星小館

營業中

休息中

午飯時間book咗位都要等一等，不過都好快有位。見到張點心紙簡直有選擇困難症😅，太多嘢想試😋😋雖然味道同服務態度都很讚，但落單後要等好耐先上到點心，lunch hour 要趕返工，真係有點趕。建議最好一次點哂所有野，特別嘅點心要一早叫定，就算落咗單都會無，因為賣晒🤷‍♀️⋯⋯無計，要試多啲好味點心，就要快手🤪蝦餃燒賣都好食，皮薄夠味，中上之作😋😋推介雪卡春卷、紅蘿蔔咸水角、天鵝芋角、花膠灌湯餃😋😋

📍星小館 (佐敦)佐敦吳松街182號榮國中心1樓每樣食物都好有水準👍🏻👍🏻但上菜好慢。菜單⏩1.宮廷濃湯雞煲翅個湯濃厚鮮味十足2.蜂蜜柚子帝皇蝦球個皮炸得好香脆，蝦球勁大隻，肉質彈牙。3.豉椒炒紐西蘭聖子煎米粉底4.私房欖角金沙骨5.百里香雪花牛肋排 - 肉質好嫩好’林’6.古壇酸菜海星班7.正宗海南文昌雞8.手打魚腐泡菜心苗9.生炒臘味糯米飯👍🏻👍🏻有油香而不膩，d糯米飯炒得粒粒分別，好香口10.桂花糕

有幾次經過呢頭，被麻雀嘅poster吸引，有一天終停下駐足認真睇吓，記下這個店名---星小館……再在openrice search 了解一下……今早，終於嚟咗飲早茶喇，因為12:30前埋單正價點心有8折……今天又好好彩可坐倒last一個卡位，很舒服，仲有獨立電視……原本係叫鐵觀音，不過應該嚟錯了普洱，壺茶放在點有蠟燭嘅爐上"㷫“住冇咁易凍，很好很貼心......玻璃杯也有點特別，雖則玻璃杯但拎上手吾會被熨親，視覺上都幾靚...我地叫左幾款賣相精緻嘅點心試下...1. 蔥花炸兩腸---油炸鬼仲熱又脆，粉腸滑，不過油咗d ($29.8)2. 五福喜臨門(點心拼盤)---金泊鮮味蝦餃、蟹籽花菰燒賣、姬松茸上素餃、家鄉潮州粉果、薑汁千層軟糕，各一粒，吾錯，素餃同潮州粉果嘅皮都做得晶瑩通透 ($48.8)3. 牛油鮮蝦雪加----賣相都似雪加，香脆可口，好食 ($38)4. 紅蘿蔔鹹水角---樣子似蘿蔔，香脆、好有五香、韮菜味，有水準 ($38)5. 杏片奶皇千層糕---好香蛋味，好食 ($32)6. 燕麥鬆化蛋散---有驚喜，上枱時仲暖又鬆化 ($18.8)7. 椰汁糕---麻雀樣模，有椰汁糕

今次我地四人飯聚集團唔食晚飯，約咗中午係呢間小館飲茶，試吓佢d點心。首先來個羊肚菌花膠灌湯餃。份量已經對得住個價錢，加上個足料無味精燉湯底，CP值爆燈!必食之選。脆卜卜"雪茄"春卷全條釀入滿滿的蝦膠，滋味!其他點心都水準之上。叫咗窩珍珠貝淮山麵，牛奶白的漁湯魚味鲜濃，真係誠意可加。

此店新開不久，服務店員的水平確係有提升空間，言歸正傳到食物上，每樣出品都非常好，全在水準之上! 👍👍👍此蝦球賣相很好，味道更值得一讚，加上桔子汁更令鮮味突出，酸香可口，炸工非常好，外脆而內不油 !這個麻辣豆花酸菜魚亦很好味，值得推介此店自家手工魚腐魚湯浸勝瓜又是值得一吃👍👍👍這個蟹飯下邊的米飯有蟹膏蟹汁炒得非常香口又不油膩，另外蟹面上鋪上炸過米飯粒，混合口感和下邊啲飯混在一起吃真妙不可言! 這個非常好吃👍👍👍

