明發小食

營業中

休息中

店內座位不多，環境乾淨企理牆身壁畫溫馨，以餐廳為主題有多款香港懷舊小食，又有巴斯克蛋糕店員同街坊打成一片，十分熟絡肥妹平日夜晚去見到好多熟客街坊幫襯係一間充滿人情味小店✾ 香煎雞扒麵 $42（醬爆肉另加$10）有多款麵底可選擇，肥妹就揀爽彈生麵金黃香脆雞扒有兩大塊，厚肉嫩滑醬爆肉份量都好多，香口入味可以加埋辣菜脯更惹味✾ 香煎餃子（8隻）$41叫左鴛鴦餃（韭菜餃同椰菜餃）餃子半煎炸，金黃脹卜卜，非常香口兩款餃子都係多菜少肉，比較爽口健康韭菜餃味濃多汁，椰菜餃清新爽脆✾ 魚肉菜碗仔翅（大）$26魚肉、生菜、碗仔溝，簡稱三溝手打魚肉份量十足，食極都有🤣入口彈牙生菜新鮮碧綠爽脆碗仔翅以雞絲同粉絲為主，質地濃稠滑溜醋、麻油同胡椒粉自己自行加肥妹就鍾意多醋多麻油少少胡椒粉🤭✾ 鮮榨檸檬汁 $12檸檬汁酸中帶微甜，開胃解渴✾ 凍利賓納（跟麵套餐）

呢間餃子店不簡單～除咗有餃子之外 竟然仲有甜品食？！😍位於深水埗嘅明發茶室 係四十年老字號 堪稱基隆街開荒牛而且唔止精於餃子 老闆娘仲好擅長整巴斯克芝士蛋糕於是就決定公諸同好 喺鋪頭長期供應 「歎杯咖啡 食件cake」不只是cafe嘅專利 喺呢度都一樣得😍我哋嗌咗淨蝦子雲吞（$36）、淨湯鴛鴦餃（$40/10隻）、香煎鴛鴦餃（$25/4隻）、自家製豆腐花（$11）鴛鴦餃分別係椰菜同韭菜餃 餃子皮薄餡靚 食到每款餃都有5種材料——椰菜/韭菜、冬菇、馬蹄、豬肉同菜鋪 口感同味道都好豐富煎餃亦皮脆而不過份油膩 我哋怕熱氣就只嗌4隻試下順帶一提 呢度啲菜脯真係幾辣架🔥🔥鍾意食辣嘅朋友唔好錯過🤣至於蝦子雲吞 雖然平時食開嘅雲吞都會食到粒粒鮮蝦 但呢款就冇 取而代之就有好多蝦籽 食落都好惹味 幾特別😍豆腐花加咗少少薑汁 而且質感Q彈不散 好食😋最後當然唔少得巴斯克芝士蛋糕啦（$25/件）正好媽咪鍾意飲咖啡（跟餐+$6） 仲唔係平民價錢 cafe享受？蛋糕芝士味香濃 尖端質感creamy 末端厚實 幾高質👍🏻

深水埗一向係多性價比高的平民小店！👍重點係扺食芝士蛋糕！香煎雞扒飯 $47雞扒有兩大塊！炸得好香脆又唔會好鞋～醬汁甜甜地 撈飯好開胃！手工韭菜餃子麵 $40有6隻餃子！選擇咗上海麵！係健康點的選擇喔！另外賣點係有豬油渣～鐘意食香口就就選擇煎餃卜卜脆！魚肉菜碗仔翅（大） $26簡稱三溝！生菜同魚肉同碗仔翅 好抵食 一次過滿足你三個口感！建議大家趁熱食 先唔會變稀架！巴斯克芝士蛋糕 $25推薦呢個芝士蛋糕！甜品控食完正餐點都要食甜品～細細件夠Creamy 又唔會好甜！自家製豆腐花 $11呢到係薑汁做糖水！好食架～鐘意再甜d 可以加紅糖！明發茶室 (深水埗)深水埗基隆街239號地舖#深水埗 #深水埗美食 #深水埗小食 #小食店 #街頭小吃 #深水埗好去處 #香港傳統美食 #良心製作 #懷舊美食 #車仔檔 #香港老字號 #童年回憶 #香港餐廳 #香港小店 #深水埗小店 #香港美食 #shamshuipofood #shamshuipo #hkstreetfood #hktraditionalfood #oldhongkong #shamshuipofood #chinesedumplings

