影片
更多
2009-05-21
69 瀏覽
早前見到天后有間糖水都係叫明記~而食友都將2間比較..為左查明真相於是我打電話去問左天后同西灣河各明記問究竟你地有冇分店??西灣河明記亞姐就話:「車仔面囉~我地3間店都係西灣河既~」天后亞姐又答:「分店??天后得1間咋喎!」咁即係天后同西灣河唔係同一間明記啦??而我個朋友係西灣河人,佢就堅持話總店先好食~另外2間分店都唔好食~咁我先發現西灣河有3間...我平時食開都係最入果間~係分店黎既~為左証實一下佢地3間既質數~好~於是尋晚同男友去左西灣河分店食(車仔面果間百佳對面)~!今日又同亞媽去左西灣河總店(百佳對面咖啡糖水果間)&分店(最入果間)食~於是有重大發現~1.西灣河明記有3間,百佳對面為總店~但糖水質數較分店差~因為榴槤系甜品~我通常食都係好多榴槤醬/蓉既~但我係百佳對面食果2間上枱時,碗野係白色既~因為平時去分店最入果間食都係榴槤咁既色~於是今日我又去返平時食呢間!果然唔會碗野好似白色椰汁咁上~係榴槤色既~多口一問老細~點解會咁既呢??老細話:「因為果2間會落多d西米露而少d榴槤醬~」哦!明哂~咁我以後都係食返呢間好了!2.見老細今日係到..我又問喇...「天后果間d野食同你地
而食友都將2間比較..為左查明真相
於是我打電話去問左天后同西灣河各明記問
究竟你地有冇分店??
西灣河明記亞姐就話:「車仔面囉~我地3間店都係西灣河既~」
天后亞姐又答:「分店??天后得1間咋喎!」
咁即係天后同西灣河唔係同一間明記啦??
而我個朋友係西灣河人,佢就堅持話總店先好食~另外2間分店都唔好食~
咁我先發現西灣河有3間...我平時食開都係最入果間~係分店黎既~
為左証實一下佢地3間既質數~
好~於是尋晚同男友去左西灣河分店食(車仔面果間百佳對面)~!
今日又同亞媽去左西灣河總店(百佳對面咖啡糖水果間)&分店(最入果間)食~
於是有重大發現~
1.西灣河明記有3間,百佳對面為總店~
但糖水質數較分店差~因為榴槤系甜品~我通常食都係好多榴槤醬/蓉既~
但我係百佳對面食果2間上枱時,碗野係白色既~因為平時去分店最入果間食都係榴槤咁既色~
於是今日我又去返平時食呢間!果然唔會碗野好似白色椰汁咁上~係榴槤色既~
多口一問老細~點解會咁既呢??老細話:「因為果2間會落多d西米露而少d榴槤醬~」哦!明哂~
咁我以後都係食返呢間好了!
2.見老細今日係到..我又問喇...「天后果間d野食同你地都幾似喎~係咪假野明記黎?」
老細又答喇:「哦~你有冇去過?其實果間係有親戚關戚開既~我係老細..天后果間係我個仔既」「哦~~又明哂啦~咁點解我問個亞姐佢地話冇關係??」「你快d話比我知邊個亞姐講你聽既!」「................唔係幾好既...打爛人飯碗」
食左明記咁多次~終於要寫食評~
個人覺得以及男友都認同又大碗又好食~
我男朋友住上水都要走入去西灣河食~
因為我地都好中意食又大碗又平.
不過地方環境有待改善..成日都覺得逼左d..同埋好早收嫁都~可能我夜啦~
但比起發記既榴槤多款又好食
唔知點解發記越黎越差...又係咁加價.,所以都食厭佢啦
希望大家有機會試下西灣河呢間明記~
榴槤類,芒果凍餅同雪香都係我必點之選~^^
榴槤忘返-
係我必點既~佢既榴槤唔會苦..比發記好食!芒果都好甜~份量值回票價啦不過張相我都食食下先記得映~而忘返即係有涼粉+芒果粒+西米露+榴槤+榴槤汁~$30
:榴槤甘露:
唔洗解釋啦~即係楊枝金露榴槤版~係我男友必食之選~因為佢唔食涼粉!冇映相~因為男友已經忍唔住食左~不過唔知係咪雪得唔夠凍~今次有冰既???$25
榴槤蛋白:
即係布丁+乳酸爆珠+好多粒類似西米露既小x珠+榴槤+榴槤汁整成既~果d好似西米既珠珠就冇得彈~唔係好多地方有喎~初頭以為係西米~點之食落口好似d蟹子咁~好正呀!問老細咩黎~佢話叫咩小磨珠?件布丁都幾大件...而乳酸爆珠我又唔係咁中意~不過daddy話ok~我就都係覺得榴槤忘返好d!有齊我想食既野~$35
p.s都係得呢間分店先有得叫~其他2間冇嫁menu紙上~而且係最新推介~芒果味$30
而且比起九龍城甜蜜居既榴槤奶露好得多~雖然九龍城甜蜜居都有果d"小磨珠"~
再黎多個木糠芒果凍餅~
上哂magazine嫁~我媽咪同老豆最中意食~杯裝$20件裝$28~平時會叫件裝~今次叫杯裝~驚食唔哂~哈哈~西灣河明記只有芒果味同朱古力味~佢特色就係比出面果d連入面件餅都放有芒果粒~不過我自己唔係太好木糠布丁呢d野~覺得似雪糕好似許留山果d好食d~
蜜瓜雪香$17+榴槤雪香$28
我自己都係因為呢杯野飲而愛上明記既~
因為佢比起hk好多間台灣食店/台灣飲野既shop都好味!除左幾年前係長洲一間回味甜品屋飲過咁高水準既雪香之外~就只有呢度先咁好飲~一黎佢夠凍又解渴~2黎佢無論蜜瓜味定榴槤味都好香~最重要係d奶唔會太水or太稀~d味又唔會蓋過~總之就岩岩好啦!perfect~係價錢貴左d囉~如果佢有跟餐價就好喇!我絕對推介蜜瓜雪香+榴槤雪香比榴槤迷!因為出面真係唔會有榴槤味既雪香囉~蜜瓜都非常少嫁喇~佢仲有好多味~不過自己中意melon夠清香!唔係間間食到!
p.s另外2間都冇雪香嫁~
嘩..試哂咁多間好飽呀..好滿足..
呢星期都唔好再食糖水喇...要留返個quota食拿破崙餅~
張貼
