昌記

營業中

休息中

呢度個多士好味就食過的都知, 真係好值得推介! 仲有牛肉, 雪菜都ok架, 都可以一試.其實香港的茶餐廳多之餘, 一般都冇服務可言, 但呢度的亞姐, 服務唔錯喎. 見我想食粉, 但又貪心想試吓多士, 便介鉊我吃午餐, 可以改多士...仲推介吓有咩好食. 唉! 一般的茶餐廳, 彩你都傻.

吋半厚既油沙厚多士，真係好厚好正！！第一次食咁厚既多士，好滿足！！外層脆，內裡軟，又唔會太甜，ｖｅｒｙ　ｇｄ！！！＄６好抵食！！熱奶茶＄１０，幾好飲，但唔係特別好飲。有個女人叫左個西多士，都係吋半厚！！估唔到西多士都有得吋半厚，睇到我流晒口水，有機會都想試下～～

其實想試呢度既厚多士好耐....之前2次突登由觀塘坐車黎跑馬地搵食...但係沿著黃泥涌道都唔見有街市..只係見到馬場...經過查詢之後...多謝kc兄無私既幫助...得知個市政大廈係係成和道...而唔係係黃泥涌道一去到2樓既熟食中心...結果比想像中乾淨(一直心目中既街市熟中心...係好似海防道德發果度禁既..而且呢度連冷氣都有...好!!)一坐低...叫左個特餐\\\(21蚊自選雙併面連野飲唔連多士)連多士果個係茶餐\\\ 不過茶餐\\\無得自選我要左沙嗲牛肉+抄蛋烏冬(烏冬要+2蚊) 餐\\\茶要熱奶茶散叫奶油厚多士(6蚊)先講個面...沙嗲牛肉出奇地好食...好有牛肉味...而且一舊一舊禁..唔似出面成pat野...抄蛋同烏冬都係無咩突別....另外個伴碟既菜都好好食..份量又多跟住到厚多士...其實未去之前都已經有心理準備係好厚..但係親眼見到...都o哂咀..眼都唔泛望住件多士幾秒..真係大得驚人....無叫油沙多...因為自製奶油沙多(自己落沙糖)一咬落去...哇!!!正到呢外脆內軟..而且塗得均勻..真係好食過勝香園...而家仲回味緊奶茶又係一流好滑奶味同茶味既比例岩岩好

香港地，茶餐廳如恆河沙數，當中有不少是茶檣。雖然數量多，但出色的，數數埋埋都無十間，昌記，絕對是其中的一間。好吃的除了是那個油沙厚多士，還有這裡的雪菜。下一場賽事要踢草地，成年無落過草，當然要操番兩課先，是日就在跑馬地草場操練，難得太座都有興趣來睇。操練完都三點幾，就一齊去吃東西，她想喝奶茶，就來了這裡。未吃午飯，就要了兩個茶餐，例牌一件油沙厚多士，兩杯茶走，一熱一凍，豬扒煎蛋公仔麵及餐肉雪菜肉絲米粉。油沙多寸半厚，一開四，厚厚的都幾夠睇頭，牛油加沙糖，又香又甜。個人而言不喜歡太厚的多士，因為多士不需要厚，好吃烘得透心就夠，所以一向都喜歡勝香園的多一點。不過太座未見過這麼厚的多士，吃得幾開心；這裡的雪菜是新鮮的，顏色翠綠，吃落爽脆，味道不會死鹹，絕非市面上的罐頭貨色可比，喜歡吃雪菜的，不可以錯過；太座的豬扒雖然是雪藏貨，沒有用化學品醃過，所以咬落較實。用上黑胡椒去醃，味道都不錯。一碗麵有三塊豬扒，夠晒份量。出前一丁當然有水準保證，米粉卻只是即食貨色，但我不喜歡吃湯通粉，沒有辦法。阿姐及阿叔招呼都好，服務很不錯的，以熟食市場的茶記來說，已算是超額完成。埋單45蚊，走了之後，計來計去都計不

平時去圖書館成日自己黎食,今日第一次同男朋友黎食除左厚多士係必食之外,當然要叫番我既至愛,雪菜丁面啦~呢到d雪菜係用新鮮貨,又爽又脆加上呢到不論叫飯or面都會附上幾塊椰菜,好健康至於男朋友叫左雙蛋牛面,雙蛋cover曬成碗面,好誇張雖然呢到d食物好平凡,但好味,繼續支持厚多士!!!