近期好興嘅burnt cheese cake出面閒閒哋都賣幾廿蚊件, 絕對係俾呢度$25一件嘅呢個cake吸引以嚟, 聽舖頭姨姨講都係啲客人話想食所以就開始咗整, 真係好貼地好親民估唔到街坊舖頭嘅佢有得食巴斯克蛋糕之餘小編不嬲都好鍾意食啲餃子呢度都煎得出色! 鴛鴦餃皮薄所以可以煎香咗脆到卜卜聲🤣 椰菜爽口韮菜香得嚟居然仲有蝦米餡, $25/4隻 $41/8隻真係好貼地, 本身兩個女仔驚太多點知叫完4隻居然可以encore多4隻😂魚肉翅都係佢嘅招牌, 好有讀書時口痕會食嘅回憶, 食完之後全日都冇乜話好口渴嘅感覺, 應該姐係唔多味精👍🏻豬油渣麵係邪惡之選, 麵身稍稔同埋小編都唔係好敢食太多豬油渣😆 就係過下懷舊嘅口癮最後介紹埋佢嘅鮮榨檸檬水, 飲得出係新鮮嘅檸檬但係又唔會話超酸, refresh下都幾唔錯, 都只係$13

🍴香煎餃子12.隻 59 椰菜配韭菜 🥬🥟餃子整得好香脆 大細適中 甘樣食落會更有口感 而且係自家包落足料 韭菜一咬開好重韭菜味而且比較 juicy連埋豬肉同香脆既餃皮食好有層次感🐽 而椰菜比較清新 口感比較爽口 就甘食 或者點醋或 泰式甜辣醬食都好唔錯🍴懷舊豬油渣麵 40 蚊🍜加魚肉10 蚊🐟豬油渣麵比較粗身爽口 佢個湯底魚味香濃 魚肉有 d似鯪魚 魚味香帶 d胡椒香🐟 而豬油渣好多 粗身 油味香 有 d似好香既豆卜 正🐽🍴香煎雞扒飯 47 蚊🐥雞扒有兩塊 整得好香脆。皮脆肉厚夠彈牙 飯好足料 多飯 有生菜 而佢醬汁帶 d鮑汁蠔油香 撈飯好味🍴巴斯克芝士蛋糕 25 蚊件🧈呢個 cheese cafe好正 夠軟林 芝士味香 接近入口即溶得黎又有 d口感 好好食🍴豆腐花 豆花整得好滑 豆味幾香 薑汁味有少少 點 d糖粉就好正

手工鴛鴦餃子米線 ($40)🥟🍜今次揀左食鴛鴦餃，即係韮菜餃同椰菜餃各3隻，隻隻餃子都包得好大隻🤣椰菜餃食落好重椰菜味，入面仲有冬菇添，中意食椰菜嘅要試下，韮菜餃下面會再講✨成碗麵整體黎講味道就比較清清地，主要係食餃子本身嘅蔬菜味，一碗絕對夠飽，價錢都好合理😆🌟香煎韮菜餃~8隻 ($41)🥟韮菜餃同椰菜餃都係大大隻，煎餃煎得好香脆，一咬裏面係有肉汁！而且饀料好飽滿，非常足料，餃子入面有5種材料，包括豬肉、韮菜、蝦米、菜脯 & 馬蹄，所以食落係有蝦米嘅咸香、菜脯同馬蹄嘅爽爽口感😆原來入面加埋菜脯都好夾，饀料互相都好配合&特別👍🏻👍🏻👍🏻無論就咁食，定係加辣油食都好好食！推介！魚肉碗仔翅 ($23)睇相都知爆哂料啦，魚肉大大條好多條，碗仔翅質地係比較稠身一啲，食落係有蛋香味~🌟自家製豆腐花 ($11)本身已經飽飽地，但又想試下豆腐花，見佢咁平就決定試試佢！好彩有試咋！！因為食入口暖暖地，仲要係真心滑！加埋黃糖食，甜甜地又開返個胃🤤推介！🌟🌟巴斯克芝士蛋糕 ($25)🧀🍰見佢好特別所以食，因為真係無聽過餃子店入面竟然有西式蛋糕食，仲要係好難整得好食嘅巴斯克芝士蛋糕🍰佢嘅口感同一般食開嘅唔同