佐敦舊址金牌火鍋轉手為星小館，內部裝修冇乜大改變，但點心就趣緻多了⋯⋯就是這樣，朋友約腳開餐。百食不厭套餐(四位用)$488~包括: 海鮮豆腐鍋(太肚餓冇拍照)濃湯杞子竹笙扒泡勝瓜(套餐)-原味文昌雞半隻(套餐)淡味者喜。葱花香脆炸兩$38.8~千島汁脆皮蘿蔔糕(圖上),粉薄脆身內軟，筆者很喜歡芝麻鮮蝦腐皮卷(圖下)腐皮夠乾身唔油膩櫻花蝦帶子炒飯(套餐)~驟眼看炒得乾爽粒粒分明，但朋友們一致認為乾爽得太硬身，未見討好。牛油果鮮蝦春卷雪茄$38~朋友拎住支雪茄大喜，連忙打卡一番。魚茸煎釀虎皮尖椒(套餐)~吃尖椒嘅樂趣就係，永遠估唔到邊隻辣與唔辣，嗜辣者想佢夠辣，相反怕辣者又想佢唔辣，單單吃這碟辣椒，大家已笑作一團，因為隻隻都辣，還很有後勁。金泊黑芝麻卷$32~衆多點心中，這個稍為遜色，芝麻味未見特出，質感還帶點硬。麻雀椰汁糕~椰汁糕甜度適中。麻雀面為食用紙造成，只是貼在椰汁糕上，朋友點四隻不同款式也能提供，氹得朋友們大樂。杏片奶黃千層糕$32~熱騰騰，軟棉棉，奶黃香軟，有元朗大xx酒樓之感覺。家鄕潮州粉果~皮造得晶凝通透，配上辣椒油，相當味美。整體來說:大部分點心做得出色，唯獨是店員服務

open Rice 訂了位， 見有食評話訂左可能冇，穩陣打去cfm.好彩打去，話fully booked, 一句唔好意思，cup 你線。本來想去試下佢火鍋，之前午茶食物幾好味。但這個服務質素，咪攪了。

差不多一個星期前係openrice 訂咗位，寫明要房間，跟手驚有甩漏，再補多個電話驚無留房，點知今日收到電話，餐廳個同事話確認訂位，我再問係咪留咗房，晴天霹靂話無房窩，問點解，淨係答宜家無晒房，我話有打電話來再加上openrice訂位話有寫 佢竟然答我：我只係負責打電話，宜家先睇到個message, 仲話揾唔到資料，唔知我打比邊個，簡直無言，想幫親你者，洗唔洗咁差態度，咁咪以後唔來咯！完……永不再去

因為住附近，已經第四次來品嘗。早市就12點前要埋單，最多人應該係午市和下午茶。下午茶真的好抵，點心都係$23.8推薦菜式:姬松茸上素餃紅薯粉剁椒鱸魚片（辣）乾炒牛河（超正，一定要點）流沙梨子另外經理特別推介個荔枝果醋，酸酸甜甜，又幾開胃。走的時候望到有包廂可以坐12個人，下次約埋朋友來聚會。

一星期前已經在OpenRice 訂位，一日前也電話confirm 。當日準時去到，那支客話埋緊單埋緊單！最後等了35分鐘仍然未有位，已經好激氣，最後仍然未見有客會離座，追問後被點了去坐貨lift，上到去17樓佢話安排另一張枱比我地。。🤬🤬🤬🤬我一早已經講咗是慶祝生日，蛋糕都預備好，點知上到去係安排一張冇冷氣的臨時枱。真係好過分，即係走落去揾負責人。佢不停話果度係房，根本就離唒大譜！大家如果想受氣就去幫襯啦！

