星海薈 (利舞臺廣場)

適逢中秋又重陽又盛，年尾零舍多屋企飯要食，呢間嘅節日套餐都好得，應酬到屋企人又不失美味，仲有條好grand嘅樓梯，俾港劇迷嘅長輩大大過吓電視劇癮打吓卡秋意開始起，主角當然係大閘蟹，套餐都有好多選擇，首先由冰鎮南非八頭鮮鮑魚打頭陣，仙氣飄飄，幽幽酒香，冰鮮彈牙之後就嚟料，兩隻約五両重嘅紫蘇蒸大閘蟹就登場，蟹公都有好多金黃嘅膏同蟹精撈埋一齊食，膏香滿口，齒頰留連食翅就成日聽，連蟹黃燴生翅點都要食一次，啖啖鮮濃金黃，啖啖有蟹有翅撈菜食都好特別，生拆蟹肉雲腿扒豆苗既有鮮香又有鹹香除咗蟹，招牌原隻脆皮皇子鴿都有喺套餐內，用刀一切外皮嗦嗦聲，肉香滿滿蟹粉小籠包勁大隻，成隻籠咁大，要小心咁食，真係啖啖肉會咇湯食蟹怕寒，套餐有甜品作結又有得驅風，夠薑汁九層糕好夠薑，口感好綿彈。黑糖薑茶更加薑，好夠辣但好暖胃另外嗌陳皮燒鵝伴陳村粉，都係呢度嘅招牌菜，有例牌嘅燒鵝放喺陳村粉上，吸盡鵝汁精華，鵝肉香噴噴又外脆內嫩，加$128意大利莫利塞（Molise）嘅Yara Rosso Molise紅酒，全Montcpulciano葡萄釀製，襯配呢味餸超夾秋夏更替，食吓蟹肉扒山水豆腐花，川香惹味不失山水柔情，滑溜無比勝瓜釀蝦滑擺盤好有意境，瓜嘅爽口同蝦嘅爽彈，加上百花打芡，雙重享受。茶水有好多茶種選擇，連龍井都有，消滯真係一流。今次餐前小食係花生，烘得啱啱好，body夠晒爽脆嚟緊冬至過年都唔使煩搵地方揀咩餐，老銅分店有限定鮑魚盛宴，下次嗌佢，位位都有鮑魚鵝掌，唔使嗌交。仲有盆菜外賣或者自取，屋企團年飯都可以加料…查看更多

星海薈，位於銅鑼灣，搭𨋢上到黎，裝修華麗到爆🫨有靚樓梯、大台、靚燈飾同唔同既包廂，好誇張😎真係咩週年聚餐、婚宴擺酒乜都啱，夠晒Grand👍🏻餐牌既特色小菜都好吸引，仲有夏天Menu，非常吸睛，飲枝大啤開餐！😆 招牌白胡椒肉蟹焗飯🦀超大煲，上枱非常之有胡椒香，蟹好大隻🥹好多舊蟹件，即刻試味，白胡椒醬汁包勻成舊蟹，蟹肉好入味😍隻肉蟹冇得輸，真係啖啖肉😋加埋個飯底仲有飯焦添，為重口味既你仲準備咗白胡椒醬，如果唔夠味可以加👍🏻非常高質抵食💕滋味芥末蝦球🦐大大隻鮮蝦，非常爽身脆口，加埋有芥末嘅沙律醬食，鮮味得來又滋味😇 遠年陳皮脆皮燒鵝伴陳村粉🍗例牌都好大份，燒鵝肉嫩多汁🤤好香口、好濃味👍🏻最出色係個醬汁，難怪會配埋陳村粉，吸晒啲鵝汁好正🙌🏻杜阮涼瓜炒海斑球，涼瓜非常爽身，海斑球貨真價實，咬落有口感😌份量好足，味道好好，好高質嘅炒斑片🥳 場地靚到咁，食物咁高質素，價錢仲相當合理🤩太吸引了吧🤪留個聯絡俾大家Book位！🫶🏻…查看更多

