明記咖啡檔

營業中

休息中

打破咗我對熟食中心嘅印象😅。點解乾淨過茶餐廳咁多嘅😂，枱面餐具唔會黐立立，服務又好，坐位又寛敞🤩，值得一讚👍🏻$12件奶醬多，塊面唔薄架，好抵👍🏻鮮茄豬扒燴意$43，不差，如果啲汁再甜啲就更好，豬扒雖然不多，但唔鞋😂，是兒時的味道。幻想佢配上熒光茄汁就超正🤪凍飲+$2 ，而家已經好少見，檸茶底都不錯呢👍🏻星期日想靜靜嘆個午餐，唔會比人趕，這裡是個好選擇，下次可以再嚟試吓其他食物

#明記咖啡檔經常都會到石塘咀熟食中心食嘢，細細個已經嚟呢間明記幫襯，當時覺得不怎麼樣，份量比較細，後來轉到其他檔口就冇再幫襯。以前係肥佬事頭打骰，幾年前見佢行動不便，聞說是大病初癒，現時再去已不見人影，正式交棒畀下一代。之前再次嚟過幾次覺得水準幾唔錯，價錢好抵食只係$42，今時今日食碟炒粉麵好多都要50以上，仲要唔好食。今次旅店員好細心地推介一個鮮茄豬扒燴意粉，一般燴意粉都係白烚咗意粉再淋啲汁上去，但係店員話佢哋嘅意粉都用茄汁炒過，食得出真係有咁做因為意粉都掛汁，味道非常好。蕃茄都算畀得多，有煮過唔係臨尾先放落去，豬扒還可以唔係用好多食粉乸到淋曬。意粉嘅軟硬度適中，份量算正常唔會太少，$42跟杯熱飲真係可以接受。唔知點解呢間舖冇乜人幫襯，佢嘅價錢大眾化而且空間感十足唔會好逼，感覺有一種慢活嘅生活態度。明記咖啡檔西環石塘咀皇后大道西470號石塘咀市政大廈2樓熟食中心C15號舖

早上8點幾經過開石塘咀街市, 原來真係好近香港大學站, 上去食過簡單的早餐先!係熟食中心兜左一個圈, 有四.五間餐廳開左,  價錢間間都差不多, 亦唔算好貴,  想靜靜地坐下, 就選擇左客人最少的明記試試我點左番茄蛋白三文治烘底同熱奶茶 , 價錢唔算好貴, 只係賣$24, 熱奶茶先奉上, 飲落去茶味極淡, 就好似茶包奶茶或澳門果D奶茶的味道, 係香港比較少飲到呢種咁淡口奶茶, 都幾失望,而番茄蛋白三文治烘底則來錯左番茄雞蛋三文治烘底, 不想深究咩原因了, 因為唔想浪費食物, 所以我都照食, 麵包唔算薄, 亦烘得香脆, 蛋薄薄的, 但都合格啦!!所以話...如果茶檔奶茶水準麻麻, 已經可能就係客人少的原因!?