星海薈 (利舞臺廣場)

營業中

休息中

今晚想食龍蝦，就隨便搵間酒樓去試下。第一次去星海薈，原來有獨立客𨋢。上到去原來樓底好高，好闊落，望落幾舒服。坐底叫左：金銀蒜蒸斑塊 - 魚肉質幾好，但金銀蒜配搭加上調味非常鹹。鐵板牛油上湯焗澳洲龍蝦伴煎腸粉 見哩個配搭煎腸粉幾新鮮。澳洲龍蝦份量很足料，肉質彈牙。牛油上湯配上煎腸粉，幾好味。呢個價錢食絕對係性價比好高。紅燒皇子乳鴿 - 皮都幾白脆，肉質幾好。68蚊都值得試。整體食物，除左蒸魚比較鹹之外，其他食物味道跟性價比都好高。下次可以再嚟試其他食物。

好耐都無派過負評..…事源8月26號禮拜六同屋企人飲茶,本來我想去利舞臺樓上玉X軒,但係屋企人話好耐無去星海薈,所以轉陣地,上到去前面只有一枱三位喺度等位,同個金髮紮馬尾個reception阿姐攞位,坐唔夠一個字,個阿姐好似未瞓醒咁再問我地全部等緊枱係幾位😅,然後安排我地坐門口,上哂茶,點好點心,好快就有得食,先上甜品,桂花蜜脆麻花,然後蝦餃,佢蝦餃個皮紮實唔厚得黎又唔黐底,而且個餡塞唔係好多肥豬肉,好食,羅漢上素腸,我只食到雲耳搶哂其他配料,麻麻地,蘿蔔絲酥可以話係我叫既點心之中最好食,個酥皮好鬆化,棉花雞可惜太肥,燒賣&馬拉糕可以一食,珍珠雞被佢呃左,包完牛油紙再包厚厚荷葉,打開其實超細件,再食番甜品脆麻花,師父只喺中間落少少糖漿,左右兩件dry到食木索...…之後坐一陣再叫reception個阿姐埋單,佢打開本埋單薄同我講"多謝4百幾蚊"實數都唔識講😅，埋完單佢竟然將我張咭連收據包住,然後離枱一個身位度飛去我枱面然後走左去😑😑😑😑,我唔需要話好貼心殷勤服務,至少希望都正常少少擺喺我枱面而唔係飛比我..…😑😑😑😑嗰日serve我地職位低過佢都做得好多佢,就算d野幾好食,一個員工唔掂

位於銅鑼灣「星海薈」坐落於利舞臺，裝修非常雅致，樓底極高地方非常寬敞坐得舒服，以優質粵菜屢獲好評，定期總會有新菜式，最近更推出最 Chill 粵菜推介，多款名貴菜式更以優惠價回饋客人，例如白胡椒蟹、白胡椒煎焗龍蝦、冰鎮花雕南非五頭鮑魚、紅燒煲仔翅等等，都非常抵食▪️招牌白胡椒蟹 $ 638肉蟹超巨型，蟹鉗和蟹身非常厚肉，肉質鮮甜，味道充滿胡椒香，而且香而不辣，夠晒惹味，鍾意食蟹嘅朋友絕對唔可以錯過▪️秘製瓦罉蔥油雞 $ 98這個超級抵食，原價$ 288，上枱，我們才知道是一隻雞的份量，雞的表面佈滿蔥油，雞皮和雞肉都非常嫩滑，而且蔥油醬汁非常香口，配上一口白飯滋味無窮▪️紅燒皇子乳鴿 $ 68炸得皮脆肉嫩，肉質Juicy又夠入味，鹹香鹹香，更可以沾上淮鹽，更加有風味▪️南乳榆耳粗齋煲 $ 128超級多料的齋煲，入口南乳的味道，材料有粉絲、冬菇、枝竹、茄子、木耳、蔬菜、豆腐卜、筍，越食越香口，南乳味濃到不得了