招牌精緻雀籠點心 ($198) - 打卡之王，抵食指數爆燈！一上枱，成個港女酒店High Tea嘅鳥籠咁，勁浮誇！相機食先！入面有齊六款點心：蝦餃：皮薄蝦爽，合格以上；蟹籽燒賣王：啖啖肉，蟹籽卜卜脆，好食！雞粒鮑魚酥：幾得意，酥皮松化，上面粒鮑魚仔唔算好突出但夠曬睇頭；天鵝酥：真系靚到唔捨得食，入面系芋蓉，香口但略油；帶子鳳眼餃：幾鮮甜，賣相精緻；趣緻南瓜球：外脆內軟，南瓜味自然。$198食到咁多款，仲要款款都上得鏡，真系抵到爛啦！打卡同飽肚一次過滿足！.XO醬炒腸粉 (煲) - 聲效滿分，口感扣分！上台嗰陣「滋滋」聲，煙霧瀰漫，成個氣氛組組長咁，聞到XO醬香已經流口水！可惜... 腸粉炒得過頭，軟淋淋冇咩咬口，完全冇咗腸粉應有嘅煙韌，得個咸香同辣味撐場，有啲失望。.迷你蝦乾珍珠雞 (2件) - 細件但足料！真系「迷你」size，兩口一件。但勝在夠足料！糯米軟糯入味，蝦乾同冬菇嘅香味好出，啖啖都食到餡料，冇偷工減料，味道傳統好食。.招牌胡椒濃雞湯灌湯餃 - 湯餃夠巨，胡椒失蹤，仲穿底！真系大大只灌湯餃，睇落好有氣勢。湯底話胡椒濃雞湯... 但胡椒味淡到幾乎隱形，得個「雞」字。湯餃皮薄系薄，但薄到一夾就穿！湯同餡瀉到成碗都系，狼狽到呢... 餡料系唔錯嘅，但整體扣曬分。.南翔小籠包：竟然有自己嘅小竹盤宮殿，下面仲用甘筍片墊住。夾起上嚟真系唔易穿皮，呢個設計抵贊！皮薄湯多，餡料鮮味.星海薈最大賣點肯定系個雀籠點心：抵食又呃到like，點心整體質素OK。其他散叫有驚喜（珍珠雞）亦有伏位（腸粉太淋、灌湯餃穿底）。小籠包出場最浮誇！想同朋友影相打卡兼食點心，個雀籠真系必叫…查看更多

今次嚟到星海薈食Lunch，專登黎吓佢哋嘅中式點心，果然冇令我失望。手工製作，每一款都係真實材料。餐廳環境光猛整潔，座位都幾寬敞，同朋友傾偈食嘢好舒服。餐廳裝修亦都好華麗，尤其是個樓梯位，真係好打卡able。- 精緻雀籠點心賣相真係好精緻，雀籠造型好有心思，點心款式多樣，分別有蝦餃、燒賣、飽魚酥、天鵝酥、鳳眼餃、南瓜球，每款都細細件，可以試到唔同口味。特別鍾意天鵝酥同南瓜球，天鵝酥入面係蘿蔔絲，食落清甜好有口感，而南瓜球入面更加係我最愛嘅奶黃餡，南瓜同奶黃真係好夾，食落甜甜地。- 南翔小籠包小籠包皮薄多汁，一咬開入面唧湯汁就爆晒出黎，鮮甜得嚟又唔油膩，就甘食已經好正，點埋醋更加鮮味。 -XO醬炒腸粉（煲）絕對係今餐嘅MVP，腸粉炒得夠鑊氣，XO醬香辣惹味，仲有啲蝦米同瑤柱碎，味道好豐富好有層次，而腸粉口感亦都好滑溜，口感味道都好出色，正。- 迷你蝦乾珍珠雞（2件）珍珠雞細細件，但餡料一啲都唔少。糯米軟糯，入面有蝦乾、雞肉同冬菇，味道非常香濃。 - 招牌胡椒濃雞湯灌湯餃湯餃皮薄餡靚，咬開之後，入面濃郁嘅胡椒雞湯流晒出嚟，飲落好暖胃。湯底胡椒味突出但唔會太辣，雞肉餡鮮嫩，好有層次。 -…查看更多

