星小館

營業中

休息中

精緻有趣嘅點心，造型特別，適合打卡，價錢偏貴。炒粉麵飯類幾好食。餐館欠缺自然光，燈光偏暗。午市出菜速度有時比較慢。如果8-12人，會安排上十幾樓有電視既房間，可以好好同朋友傾計。

第一次食《星小館》，說實話感覺真係一般。先講講服務，無論佢有其他客定冇其他客，叫佢地加茶真係叫得好辛苦，永遠走來走去，係咪咁鍾意《扮工》？我地一嚟到叫定左《冬瓜盅》，好味足料清甜，味道真係一流既。不過分左6碗之後，一直冇人問過我地有冇需要添不特止，竟然過左陣有個阿姐話幫我地收返入去，What??，當然我地唔俾啦，之後佢幫我地分多左5碗出嚟，到底發生了甚麼事？《脆米》花竹蝦，脆米好味既，不過蝦就不夠鮮甜爽口。《通菜煲》味道夠香夠濃，菜不會太老。《水煮魚》味道正常發揮，夠香麻夠不會太辣，不過魚片同水晶粉偏少。《欖角一口金沙骨》甜香俱備，夠香脆，一口size方便食，呢個無得輸。《椒鹽雙脆》，魷魚酥出色，另一款normal。《蒜心豬腩片》，唔知點解佢用左豆角？😅，算，係好食既，味道香濃，豬腩片爽口。《豉油王炒麵》，沒有預期般既水準，只屬一般。豉油亦不夠香，鑊氣都爭咁啲。

Beware! you need to wait for 1 hour for your dim sum, and the waiters are happy to see you waiting and being impatient, quite a twisted place.guess they have too few customer, so they don't want to serve you fast and well, and you cannot leave before getting your tummy stuffed.what a pathetic restaurant

訂位食飯一肚氣，俾埋電話記錄都話無訂位，擺明係你個支客俾咗自己啲熟客啦，雖然最後有位，但位置極差，員工出出入入撞檯撞凳。雖然菜味道還可以，但服務比澳牛還差勁。個大叔服務員態度惡劣，舉手看到都唔招待，叫佢扮聾，服務速度極慢，上菜漏單，走青又無走，而且等勁長時間先上菜。要其他客人見到出聲，其他服務員先過來。整體來講，雖然呢家餐廳的菜味道口感還可以，但是非常不推薦。服務態度差、餐廳環境差。如果你要體驗自己動手豐衣足食，可以一試，唔係就建議選擇其他餐廳。

今次係第二次幫襯星小館！第一次經朋友介紹嚟幫襯，覺得點心好好味，招呼唔錯！今次專承約另一朋友再來幫襯一次！但怎知今次十分失望😞不是點心令人失望，而是廚房出菜的速度，慢到令你不能相信！我們落了單後等了45分鐘，經過再三催促才有點心到！當時酒樓的食客大約七成滿！請服務員幫我哋催促點心，但有服務員話冇得吹㗎，你哋等吓啦！結果我哋食咗四碟點心，唔敢再叫，因為驚唔知幾點先有得走！😭所以真係唔敢再幫襯啦！好失望！

