旺記冰室 (九龍中心大廈)

營業中

休息中

係樓上返工一直都有食開，係好食嘅，真心推薦個蕃茄通，但啲職員態度就好有問題啦。其實一年前左右已經比入面一個金毛長髮女職員鬧過。自己比錯外賣單我，然後話我唔講清楚，搞到佢收錯錢。其實一開始唔係我錯我都say咗sorry，但佢都係好悔氣，仲好大聲講咗句:「得得得，客人永遠是對的。」自問自己態度唔差，但佢啲態度都係差到嘔。因為有件咁嘅事發生我都冇再去過至少半年，但佢個通粉係真係好食，所以冇個嗰女人之後我都會去買返。但好可惜今日又嚟🙂👍🏻今日打咗電話外賣自取，好清楚電話係個講野唔正嘅女人接，好清楚聽到尖沙咀旺記，叫咗餐肉通粉，有埋電話record。落到去收銀都係個位講唔正嘅女人，但佢話堅持話冇呢張單，堅持冇接過，一句sorry都冇，講到係我自己神經錯亂咁。真係好嬲，幾好食都好，我唔會再去，已經叫咗同事都唔會再食。

避雨行左入黎，覺得環境幾舒服就坐低左。見佢menu都比一般茶餐廳多嘢揀，有好幾款特別嘅飯同麵餐，睇落幾靚。我揀咗小確幸洋蔥汁雜扒飯，轉黑椒鮮茄汁。雜扒有雞扒豬扒，同炒蛋，雞扒嫩滑，豬扒多汁，仲有沙律菜伴碟，沙律菜新鮮爽脆，配芝麻醬。黑椒鮮茄汁濃厚，有蕃茄蓉同大量黑椒粒，好惹味。野飲叫左鮮薑汁奶茶。侍應將杯奶茶捧過嚟果陣已經聞到好香嘅薑汁味，飲落喉嚨有啲辣辣地，真係鮮薑汁先有嘅，奶茶茶底夠濃，同薑汁有幾襯。

相比舊式茶餐廳琳瑯滿目的餐牌，這裏貴精不貴多，主打他們自己的專長，就是滑蛋飯。有鮮蝦，牛肉，或者叉燒。不過叉燒好容易賣完！我見到有牛肉鮮蝦滑蛋飯！好正，岩岩兩種都想嘗一口，便叫了。有樣嘢好欣賞，就係熱飲種類好多，有杏仁茶，有很多其他......我加了四元點了一個未試過的愛爾蘭咖啡，睇下同平時啲即磨咖啡有咩唔同，有咩分别。先上咖啡，第一口普通，有泡沫，少少苦，好特别，建議落半包黃糖吊吊味，第二啖發現口腔竟出現淡淡的......酒精味？！！我諗咗陣，覺得嗰陣餘韻係似是伏特加，去老蘭嗰啲shot 的烈酒味，很淡，但的確有。為免誤導open rice 的讀者，我決定上網查下，原來我的懷疑無錯：愛爾蘭咖啡（愛爾蘭語：Caifé Gaelach，英語：Irish coffee）是一種雞尾酒，以熱咖啡、愛爾蘭威士忌、糖混合攪拌而成，最後加上一層奶油，於Joseph Sheridan在1940年代發明。幾好飲，可以一試。最後嗰飯就係無得輸，滑蛋上有甜鼓油，同嫩滑牛肉片好夾，蝦仁，蝦仁好爽滑。雙重口感，兩種享受。P.S. 環境好舒服，餐具有布巾蓋上，乾淨衛生。

兩點半先在尖沙咀做完嘢，諗住去旺記食下午茶，疫症前呢間餐廳排隊起碼要半小時，現在無哂國內客大把位自家製叉燒日本滑蛋飯：蛋炒得好滑，配叉燒一流，加埋甜豉油配飯，三兩下已見碟底了（其實飯真係少，唔夠食😅）爽口蝦仁日本滑蛋飯：蝦🦐夠大隻，而且爽口，不過無味道，大而唔好食；蛋就當然滑嫩無異議，相比蝦的份量就好少午餐來說真係細碟，飯少餸多，飯唔夠送餸，奇怪！少食多滋味，睇怕晏點要食下午茶。杯凍飲檸檬茶（+$2）隻杯好似熱飲杯咁細，想要平時茶餐廳那個size要+$4，心想其實幾搵笨，不過下次我會要加大凍檸茶，因為真係唔夠飲😅

好似好耐無食常餐了今日要出尖沙咀就揀了呢間旺記冰室見到佢D食評都幾好應該唔會伏吧....兩點三去到好快有位不過我地入座後未到三點下午茶時間就望到有幾堆人排緊隊了今日揀左鮮忌廉雞湯鮑魚火腿絲米粉餐加鮮忌廉雞湯鮑魚火腿絲出前一丁餐跟餐有份炒蛋多士個旦係堅好滑我本身唔係特別好炒旦但都覺得呢個好味鍾意食炒蛋的人唔好錯過呀(餐牌話係4.3牛奶炒日本滑旦)至於個忌廉湯粉呢可能我轉左米粉就唔係咁索湯食唔到個湯底味道但我飲左兩啖湯底其實唔淡的味道OK架下次要叫番通粉連埋D湯一齊食就PERFECT喇朋友轉左出前一丁侍應會問湯要番忌廉湯定要麻油一丁湯多士就正常啦食完先望到原來可以加錢轉柚子醋沙律下次可以試下反正我麻麻地包

