星林居雲南米線餐廳 (已結業)

見完客同同事去食lunch，見呢間排晒隊咁又想食米線就去試下啦！我地去到企系門口，店員叫我地自己搵位，我話見到無！問佢樓上開唔開，佢話開咁我咪上去囉！上到去坐底有一位店員話唔開要截單！痴線！排晒隊都唔開！？算！又落番去等位！佢地既米線好好味，可以自己選幾酸幾辣、要唔要蔥....有張紙俾你圈！我就叫左金菇、腐竹小中辣，味道好正，唔會太辣，但米線淋左d!同埋食完好好好口渴！究竟落左幾多味精？

首先星林居配料超多，但價錢十分經濟，款款$4-6，而且仲有得簡辣、酸🌶嘅程度，又可以走芽走韮，係張點菜紙度慢慢圈就得✍🏻。我揀左小辣，酸辣，驚太辣食唔到，小辣就岩岩女，酸菜味同辣味平衡得唔錯。最中意佢嘅蘿蔔同魚腐，大大舊蘿蔔煮得夠淋夠入味，今次加埋雞翼😍，雞翼魯得好入味，米線彈牙唔會過淋。一碗配料超足嘅米線真係會食到勁飽架！

原本今日同緊兩個傻女bb一齊去尖沙咀行緊街，跟著行行下覺得有啲肚仔餓，於是就霖住系附近隨便搵啲野食填飽個肚啦，點知俾我發現咗一間店面唔大不過好多人排隊噶鋪頭，一定會好食！！豬軟骨噶味道真係好正吖，有三大塊，塊塊都好大，而且聽講呢度噶米線湯底都非常好，飲咗一啖試味，非常濃郁，個人覺得比味千拉麵好食！米線有分唔一樣噶辣噶程度，我自認覺得自己都ok食得啦，湯底仲有肉碎，酸辣酸辣噶味道非常開胃，而且呢度噶米線比一般噶米線要粗實在太辣，於是要咗杯凍檸茶嚟解解辣，成個人舒服曬，檸檬噶味道好香，亦好有茶香味第一次見到米線仲可以加肥牛，肥牛鮮嫩多汁，好味！！

星林居係我最愛的米線原因有得選擇辣同酸度，重點係夠曬酸今次嘅餸就叫左腩肉同魚腐魚腐夠彈牙，厚實仲好有鮮味唔會有腥味腩肉肥膏較多，肉味香濃 ，份量較小米線質感不會太林，有口感味道好酸湯係咁多米線餐廳最好吃，有酸有辣同事不會搶去彼此嘅味

今日同事推介去星林居食米線。因為太多客，要上二樓。我點咗石林過橋米線配凍檸蜜。價錢$61。杯凍檸蜜好重檸檬味。大大杯但唔凍。個石林過橋米線我點咗素食食材。因為無肉。想食清一點。食材有腐竹、豆卜或生菜。個湯底我點咗唔辣同埋少酸。 但湯底好重東南亞風味。本人唔覺得好飲。個米線好係分開上。唔駛將米線同埋湯放係一齊。可以避免米線泡過龍。加入香花生。好食。米線彈牙，個生菜好新鮮。整體算合格。

小弟深居簡出，多年未有踏足鬧市地區，惟近日與友人相約於圓方，方有機會接觸鬧市繁榮。從冰冷的地下鐵迎向路面都市，有莫大感觸：昔日景物長成玻璃大廈，層層疊的進化；招牌上的書法變成炫目燈飾，再無法找到那些帶勁的書法招牌；金飾店取代了舊日商店，而年輕時與同事們進膳的酒家茶樓亦不復見，遙望種種變遷，總帶著一股局外人的疏離感，心裡不禁戚戚然。重遊故地不知途，已經找不到往日光顧的餐廳。友人帶小弟往一餐廳名星林居，嚐雲南米線。閱店家介紹，亦見其店之信心與幽默。小弟喜辛辣之食，故點了腩肉豬膶，小小辣。片刻，伙記把食物送上。先察其表，色濃，多芫茜等配料，味香而辣味輕。品其味，湯厚，米線口感一般，質感偏腍。整體未見如店名散發之雅緻，僅屬平庸之作。以外，環境感覺昏暗，偶有蠊，衛生需改善。午膳時間較多人，未有久留，就此擱筆。