媽咪鍾意食蟹，約咗佢食飯特登搵呢一間有蟹食嘅酒樓，而且做特價，幾抵食。去到酒樓見到環境都唔錯喎，一入門口就見到有條靚靚花樓梯同埋水晶燈，好適合婚宴擺酒。招牌白胡椒蟹炆飯 $368呢個做特價好抵食，白胡椒蟹幾大隻，蟹鉗真係啖啖肉。蟹肉鮮甜嫩滑，配上白胡椒汁惹味得來又唔會搶咗蟹嘅鮮味，媽咪食得好滿意。店員仲會另外俾一碟白胡椒汁，客人可以根據自己喜好添加。飯底都好好食，吸收晒醬汁嘅精華，用瓦煲上好傳熱，飯喺鍋上面炒得粒粒分明，鍋底仲有少少飯焦脆脆，撈勻一齊食口感好好。遠年陳皮脆皮燒鵝伴陳村粉 $168我哋叫咗個例牌，份量都好足。燒鵝微熱，燒鵝皮保持少少脆，油香豐富，肉質都唔會乾柴，最特別係墊底嘅陳村粉，吸收晒燒鵝汁精華，好好味。滋味芥末蝦球 $148大大隻蝦球新鮮爽脆，啖啖肉，配上嘅芥末沙律雜果感覺清新，成個餸爽口清新，好啱夏天食。蠔皇燴安格斯牛肉球 $168呢個餸有啲似獅子球，不過係牛肉版。獅子頭就成日食，呢個牛肉球就真係第一次食。安格斯牛肉牛味香濃，帶有少少油脂香，口感少少扎實爽彈，加上裏邊有一啲爽口牛筋粒同埋馬蹄，口感豐富。…查看更多

❤️銅鑼灣高質粵菜 - 星海薈 食評❤️ 朋友生日要對佢好啲，秋風起又係時候食大閘蟹啦$488一位，食出真質素，分享吓我哋嘅心水美食😋 🦀大閘蟹套餐(位） 🦀紫蘇蒸大閘蟹（兩隻） 每隻約五兩，蟹肉多膏鮮甜，一打開啲蟹膏就流晒出嚟啦，！仲可以半價追加。 🦀蟹黃燴生翅 味道濃郁，蟹黃與翅的結合，非常至滋補惹味。 🦀生折蟹肉雲腿扒豆苗  蟹肉新鮮，搭配雲腿，豆苗又脆又嫩。 🦀招牌原隻脆皮皇子鴿  鴿肉外脆內嫩，口感絕佳，真係新鮮熱辣炸出嚟 🦀蟹粉小籠包  每一口都充滿蟹粉，湯汁濃郁 🦀夠薑汁九層糕甜度適中，夠薑味，食完唔會覺得膩。  🦀黑糖薑茶  結尾一杯薑茶，暖身又解膩， ⭐️推介搭配 另外，仲有遠年陳皮燒鵝伴陳村粉，個燒鵝個皮係脆嘅，仲要啖啖肉添。而且，10月推出嘅夏季菜式如芥末蝦球、勝瓜魚腐浸花甲都值得一試，呢個海鮮嘅盛宴非常之滿足。 再加一支$128嘅意大利紅酒，搭配招牌菜，真係無得輸，果香濃郁，口感圓潤，絕對係一個好選擇！  星海薈質素高，無論係家庭聚餐、婚宴都非常適合。我去到晚飯時間，非常滿座，建議訂位。下次再來一定要試下佢哋的“盆菜外買外送”！一定係冬至新年嘅好選擇 …查看更多

前排去咗銅鑼灣星海薈預祝中秋，一入門口就俾出晒名嘅星級婚宴場地，勁豪華又精緻嘅裝修震撼到❤️ 淨係條大樓梯已經影咗好多張相🤣 👍🏻食物方面，專登點咗招牌白胡椒蟹飯，隻蟹勁大隻，蟹肉嫩滑多汁，白胡椒味滲入蟹殼，入口微辣帶鮮甜，唔會太重口，蟹鉗仲要厚實，咬落脆脆地有蟹香，感覺係蟹控嘅天堂。配埋炆飯底，飯粒軟糯吸晒蟹汁，味道好夾，份量一鍋夠兩三個人食 ❤️老菜脯蒸深海斑頭腩都幾正，斑頭腩蒸肉滑溜無骨，菜脯嘅咸香襯托魚鮮，入口平衡唔咸，餸飯一流 🥢羊肚菌竹笙玉盤艷素都好正，超大個冬瓜做基底，煮到好軟熟好入味。羊肚菌煮得綿綿地，竹笙脆帶汁，配埋其他蔬菜如菠菜苗同豆腐，味道清甜， 🔥脆皮豬手炸得外脆內軟，豬手肉嫩滑有膠質，脆皮咬落香脆唔油膩，配埋甜辣醬又幾好味喎 🍷做緊優惠～ 加咗$128有支意大利紅酒～ 酒色深紅，入口果香濃郁帶少少果醬味，口感圓潤均衡，唔會太澀 臨走時見到做緊「中秋節套餐 - 早鳥優惠」 同埋「中秋盆菜優惠」最多可減$1200 😍😍 盆菜料頭足，如鮑魚、蠔豉、海參，煮得入味，入口軟熟有汁，份量又多又抵 …查看更多

