明將迴轉壽司餐廳 (已結業)

今早去左聽道教講座（被迫的），完左後，大家諗去邊　討論一番後，有人提議食ｓｕｓｈｉ．．．好耐之前食過，記得ＤＥＥ飯係熱ＧＥ一行五人去西九龍中心間明將，好多人ＹＡ，等左好耐先有得食。入到去睇下有咩先，迴轉帶上有栗米沙律，蟹籽，不知名的貝類等等，大路貨。有ＤＥＥ就要叫，有好多款不過我覺得好搞野，一連七碟斬都係黃色蟹籽！我食左以下ＧＥ野：三文魚：要叫的，等左好耐。三文魚一般，不太難食栗米沙律：ＤＥＥ沙律唔夠涷，令到變左一撻水唔知咩貝：舊貝蝦毛咁細（飯都大過幾倍），不太新鮮炸蝦：同同學一人一件，唔脆，擺左好耐，食落有陣麥樂雞味，我同學話係蝦。吞拿魚醬：幾好食ＫＡ，次次來都會食！鮑片：望落好像幾好，食落濕濕的，有陣唔知咩味，好像比ＤＥＥ唔知咩野浸過．．難食冷麵：後期先有，細細的，一啖仔，ＯＫ，不過唔夠涷魷魚：後期先出．不錯．唔夠涷其實仲有好多款ＫＡ．．．不過太飽總結來算：服務態度ＯＫ，不過有時叫左好耐冇人應　　　　　食物，一般，四十幾蚊係咁，不過不滿ＤＥ　　　　　Ｅ飯係熱。　　　　　環境，舊。另外果暑間新ＤＥＥ，好ＤＥＥ唯一好ＧＥ係任坐不限時，坐左２小時。一路傾一路食，消磨時間好地方！＄４１．９

忙著過了午飯時間還未食飯.與朋友就只憑就腳,走到西九中心樓上這間迴轉壽司.很老實講,原本想去味千,奈何經過這間門口時,朋友話呢度有位,就一齊入左去坐.全自助式,佢出乜你食乜,碟碟都係一樣,兩三種壽司,件件冷暖乾濕乜鬼都齊.你想像不到的詭異都可以在這裡找到.一糰飯上面只係有D唔知係乜野既野舖係上面.三十幾蚊一個人,任食D乜都唔知.應該係無啖好食至真.朋友叫左兩份刺身食.埋單可以係二百零幾蚊.更加詭異到極.由頭到尾都唔知食左D乜.咁既價錢早知我拉個朋友過隔離味千好過.

三文魚唔新鮮,超多蝦(熟蝦、甜蝦、賴尿蝦)，一碟玉子都無！d 飯唔酸，紫菜唔脆！

我之前都有食過係灣仔果間真係慘無人道我地7個人又係等左成個幾鐘先有得食仲要俾埋o的尾位... 黎到我地果到都無晒野好食..... 黎到既唔係無人要既就係勁唔新鮮o的位又唔好坐唉..一個字....差

從來都覺得食過好ge都要試下差ge...差ge試過大久保無理由唔食明將...明將晚市超多人..我地一行四位等左個幾鐘先入得..d壽司夾起hold住唔過5秒佢\就會散..飯又唔係珍珠米又無加醋...紅豆壽司都整得出黎比人食...d壽司蓋\完全符合環保理念..reuse再reuse...三文魚壽司食左落肚都擔心會唔會生蟲..蟹籽又咸喎..食完口臭..我發現成間野最好食係我平時去壽司店一定唔會叫ge玉子小卷..即使一間壽司舖係平..但都無理由對食物無要求...去食等如擺\垃圾入口..比四十幾蚊食垃圾都唔抵啦..食完呢餐\開始明白...知足也！請我都唔會再去！

