星海．譽宴 (鱷魚恤中心)

營業中

休息中

今日又喺觀塘行咗一日街,午餐我地決定過左黎呢間酒樓食午市下午茶估唔到中午時間都 人山人海鮮蝦餃、 蟹籽燒賣、 粉果 、燕麥糕蝦餃皮薄餡靚， 大大隻鮮蝦， 爽彈鮮甜蟹籽燒賣肉質結實， 免治豬肉夾雜著少許豬肉粒  層次更加分明， 蟹籽鮮艷卜卜脆 粉果外皮煙煙靭靭， 沙葛爽甜多汁 鬆脆花生添口感黑色蝦餃係用墨汁做皮,煙韌口感包住爽甜蝦肉,賣相幾靚既!仲有脆皮腸粉,油條釀蝦膠加蟹籽,雙重脆感加滑腸粉,蝦膠爽彈,脆口蟹籽,油條香脆煎蔥花蝦米腸, 煎到微微脆身,再淋豉油食,幾香口有米香薑汁雞包,細細隻,中間係雞肉薑絲餡,味道清新 麵包身鬆軟!送菜夠快,食物水準唔錯,觀塘開源道79號鱷魚恤中心2樓消費$400

訂左台黎食晚餐,1906落單叫左半席餐,等等等一直等到1956先上第一道菜,晚市忙我都明白,但係好多台客遲過我地黎都上左菜追問職員淨係識答整緊整緊,幫你追下,直到我地話再唔上菜就走人先肯上第一道食物質素普通,未至於去到難食,但你唔好預好食間野酒底好矮,嘈到不得了整體用餐感覺好差觀塘晚市有好多更好既選擇,奉勸慎重考慮

第一次來觀塘飲茶，今次就約朋友三個，來譽宴飲午茶慢慢嘆。不嬲都覺得譽宴野食吾錯，今次觀塘酒樓同樣令人驚喜。呢度環境華麗夠寬敞，中午時間還是很多人排隊和坐滿的，好在有book 位，好快有位坐。我們首先點了出名的脆皮王子乳鴿，真係超級脆皮的乳鴿，但都好有肉唔算bb 鴿。再點樣樣有D既點心拼盤，拼盤有蕎麥糕，蝦餃，潮州粉粿，蟹籽燒賣。做工精美，又可以樣樣都試到，真係不錯的選擇。再來一份超級正宗的福建炒飯，份量都係大大分，食完都幾飽架。另外菜式來多份健康蔬菜竹笙野菌紅燒豆腐和鳳梨咕嚕肉，用來送飯就超級開胃啦。呢度既份量樣樣都好重料，三個人食剛剛好，而且味道做得十分好，以後飲茶搵譽宴就啱曬啦。

我發現自己越嚟越鍾意去飲茶！呢間譽宴出名做婚宴，環境特別有格調呢度嘅點心紙都有幾張！除咗有點心外，仲可以叫小菜、小食，特別多選擇墨汁金箔蝦餃皇外皮係用左墨魚汁整，味道無咩特別不過好夠軟韌，而且又夠薄，係出色嘅蝦餃皮中間嘅蝦隻係脹卜卜的，食落好爽彈黑松露野菌餃本身我好鍾意食素餃，中間餡料有唔同嘅口感不過外層嘅水晶皮就厚左啲！金牌流沙包流沙包最重要係要流心再加埋濃濃嘅蛋黃香就更加無得輸！鮮蝦炸雲吞目測炸得唔夠金黃，心諗應該麻麻哋點知食落很不錯喎拎上手完全唔油膩，而且仲好夠脆！中間嘅餡份量岩岩好，唔會太多春風得意腸本身係鍾意食呢款腸粉嘅口感，可惜脆皮完全唔脆的，中間嘅餡料又刴碎哂，食落完全無口感豉蒜虎皮尖椒虎皮尖椒嘅辣特別香，用左豉蒜炒，香上加香炒得好入味！砂窩鱆魚雞粒炒飯嚟到成個窩仲非常熱的飯粒炒得粒粒分明，味道有少少醬油嘅甜味，但就非常好味仲有飯焦添係食砂窩炒飯嘅精髓！