早兩日約左班朋友係佐敦 #星小館 開餐，一行5人7點就已經坐低，經侍應介紹，揀左以下幾款小菜#生猛澳洲龍蝦-除左賣相靚之外，龍頭本身做緊特價，$438有一斤四両，真心抵食，而呢個龍蝦除左夠肉地之外，上碟仲有少少炒飯同米通，增加唔少口感，好好味，下次再有機會黎而仲有優惠既話，一定會再encore呢個，仲有個驚喜位係個蝦頭，估唔到有咁多蝦膏，勁香甜，撩下撩下好滋味🤤#煎蓮藕肉餅-朋友話呢味係功夫菜，自己唔會整，所以點左黎食，肉餅做得幾鬆，上枱亦好熱辣辣，可惜就係太咸，或者要黎送飯就岩岩好#古壇酸菜天然海鱸魚-初初都擔心會辣，但又想像中無咁辣，值得一賺既係，d侍應會一直留意住個碟底個蠟燭有無熄，熄左就會禽禽青黎點反著，務必令餸菜保持溫度，魚係滑既，不過略嫌清魚骨清得唔夠乾淨，間唔中有一兩塊要挑骨#海南文昌雞-唔知係咪而家既文昌雞唔使行唔使郁，叫左半隻雞但好肥，成口肥膏，但隻雞係整得好滑既#醉粒粒豬手-豬手切到細細粒，要黎送啤酒好正，d毛都算處理得乾淨，只有一兩舊仲有少少，算合格啦最後，想講一件事，我地點餐係7點，但去到8點所有菜都上左，淨係差個龍蝦未到，咁我地正常都追啦，追左幾個侍應，最後頂

📍星小館佐敦吳松街182號榮國中心1樓呢間餐館經朋友極力推介，又適逢時機就走去試吓係咪真係咁好食。首先講吓佢嘅室內裝修，比人一種乾淨企理，感覺舒適。有房間，有卡位，就算坐在大廳都好舒服。兩人食飯，叫咗三樣菜色，有手打芹香馬蹄蓮藕肉餅($148-HKD)，肉餅一般啦，不過不失，若送飯食就正。養生海帶蓮藕尖($65-HKD)，爽口，味道帶酸甜，不錯啊，開胃小食。古壇酸菜天然海鱸魚($268-HKD)，味道好好嘅酸菜魚，啖啖肉，好味，湯底美味清甜，正呀🤤

吃了幾次星小館,味道不錯,食物新鮮,點心即叫即蒸,好有特色👍,尤其是牛油果鮮蝦雪茄,燒汁煎釀茄子,鮑魚雞粒天鵝酥,好好味😋招財麻雀十三么這甜品,不錯👍值得一試😃

復活節假期前夕約左好朋友們晚飯敍一敍，好好輕鬆一下。"星小廚"已是第二次去幫襯，第一次在長沙灣分店，今晚在佐敦分店訂了房間，可以靜靜地傾下計。😊😚1. 蟹籽蛋白蒸海星斑 $1188.-超級推介，魚很鮮，配蛋白，出奇夾同好味！😘👍 2. 冰燒三層肉 $138.-不推介，肥膏太多，吾夠香脆👎3. 燕麥脆米海生蝦 $288.-共有8隻蝦，十分入味，脆米炸過後食入口很爽脆，Yummy!😋4. 欖角脆金沙骨 $148.-外觀已好吸引，好味又入味！😋5. 椒鹽魷魚鬚 $78.-炸粉太厚，味道又吾ok6. 蛋黃蓮蓉壽桃吾太甜，幾好味，可試！7. 班爛紅豆4層糕 (3件)沒有班爛味，很淡，吾好食！8.這款鮑魚海鮮湯，💯推介，真的十分美味，鮑魚數量可以因應人數落單。

約了友人聚舊，在油尖旺區想找個方便又不太嘈的地方，我就想起星小館。如果四人還可以坐卡位小房間。其中點了兩道菜：私房黃金球泡飯 - 有驚喜，首先視覺已經一流，外層香脆，一打開頓成有飯焦的湯飯。古壇酸菜天然海鱸魚 - 也不錯，味道及價錢都正常，不貴。期待下次再去。

@星小館 又來飯堂了😋做隻快樂的小肥豬🐷今晚好好食😋 小梨子🍐係我的最愛❤️依度既雞煲翅好好食😘羊腩煲都好好食😋厚切黑豚叉燒冰燒脆三層肉阿拉斯加蟹古法爐烤化皮有米豬大師手藝宮庭雞煲翅（多湯）羊腩煲酸菜魚正宗原味海南文昌雞春菜排骨煲蓮藕炒爽肉臘味煲仔飯薑汁紅棗糕趣緻流沙小梨子綠豆沙📍 星小館 (佐敦)佐敦吳松街182號榮國中心1樓#跟住jj去搵食 #私房菜#中菜#佐敦#油尖旺美食#hklittlesis

