🍱
鹽酥雞翼好似幾特別 平時都係鹽酥雞粒多🤣不過略嫌炸粉太厚🙈珍珠鐵觀音奶茶嘅茶味好香！3分甜啱啱好😝食完屯門/元朗嘅木玥巷 覺得果間嘅牛肉麵同鹽酥雞真係好食好多🤫 
可以睇番我上一個post🙆🏻‍♀️但係春水堂勝在好多分店🤣 
-✨ 紅燒牛肉麵 (半筋半肉) ($82)✨ 鹽酥雞翼魯肉便當($82)
✨ 珍珠鐵觀音奶茶($34)-📍 春水堂 @ chunshuitanghk
▫️觀塘apm一樓L1-1號舖
▫️旺角雅蘭中心1樓101-102號舖
▫️銅鑼灣希慎廣場3樓317-319號舖▫️沙田新城市廣場3期3樓A332及A363A號舖�▫️馬鞍山新港城中心4期2樓2141號舖�▫️東涌東薈城286號舖▫️將軍澳重華路8號東港城1樓112號舖▫️太古太古城道18號太古城中心1樓102號舖▫️尖沙咀彌敦道132號美麗華商場1期1樓110C&112號舖

前幾日經過apm, 去左春水堂食個早飯，叫左必叫的麻辣涼伴鴨舌，鴨舌好入味， 再加上麻辣調味相當醒胃，又唔算辣到食唔到 😜另外叫烏龍米血糕，個名夠特別，所以叫黎試試😉米血糕上加左木魚作調味，非常美味👍🏾👍🏾👍🏾麻香烏骨雞麵線的湯底濃郁可口，唔錯， 食完成個人都㷫烚烚😂😂叫左咁多小食， 所以叫個小碗魯肉飯😛食台食又點少得魯肉飯🤭🤭🤭飲品就叫左黑糖琥珀珍珠拿鐵及胚芽奶茶黑糖珍珠細細粒，又甜又煙胚芽奶茶走甜，但都仍然飲到奶茶香不錯不錯～

其實呢間春水堂都幫襯過唔止一次，次次嘅體驗到不過不失，使乜水平就中規中矩啦，不過勝在坐得舒服😌同埋服務質素都幾好，佢哋嘅茶飲就不嬲都出色嘅叫咗杯鐵觀音奶茶，無論係凍定熱都咁好味，跟住大獎就話好啦，酸菜白肉麵都幾好味，我幾鍾意食佢啲椒鹽系列嘅嘢，椒鹽雞呀椒鹽杏鮑菇啊都唔錯，我覺得如果去APM想坐得舒舒服服又有啲空間咁嘅餐廳都飛佢莫屬，同埋唔使成日等位，因為空間大，店員亦都幾細心安排座位，呢樣嘢係幾值得稱讚👍x

今日6點半左右收工行過春水堂竟然無人排隊所以就試試期間限定的酸菜白肉湯麵講野食之前, 先提一提服務有點失望, 又係用QR code落單以前係侍應架, 而家無晒溫度, 台灣就係賣人文, 溫度架嘛~同埋好得意地枱面有張期間限定的酸菜白肉湯麵卡, 但又無MENU而QR code又唔係叫我入座時即時俾我我諗住問下係咪得酸菜白肉湯麵時, 侍應先施施然放底張QR code,講多句自己SCAN都無....只能靠我自己意會.....雖然都明白難請人, 但我都係鐘意有人落單野食方面呢, 可能配合左香港人口味? 唔夠酸我食台菜就係想搵台灣味, 所以有點失望, 好想念台灣個種酸酸菜同白肉都好碎, 好似配菜無主菜咁所以, 下次都係食返牛肉麵算啦

排左大概40分鐘先入到去。。個拌麵真心冇咩特別，味道又淡麵質口感又差。。香酥雞還好,冇出面味精咁多，夠脆～甜品叫咗個鐵觀音雪糕吐司，鐵觀音味夠，珍珠煙韌，個人中意食甜啲覺得糖漿可以多啲野食偏貴，不值得排咁耐！

落單後等待食物和飲品期間請職員給我們兩杯暖水送上的竟有小小強在浮游 😳難道這杯是「春水」?!還是那小小強大名為「春」?!而兩份便當中的滷汁排骨和照燒雞排之鞋和靭 絕對考驗我們的牙力和 EQ 😮‍💨記憶中這家的質素不錯的也經常看到店外有人龍但今天後我不會再來了