最近喺銅鑼灣搵到一間靚裝又有星級婚宴場地嘅中菜食府——星海薈，無論係公司聚餐、暑假家庭聚會定婚宴都啱晒！今次試咗幾款招牌菜，真係每一啖都令人回味無窮👇 🥢 木盆沙薑清遠雞嫩滑清遠雞肉，皮薄肉厚，沙薑香氣滲入每一絲纖維，入口即化，清新不膩，絕對係開胃首選！ 🥬 泰式安格斯牛肉生菜包安格斯牛肉炒得香口惹味，配上爽脆生菜一齊食，口感層次分明，泰式酸辣味道令人一試難忘。 🦐 滋味芥末蝦球外層炸得酥脆，蝦肉彈牙鮮甜，芥末醬微辣帶勁，刺激味蕾但唔會搶味，食完仲想encore！ 🦀 招牌白胡椒蟹炆飯底白胡椒香氣撲鼻，蟹肉鮮嫩入味，飯底吸晒精華，粒粒分明又夠濕潤，係星海薈必點之選！ 🍰 原蔗糖馬拉糕用原蔗糖蒸製，香甜自然，口感鬆軟綿密，唔會過甜，完美收尾一餐。 🍷 意大利Yara Rosso Molise紅酒（只需$128/瓶）100% Montcpulciano葡萄釀製，深紅寶石色澤，果香濃郁，帶紅果及果醬風味，口感圓潤細緻，搭配白胡椒蟹、乳鴿、燒鵝等都一絕，品味純粹意式經典。…查看更多

千層拉花糕既外形好優美，質地似蛋糕。黑金流沙包係黑色既，佢裡面係流沙奶黃。千層紅棗糕好有彈性，而且有好香既紅棗味。粽子很綿的，裡面有好多綠豆。冬菇滑雞煲仔飯煮得好好食，啲雞好滑，個冬菇雖然得一粒但好夠味。啲燒賣好多肉，好有彈性。腸粉粒粒都好剔透，有豉油、甜醬、麻醬，撈勻一齊都好好食。叉燒酥係好多牛油味，叉燒內餡有啲金寶湯味，都好好味。小籠包子多汁嘅，又多肉，點咗啲醋就好好味。…查看更多

📍位於銅鑼灣嘅星海匯🌟地理位置方便🔍裝修超級華麗🥹好啱大家帶自己嘅「皇室」👑黎用膳🤣朝早下午嘅時間可以同一家大細黎嘆個靚茶😗聽講點心都幾出色～夜晚就食個豐富嘅圍餐🥳1️⃣遠年陳皮脆皮燒鵝配陳村粉🤩呢個配搭簡直一流🤫燒鵝外皮夠脆入口即化🫠陳皮香味夠突出又唔搶鵝肉鮮甜🫢汁多肉嫩🤭陳村粉吸滿燒鵝嘅油香同陳皮味👍🏻超推👊🏻2️⃣杜阮涼瓜炒海斑球👅 涼瓜微苦中和👀唔洗好擔心涼瓜會太苦🙌🏻海斑鮮甜🫶🏻 魚球鮮嫩彈牙炒得幾入味😼清爽又開胃😻GOTCHA😽3️⃣招牌白胡椒肉蟹焗飯🦀香濃白胡椒味道濃郁👏🏻蟹肉鮮甜肥美😻焗飯粒粒吸收蟹汁🥹焗得微微焦香😆同我一樣鍾意食飯焦嘅你就啱灑啦😙真係脆卜卜食落有聲架😛整體味道豐富😌每啖都滿足感爆棚⏏️幸福感滿滿💕💥4️⃣ 滋味芥末蝦仁🍤完美融合咗香脆炸蝦同微辣芥末醬嘅平衡感🆒蝦仁新鮮彈牙😻淋上以日式美乃滋同芥末調和嘅醬汁😆辣味唔嗆口🙌🏻帶有溫和芥末香氣💗整體口感層次豐富😛甜辣適中👀非常開胃又唔會過膩🤭無論大人定小朋友都啱食😙推薦大家嘗試！🦐✨每道菜都配合得幾完美❤️‍🔥既有傳統味道又突出創新💗必試！🦆🍜🦀…查看更多