點解可以甘難食? 就係我對呢間壽司店既評價! 自問對食既要求都唔算話好高但呢間舖頭真係..... 點都食唔落!其實幾年前黎過,但當時水準冇甘差今日再到訪~ 迴轉帶上轉來轉去都係果種壽司--- 炸帶子--- 我唔明點解好地地一件炸帶子,硬要加舊飯上去.而且睇落去又乾又硬... 唉.... 都無人拎.整甘多出黎托咩~ 簡直浪費食物! 我地都係order算喇~ order 都唔見得好,隻甜蝦細到呢好似蝦乾咁,d野食都唔見得新鮮．．．但真係唔明點解仲甘多人排隊,我地等到成10 mins 先入得,好食既野就話多人排ja難食既野都甘多人排? 真係冇道理,總之食10 蚊一碗雲吞麵都好過佢....雖然價錢平,45 一位(連加一) 但食完你會背隻骨落~ 垃圾到不得了..如果你同邊個有牙齒印既話.就帶佢黎食啦

點解可以甘難食? 就係我對呢間壽司店既評價! 自問對食既要求都唔算話好高但呢間舖頭真係..... 點都食唔落!其實幾年前黎過,但當時水準冇甘差今日再到訪~ 迴轉帶上轉來轉去都係果種壽司--- 炸帶子--- 我唔明點解好地地一件炸帶子,硬要加舊飯上去.而且睇落去又乾又硬... 唉.... 都無人拎.整甘多出黎托咩~ 簡直浪費食物! 我地都係order算喇~ order 都唔見得好,隻甜蝦細到呢好似蝦乾咁,d野食都唔見得新鮮．．．但真係唔明點解仲甘多人排隊,我地等到成10 mins 先入得,好食既野就話多人排ja難食既野都甘多人排? 真係冇道理,總之食10 蚊一碗雲吞麵都好過佢....雖然價錢平,45 一位(連加一) 但食完你會背隻骨落~ 垃圾到不得了..如果你同邊個有牙齒印既話.就帶佢黎食啦(評分,味道果項如果有負分我真係想俾負分囉)

真係未食過咁難食既壽司,,我唔明點解有人可以讚囉,,仲要夜晚排哂長龍,,真係不知所謂!首先,真係要講下迴轉帶內既壽司,咩紅豆壽司呀,沙律壽司呀,咩垃圾都出齊,完全唔係人食!仲有幾個鐘頭內轉黎轉去都係果3款,係咪迴轉壽司餐廳黎架!?其次,壽司質素唔駛講都知啦!奇差!紫菜又un!d刺身又唔新鮮,好似隔夜咁!d飯仲要一夾就散!點食呀!?真係當人狗黎架wor再者,d待應既服務質素真係好差,好過分!佢初初俾左個位我地,我地要求換位..佢好似唔想咁!跟住我地order壽司既時候,叫極佢都唔過黎..扮聾!過到黎..仲要黑口黑面..唔想寫咁..係咪做野架呢d人!?最後,有咩理由一間餐廳連餐牌都冇呢!?佢分明想呃d唔知可以order野食既人啦,真係好過分!一間餐廳連最基本既誠意都無..倒不如執左佢啦,我真係好失望!

開飯日期:2007年6月18日壽司任食價錢:每位HK$46 (我們是下午茶時段去的)評價:- 壽司飯團比一般的大35-40%, 料就比一般的小20-25%- 三文魚壽司唔新鮮，好難食- 蟹子沙律壽司的沙律醬太多，好油膩- order 蟹子壽司，就變了蝦子壽司- 芝麻八爪魚壽司淨係得隻芝麻八爪魚頭，冇左D爪???!!!- 任食壽司誤知點解冇餐牌，見到隔離人客order多春魚和炸魷魚壽司至識order- 等了10分鐘的多春魚和炸魷魚壽司以為會好好味，但係多春魚和炸魷魚是涷的，等了這麼久出來的食物原來是涷的---真耐人尋味***結論***每位HK$46好似好抵，但是只可選擇食壽司，壽司飯團又大，料又細，最重要係唔新鮮，唔好食，幾抵都假。去其他壽司店用$100齋食壽司以可以好好好滿足。