今日同老公同朋友一齊去左星小館食飯事因有朋友話幾好食，所以朋友聚會食飯就一齊去試下新野。Book左5位8點 ，剛發現茶位收左6位 🙄反白眼好啦入座即叫左野食 侍應話不如食左冷盤先（即象拔蚌刺身），其他後上，咁我地就話好啦 。點個個剌身切左40分鐘都未切好，我地開始催，咁佢地先上其他野先。 首先想表達對佢地嘅安排十分失望 ！ 如果明知自己整個刺身都咁耐嘅時候不如唔好主動咁提啦！ 首先上嘅係酸菜桂花魚 $388肉質嫩滑，酸菜味就略嫌唔夠，食到都幾重嘅胡椒味。 我個人覺得好普通，不過身邊朋友讚不絕口 ， 所以都俾佢4粒星啦。 但好大個魚頭，其實魚肉份量好少，呢個都係不足之處。風味脆魷魚鬚 $68調味唔錯，炸出黎唔會油膩，入面魷魚又彈口，都頗推薦。等左一個鐘嘅加拿大A蚌刺身 $1888我地5個人叫左好大條象拔蚌一齊食，唔知係咪切太耐，覺得佢係唔夠凍，但都幾新鮮。芥末脆皮德國原隻豬手 $148皮係脆嘅，肉質偏鞋身，調味咸咸地，正正常常，不過不失。鮮魚湯雲勝手打魚腐 $118我覺得個湯同勝瓜都好正常，味道出係魚腐到！ 好大問題！ 一咬落去似梅左嘅魚蛋，超難食！仲要寫到明手打魚腐，建議去買返超級市場

/ 同同事知道公司附近新開左間食特色點心既，即刻打去book位食個lunch🤤我地食左好多點心，但無影太多相📸😭唯獨最有印象就係：📍雪茄鮮蝦春卷 (3條) $33💬我地都覺得好特別，幾新鮮，而又幾好食😋📍原隻鮑魚花菇燒賣 (3隻) $33💬呢個都係我地另一樣深刻既點心，同事仲不停話lunch食呢d點心真係好奢侈啊🤣，但係如果燒賣既話，我比較鐘意食平時酒樓果種蟹籽燒賣多d🙈

同屋企人喺九龍公園睇完花展之後就過去對面街搵下有咩食，經過見到有間招牌寫住火鍋•點心•功夫菜嘅樓上餐廳，膽粗粗上去睇下😗原來餐廳新開張，全部點心88折優惠👏🏻👏🏻我地3個人坐四人卡位，好闊落，有獨立電視機📺。裝修新淨，見到有包廂房，員工服務態度都好好 ！睇到兩款新派點心個樣幾得意忍唔住叫😁第一款係雪茄鮮蝦春卷，造型好盞鬼！創意十足！第一件事當然扮型拎支雪茄打卡先📸 即叫即炸拎上手熱辣辣，咬落去脆卜卜，裡面填滿爽口鮮蝦餡，好食！食得又玩得，必叫！第二款係繽紛三色包，姐係榴槤包、合桃包、流沙包。岩岩好一人一個，我擇竹炭流沙包，可惜咬開無流沙效果，但味道ok 。外觀來講榴槤包一定最得意，鐘意食榴槤嘅人可以過下口癮😎鮑魚燒賣肉餡爽口彈牙，放上鮑魚後傳統點心都可以變得奢華！蜜汁牛肉腸粉用料足！最後叫芒果布甸做甜品，飽晒😋

今次朋友生日話想食火鍋，當然去⭐️星小舘⭐️啦！上次唔記得ok相😅，今次一定要記得啦！今次叫咗個雞燉翅湯底，d餸未嚟，一人飲一兩碗先，好濃嘅 湯底，今次叫咗兩隻唔同部位嘅牛，牛肩同牛頸脊，一個重口味d，一個就爽口d，不得不讚賞佢哋手打三寶丸同雲吞，水餃，食過番尋味，牛，水餃同雲吞都重複叫咗幾碟，實在太好食啦，不過好快賣晒！仲都條大魚，新鮮到不得了，時間唔可以錄好耐，數住10幾秒食，爽口得嚟，好滑好香，唔記得仲有個象拔蚌刺身，打邊爐當然唔可以缺少佢啦！咁嘅價錢，環境，食物，真係頂呱呱👍🏻

再嚟食火鍋，其實好多人都覺得火鍋間間都差唔多，最緊要係材料新鮮，但本人覺得食材新鮮係最基本，食材都要好靚，湯底先係精華，食材吸收精華，口感，味道好緊要，今次叫咗2碟牛肉，都係牛身體唔同個部份，wa......入口即溶，好香嘅牛味，我個女同1歲嘅仔真係識食，食晒，又係食家嚟，以後食中菜，飲茶，打邊爐都要嚟哩間，係我喺香港食過最好食嘅酒樓，最緊要係價錢公道，正常，平，太貴真係食唔起，佢環境同食物生意人招呼客人都一流