個黑糖馬拉糕真係好大底，而且係古法馬拉糕，好香甜，又美味。蠟味煲仔飯煮得好香，無咩飯焦，加咗啲豉油落去撈勻來食，好美味。皮蛋粥啲瘦肉同皮蛋好多，每一啖都好足料，加咗胡椒粉之後就別有一番風味。叉燒腸皮薄咸靚，叉燒又瘦。奶黃包個個都圓轆轆嘅，啲奶黃好多好正。燒賣有冬菇加豬肉加蝦，好足料，啲豬肉非常之唔錯。…查看更多

好友約我銅鑼灣《星海薈》嘆茶，裝潢豪華亮麗掛有超靚靚水晶吊燈。我們點左招牌精緻雀籠點心$198：真有酒店High Tea的感覺賣相超靚打卡至正，有六款點心：星海薈蝦餃皇：皮剔透又薄蝦夠爽。蟹籽燒賣王：大大粒蟹籽好食。雞粒鮑魚酥：原粒鮑魚，酥皮鬆香。精緻天鵝酥：很美觀蘿蔔絲香甜酥皮香口。帶子鳳眼餃：帶子鮮甜蝦爽彈。趣緻南瓜球：南瓜味香外脆內軟滑。🥢星海薈蝦餃皇：表皮塗有金箔晶瑩通透，蝦仁爽口。🥢鮮蝦腐皮卷：煎得脆脆腐皮包滿蝦肉香脆好食。🥢瑤柱鮮蝦菠菜餃：大大隻蝦仁爽彈蝦鮮甜。🥢蜜汁叉燒腸：腸粉皮煙韌叉燒味香又腍。🥢生拆鮮蝦腸粉：蝦仁超爽又彈牙好味。🥢水晶潮州靚粉果：皮超薄透出餡料。🥢山竹牛肉：嫩滑可口帶牛肉味。註：中秋快到，星海星海薈中秋團圓餐，早鳥優惠最多減$1200！約埋家人一齊慶佳節。…查看更多

平日午市，好多公司客，都有街坊樣的。不長記性，原來是自己第二次食，Openrice評分唔差 ，應該是價格合適。味道一般，雪山叉燒包都是麵粉味，其他食起來一陣油味，唔清爽。口味不是好適合我🥲留帖提醒自己沒有第三次…查看更多

炒麵水準真係唔錯，香口又好味。叉燒酥有種金寶湯既味道，牛油皮好香脆，帶一點甜甜的。馬拉糕很新鮮熱辣，彈牙香口。奶黃包圓轆轆嘅，裡面有奶黃湧出嚟好美味。泰式煎蝦餅很彈牙，有種香茅既味道，點泰式辣醬好惹味。皮蛋瘦肉粥很綿，很足料。燒賣一粒粒的好大粒蝦，味道方面非常之唔錯。菜苗餃個樣好靚，晶瑩剔透，味道方面都唔錯。紅菜頭玉米腸粉好特別，有種健康既感覺。小籠包子都很新鮮多汁，肉質美味。叉燒就稍微遜色，可以再好啲。叉燒菠蘿包外皮好脆，味道方面也不過不失。…查看更多

銅鑼灣利舞臺廣場五樓的星海薈主打手工製作的傳統粵式點心！真材實料！餐廳有大大的落地玻璃窗，明亮寬敞~~🌟紅燒煲仔翅選用足三兩的優質排翅，翅針粗壯分明，配以秘製鮑魚汁慢火煨煮。湯汁濃稠適中，排翅入口即化，膠質豐富，是好經典的粵菜！另外，可以根據個人喜好添加浙醋提鮮，以及搭配的銀芽去增添口感層次！！！🌟招牌胡椒濃雞湯灌湯餃薄薄的餃皮包含鮮蝦和碎豬肉，胡椒香味突出，可以先小啜湯汁再品嚐內餡！🌟香滑奶黃包現點現蒸，綠色的外皮是斑斕味蓬鬆柔軟，咬開時奶黃餡流出，甜度調配得恰到好處！🌟蟹籽燒賣皇蟹籽燒賣皇的豬肉餡和鮮蝦很真材實料，肉質紮實有彈性！🌟櫻花蝦蔥花炸兩腸炸兩炸至金黃酥脆，腸粉外層仍保持軟滑，灑滿的櫻花蝦和蔥花帶來雙重香氣，可以蘸點豉油配搭！總結，星海薈是銅鑼灣區精緻粵式點心的選擇！ 📍星海薈🚇銅鑼灣利舞臺廣場5樓（港鐵銅鑼灣站A出口直達）💰人均消費：$150-$200（午市時段）…查看更多