昌記

營業中

休息中

昌記既賣點係多士超厚，有1.5 吋！麵包重有麥包同普通白麵包揀，大大塊只係賣$10 蚊，正！今次叫既係呢到出名既油沙麥，即係牛油加沙糖，麥包底。多士雖然好厚，不過能夠做到外面卜卜脆，裡面軟綿綿，正！要挑剔既係牛油同沙糖都唔夠多，不過為左健康，少d 都冇所謂啦。重有個奶茶一飲之下，嘩！好耐冇飲過奶茶咁有茶味，記憶中比蘭芳園重好！讚！呢間鋪出名既重有鮮雪菜肉絲通，不過上次冇試到。

我好鍾意食多士,見今日有機會,特登去試佢地既厚多!唔駛多講,真係外脆內軟,好正呀!仲叫左個雪菜肉絲米...好好味既雪菜,一點都唔油..份量夠又平...我有機會一定再去,而且服務好好呢!! 佢地好有禮貌,即使我係生客都比心機招呼...可惜我住得遠...如果唔係一定成日去吧! ^^

每次去完銅纙灣行街或唱K，都會特登搭電車去跑馬地，目的就係去食厚多.......佢\地的厚多好厚嫁，你個口細d都食唔到呀.......雖然佢\好厚，但佢\可以焗到外面脆，中間軟，勁呀...我每次都係叫油砂厚多，好好味呀......而佢\地的雪菜肉絲米，魚片米等等，都好好味嫁....又大碗，d料又多，好抵食..........我鍾意飲的茶走，黎道都沖得幾香滑，我鍾意，哈哈食完黎個餐\，飽到可以全日都唔食野啦.....黎到d阿姐服務幾好嫁，個阿叔都好好嫁.........佢\地笑容都唔錯.......值得讚下

同朋友3:00pm 食very late lunch... 0黎呢度主要為0左厚多士, 叫了個奶油厚多share, 另加雪菜肉絲米, 腸仔煎雙蛋公仔麵, 仲有凍同熱奶茶各一.我碗雪菜肉絲米入面d 雪菜原來係新鮮雪菜, 食落又爽又唔會過鹹, 好食! 米粉還好, 雖然口感唔及九龍城街市樂園0既出品, 但起碼唔會淥得過腍; 肉絲一般, 0鞋口, 味道我亦覺得鹹0左d.熱奶茶就幾香滑, 意料之內.朋友的腸仔煎雙蛋公仔麵, 兩隻蛋係煎得靚靚0既荷包蛋, 蛋黃係流質, 蛋白好滑而條邊就好脆, 好掂! 公仔麵係福麵, 食落爽口; 腸仔係"橫切", 煎得均勻, 賣相唔錯, 味道都幾好.奶油厚多士就真係好有"氣勢", 仲厚過我部數碼相機! 面頭幾脆, 中間就好軟, 都幾好食, 不過如果硬要同e.g. 勝香園比, 就梗係輸人幾條街啦.環境衛生以街市熟食中心0黎講算幾乾淨, 而且有冷氣又光猛, 算係咁; 招呼好好, 阿姐們有禮貌又友善.唔錯0既一檔0野... 會再0黎食雪菜肉絲! 唔知佢d 沙爹牛肉掂唔掂?

讀書的時候, 我住在跑馬地山光道,返學的時候, 爸爸每天都會去昌記飲奶茶,最喜歡食的是厚多士,自從搬遷後, 已好少去跑馬地, 因工作約了個客見面, 他是住跑馬地, 有時間食個早餐, 叫了一杯奶茶, 一件奶油厚多士, 段段小時候的回憶,深深的勾起,

讀書時就常幫襯昌記，自搬離跑馬地就沒來。今日再來回味，瘦瘦的阿姐還認得我，以往的凍央換上今日的鴛央走（少時不懂得叫「走」ie.加煉奶），還有油沙多，外脆內軟的，砂糖下得剛剛夠，半溶下還吃到一粒粒的砂糖。鴛央走自然是好，茶啡一半半，各不相讓，煉奶的甜膩把茶啡拉在一起，化不開。還記得以前常常吃它的黑椒汁餐旦飯，硬硬的飯配黑椒汁，一個人可食完一碟～（少女的胃口喎．．．）現在長大了不吃肉，有機會還是要來回味它的黑椒汁。

星期日去了昌記吃下午茶，叫了加央多同油砂多，超級正，多士有成吋半厚，新鮮熱辣，外脆内軟，加杯另檸蜜都係24蚊,Yummy Yummy!仲有伙記服務殷勤，笑容可加。

23/6(六) 2pm又到Beautiful Saturday,會合於銅鑼灣的男友,從鵝頸徒步到跑馬地,於超級風和日麗,陽光充沛的天氣下,男友邊走邊嘮叨:"又話好近!你又呃我!"察看他那汗珠滿盈,翳熱的面口,確實有點惹笑!(機靈的我當然雨傘常伴!)體力勞動半句鐘後,終於到達沙漠中之綠洲--昌記.市政大樓內的環境也稱得上整潔企理,地面乾爽,空調充足.二話不說要了油砂多$6,碎牛蛋治$12,雪菜肉絲米餐跟凍鴦多奶$19,凍檸茶$11.油砂多--那個厚度,那種鬆脆,一吃之下,讓人驚為天人!多士質地外脆內軟,具相當彈性,除牛油砂糖外,還塗上少量咖央醬,令多士增添椰香!碎牛蛋治烘底--男友寄予厚望的咸牛蛋治,賣相平庸;咸牛縱非上等貨,但炒蛋比想像中嫩滑,蛋香可更濃郁點;而薄身多士也不失香脆本色!雪菜肉絲米--雪菜是罕見的新鮮貨,吃落跟醃製的是兩碼子的事;至於肉絲也一絲不苟;肉質嫩口入味;新竹米粉幼滑如絲,口感一流!凍鴦多奶--香滑餘韻並存,卻就是討厭它多奶!凍檸茶少冰少甜--檸茶缺乏茶香,飲後挺涸喉的,不太滿意的檸茶!此外,阿姐的"劉華式"貼心服務也值得讚揚!讓人敬而仰之,值得老遠來光顧的一家好