朋友左知我鍾意食餃子，就介紹左明發小食（OP叫明發茶室🤔），是日出開黎深水埗拎野，順便過來一試。小店地方乾淨企理，求其搵個位坐底睇下食咩先，發覺幾乎全店都係熟客，個個入黎都即刻落單唔使諗，店家仲相當熱情有傾有講。❤️魚肉碗仔翅（兩溝）叫小碗都好大碗😙滿滿的，魚肉很多，鮮味有口感。店家仲話食得辣要加埋佢哋嘅辣菜甫，同碗仔翅好夾㗎。❤️淨湯手工餃子叫左碗湯餃，一客十隻都係$40蚊，好抵食呀😋要晒兩款口味嘅餃子～韮菜餃同椰菜餃。皮薄餡多隻隻飽滿，韮菜餃除咗韮菜香外仲有蝦米嘅鮮味，椰菜餃的椰菜很爽口，仲有粉葛粒增加口感，兩款口味都好好食。❤️自家製豆腐花食飽飽本身想叫杯野飲，見有豆腐花又叫來試試。豆腐花很厚實，副豆香，枱上有黃糖任加，正呀😆最好味係個豆花加左薑汁，好香👍薑汁本身已經微甜㗎👍👍❤️辣菜甫自家炒辣菜甫，真係幾辣㗎，但鹹鹹辣辣好惹味，同兩溝餃子都好夾。❤️辣油仲有個辣椒油都好正，呢個我覺得唔太辣，但點下餃子好啱口味😆好好食，朋友果然無介紹錯👍

深水埗親民小店～深水埗衣間近地鐵站嘅街坊店，性價比好高，好多熟客尼食～厚切餐蛋麵：面唔係一般嘅公仔麵，而係上海麵睇落去唔係好大碗但實際上份量好多，就算男仔一個人食都夠飽，餐肉真係厚切好大塊非常足料～生菜魚肉湯（細）：雖然係細碗，但魚肉份量勁多，魚肉調味做得好好，成個湯好好飲椰菜煎餃（4隻）：非常香口，個皮煎得好脆，椰菜同豬肉嘅份量都好足，食落唔會好乾身，餃子皮厚度剛好碗仔翅（細）：見到好多熟客都有叫，忍唔住又叫尼試吓，碗仔翅材料非常豐富，好多肉絲，粉絲同腐竹，我哋冇落其他調味料已經覺得好好食，勢本份量女仔食再配埋一個主食已經好夠，見到好多熟客都係碗仔翅陪一碗麵豆腐花：估唔到咁滑咁好食，如果鍾意可以叫佢落多啲薑汁本身個薑汁糖水已經好正，唔使落黃糖都得，我哋都係落咗少少，豆腐花真係非常嫩滑，口感非常好鮮榨檸檬汁：煮食套餐唔包嘅，但係真係好吸引，所以特登叫尼試吓，非常有驚喜！檸檬汁唔會話好甜或者好酸，檸檬汁同水嘅比例較得好好，個人覺得酸味啱啱好，好解渴，夏天飲一流，同埋食完咁多嘢之後好解膩依度大部份煮食都唔使$50，味道唔錯，性價比好高～

