春天小廚

營業中

休息中

今晚誤打誤撞入咗依間街坊小店，雖然裝修簡陋（仲有啲舊），但入坐率十成，我相信一定有佢嘅原因。原來四個人想叫個$338套餐（有鷄、有魚、有蝦），可惜一落單呀姐已經話無招牌炸子雞同薑蔥霸王雞，叫我哋揀第二樣，咁唯有叫另一個$318套餐。$318套餐其實都好抵，包四個餸，四碗飯，仲有四碗大例湯而且非常足料。四個餸我哋叫咗脆皮炸豬手、琵琶豆腐、肉絲粉絲蒸水蛋及欖菜肉鬆四季豆。嚟到碟碟好大，物超所值！脆皮炸豬手：外脆內軟，好夠味，一啲都唔乾。肉絲粉絲蒸水蛋：其實咁大碟蒸水蛋真係好難蒸得滑，不得不讚師傅的確好手勢。今餐絕對有驚喜！下次一定要試埋其他餸。

見朋友食過呢間好似唔錯，所以一直都想試，今次終於都試到，叫左薑蔥霸王雞、魚香茄子煲、脆皮小棠菜。 薑蔥霸王雞比較失色， 但魚香茄子煲和脆皮小棠菜都很喜歡。兩個人叫左258$，好飽，食唔哂，要攞走。員工友善，環境衛生，下次有機會都會幫襯。

牛頭角街坊食堂春天是一家平民飯堂，提供多款小菜和主餐選擇，餐廳環境較為狹窄，裝修簡單，但價格相對便宜，四人餐平均消費為200至300元。食堂的菜式以小菜為主，口味簡單，但新鮮度很高，其中蒸魚是食堂的招牌菜之一，味道不錯。餐點價格相宜，經濟實惠，推薦給想要在預算範圍內享受美食的人。雖然餐廳的裝修相對簡陋，但小廚師的用心製作，以及平實的價格，使得春天食堂可以吸引到不少顧客。如果你喜歡簡單的味道和經濟實惠的價格，不妨一試牛頭角街坊食堂春天。

第一次試呢間早餐因為見到有配厚多士但蕃茄牛通竟然只有三片牛肉…真係少到嚇親沙嗲牛通就有5/6片唔明白點解兩份牛肉份量可以差咁遠..味道普普通通試一次不會再有下次

茶餐廳內裝修簡單，木椅配軟背墊，冷氣加風扇，空氣流通。早餐34元，沙爹牛肉公仔麵，湯麵熱，沙爹牛肉凍，沙爹味道一般，牛肉不硬，公仔麵軟硬適中。午餐肉表面被煎得香口，內層軟，味道不太咸。腸仔味道正常。煎雞蛋是荷包蛋，蛋黃半熟，美味。亦可選擇煎熟蛋。熱奶茶的茶味香濃，奶味足夠。總結：早餐份量足，性價比高。

幾個人叫咗外賣午餐，試咗：揚州炒飯：飯比較淋唔夠鑊氣，似將唔同熟哂嘅料係咁依炒埋一齊生炒骨：汁好酸，太刺激紅燒豆腐飯：個汁好淡唔記得俾餐具同糖，成餐飯好失望😂好處係：碗花生眉豆雞腳湯幾好飲，食湯ja食得仲開心，仲有冬菇😂 好大份自取九折不過，冇下次喇😂😂😂附上，食到一半影返張圖post上嚟😂

晨咁早買完東西要周圍搵早餐食！行行下就行到入牛頭角道搵食。誤打誤撞入咗呢間。呢間只是普通茶餐廳嚟...坐下環顧四週， 座位很窄！很有逼夾感！都係隨便叫了個早餐：彷鮑片火腿通粉、餐肉煎蛋、仲有跟多士及熱飲..落單五分鐘內幾乎全部齊到！彷飽片火腿通粉湯頭呈白色、飲落似偏淡嘅忌廉湯...通粉有彈性、味道不俗喎！三片原塊鮑片而火腿絲份量都多、食得好滿足！荷包蛋生熟剛剛好！少許流心且富蛋香！餐肉煎得乾爽脆邊難得原來有蒜蓉牛油多士！我食完煎蛋餐肉再食多士！多士仲保持暖而且幾軟熟蒜蓉味幾香....奶茶就奶香和茶味都非常濃郁總結食物都有水準！環境普通茶餐廳格局但係服務就有些不滿意！！！首先收費不清晰,餐牌上改了價錢！只係在之前銀碼重劃上去、而且好不明顯....大家留心這餐牌先看到$30 在後面0字加了1劃上去！叫完早餐等食時間因為餐廳上網信號很弱收唔到網絡！手機search到有這裡wifi，問阿姐甚麼密碼？就咁回覆我（ 唔好意思，呢度冇wifi ）我質問佢搜尋到有此餐廳名wifl 阿姐又話（我哋唔方便比）！！！同佢解釋有重事要覆需要上網而餐廳位置收唔到！阿姐回答（呢D唔關我事）真係好激氣,呢度真係咁睇