個個夜晚都有節目唔番屋企食，自己一個食飯惟有出街搵美食車仔面係我一個人時會選擇去食的腩肉，蘿蔔，豬腸，小辣，雲南米綫多芽菜、韭菜，有蔥，湯入面仲有肉碎，湯底落足好多料。好喜歡個腩肉，很嫩腩肉汁更使得湯底很香甜豬腸就一般般，有點囌味，份量也並不多蘿蔔反而很甜，沒什麽絲整體還是不錯的，服務員的態度也挺好

好耐冇食個呢間米線，咁啱又係尖沙咀睇戲，咁係睇之前快快趣食個晚飯啦，我自己比較唔係好鍾意食啲太熱辣辣嘅湯米線， 所以就叫咗佢的涼拌米線，加埋牛筋丸， 都係三十幾蚊好平。色澤睇落去都幾深色，以為好鹹， 食落去又唔會喎，涼涼地，好快就食完，牛筋丸夠彈牙，但我略嫌佢唔夠牛味。

同太太响Isquare睇完戲，晚上十點搵地方食飯。聽太太意見話呢間好食，就上去樓上座位試試吧。响門口見到營業至十一點，當時十點零十分，就禮貌問下仲入唔入得。門口女店員好有型咁話：入得，不過要五分鐘落單喎！當下打咗個突，你十一點收舖我理解，但限我五分鐘落單？算，忍下，或者真係值得一試呢？坐底劃好要既米線，等五分鐘就上得。要咗走酸無加辣湯底，但一飲個湯，甜既？！因為就收舖加咗好多腩肉汁落去？？而且米線又偏硬……由入門口已經覺得無乜服務，到出品又不外如是，呢間店已經扣哂分。中間仲聽到後面枱既客人話難食，佢地埋單後八卦望一望，成碗米線無乜點郁過就離場，似乎係無聲抗議…無服務，食品質素差，已經永久black list。

平時都好鐘意食米線，今日去左尖沙咀，梗係要去星林居食埋碗米線!叫左小小辣湯底米線，其實我唔食得辣，不過要叫辣先有肉碎~點都叫辣啦~小小辣其實一D都唔辣! 所以我係食得好輕鬆! 另加左2款餸，有魚腐(3粒)及墨魚丸(2粒), 餸就正正常常, 米線軟硬度都適中! 而個湯就係靈魂啦! 配埋米線就好好味~不過而家價錢偏貴，2餸米線加雪碧，埋單都要$44~要食平d真係好難!

有一日係公共圖書館睇到本舊既旅遊書介紹星林居。去個日，由於樓下冇位，所以要上樓上。 一上去坐低，地下好污糟、好濕，而張枱就痴立立。而且用即棄筷子，好唔環保。佢有酸辣米線同車仔麵式，奇奇怪怪，咁黎得都係食個酸辣米線啦。 咁我就叫左個豬紅、魚丸、墨丸，多芫荽。食落非常酸，小小辣。米線一大碗上，個賣相幾好，真係好多芫荽，放哂係個面到。個豬紅一夾即爛，應該係煮得太爛，所以冇咩彈性，但鹵得入味。佢入面放左好多酸菜，食落口非常酸。D魚丸墨丸都彈牙，都吸到d湯味。但d米線就好差，根本冇味，令人失望。個湯底應該用左好多時間都煮，所以味道唔錯，帶住酸香。 個份量好多，餓住食都有9成飽。而個價錢係合理價。 店員既反應慢，又唔主動問客人需要，令人失望。 整體黎講，環境衛生欠佳，要試既都只可以祝你好運。