同屋企人嚟飲下午茶🫖 星期五好多人等位，非常好生意～呢度點心款式多，價錢親民。見到有午市優惠, 冰鎮花雕5頭南非鮑魚特價$68/隻，叫咗兩隻。 鮑魚都幾大隻，好濃嘅花雕味，點豉油wasabi 食～燒味叫咗蜜燒黑豚肉，叉燒肥瘦適中，肉質夠林，蜜汁夠多～安格斯牛肉腸，腸粉幾滑，餡料有安格斯牛肉及金菇～墨汁金箔蝦餃幾特別， 墨汁黑色皮，面上有金箔，賣相幾靚。 蝦夠爽口～鮮肉小籠包，酒樓質素算唔錯，有湯汁～雪映千層糕一層層奶黃，唔會太甜～灼北京菜心份量多～

本來好好地一家人約埋食野，拎多張凳擺野，妳好聲氣講話叫人放好啲咪ok囉，但妳啲員工唔俾就算，一野就鬧人。好好地黎食野，野都未食就俾妳侍應鬧，有無培訓過？服務性行業黎wo，態度差成咁！唔會再去囉。評價高，多好評又點？妳員工態度差就係差，點會有心情繼續食！完全俾妳地搞到心情差晒囉。屋企人無端端俾人鬧，真係離譜囉，又話通道唔窄，又話怕俾人罰，但你地啲枱又放到鬼死咁埋，一定無足夠距離囉，咁耐都無俾人捉到......?

朋友生日想吃中菜,大家揀咗幾間,最後決定嚟搞開婚宴,場地靚嘅譽宴平日的晚飯時間都估唔到幾多人喎,個場主要採用紫色系,超靚室外位置仲有閃閃LED燈佈置添,幻想一對新人經過呢個時光隧道及親友嘅見證,一定很難忘!生日果位朋友被求婚後都仲未睇場, 嚟到佢都參觀咗一陣, 都話唔錯晚飯餐牌都有很多選擇,有單點或套餐價錢竟和平時去開的酒家差不多4個人點了8道菜,不算誇張,而且我地真係食得哂 XD(因為有幾款都是頭盤,不是主菜)先來幾個頭盤脆皮燒乳鴿七味脆豆腐粒川味口水雞沙拉脆蝦球欖菜肉鬆四季豆黑椒薯仔牛柳粒清蒸海鮮孖寶:珍珠龍躉仔+蒜茸蒸元貝呢度嘅上菜速度都唔算慢, 落單大約十多分鐘就到, 只是蒸海鮮會慢一點又唔好以為佢d餸咁快上檯係凍, 全部都係熱騰騰的尤其七味脆豆腐粒, 係超熱, 熱得嚟皮脆內嫩小炒總括來說都有獲氣, 味道夠, 又唔會過咸過濃, 是適中的, 賣相也乾淨企理, 要說缺點四季豆的份量可以再多一點黑椒薯仔牛柳粒加了彩椒和洋蔥, 色彩繽紛又惹味, 薯仔皮脆香口, 牛柳粒夠稔身最後上來的清蒸海鮮孖寶:珍珠龍躉仔+蒜茸蒸元貝珍珠龍躉仔4人食剛好, 師傅沒有把魚蒸過時, 魚肉嫩骨少加埋面頭d薑

而家疫情好轉，所以今年中秋可以一家大細出去酒樓做節，但係就好難book位，原本想book下星期的，因為近d中秋節，但係已經full咗，所以最後都要提前1星期做節。而且今年適逢屋企大裝修，book咗觀塘酒店住。所以就揀咗譽宴.星海。未到7點已經坐滿晒客人了。雖然整間酒樓都坐滿客人, 但每位職員服務態度都非常好及主動. 抵讚!椰青燉花膠雞湯$98 （做緊特價）花膠有3片，每片size都ok的。有好多豬肉，椰子肉煲到好腍。湯好有椰子味。好飲晚市孖寶A $288上湯龍蝦配 伊麵，上湯調校味道相當唔錯，龍蝦有1隻，龍蝦肉新鮮彈牙。 伊麵份量都有一個的。炸子雞半隻，雞皮炸得好脆，而且雞肉好滑，唔會炸到d肉乾晒柚子一字骨，柚子味夠濃郁，但一字骨有少少肥。配上四方形的 沙葛，帶點酸味，有助解膩。群翅海味什菜煲$128群翅份量都好多，什菜有小棠菜，西蘭花，菜心及粉絲。湯味道清甜。咕嚕脆蝦球$128其實我地原本係叫沙律脆蝦球的。不過廚師整錯咗，整咗咕嚕脆蝦球，雖然經理話可以幫我地換返沙律脆蝦球，但因為等嘅時間太耐，又要等多半個鐘，所以最後決定照食啦！菠蘿帶點酸咪咪，蝦球粉槳適中，蝦肉都彈牙的. 最後加了一