我明白疫情下，好多人都唔會想出街食！我都係！所以今日就幫襯左佢！叫左3個餸！其中一個係蒜蓉粉絲娃娃菜！(在門口大約等左15分鐘，我無吹過佢！)佢地開門同我講話個菜要煮耐少少，要等多陣！我話無問題！好了！拎到返屋企準備開餐！打開外賣盒，哇！精彩囉！成盒菜係生嘅！望落去係似無煮過一樣！之後當然要自己係屋企加工啦⋯⋯(因為趕住煮返熟佢，所以忘了影相)但真心覺得一間食肆，好唔好食，在這情況下我都唔會去考究，但都唔好比啲未煮嘅我吖！

今次約咗朋友喺佢公司附近食嘢，帶到一間街坊老店，☺️叫咗一個常餐，香煎雞扒撈麵加上多士，同埋火腿蛋。雞扒的確煎得好香口，👍🏽👍🏽而且份量都幾多，但係撈麵嘅醬汁未如理想，令到成個面都好乾身，如果要食嘅話都係食啲有湯底嘅。另外，佢哋幾多士都唔錯，除咗有烘過之外，亦都有十足嘅牛油，火腿煎蛋就不過不失。記得之前到來食過，我當時都覺得佢嘅多士可以再試😊可惜而家水準下降🙊下次都唔會成為我哋嘅選擇。

一行十二人來到此飯店，位置大大，幸好有有朋友已訂枱，雖然坐得較迫，但也是值得的。炸子雞皮膽肉滑，水煮魚夠足料，麻麻辣辣，好爽呀。老闆幫我們買了海鮮煮，太有人情味喇。薑蔥蟹，好味道。還有秘製芥末沙拉骨，獨特的味道，不油。例湯也是沒有味精的粉葛湯。

我同朋友嚟過好多次喺度食飯， 都覺得喺香港好難再搵到一間咁平、 靚 、正嘅屋邨小菜。 老細份人雖然酷D, 但係老細同夥記都好好招呼. 老細話有啲小菜本來要加價呢，為咗 屋邨街坊， 呢份人情味就已經夠喇。 其中一樣小菜煎蠔餅， 鬆脆得嚟 又唔會太乾身。 麻辣雞煲，啲雞肉食落仲好滑， 食落又唔會太辣， 炸子雞真係好好食， 皮脆肉滑。 避風塘 涼瓜， 我都係第一次食， 感覺好惹味。 薑蔥 茄子魚雲煲， 啲魚雲炸得啱啱好一啲腥味都冇。 希望下次可以試下其他菜式一樣保持更好嘅水準。

一名在店內算年輕的男侍應，態度係我有生以來見過對客態度最差的侍應：寫漏單，就算係聽唔到，幫我加番就可以了，佢要話係我頭先冇講，我都話加返囉，佢竟然話：”唔寫，癡線...”唔同客落單，仲為d小事閙d客，究竟邊個至癡線?

這間街坊小店多次易手，因此見到網友說是新開的，我忘記了以往光顧那間，是否同一店舖？明顯地，春天小廚不是間茶餐廳，應該是主打小菜。不過早餐和下午茶，仍然賣茶記套餐，相信是幫補租金吧。接近下午三時仍未吃飯，經過見到下午茶有粉麵飯套餐，連飲品$38，算是抵食不妨試試。見到餐牌有咖哩班腩飯，便點了這款，餐飲是奶茶。老實講，當那碟咖哩班腩和白飯送來時，我的心「離一離」！因為，我最不喜歡椰汁多的咖哩，以為這種小店，供應的是「黃黃地」那種港式咖哩。但明顯地，那碗咖哩似乎「頗正宗」！硬著頭皮也要開動，吃一口飯，不夠熱，已經有點打折扣了。跟著先吃伴餸的青紅椒和洋蔥，沾到一點咖哩汁，覺得味道不太差。於是試一塊班腩，亦不夠熱，但脆脆的很好吃。很快地，便食完了整個飯！那個咖哩汁，有少少辣，椰汁味亦不算濃，將班腩沾滿汁來吃，相當美味。又一次，我似乎需要調整一下自己固有的看法，持開放的態度去試食了。美中不足的，是奶茶的茶味較濃，不合我口味，我只喝了一半，淺嘗便算。反而那個盛糖的糖盅，頗為精緻，是不鏽鋼做的，甚有重量，很少見到小店會用那麼講究的餐具。有機會的話，會來試試晚飯小菜，相信會不錯！

今日收工去咗牛頭角食飯，見到開咗間新餐廳。當然要試試佢啦。三個人叫咗四個小菜，仲有四個白飯～～食到、飽到呢～每碟餸都唔細份。酥炸小棠菜～～～呢個我最愛，唔係好多間餐廳有得食。做得唔錯，炸漿薄，又夠香脆~可以再食食～～秘製芥末沙拉骨～～正～唔會炸到乾晒～～送啤酒一流～春天小炒王～ 叫得呢個名，好明顯係餐廳嘅主打菜啦～我朋友至愛～雙冬枝竹羊腩煲～～主角黎啦。老闆推介，入秋呢個必食！值得一食～～果然係必食～大家要試試呢個餸！！！多謝請我地飲湯～～要賣下廣告，多料冇味精，良心湯，下次收錢我都飲～多謝朋友仔請食飯～