尋日Lunch又同同事去公司附近搵平靚正嘢食😬同事話落雨冇乜心情，想食啲小食😝咁岩就經過呢間「明發茶室」，唔使餐餐食澱粉質類咁悶丫😊懷舊豬油渣麵 $40 + $9 熱檸蜜平時食飯食到悶悶地，今次就同同事整返個豬油渣麵，唔會好漏之餘，仲有好香嘅油香味！😋魚肉碗仔翅(兩溝)(大) $26呢個魚肉翅，真係由細識到大！都係食佢嘅懷舊味道😊自家製豆腐花 $11好香濃嘅豆味，而且仲好滑！😋香煎餃子🥟(4隻)(鴛鴦餃) $25鴛鴦餃係韭菜味同椰菜味，新鮮即叫即煎，又香噴噴又熱辣辣，外層仲脆卜卜😬非常之香口😋巴斯克芝士蛋糕 $25食完正餐當然要食埋甜品啦，咁先夠完美㗎嘛😂芝士味非常濃郁，啱晒我呢個芝士控😋凍豆漿 $11一飲亦係有非常香嘅豆味😋

晚餐時間喺屋企附近諗住求其搵間未試過嘅餐廳仔食飯，無意中發現左呢一間覺得可以keep住長食嘅餐廳。本身7點鐘左右入去，唔係話好多人，點知坐咗唔夠15分鐘已經開始爆場，聽得出好多都係熟客，同啲侍應有講有笑。叫咗個招牌嘅油渣麵，好大碗，真係可以食得飽。豬油渣好鬆化，唔會好油。兩溝魚肉翅魚肉好多🤤🤤碗仔翅啲料都好足！蓮藕肉餅飯 跟豆漿以為呢度淨係小食好味，但原來飯餸都整得好食！呢個肉餅食落層次好豐富，爽爽哋，又啖啖肉，唔會好鹹，就好似屋企整嘅餸咁。跟埋啲醬汁非常好食，好好餸飯。鴛鴦自家製湯餃有椰菜同埋韭菜2款，呢度啲餃偏向多菜少肉，啱健康人士，Size好大隻，放滿晒成個匙羹。開頭以為啲份量唔會好多，所以嗌多咗，點知差啲食唔晒😂😂下次會再去！

聽講喺深水埗小食店有巴斯克蛋糕，甜牙齒嘅我諗住過嚟食返件點知去到已賣晒，唯有下次早啲嚟！見餐牌有地道香港小食、點咗呢幾款高cp招牌菜、食落唔錯，店主幾好人、係間充滿人情味嘅小店Soup Dumplings (Leek/Cabbage)淨湯手工餃子 (韭菜/椰菜餃子) 10隻> 餃子幾爆餡下，裡面撈咗好多馬蹄粒好爽口，餃子皮幾滑唔太厚餡嘅調味啱啱好唔會過鹹，$40有10粒餃一個字“抵”Chinese Lettuce Soup with Fish Balls生菜魚肉湯 (細)> 足料、彈牙嘅魚肉足足裝滿晒成個碗仔，一食童年回憶又返晒嚟，呢味係食情懷Homemade Tofu Pudding自家製豆腐花 > 豆腐花滑一滑有啲豆香、我最鍾意落勁多黃糖一齊食Lemon Juice 鮮榨檸檬汁> 真係飲到有檸檬肉唔係開粉沖唔會過甜，天氣開始熱飲呢杯夠晒順喉解渴，$15杯真係唔貴

今晚發現咗呢間新開張冇耐隱蔽嘅餃子小店，深水埗真係出名多平民美食而呢間小店都唔例外。餐廳座位唔多，如果食飯時候有機會要等位。老闆娘都好好人，喺度推介我哋要試佢哋嘅煎餃同湯餃。鴛鴦煎餃子(韭菜豬肉/椰菜豬肉) $59 12粒 雙拼淨湯鴛鴦餃子(韭菜豬肉/椰菜豬肉 $40 10粒 雙拼餃子皮薄餡靚，大大粒，好飽滿，椰菜餃入口爽甜，豬肉比例均衡，而韭菜餃加咗爽脆嘅馬蹄，夠曬有口感！煎餃皮外脆內軟，再加埋自家製辣菜普，十分惹味！三溝的魚肉生菜碗仔翅 $25好耐無食過呢d懷舊地道小食，足料又價錢抵食，手打魚肉份量都唔少，而且非常彈牙好味！巴斯克芝士蛋糕 $25小店入面有高質抵食甜品，呢款蛋糕好出名，出面cafe 賣成$50-60 一件，呢度只係一半價錢。芝士味道夠香濃帶有少許焦香。