招牌白胡椒肉蟹用鐵板上，一上檯就噴曬煙，白胡椒味都幾出 ，但溫和 ，唔會好強烈 ，同時帶一點甜味。有驚喜！肉蟹好大隻，啖啖肉😍食到最後都熱辣辣！晚市價錢都係298 幾抵！👏脆皮燒乳鴿個皮真係好脆，好香👍但調味有啲濃！如果淡返啲就更加好。黑蒜螺頭燉雞湯燉湯非常夠熱🥰有好濃嘅黑蒜味就算唔係特別鍾意黑蒜都會接受到細細一壺都有好多料唔錯！杭州香醋一口骨排骨香脆而且肉質鮮嫩，味道方面有微微酸甜味，而且炸衣唔厚，食落唔油膩！👍黑椒金薯牛仔粒牛仔粒肉味香濃，而且好軟，黑椒味同牛肉配合得好！ 薯仔亦非常香脆，而配菜就份量十足和惹味！ 😋乾隆石鍋炒飯炒飯好足料，而且因為用石鍋上，所以食到最後都好熱！飯粒粒分明，仲食到瑤柱同蛋味！ 份量仲要勁多，兩個人只係食咗一半！ 👍👏最後店員服務都好，不時自動自覺收走碗碟🥰，下次會再光顧👏

🥢胡椒炒蟹預先切件方便食用。啖啖蟹肉好吸引，而且肉質結實，味道鮮甜，食得出好新鮮。胡椒汁惹味開胃。🥢燒味拼盤包括叉燒、油雞、燒肉。叉燒蜜汁甜味重，又帶點焦香。雞肉嫩滑。燒肉皮好脆。🥢黑蒜螺頭燉雞湯黑蒜味道好濃郁好香，感覺好滋潤。🥢玉環鮑魚盅鮑魚厚身而且鮮味彈牙。瓜莆吸滿鮑汁。🥢西施蛋白蝦球蝦球大隻彈牙，蛋白好嫩滑。🥢福建炒飯炒飯黃金色而且粒粒分明。芡汁足料得嚟調味唔錯。各式配料如蝦仁、翠玉瓜色彩鮮艷，味道都相當豐富。

今晚約咗舊同事食飯，因為同事喺附近做野，佢話呢間d菜式都唔錯，所以決定去試試。燒味拼盤，有肥瘦均勻嘅叉燒，層次分明嘅燒腩仔，個皮都好脆，油雞都好入味，唔太咸，海哲爽口彈牙。雪耳候頭菇老火湯，個湯好濃郁，勁足料，飲完唔口渴，應該冇放味精。脆皮咕嚕肉，個皮真係好脆口，雖然有個汁，但個皮都冇淋到，甜甜酸酸，好開胃。涼瓜肉鬆煎蛋角，個蛋煎到好香口，d涼瓜唔會太苦，味道啱啱好。胡椒蟹，係用鐵板上，上枱時先將胡椒汁淋上面，咋咋聲好有鑊氣，隻蟹勁大隻，好厚肉，d胡椒味滲晒入d蟹肉，好惹味。黃金海皇炒飯，係用咸蛋黃炒，好甘香，入面仲有大量蝦同帶子粒，好足料，好大碟，幾好味。最後紅豆沙做結尾，d紅豆粒粒都好大粒起沙，食得好滿足。