超級鍾意呢到d厚多士基本上我每次去中央圖書館都會搭丁丁黎食我覺得呢到d厚多士係無敵地,好味過勝香園不過食過咁多次,都試過1次失手,就係有次臨收工之前去食,d多士烘得唔夠脆,攪到我隔左一排唔敢黎食總之食多士首選地方我重鍾意食呢到d雪菜丁,因為d雪菜好新鮮諗起就想即刻去食d多士

又要去馬會講野，上次同類型場合，一個人蛇了出來昌記食多士，卻吃不到滿意的。耿耿於懷，事關Olivian說這裡的厚多士好過勝香園，一定要試過明白，所以是日就捨大會安排的下午茶自助餐，獨自走出來吃多士。三時未夠，這裡仍然多人。叫了油沙多加杯鴦走少甜，阿姐熱心的推介常餐仲抵食，所以又加了個豬扒煎雙蛋，變了個常餐。最後阿姐又說，其實要即食麵也可以，不過厚多士已經夠飽，加上下晝已吃迴轉壽司，所以就沒有叫。等左成五分鐘才有得吃，厚多士果然有睇頭，佢話寸半厚，但我看來，其實成兩寸厚，可以說是見過最厚的多士了。烘得四面皆脆，內裡麵包鬆軟，加埋面頭烘過的牛油加沙糖，又香又甜，果然好食又有水準。不過略嫌太過厚，其實薄一點會易吃一點，我覺得寸半是極限的了。不要少看這塊兩寸厚多士，其實幾飽肚的，食完其實等如平時的兩件至三件多士的份量；鴦走少甜，幾夠香濃，亦有水準；豬扒煎雙蛋就比較好油水一點，味道就一般，頂肚而已。不要看這裡是地痞茶檔，阿姐服務態度都好好，如佢主動幫我找個非路口位，驚整污糟我件西裝；又問我睇唔睇報紙，夠唔夠飽之類，同勝香園的阿姐一樣，實在令人有賓至如歸的感覺，值得一讚。埋單21蚊，經濟抵食，值得

放假第一日同兩個老友黎食早餐, 同老友食野, 唔駛客氣之餘更加唔駛避忌, 可以樣樣試下, 呢度o既奶茶夠香又有茶味, 如果唔夠喉, 可以叫杯大碼份量o既奶茶, 仲有呢度o既早餐通粉係用個湯碗黎裝, 份量不少,俾我食就可以分兩餐都夠飽, 除左新鮮雪菜, 居然仲可以食得返少時候成日食o既午餐肉味道, 依家隨處只可以食到d咸味物體, 呢度食到o既係絕版真正午餐肉味道, 仲用上孩童年代大大粒表面有坑紋o既通粉(呢句係老友講o既), 同時試埋厚薄多士各一, d多士烘得好均混, 四邊都烘好脆, 份厚多士差d仲厚過我平時著開o既高跟鞋, 表面香脆而中心部份仲非常軟熟, 今次特意前往一試, 都可說不枉此行。

今日下晝要出去講兩句，地點就在跑馬地附近的會所。呢類場合雖然有野食，但例必無啖好食，所以之前都係食少少野穩陣。記得Olivian讚過呢度的厚多士好過勝香園，所以就賣甩個同事來幫襯。午飯時段，成個熟食中心都好多人。米睇呢度只係大排檔，但招呼的幾位阿姐服務唔錯，雖然忙但都照顧周到，你講唔逐佢會答番「唔使唔該」，幾好。叫了啡走同奶油多，可能人多，都等左一陣。啡走唔錯，濃香又滑，幾有水準；等多一陣多士也來了，一看之下有少少失望，是薄薄的普通貨色，雖然是烘得香脆，但比起Olivian所登的那幅壯觀的厚多士，實在是差之千里。吃著薄多士，望左望右，也不見附近有厚多士出現；思前想後，極有可能是在落單時叫漏了個「厚」字，所以才來了這個普通貨色。可惜在講野前不想吃太多，如不是一定再叫看厚多士是不是正好多。埋單16蚊，價錢是其次，吃不到傳說中的出色厚多士，離開時是有點悵然若失的。

Kc一直都讚勝香園d多士正，毫無疑問我都好鍾意食勝香園d多士。但講都我心目中至愛都係呢間。基本上我每隔個零禮拜的星期六或日就一定o黎食。最愛係“油沙厚麥多”，即是麥包多士加牛油同沙糖，真係怕肥都要食，塊厚多士有成吋幾兩厚，佢真係烘得外脆內軟的，而牛油沙糖兩種混埋口咬好得意，就算淨要油多，都好食，佢d牛油我覺得有種好特別的香味，勝香園、蘭芳園、蘭香、表哥、檀島都冇得比。杯奶茶亦係我心目中首選，香濃茶味，亦勝以上幾間茶餐廳。除了多士奶茶外，佢d雪菜魚片通粉亦是我推介之一，雪菜顏色好綠又爽又脆，唔係罐頭雪菜；魚片再經炸油，所以又特別脆口；通粉大大粒有坑個隻，一般茶餐廳好難食到。

現在開始唔好星期日去，要為格離o個間唔開，搞到佢好多人幫陳，又無厚多士食，又等得耐，又容易落錯單，都係weekday去好d。

睇雜誌介紹，所以專程由荃灣去到跑馬地食，果然不枉此行。未食過咁厚的多士，有成吋幾兩吋厚，咬落去啖啖質感。另外，叫個茶餐係碎牛蛋通粉加奶茶只是21蚊，好大塊碎牛蛋蒲係面，而D通粉係大大粒個雙，不似一般茶餐廳o果D，杯奶茶好好味，好久都未飲過咁好飲，飲一杯都唔係幾夠喉。可惜咁遠啦，如果唔係可以常常幫襯。