乘看菲利浦七人賽之便,終有機會來到這個市政大廈,來個早餐.之前有人曾說過跑馬地街市的早餐,為上等人早餐,一個早餐索價比銅鑼灣更貴,不過這個早上在昌記.來一碗份量十足的沙爹牛肉,加雪菜肉絲通粉.再加杯熱奶茶,也只是$21.在跑馬地的消費指數,並不貴.奶茶味道比較甘,茶味略重.一看到檯上面的雜誌介紹,原來這個雪菜肉絲,蘇絲黃也曾經介紹,個心即刻涼了一截...幸好,雪菜真的是新鮮貨,吃落爽甜.而且還有水份.絕非罐頭貨可比.沙爹牛肉反而吃不出沙爹味,似是未免治的咸牛肉多一點.底下的通粉用"濕地tire".坊間很少地方用上質感更豐厚,吸味力強的坑紋通粉,比起用"光頭tire"的餐廳,來得更有誠意.如果比起外間$15一個公式化茶記早餐,價錢的確貴一點,但份量,味道,加上事後的滿足感,是那些茶記無法可比的.

酷熱警告之下無聊地走到跑馬地玩,第一時間走上熟食中心搵野食;一出lift口,另外檔主已經落力拉客,只有呢間昌記幾位阿哥阿姐無大反應,行到其檔口至招呼,真有你的!週末下午茶時間客人唔多,可以自佔四人座位,真好!阿姐埋黎介紹茶餐:"單拼可以有多士,雙拼食多士就要散叫"(收到!)最後決定豬扒麵+油沙厚多+凍奶茶。凍奶茶先到,份量算大杯,茶味一般及稍甜,而且落得花奶太多,飲起黎好立口!!個人唔太喜歡呢杯凍茶味道。等左起碼十分鐘以上,至見到豬扒麵芳蹤,福字麵耶!!!!好在無叫一丁,只要普通麵,原來普通麵=福麵,合我何車!福麵煮得剛好,真係彈牙哦,讚!豬扒帶點肥肉,所以食落較滑,用黑椒醃過,加上煎得金黃,味道唔錯。正在狼吞虎嚥美味福麵之時,油沙多送到,真係好厚但點解兩邊唔同色?!諗住食埋麵至享用甜多士,冷不防靚姐用其靚靚水晶甲敲我檯面講:多士要趁熱食,凍左就唔好食架!(哦!)名符其實厚多士,外脆內軟,麵包質感實淨,好得!沙糖加牛油雖然自己唔應該食,但其化學作用的確好正,成件多士甜甜地實在好味,再讚!服務方面,初期覺得靚姐語氣掘掘無乜禮貌,其實都係幾細心;另外有位阿姐禮貌唔錯,多謝前多謝後,在熟食中

見咁多食評都拎佢同勝香園比較, 我未試過勝記, 但今日黎試左個奶醬厚多士, $6 + 杏霜, $10, 前者完全滿足我呢個包痴, 果然係我食過最厚既麵包! 六蚊抵到! 杏霜夠哂味, 唔會淡淡既! 老公叫左個牛扒飯(黑椒汁) + 奶茶,$30 我試了一舊(共有三舊), 一般, 個汁分開上, 老公話辣辣地唔錯, 奶茶呢? 老公話唔係特別好飲, 不過就係正統港式既味道! 隔離仲有幾間...銖記..遲有機會再試lu!

專程來食多士，都幾好味，但無奶始終比較乾身。男友就叫了常餐，即是普通茶餐廳的雪菜餐肉公仔麵和飲品。

因有事要到養和，順道到此一試，可能因食評太好，試後實在有點失望！此處無早餐，只有常∕茶餐供應，任選兩款餸﹢麵、通、米，加茶∕啡，無飽或多土，盛惠＄22，（一丁、凍飲另加）．．．略貴！本想一試甚多好評的雪菜，但竟然九点未夠已賣晒？！預材料的師父真要炒魷！叫了火腿炒蛋丁﹢奶茶，火腿蛋ＯＫ，但丁麵煮得"淡茂茂"，奶茶水準亦只是一般，比起檀島、樂香園等輸成條街，甚至官塘英發亦及不上。整体來說只是一般！

今日又同男朋友去食厚多士，我地叫左奶醬多、奶油多及一杯涷奶茶。奶醬多($6)﹕正奶油多($6)﹕正涷奶茶($11)﹕正總之就係正啦，除左味道之外，呢到d阿姐仲正，服務態度好之餘，又鍾意同我仲有我男朋友吹下水、講下笑，次次嚟親呢到都好開心。

20060808 星期二是日下午到跑馬地拜完外婆和老媽和家妹一起到這裡試試吋半多糖和牛油夾出來的味道出奇地好除了勝香園的雜醬麥多這裡的吋半多也是必食之選魚片蛋治就一般再叫了兩杯凍奶茶也香滑可口下次來都係叫吋半多，$6一份真係平到笑還有女店員的服務態道也要一讚。走時在一條街之內又Maybach 62，又360，又430住跑馬地真係唔同點。