春天小廚

營業中

休息中

今晚誤打誤撞入咗依間街坊小店，雖然裝修簡陋（仲有啲舊），但入坐率十成，我相信一定有佢嘅原因。原來四個人想叫個$338套餐（有鷄、有魚、有蝦），可惜一落單呀姐已經話無招牌炸子雞同薑蔥霸王雞，叫我哋揀第二樣，咁唯有叫另一個$318套餐。$318套餐其實都好抵，包四個餸，四碗飯，仲有四碗大例湯而且非常足料。四個餸我哋叫咗脆皮炸豬手、琵琶豆腐、肉絲粉絲蒸水蛋及欖菜肉鬆四季豆。嚟到碟碟好大，物超所值！脆皮炸豬手：外脆內軟，好夠味，一啲都唔乾。肉絲粉絲蒸水蛋：其實咁大碟蒸水蛋真係好難蒸得滑，不得不讚師傅的確好手勢。今餐絕對有驚喜！下次一定要試埋其他餸。