明記甜品 (西灣河街)

營業中

休息中

前日出左街做野, 係西灣河~行到累又見口渴, 想搵D糖水食下~醒起西灣河既明記糖水就去食下~西灣河有2間明記的~坐底左問呀姐有咩推介~佢就介紹左我食芒果木糠凍餅, 咁我就試下啦~芒果木糠凍餅28$ 大大件, 唔貴呀~佢既質感似雪糕架~木康呢就幾香既~個餅呢入面同出面都有芒果肉~出面既就新鮮芒果, 入面就夠晒凍~2種唔同既口味~我食完個餅都飽晒, 因為真係好大件...如果2個人SHARE 就喏啦~@@

今日突然想食糖水..所以叫我正在回家的爸爸順路去買糖水返黎..諗起之前明記D糖水OK...個陣媽媽又話明記出名...所以叫爸爸去明記買...想叫佢買芒果班戟...點知佢同我講...明記話無bo..個陣已經好無奈..諗緊:下..甘食咩好呢..諗黎諗去都諗吾到...跟住明記D人就響到催話要關門..又話咩甘我就話要凍咋喳喇~點知買到返黎...食一啖...哇..完全無味..就連甜味都無!!凍咋喳...好吾掂...

吃飽了陪妹妹朋友吃糖水 之前吃舊店糖水已感差了這一次 再給它一次機會,我們點了1.芒果班戟2.榴槤班戟3.綠豆沙4.士多啤梨西米露5.芒果西米露.芒果班戟班戟皮薄 芒果與忌簾是8:2 不會感到''漏''值得稱讚芒果也新鮮的榴槤班戟沒試過 但有香香的榴槤味 不會十分濃烈 應該不錯綠豆沙之前在舊店吃紅豆沙,同樣是甜 只有甜 完全沒有臭草味道也沒起沙 好失望西米露朋友說也只有甜沒有椰汁 , 花奶的香味感想在明記除了班戟之外 糖水也變得差 只有甜!!!!甜不就是糖水!!失望

行完街, 過左舊明記先諗起想食d凍野所以行前小小去新明記食叫左個芒果撈珠其實口感幾好, 好多珠珠好好咬口, 但可惜既係根本唔係凍既只係佢加左幾粒冰令佢凍, 所以一到左食個下, d 芒果"杰"汁其實係溫溫的所以只可以等佢一會先食, 但凍返d個時食就一流啦榴槤冰一黎到個時, 根本見唔到d 棉棉冰, 只係一pair野咁但味道都無變, 都係好好味, 只係d珠珠有d乳酸珠, 同榴槤唔係太夾見多左杯糖不x , 一般啦, 呢個就無咩特別好去推介因為肚餓叫多個雞亦薯條, 雖然知道佢地都係叫外賣係自己度買既但今次佢隻雞亦炸得好好味, 有小小衝動問佢邊間買服務都可以啦, 起碼會有禮貌過舊店既

透明，是一種待客態度。 興致勃勃到西灣河明記吃糖水，因為總店門庭若市，全場爆滿，而遙距看到這間分店反而清雅宜人，水靜河飛，於是和朋友一個箭步跑到這分店吃。 當我心想： "呢喥有位，仲唔執到？" 時，同行友人叮囑我留意為何店舖無人... 下午四五時，全間店舖只得一枱客，和總店是強烈對比。然而，民以食為天， 我決定要友人陪我進駐分店，享受糖水！一到店舖，眼前有四五名店員，沒有招呼，幸好我們還識相自己搵位就座。然後，我們拿了糖水紙，想問問店員糖水類別的分店。 可是沒有一位店員理啋... 或者他們忙，也沒關係。但最驚嚇係其中一位店員拿著雪花冰給隔離嗰個惟一一枱客時，居然 "掂行掂過"，全然無視我們。透明感，原來是這間分店的賣點，也是和總店人流差距的分別。由進店到想落單的五分鐘， 受到被當透明，被無視，做了透明人！ 除了離開，還有什麼可以做？這時，我知道，我遇上 100% 的透明店員，而我們也成為透明人。