這裏裝修得非常華麗堂皇，適合婚宴，就算朋友聚會飲茶吃點心和飯局都非常合適。長長的樓梯，加上用花製成的拱門，非常適合婚宴。招牌白胡椒蟹$638，蟹肉鮮甜彈牙，吃得出是新鮮貨色，白胡椒味道香濃，加上洋蔥的份量十足，這個招牌白胡椒蟹是必點的。紅燒王子乳鴿$68 ＇乳鴿外表香脆，內裏肉質味道鮮甜，加點准鹽，味道層次更加豐富。瑤柱海皇冬瓜盅$148 ，配料有草菇、豬肉粒、瑤柱、節瓜、帶子。有大約半個冬瓜之多，湯底清甜可口，這個冬瓜盅足夠四位享用。由於數量有限，建議訂位時必定要預訂。小食$20 ，酸酸甜甜的蕎頭，是餐前小食精選。

壓力太大，下班後走到熱門婚宴場地慶祝自己嫁了給工作有專屬升降機，樓底非常高，天花掛上水晶吊燈裝修風格大方、有氣派，旋轉樓梯佈滿花花最Chill粵菜推介有招牌白胡椒蟹、紅燒煲仔翅等春季順德菜推介有台山蠔雀走地雞煲及薑蔥爆炒風鱔柳等鐵板白胡椒煎焗澳洲龍蝦熱辣辣，蝦肉彈牙秘製瓦罉蔥油雞以古法烹調，鮮嫩多汁，份量十足打卡之選冰鎮花雕五頭南非鮑魚預先切件方便食用香蔥脆皮海生蝦炸至金黃色，但不覺得油膩川貝海底椰花膠燉螺頭雞湯有止咳、強肺、潤燥功效

今日喺銅鑼灣逛完，朋友提議想食中菜，又想坐得舒舒服服，就選了附近星海薈，裝修雅緻高尚，空間感十足。不論作為婚禮場地或飲茶點心，聚會飯局，都是個不錯的選擇。🧄酸蕎頭 $20餐前小食，坐低就會有，酸甜醒胃，質地爽脆🦀招牌白胡椒蟹 $638（每隻約一斤半）1斤半的大肉蟹，啖啖肉，以鐵板上菜，鑊氣十足，再淋上白胡椒汁，即時香氣四溢，又不會搶掉蟹肉的鮮味，工價十足。蟹肉結實而飽滿，食得非常滿足。🐔台山蠔啫啫走地雞煲 $188惹味的雞煲，一上枱熱哄哄，4隻大大飽滿的鮮蠔，嫩滑的雞件，惹味的醬汁，送飯一流。

前幾星期較多工作應酬，與外國同事交流，吃了不少西式晚餐。過了這忙碌的時間，特別和好朋友找間中菜館，品嚐中國味道。 星海薈於利舞臺廣場5樓，地鐵站出發大約5分鐘便到，地點方便就腳。這裡裝修典雅， 入門口便看到華麗長樓梯，而且還有水晶燈。無論一般飯局抑或婚宴也絕對適合。我們一行二人共點了幾個不同菜色，一起互相分享。另外，我們看見這個龍蝦也看似不錯。但眼闊肚窄。唯有留待下一次品嚐。 招牌白胡椒蟹(⭐⭐⭐⭐⭐) 白胡椒蟹是這裡的推介，一場來到，當然要一試。上臺時熱辣辣。還輕輕冒著煙。胡椒蟹大隻，而且新鮮。吃起來肉質鮮味，白胡椒濃郁惹味，但不會搶去蟹的鮮味。一隻大約1斤半，2個人分享剛剛好。 紅燒皇子乳鴿(⭐⭐⭐⭐⭐) 乳鴿是我的最愛，當然要叫一隻來試試。乳鴿肉質有嫩，而且表皮消香脆可口，簡單的配上胡椒鹽或者喼汁，已經很好吃。 上湯魚肉腐乳勝瓜 (⭐⭐⭐⭐⭐) 最后還叫了個蔬菜，中和一下。勝瓜爽口新鮮。用上湯方法烹調較為健康，而且適合夏日。 總括而言，這間餐廳食物質素不錯，而且價錢十分大眾化。下次經過也一定會再來。 ~~~~~~~~~~~~~~~~~~~~~~~~ 星海薈(利舞臺廣場) 銅鑼灣波