同朋友慶祝生日，同事就介紹左呢間新派中式菜館俾我，啲菜式非常特別，價錢亦唔算太貴，12位一圍都係9288已包左茶芥、加一同酒水👍🏻👍🏻👍🏻👍🏻👍🏻👍🏻阿拉斯加長腳蟹（古法鹽焗）惹味香口😋😋😋😋😋法式焗澳洲龍蝦長壽麵彈牙多汁😋😋😋😋😋花膠養生藜麥皇燒翅幾特別加左禮物😋😋😋😋😋😋鐵板極品安格斯牛小排啖啖肉😋😋😋😋😋😋豉椒炒蟶子煎米粉底惹味😋😋😋😋😋😋

之前公司晌附近，老闆耐不耐都帶我地嚟飲茶，成日都唔記得寫食評，今日放假同男友再嚟飲下午茶，不過得2個人只可以點到幾樣嚟介紹下：🫖除左大路嘅茶葉外，呢度係可以點白桃茶，好香桃味嘅綠茶，唔會好濃。🥢點心：雪茄春卷賣相真係好似雪茄，好香脆。黑魚籽燒賣就普普通通，蝦餃好食d。鮮蝦腸粉嘅蝦都算大隻，腸粉都夠滑。蟲草花棉花雞都份量都算多。乳鴿有啲細隻，唔特別推薦。私房黃金球泡飯，其實係將個飯搓成一個波去炸到外面金黃色，再浸落有蕃茄帶子菜粒𧐢仔嘅魚湯度，白飯+脆米嘅泡飯，口感好豐富，連湯俾我地清晒，必點👍🏻總結今次冇叫到我平時食開嘅點心，所以唔算樣樣都好推介，埋單2個人差唔多$300，唔叫平，但勝在食物質素中上。其實仲有其他野都係好推介，例如：紅蘿蔔咸水角、白切文昌雞、干煸四季豆、欖角金沙骨、椒鹽豆腐粒、蝦餃、大壽包都好好食，唯有搵日嚟食多次再出post😂

一行十人星小館過中秋藍莓🫐淮山🌟🌟🌟🌟前菜有特色 淮山清甜配上藍莓醬 格外清新蜜汁叉燒(黑毛豬）🌟🌟🌟🌟厚肉好食，甜度適中金獎燕麥脆米海蝦🦞🌟🌟🌟🌟文昌雞🐔🌟🌟🌟🌟正宗走地雞，十分muscular😂味道很好，略嫌少韌鮑魚冬菇西蘭花🌟🌟🌟🌟鮑魚優質味道濃郁冬菇無味，厚肉蝦球帶子🌟🌟🌟魚翅🌟🌟🌟🌟🌟價錢合理，味道很好食

📍$38 潤燒脆皮石歧乳鴿🔥📍$38 珍稀羊肚菌灌湯餃🥟📍$88 薑蔥黑豚螺片撈粗🍜下午茶🫖2-4:00pm時段茶位$10位被媽咪👱🏼拉左黎食乳鴿，可以再試【味道】 • 潤燒脆皮石歧乳鴿🔥皮脆肉嫩，唔算大隻，但$38絕對抵食 • 珍稀羊肚菌灌湯餃🥟一定要食！隻餃🥟夠大，湯🥣好夠料，有羊肚菌味 • 薑蔥黑豚螺片撈粗🍜呢個還可以，無乜特別，少少咸過頭【環境】佢有好多廂房，也可以坐大廳，廂房要加少少錢普普通通一間中菜館，特別在下午茶🫖抵食，同有特色點心🧆和糕點🀄️下次會同屋企人黎試點心🧆