收到 Open rice 寄來2張「驚動了愛情」戲票，原本打算叫兒子和朋友去看，怎料他寧願和同學去看甚麼「波斯王子」也不愛看這套愛情電影，為免浪費了這兩張飛，今晚決定和老公拍拖更到太古城 UA 娛樂一番。睇完戲已大約晚上十一時許，老公提議行去西灣河吃糖水，由於我家大少爺懶得動身，外賣速遞任務自然落在我這兩個老人家身上。這間甜品店估不到舖位細細，但客人多多，拿起份甜品單張，簡直花多眼亂，難於取捨。原本想在電話裏頭讀出店內甜品款式讓兒子選擇，但實在品種繁多，恐怕唸半句鐘都未能讀曬各款糖水名稱，最後唯有由我充生殺大權，代為點選。凍喳咋黑糯米 ($15) -- 老公力贊此碗糖水足料好味，我用匙舀起一看，材料確實異常豐富，包括有西米、紅豆、紅腰豆、芋頭、雞心豆、黑糯米、麥米等，面頭再加上大量的花奶和椰奶，未吃已經嗅到椰漿的香味，加上各種材料也煲得軟硬適中，甜度調校得恰到好處，吃起來口感香滑，每口都可嚐到各式豆的味道，層次分明，而且潤滑順喉，由於這碗糖水是凍的關係，感覺上比較黏稠，吃完會有種透心涼的感覺。芒果西米露 ($22) + 小丸子 ($5) -- 西米露其實是家常甜品，可以配合各式各樣水果

一場來到西灣河，就試一試榜首的明記糖水唔識路所以黎左新店，應該無咩分別掛一坐低，無menu無人招呼... 之後店員拎左d紙俾我落單峽小的店鋪，密密麻麻的落單紙，各樣傳統，新穎的糖水展現在眼前...很難做的決定呀!店員木口木面，唔多nice最後選了芒果酒釀小丸子($22)和糖不甩($11)糖水很細碗，只有幾粒芒果，小丸子很有咬口不過糖水很稀，酒釀味道不夠突出，感覺上飲緊一碗很甜的水...唔扺!另外糖不甩就唔錯，大大粒食得出粉團係用薑糖水煲過，亦有差唔多十粒如果上面的花生糖可以多d就仲好!可能明記的傳統糖水會好味d...

與家人路經西灣河，看到明記的店外貼著榴槤撈珠的相片，好像很吸引，所以決定進店一試。坐下看餐單，見還有若干款榴槤的甜品，有榴槤甘露，問店員是什麼材料，她說是榴槤肉、榴槤漿、芒果粒、西米和涼粉。見這個的配料好像較撈珠還要吸引，於是選了這個～榴槤甘露($30)：果然如店員所說，是榴槤肉和榴槤漿。很香的榴槤味，無論嗅覺和味覺皆非常享受。　配上芒果、西米和芒果粒，增加了口感。店員見我想尋找多一隻匙羹，主動問我要不要碗仔，然後拿了碗仔和匙羹給我。難得她知道我們兩個人吃一碗甜品也那麼殷勤招待，服務態度值得一讚。店舖面積不大，但整齊乾淨，感覺不錯。

The shop is small so there are just article few tables and chairs,but it is tidy and cosy.There is a small openkitchen in the middle of the shop .You can watch the cook make desserts clearly.There is a fridge inside the openkitchen ,you can see different sorts of desserts inside it.When you are enjoying the dessert,you can look out of the glass door and admire the view of the street.Mango pancake is a popular dessert in this shop.Many people like eating it .There are 4 pancakes in each box.T

17-10-2009陪朋友到西灣河剪頭髮, 搞掂後有點口渴, 嚟到附近呢間好似幾出名的糖水鋪食 / 飲 d 嘢.是日想食西瓜類糖水, 又唔想食雪花冰, 叫了「西瓜撈黑珍珠」($20)... bite-size 西瓜有 5-6 粒, 唔 in season 所以一般甜可以理解的, 但中間的西瓜沙冰打得麻麻, 有唔少碎冰; 黑珍珠就係 sweet basil seeds, 純粹好耐無食過吓口癮. 另外仲有煙韌帶甜的五顏六色的珍珠 (as in 珍珠奶茶嗰 d), 及貌似西米, 咬落就卜卜聲的透明水晶珠, 叫做口感豐富一點吧.試了兩啖朋友的「菠蘿沙冰」, 糖水度唔嚴重亦幾真材實料, 但打得幾差, 一路飲一路 lur 出勁多碎冰 朋友最後飲剩五分一杯, 但離開無耐即話「個肚唔係好掂」, 睇怕...糖水一般, 環境十分街坊, 招呼就麻麻哋, 阿姐們一副唔憂做及「睬你都傻」格, 食完快閃好了.埋單 $20, 路過可以一試名氣, 專程來就真係不必了.

一向都喜歡來明記食咋喳黑糯米,不過今次看見有雪花冰食,就叫了一個試試.因為有太多味道選擇,所以選了好耐才點了一個豆腐味的,因為打完邊爐想食清清地,唔想食咁甜.果然.....真係清,仲係淡,比之前食過的那間出名食雪花冰的淡了一點,不過好彩佢配料多,有士多啤梨,有不同顏色的珍珠,有椰果,有彩虹糖等,攪到佢好靚,好吸引.價錢方面,同一般的差不多,都係$35,不過佢有榴槤味就$40環境方面,就比較普通,就是一間普通的糖水舖了,幾張枱,不是太多人不會太迫.總括而言,都可以一試,下次會試埋其他味道的.