今日接老公收工，去APM度睇吓有咩食，平時食春水堂起碼等45分鐘，今日見到得幾個人排隊，所以就入去食，觀塘太多台灣小店，眼花撩亂😝😝😝😝😝紅燒牛肉麵$88牛筋比較多很少牛肉，麵質個方面麻麻哋，比較淋身，維持唔到質素😔😔😔😔😔滷香大腸 $52滷水汁比較鹹，份量亦很少😛😛😛😛😛鐵觀音奶茶 $33飲品方面就維持到質素，香濃的鐵觀音味，我選擇了微糖，比較好飲。推介⭐️⭐️環境⭐️⭐️⭐️⭐️味道⭐️⭐️

🔸酥炸豬排配他他醬便當（💰86）(8/10)我喜歡佢有好多好多蔬菜！真係好多！三格都有蔬菜🥬而且三塊炸豬排都好大塊好脆！🤣仲有蛋同貢丸湯。🔸珍珠奶茶（💰34）(7.5/10)都係正宗珍珠奶茶最正！佢嘅珍珠細細粒，好煙韌！🧋Overall評分: 7.5/10

🔹滷肉飯 (小碗) $32因為唔係好肚餓，所以有小碗就岩曬D細食既女仔~ 因為個碗比較細，所以就算D滷肉汁淋曬係面，但係食落D汁都唔係真係好多，如果多少少會好D。🔸豬手滷肉便當 $96有菜有肉，豬手數量比我想像中多，肉質都好煙韌。🔹蒜泥白肉 $38無平時食果D咁辣，蒜味亦唔算好重。🔸朱古力珍珠奶茶 $39好中意飲春水堂既珍珠奶茶，因為春水堂係用細珠，而且比平時果D淋好多，唔會食落一舊粉糰咁，而春水堂既朱古力珍珠奶茶都好濃朱古力味。🔹翡翠香柚茶 $38飲落都有柚子茶既小小澀味，但係我都係中意春水堂既珍珠奶茶多D。

珍珠奶茶雖然肥，但如果係飲春水堂嘅珍珠奶茶，我一啲都唔怕肥，因為真係超級好飲！！全香港最好飲！我飲 - 珍珠茉香奶茶茉莉味勁香，完全無被奶同茶味蓋過，但又保持到奶味，真係犀利。珍珠冇放過夜，次次食都好煙韌。最鍾意佢甜度可以揀，一定揀微糖👍

呢間店一早係朋友口中聽過唔錯，但平時行過都見佢大排長龍，今日難得見到唔使等位當然入去試試這裡的裝修很光鮮，乾淨企理。坐低就點了紅燒牛肉麵（半筋半肉）。牛肉麵的湯底非常濃郁，又有點辣，是我喜歡的味道牛肉正正常常，牛筋就煮得很好，唔會太淋唔會太硬，吸收了湯底的精華，非常入味，而麵條口感亦都唔錯，有咬口。其實一直都好掛住台灣永康街的紅燒牛肉麵，但奈何係香港總係搵唔到一間近似既口味，每次在香港食到的都只是不過不失，跟台灣的始終有一段距離。今次總算食得出一點台灣牛肉麵的味道。當然，台灣的還是最好P.S. 食完覺得很口渴，不知是否味精落重了🤔無服務可言但要收加一服務費👦🏿???

平日午飯時間仲係排長龍，是日1:30pm見得3組客排隊，即管試下運氣。嘻😜，唔洗5分鐘就有位了，仲要係一個人獨佔張靠窗邊圓檯。 叫左個紅燒牛肉麵$88和小吃麻辣涼拌牛肚絲$42，加一後$143。 紅燒牛肉麵🍜，有一層薄薄的油，微紅，吾係辣油因吾辣，亦不似麻油，因吾香。面，份量有點少，夾3，4下便沒了。有4件牛肉，2件牛筋，算大件，全部淋到無牙👴👵也食到，個人覺得過淋，冇質感可言😑。 麻辣涼拌牛肚絲，真的有麻有辣口感，很香麻油，老肉汁味，薄切，份量足👍。 整體覺得價錢和食物質素衹是一般，😵何解常常大排長龍？!

講起台式珍珠奶茶，小妹去到觀塘APM好自然覺得要行去‍春水堂🏃🏼‍♀️買杯黎飲下😍 春水堂質素算係較穩定，價錢又唔會太貴👍🏻 雖然黎自台灣一間連鎖茶餐廳， 主要賣珍珠奶茶及泡沫紅茶等茶飲，但味道相當有質素，絕對推薦一飲🤩🧋鐵觀音珍珠奶茶小妹每次到呢間必點飲品🤫當然係鐵觀音珍珠奶茶🧋 呢杯鐵觀音味好有茶香，茶味好香醇🥳 雖然珍珠size偏細，勝在煙煙韌韌好有咬口，亦唔會出現咬落覺得硬既情況🤭 加上叫咗微糖去冰，味道啱啱好，PERFECT💓