話說同男朋友去完歷史博物館後，打算係附近求其搵間餐廳醫肚，醒起附近有星林居，之前經過冇試到，但事實證明當初冇試係啱嘅 試完成肚氣首先，服務態度同氣氛。一入到去個氣氛已經好怪，唔似食肆。之後不停聽到員工有岀錯地方，個老闆不停好大聲咁話啲員工。之後個員工仲怪我地冇寫到嘢飲嘅no.話睇唔明簡體字仲要勁大聲吆喝語氣又重。查實我都只係有兩隻字貪方便寫左姐，你問清楚我要乜order咪得囉？個員工講嘢其實勁似弱能人士，非歧視。不過請呢啲員工詞不達意，態度同語氣都欠佳。事實上，成間嘢嘅員工脾氣都好奇怪，不時聽到語氣重嘅對話。食客聽到都眼望望，破壞曬氣氛啦再來食物，湯底嘅味道的確不錯，但食完後好快喉嚨就唔舒服，味精就應該冇嘅。另外，餸同米線都非常少。呢個問題我見其他食評都有提到，希望能改善啦。我唔係冇加錢，6元嘅肥牛，只得可憐的兩小塊，連完整一塊都冇。成餐飯$46真的不值，而且就呢兩樣嘢一定冇下次。成餐飯食得勁唔爽，相都廢事影，食完立即走人，一定冇下次！

去到記得要學生紙，資料可以亂填，不過make sense d 就得。其實呢度去過幾次，都仲系想去，因為夠正宗。其實小鍋雲南米線系要用猛火煮，但係香港d車仔面果d就唔使煮，嘥曬。D配料自己叫，同其他米線店差唔多，所以唔想多講。都係形容多d湯底比你地聽啦。星林居多芽菜、韭菜，有蔥，湯入面仲有肉碎，湯底落足好多料。無因為通脹就減料，每一啖都真材實料。食過一次就明白，睇相片就知道，d湯底肉碎好似叫左炸醬落去咁樣，好誇張的。同埋一定食得出佢湯底係真係落左時間同心機落去煮，食到好多層次，湯匙擺落去系會見唔到底，入面煮左好耐，d野融化曬。建議叫小酸辣，因為有d酸味可以令米線食落好味道d，d味會附在米線上面，入口味道好好多。星林居叫辣都真係辣，如果唔食得啦既，都係乖乖地要翻清湯啦，清湯都一樣好味道，用心製造。

舊日向tst 返工,lunch間中都會黎呢度食（十幾年前了🙈）今晚聽完港樂音樂表演～9點半～食碗麵算～一唸就返星林居食啦十年如一日，我都係食小鍋米線+豬腩肉我同K口味差不多，點的都近乎一樣😍（她是多了多莞茜）👇🏿等左三四分鐘～米線熱洪洪送上👇🏿呢碗係我我點是普通酸～ 入口是多酸😥ohhh米線煮得也剛剛好～軟硬適中湯底冇之前甘濃味👍👍👍推介豬腩肉～ 炆得好林同入味唔會太肥～剛剛好我本人夠得米線份量多番2注會飽d😂😅食哂d配菜～ 8成半飽湯底剩番好多肥豬肉粒🐖🐖🐖🐖總結：雖然湯底冇之前甘好飲～ 但不久既將來我都會再黎幫襯😬

現在的尖沙咀，隨便吃個魚旦粉也要HKD50多元，Faulous Kira覺得倒不如去吃旅遊書也有介紹的星林居。星林居指其首創正宗麻辣米線，古法酸辣湯，可惜近來我身體有點不舒服，沒有點到太辣的湯底，總有點兒可惜。Fabulous Kira點了小鍋米線（HKD24）配蟹籽包（HKD7/2粒）、豬紅（HKD7/5塊）和蘿蔔（HKD8/3塊），看上去也蠻豐富的。豬紅還可以，可是味道仍不夠清，但能接受。蟹籽包味道有點怪，希望下次可以入別的貨源。蘿蔔尚算入味，但有點兒苦味。後面的芝士腸和腐皮角是友人點的，芝士腸不錯，HKD3一條是合理，但還是太少了。腐皮角很普通，Fabulius Kira會形容為「不好吃」，腐皮乾身又厚，味道又欠奉。