銅鑼灣利舞臺有專屬升降機抵達的中菜廳，樓底高，裝修風格大方、有氣派，長長的旋轉樓梯被柔和色系的花圈包圈，加上華麗閃爍的水晶燈和吊飾，很適合當夢幻婚禮場地。正值有不少新品推出優惠，食物質素中上，店員與客人交談甚歡，看似儲下不少熟客！鐵板白胡椒煎焗澳洲龍蝦 $338招牌鐵板白胡椒海鮮系列差不多每一桌都有Order，店員在客人面前在熱騰騰鐵板上淋上白胡椒醬汁，沾沾聲和香味讓人垂涎三尺！大大件的龍蝦肉爽口彈牙，食材新鮮已贏了一半。加上白胡椒醬汁惹味又有辣勁，與龍蝦鮮味非常融合，連伴菜的洋蔥片也吸盡精華，清碟無難度！不嗜辣的可以選擇$268的鐵板牛油上湯焗澳洲龍蝦伴煎腸粉，賣相也很吸引！秘製瓦罉蔥油雞 $98推廣產品蔥油雞CP值不錯，一打開瓦罉蓋子，濃濃熱煙與蔥油香隨空氣四散，份量比預期中多，在蔥油的加持下，雞肉倍感滑溜，瓦罉製法讓雞汁原汁原味地保留，沾滿蔥香的雞汁更是邪惡的精華。薑蔥爆炒風鱔柳 $198吃得出大廚爆炒的鑊氣，風鱔柳份量多而粗壯，爽脆又有鱔油的獨特香味，雖有少骨，但不影響啖啖肉的奢侈享受！

員工態度奇差，食品質素一般。受罪般飲食。原本想帶星加坡朋友享用一個輕鬆午餐，後來變成地獄午餐。一星期前已訂座，怎料到餐廳後竟然找不到Booking，真的不能接受。

Starview💜 Chinese Afternoon tea☕️🥢..Afternoon tea 來個中式吧🥢～今次就黎到銅鑼灣【星海．星海薈】跟朋友飲茶小聚一下，呢度高樓底而且有大玻璃窗照射進來，感覺通透又舒服，適合來飲茶吃個點心，或是跟親朋好友來個聚會飯局都不錯呢。餐廳佈置亦有心思以花花為粉紫主題💜 滿浪漫的，帶點華麗高貴風格，亦設有長樓梯，適合婚禮💍，亦不失禮喔！下午茶點心不貴，價格由$3x up 已經食到多款點心，而我點選了：老乾媽蒸鳳爪、蜜汁叉燒腸、南翔小龍包、星海薈蝦餃皇、薑蔥蒸牛柏葉，款款經典點心又是你的菜嗎❓而小食記食左：蔥油海蜇花 $128, 有點貴但口感爽脆，味道冇酸甜，夏天食好清爽。而精選焗撻食左：雞粒鮑魚酥（2隻起） $76 & 招牌酥皮焗大蛋撻 $34 過過口癮，下午茶位 $15。..最後臨走發現。。😳龍重登場【鐵板牛油上湯．焗澳洲龍蝦伴煎腸粉】每隻有一斤二両，震撼價 71折‼️ $268OMG 好抵食！！！ 下次晚市要來試試喔❤️..×××××ש銅鑼灣波斯富街99號利舞臺廣場5樓..

約咗屋企人去銅鑼灣利舞臺嘅星海薈食晚飯，餐廳走時尚高雅路線，樓底好高，花卉佈置隨處可見，有花花拱門，連接上下層嘅旋轉長樓梯扶手亦佈滿花飾。加上幾盞流線型嘅水晶吊燈，環境好適合舉行婚宴。招牌白胡椒蟹$683 餐牌推介呢道菜，見到好多枱都有點，梗係叫嚟試吓。大大隻肉蟹用鐵板上，熱辣辣，啲汁仲滾出晒煙。用料份量十足，咬落啖啖肉之餘，肉質好新鮮好鮮嫩，用洋蔥、金不換、白胡椒調味，食落好惹味，不愧為招牌菜。紅燒王子乳鴿$68乳鴿燒得唔會過火，口感皮脆肉嫩，非常入味，而且肉汁滿滿。菜脯肉鬆炒飯$138食完啲重口味嘅嘢，想試返啲傳統炒飯。呢度炒飯好夠火候，乾身又香口，仲好香蛋味，唔知係咪加左咸蛋黃呢🤔加埋菜甫口感好好，大大碟食完滿足晒。