老人家生日飯帶佢去茶樓就最適合不過。🥢 黑蒜螺頭燉雞湯🥢 呢個黑蒜既味獨特到搵唔到野形容，好飲而且好健康。🥢 招牌胡椒蟹🥢 有冇搞錯? 晚市$298仲平過午市$468肉蟹係經油炸過，粉漿包裹肉蟹，索汁入味，第一入口你會食到淡淡既胡椒味，唔會好搶，食到肉就鮮甜。🥢 杭州香醋一口骨🥢 醬汁收到好稠密包裹住每件排骨，油炸過既排骨皮脆，甜中帶甘，上面一絲絲既係果皮。🥢 黑椒金薯牛仔粒🥢 有肉味又好有黑椒味既牛仔粒，配角薯仔炸到好香口但係太細年，呢到仲加左菇菌粒，好似食肉既口感，爽口多汁。🥢脆皮燒乳鴿🥢 乳鴿切半，手撕食就最正，D油順住手落，皮脆肉嫩多汁Juicy。🥢 乾隆石鍋炒飯🥢 呢個飯又多又簡單又好食，主要係佢個飯米做到煙韌乾爽，調味唔花巧帶出青蔥香味。

總結1. 超超超expectation嘅酒樓全包宴！一路食一邊讚👍🏻👍🏻2. 完全冇諗過好食 所以冇影相 食到最後真係覺得欠佢一個好評3. 味味餸都熱到出煙 即叫即做同老人家食 初初諗住係鱷魚恤求其搵間酒樓 見得呢一間有好評（雖然都好耐之前🤣）真係喜出望外 人人讚好叫左白胡椒蟹套餐 八餸包飲品茶芥 未計加一肉蟹唔霉 胡椒惹味黑蒜湯有藥材味 唔啱我口味鮑魚同蒸魚豉油調得好 帶出鮮味炒飯用瓦煲上 有飯焦 有驚喜一定有下次！

好耐都冇同呀媽嘆茶，今日就嚟到鱷魚恤中心搵咗間酒樓食天花有深淺紫色舖成嘅燈，好夢幻點心拼盤-兩個人叫每人一件剛好，有酒樓必食嘅蝦餃同燒賣，仲有白糖糕同粉果，蝦餃整得晶瑩剔透，白糖糕甜度啱啱好沙拉蝦球-好有驚喜！每舊蝦都好大粒夠爽口彈牙，炸粉唔會好厚，加上甜甜哋嘅沙拉醬真係忍唔到口脆皮燒乳鴿-外脆內軟，肉質唔會榎，慢慢食好滋味家常燒豆腐-有豆腐、雲耳、肉絲同菇，豆腐索曬啲汁唔錯，而個汁有啲啲辣更香口黃金海皇炒飯-飯炒得粒粒分明好有鑊氣，除咗彈牙蝦粒外仲有鹹蛋嘅咸香味，正！紅豆沙-好香陳皮紅豆味，起沙得嚟又食到粒粒紅豆，但個人覺得偏甜

今日又喺觀塘行咗一日，不過今日係同屋企人行。自然晚黑係食中餐！黑蒜螺頭燉雞湯原粒黑蒜，算味十足，未開蓋已經聞到蒜香！黑蒜帶甜香！整個湯都係蒜嘅甜味，螺頭一咬都鮮！都唔算燒味拼盤就叫左叉燒、白切雞、燒鵝同埋海蜇叉燒半肥瘦，好實淨同埋唔會燒到有黑位。白切雞係雞翼同埋雞胸位，雞胸我麻麻地，不過妹妹鐘意。燒鵝皮都脆，酸梅醬get！白胡椒蟹超級好食，唔辣但夠香！男女老少都食到！抗疫價$298超級無敵抵！膏蟹皮薄脆肉厚，新鮮！個蟹鉗大過匙羹差不多兩倍！玉環鮑魚盅節瓜鮑魚配刀叉食！節瓜清甜，鮑魚有乾鮑煮過咁。有d溏心樣但唔係好溏心，始終細細個。勝在煮得入味夠濃夠濕潤！西施蛋白蝦球蛋白上邊有一個汁，應該係高湯嚟嘅，再之後有蘆筍同埋紅蘿蔔！成個感覺好精緻健康！蝦肉大隻彈牙，西餐燉蛋咁，幾好，岩哂年輕既屋企人。福建炒飯冬菇雞粒非常多餡料！冬菇、雞粒、瑤柱、帶子、蝦仁、蛋、鴨胸肉同埋翠玉瓜！雖然佢好多料，但一啲都唔咸！非常值得稱讚，就算有埋瑤柱絲都冇呢個問題！飯粒炒得非常之爽，起粒粒！鍾意食爽硬飯人好岩！飯量4-5人，對我哋來講好多！飽到上心口！紅豆沙起晒沙之多豆，甜左少少，多豆就ok啦！