之前介紹過佢哋嘅港式小食，碗仔翅同生菜魚肉！今次就介紹佢哋嘅鎮店之寶！醬爆肉飯/米，真係超級好食，嚟到必定一試！——————醬爆米 HKD36係咪未聽過呢一個菜式呢？相信係佢哋自家創作嘅菜式！其實佢係醬爆豬肉！油香十足！味道非常惹味，配白飯一流。但我自己更加鍾意配米粉，因為醬爆肉嘅油份會滲透喺湯底上，令每一啖米粉都夾雜着香味！牛腩飯 HKD 40牛腩飯亦係開心之選，你唔會諗到呢一間小店嘅牛腩飯係咁出色。肉味香濃，牛腩醬汁香，配上佢哋嘅白飯，真係會一口接一口，令你食過返尋味。——————評價：平民菜式超值之選深水埗隱世小店推介指數：❤️❤️❤️❤️❤️（五個心心為滿分）

一間位於深水埗多年的家族小餐館，睇落平平無奇，但佢哋嘅生菜魚肉同碗仔翅係非常出色！如果大家經過深水埗，不妨坐低試吓佢哋嘅港式小食！——————-生菜魚肉 HKD26生菜魚肉最緊要就係湯底，而家嘅湯底係非常出色，配合生菜同魚肉一齊食一齊飲，完全滿足到口癮！呢個價錢可以坐低食，的確唔錯！而且佢哋有自家製嘅辣菜脯，配上辣菜譜一齊食，更加係畫龍點睛！碗仔翅 HKD22碗仔翅非常足料，加上麻油、胡椒粉、醋，以及佢哋自家製嘅辣菜脯，絕對會令你食上癮。如果突然間好想食港式小食，嚟呢度絕對唔會錯！———————評價：香港懷舊小食平民小店懷舊老店推介指數：❤️❤️❤️❤️❤️

深水埗必食超級好味小食餐廳——明發小食。 係深水埗遊走多年，估唔到自己竟然未來過明發小食，第一次來到呢間類似茶室的小食餐廳，已經充滿濃濃的人情味。呢度主要香港地道小食麵食，又有招牌特色扒飯，我想清清地，就點了淨湯手工餃子，鴛鴦餃子再加豬油渣，未來都已經流曬口水真係正。再來一碗三溝的魚肉菜碗仔翅，同➕$9 叫左杯凍檸啡。唸著普通食個午餐，點知發現呢間係絕世好餐廳，手工餃子大大粒，皮薄餡靚都唔夠用來形容呢度既餃子，無論味道，口感都讓人為之一振，點解可以咁好味，大大粒真係好有良心，10粒餃子都係$40 一碗，食到咁好食既手工餃真係感動到想喊，因為真係好耐未食過咁好味的餃子，仲有豬油渣又係大大舊，又香又脆夠曬驚喜，我真係豬油渣控，一間餐廳識得整呢樣菜式真係加曬分。再落就係魚肉菜碗仔翅，又係淨足料，魚肉真心彈牙新鮮，而且呢度的自製菜脯又係任筆，辣辣地撈碗仔翅超好食啊，我都無唸過我一個人可以食曬咁多。本來唸著求其飲杯咖啡，我係一個不折不扣的咖啡控，好不好喝一口一聞就知道，無唸過飲左一口咖啡，crazy, 竟然超重咖啡豆香，完全不是普通咖啡粉，問問老闆先知，佢哋真係特登選用幾種咖啡豆粉混埋，再用沖絲