我嘅好友從加拿大回來香港！佢最懷念就係香港🇭🇰嘅點心！所以點可以唔約佢飲茶🫖聚會呢？😎⋯⋯喺外國好難食到港式正宗點心！嚟到呢間餐廳，佢就俾佢樓梯吸引咗！好靚🥳打卡一流⋯⋯樓底又高！其實幾適合婚禮！現場影咗幾幅相！話俾佢屋企人睇吓喎！招牌胡椒濃雞湯灌湯餃湯頭非常濃郁！胡椒味相當美味！仲有啲黏口添！非常鮮甜！勁多蝦肉！星海薈蝦餃王外皮晶凝通透！包裹鮮蝦油和竹筍！鮮蝦和竹筍都非常爽脆！又鮮甜！我哋每人食咗四粒添！😎黑椒安格斯牛肉腸安格斯牛肉腸有一片片嘅安格斯牛肉！增添咗唔少嘅滋味！每一口都都有牛肉嘅香氣！好滿足！薑黃咖喱土魷呢個菜式唔係間間茶樓都有㗎！我朋友可能久違咗呢個味道😎係童年嘅味道！雪山焗叉燒餐包酥鬆外層包裹着鬆軟嘅餐包！裏面嘅叉燒醬汁非常美味！叉燒粒肥美均勻！上湯鮮竹卷用上湯浸鮮竹卷好鮮甜！腐竹非常軟滑！肉餡加上筍絲和甘筍絲帶出鮮味！鮮蝦炸雲吞炸雲吞非常香脆！鮮蝦又夠大隻！加上甜酸汁！正👍⋯⋯蜜汁叉燒叉燒色澤紅潤！焦脆燶邊增添唔少香氣！肉質非常鬆軟！鹹鹹甜甜真係好難形容！

肆應態度十分差，飲茶好似茶餐廳咁，好快收走曬啲碗碟筷子。2:30坐低，2:45黎曬啲嘢食，上菜速度快，但收嘢速度仲快，3:20收曬嘢要你買單。食左半個零鐘嘢 一肚氣。飲茶好似去茶記咁嘅速度。

秘製瓦罉醬油雞味道太鹹不能入口菠蘿咕嚕肉粉漿太厚甜品難食到嘔，尤其楊枝甘露，蓮蓉焗布甸，建議千祈不要下單服務員服務態度差，要求客人迴避方便收取污糟餐具，其實八人大枱是否有足夠的空間服務員工作

嗰日同屋企人去飲茶，去咗銅鑼灣利舞臺。揀咗位於5樓嘅星海薈。一入去就見到雲石樓梯，高貴水晶吊燈。宴會廳雍容華貴，仲有一個大舞台。非常適合婚宴。多款點心小菜午市套餐可供選擇。仲有特色小食同推介菜式。南翔小龍包皮薄餡豐，汁多味鮮，肉餡肥瘦適中。雪山叉燒焗餐包細細個，叉燒爆餡，醬汁甜中帶鹹。蜜汁叉燒腸叉燒飽滿，腸粉透薄、柔軟、滑嘟嘟，搭配鹹甜特製醬油，口感一流。黑椒乾炒安格斯牛河必試主食，用上安格斯牛，肉質嫩滑。招牌胡椒濃雞湯灌湯餃湯餃大大隻，熱辣辣，胡椒味濃郁。雞粒天鵝酥高貴天鵝酥，外型精緻，口感香脆。蒜蓉蝦棒棒蝦大隻鮮爽，外脆內軟，大小適中。杞子桂花糕香氣濃郁，味道清新，桂花香加上杞子，更有口感。