這間壽司在openrice備受劣評，一去之下發現我應該為它平反一下。我和朋友昨天中午去，總共吃了十八碟壽司：紅豆、粟米沙律、鰻魚、吞拿魚醬、魷魚、雜果沙律、三文魚、多春魚天婦羅、甜蛋、螺肉、熟蝦、黑橙黃蟹籽（吃過後覺得還是橙色最好吃，橙色吃了兩碟）、北寄貝、池魚和生蝦。還有很多款式我們都沒吃到就飽了，像蟹柳、八爪魚、腐皮、海哲、中華沙律、肉鬆等等，所以說這兒款式還挺多呀，雖然材料質素算不上好，例如我平時最愛吃的三文魚，吃過這裏的三文魚後沒有再多吃幾碟的慾望，但總不至於不能入口，飯也不是像有些人所謂很大舊，只是正常size。另外待應的服務也不像有些人所說那麼差劣，那兒的待應分兩種：師奶和妹妹，師奶笑容滿面又親切，妹妹雖比較心急，但態度也不算差。總的來說，食物和服務雖然普通，碟子和杯等都比較舊，但四十幾蚊的價錢，可以這樣任坐任食，我覺得還是超值的。你不會期望四十幾蚊可以吃到板前的質素吧？我覺得有些人可能吹毛求疵了。

我聖誕節去食..d野叫左超耐先到..到左,d飯又好散..食食下..見到隻黑影閃左過梨我嗰邊..好多人睇到係老鼠..隻野真係超大隻呀!!我地叫極都冇人理..d服務態度極差!!不過又真係幾平

新年前最後一日番學本身一班人諗住食椰林閣無位於是去隔離明將小女子唔食壽司好彩佢有set lunch照燒雞扒飯定食雞扒燒得唔太夠時間粟米沙律普通普通反而個miso soup 幾好跟餐仲有一碟三文魚生唔太食得生野於是同友人交換得來的芝麻八爪魚還可以友人的肥牛鍋太熟而且牛肉太太太太厚咬都咬唔開個鍋又無乜味$33 仲要再加一咁o既價錢真係o係長沙灣食稻葉亭好過

我同班朋友去過好幾次...其實呢間鋪頭唔係咁差姐...我尋日同朋友先去食完...果度d 侍應...有d好有d唔好...記得有1次遇到果個侍應...佢好好呀...佢好關注我地成班人...問我地要唔要落單...飽未呀果d 啦尋日去果次...係1點幾...唔算多人///有些空位咁啦...我就叫人落order啦點知果個女侍應...無咩耐性咁囉...問我講...青瓜小卷壽司要4、5點先有///我o 曬呀...咁就算數啦...我食左一個鐘之後...唔死心///就叫左第個女侍應...問佢有無青瓜小卷壽司啦...呢個女侍應...幾好...佢話幫我叫廚房整... =]所以...有時都要講運氣...如果你要落單，你揀個nice D既侍應呀...咁樣咪無事囉...果度既缺點就係D壽司大力夾就會散...其實輕手Ｄ夾咪無問題囉...坐卡座＆包廂會舒服好多...果度壽司位...好唔舒服ga,,,不過卡座要4個人先可以安排比你...2個人佢唔會比你架...有都只係拖延下拖延既姐...同埋...果度其實有好多野食架只要你識得叫侍應落單姐...唔洗加＄除非係飲品同埋拉麵、烏冬果d 就要加＄有炸魷魚壽司、有青瓜小卷、有鰻

前幾日比d朋友拉左去食明將諗住食中午啦去到冇咩人排隊又有大把位諗住4條友就叫佢比個卡位尼點知佢話卡位未開叫我地等下先(d聲氣勁串咁)我d 朋友又勁想食-.-" 唉咁一等就由1點等到2點個卡位係咪咁難開呀之後我見佢有個似老闆既人想問下佢卡位係咪唔鬼開架點知我地身後黎左一大班人之後佢就叫曬佢地入去卡位坐諗住佢地都入得我地咪入囉點知個老闆叫我地出返去等真係有冇搞錯呀你係唔想做生意呀人多就比佢入我地等左成個鐘都唔比入之後佢就比左個角落卡位比我地諗住終於有得食啦點知d伙計態度好到爆我地叫野食就好唔耐煩d壽司鬆散散咁-.-" 下次都唔會再幫襯

聽講好抵食~任食壽司...前幾日同fd試下~真係好抵既~~但壽司唔多令..d飯一夾即散..最重要..係暖架囉!!未見過sushi d飯係熱!!!d sashimi都ok既..食得既..唔fresh囉!!d wasabi唔得~但係幾污糟!!壽司碟蓋\係用完再用..見到有d殘..同埋有d有醬!!真係嚇親你~最好都係order囉!!想食多款sushi又平既就去啦~