最近愈來愈多糖水店有雪花冰而今日去明記試一試~35蚊同市價差唔多但用料非常多不過味道真係麻麻右手邊D珠(?)冇味= =""左手邊既爆珠唔夠甜品老媽D咁爆士多啤梨奇酸= ="最重要係個綠茶雪花冰唔夠味= ="總括而言都係食番傳統糖水最穩陣= =++

7月20日（星期二）晚，原本Y小姐相約了女友吃晚飯，又因“臨時有要事”而爽約了，於是我去接女友收工順道一起吃晚飯。我提議去西灣河食車仔麵，女友卻說去這裡，我當然沒有異議。是晚這裡人不算多，「人不多」的意思是指門口沒有人排隊而又不用等位等到傻，而且我們不用等就可以入內。雖然這裡主打是甜品糖水，但仍有少量麵類和小食，因我們還未吃晚飯，所以就點了碗肥牛拉麵、一客炸燒賣和ＸＯ醬煎蘿蔔糕。食物來到時，女友就叫定甜品，而時間調校的剛好，吃完食物甜品就來到！炸燒賣：有五粒，炸得外層鬆脆，內裡的魚肉依然軟滑，配上泰式甜辣醬來吃，很惹味；ＸＯ醬煎蘿蔔糕：很高興這裡寫明是「煎」而不是「炒」，因為很多食肆寫明是ＸＯ炒煎蘿蔔糕而沒有「炒」過；ＸＯ醬比較乾身而且頗辣，蘿蔔糕雖然是粉多，但仍吃到些臘味碎，而且煎得很香口；肥牛拉麵：肥牛是煎過的，雖然有點乾和韌，但加了照燒醬來吃還不錯，拉麵是超市貨，煮得軟腍，口感似上海麵，湯更是味精湯；芒果西米露加豆腐花：這是女友的，我沒有吃過，但很大碗，女友幾乎吃不完；桑寄生蓮子蛋茶：味道很甘甜，喝得出是自家製和用料十足！看了之前的食評，終於明白「明記糖水」和「明記甜品」的分別了

上次係總店食過好抵食既鮮雜果咋渣黑糯米~今次試下去附近既分店試下食其他款甜品糖水~分店比總店的環境較大,,坐落感覺都舒服D~首先點了鮮雜果冰 $28(有西瓜汁同桔檸底選)我就選了桔檸底~(因為貴飲D Xdd)我問可唔可以少甜,,但佢話己經沖好曬,唔可以少甜~(有d失望,,唔可以依客人口味調配~)鮮雜果冰一到,,超失望!!賣相好差!!雖然係好大杯,,但係d冰係一舊舊!!唔係磨碎既冰!d桔檸蜜飲落味道過甜~生果味道ok,,但西瓜唔太甜!!而且d珍珠放得好下,,好難用飲管食到!!$28一個真係唔抵!!寧願花錢走去旺角老友記食鮮雜果冰 ! >c<”個到d鮮雜果冰賣相又令又好味!食完咁差既凍甜品後,,我就比多次機會佢~叫左碗蕃薯糖水食下,,睇下可唔可以挽回d分~點知都係極失望!蕃薯雖然好多,,可以食飽人,,但係d味道真係好差!d蕃薯超難食,,冇味道的!!糖水一d薑味都冇!!好差的一碗蕃薯糖水!下次去明記食糖水都係去總店食會較好!

早前見到天后有間糖水都係叫明記~而食友都將2間比較..為左查明真相於是我打電話去問左天后同西灣河各明記問究竟你地有冇分店??西灣河明記亞姐就話:「車仔面囉~我地3間店都係西灣河既~」天后亞姐又答:「分店??天后得1間咋喎!」咁即係天后同西灣河唔係同一間明記啦??而我個朋友係西灣河人,佢就堅持話總店先好食~另外2間分店都唔好食~咁我先發現西灣河有3間...我平時食開都係最入果間~係分店黎既~為左証實一下佢地3間既質數~好~於是尋晚同男友去左西灣河分店食(車仔面果間百佳對面)~!今日又同亞媽去左西灣河總店(百佳對面咖啡糖水果間)&分店(最入果間)食~於是有重大發現~1.西灣河明記有3間,百佳對面為總店~但糖水質數較分店差~因為榴槤系甜品~我通常食都係好多榴槤醬/蓉既~但我係百佳對面食果2間上枱時,碗野係白色既~因為平時去分店最入果間食都係榴槤咁既色~於是今日我又去返平時食呢間!果然唔會碗野好似白色椰汁咁上~係榴槤色既~多口一問老細~點解會咁既呢??老細話:「因為果2間會落多d西米露而少d榴槤醬~」哦!明哂~咁我以後都係食返呢間好了!2.見老細今日係到..我又問喇...「天后果間d野食同你地