之前疫情高峰期時！有時都會光顧尼間餐廳！因它的環境算企理今天本地零感染！終於可以去尖沙咀血拼順便嚟尼渡歎個茶餐啦有通粉+多士+日本蛋+熱飲最平都只係$38不過如果午餐肉係即叫即炸會好啲！

幫襯過幾次旺記，食物係OK，性價比都可以，不過次次服務態度都刷新新下線。一次係下午茶時間無人等位時，死都要我三個人座卡位嘅一邊，我地唔想，服務員就黑口黑面，去過幾次，點都要比服務員串幾次。食物係算好食，值得試，但唔想因為服務激親的話，就最好外賣啦。

本身想食做嘢特餐。不過佢今日賣晒食返佢嘅招牌滑蛋叉燒飯。我杯凍檸茶少甜簡簡單單又一餐👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻值得推介

旺記冰室有幾間分間，今次係第二次食，都覺得滑蛋飯真係幾唔錯。晚市6點左右去食個early dinner，但點知最出名個叉燒滑蛋飯已經冇咗，叉燒已經賣晒。於是今次就食蝦仁滑蛋飯。果然都係分量十足，滿滿嘅滑蛋充滿着成個飯，目測起碼都有五六隻蛋係入面，好嫩滑，完全唔需要經過咀嚼，就可以吞落去。蝦有6隻，都唔算細隻，咬落去都幾爽脆，唔會overcook。成個飯再加埋香蔥同豉油，味道豐富。但略嫌豉油太多，令到個飯有啲鹹。

旺記冰室係近年香港冒起而且口碑不俗的茶餐廳， 餐室內的裝修風格較貼近時下年輕人的小清新， 有美麗輕鬆的本地插畫， 以及香港地圖， 營造一種輕微和可愛的懷舊感覺。那天大約六時， 我去旺記冰室試一試他們的晚飯。 說實話， 他們餐牌上的選擇看上去並不多， 主要是晚餐下午茶和早餐三大類， 而且部分重複。 但這樣更令我好奇， 因為通常食物的質素會隨著餐牌的款式的減少而提高， 因為廚師有更多精力集中在他們的招牌菜式。(師父告訴我晚上只剩下牛肉)。 不論如何， 這次我決定點一客雜扒餐。這喀什扒餐是肉醬汁豬扒配雞扒， 還有兩條白色的香草腸仔， 有沙律伴菜， 餐飲方面我點了薑汁奶茶， 因為那是特飲， 另外加四蚊， 所以總數六十六元。首先我不得不說， 即使在這種非常普遍的雜扒餐， 這所茶餐廳在細節方面還是拿捏得非常仔細。 沙律並不是純粹普通 把生菜洗完便上碟， 有些餐廳根本不會期望客人吃伴菜。 但這間茶餐廳的沙律我留意到， 上面還是輕輕的灑了一些沙律醋， 吃上去更加清新可口。豬扒方面， 廚師已經為客人切開了合適的份量， 不是切斷， 只是輕輕割開了口， 好讓客人可以更方便進食。 豬扒的口感鬆軟， 但也帶有一

星期日來到位於尖沙咀的旺記冰室。因為疫情關係，看似客人不算很多，不過也屬於十分正常。旺記冰室以茶餐廳主食為主，有下午茶亦有晚餐。小編到店時大約6時，就下午茶和晚餐都可以點。因為太肚餓的關係，所以叫了一個蝦仁滑蛋飯。(順便一提:當天店鋪說差燒、特飲全部都無，有D可惜)。滑蛋飯來到後，蛋十分滑嫩，可惜豉油有點多，蝦有6隻，雖講不上新觧，但也不錯吃。如果有機會試試差燒滑蛋相信會更好。飲品方面，叫了個凍朱古力，可惜有點過甜。

坊間各式各樣嘅冰室真係令人花多眼亂😵😎有時會覺得成條街開咁多間做乜🤣咪又係冰室一間但今次放假去到尖沙咀就誤打誤撞去咗呢一間冰室食早餐😆✌🏻真心覺得食物出色有下次👍🏼🥰特濃蕃茄湯午餐肉粒通粉配奶油豬首先常餐其中一樣最重要就係滑蛋😍呢間嘅滑蛋真心出色🍳👍🏼滑得嚟唔會老😆最重要有蛋味特濃蕃茄湯午餐肉粒通粉同樣出色茄湯解味突出👍🏼每一啖都飲足料到茄蓉，加上大大粒午餐肉粒😎真係好邪惡✨食後食埋個熱辣辣嘅奶油豬真係滿足哂✨

一場嚟到尖沙咀 買個外賣返屋企慢慢歎亞士厘道盡頭有間叫旺記冰室佢哋個蝦仁炒蛋好出名今次我就叫咗個 雙拼 蝦仁炒蛋拼牛肉首先一定要讚佢個牛肉 牛肉好滑 咬落好有牛肉味煙煙韌韌 拍得住 和牛水準蝦仁大大粒 海蝦的質數 爽口彈牙 蝦肉紮實個炒蛋同樣有水準 日本溫泉蛋 配上北海道牛乳 炒蛋滑溜溜用來說送飯就最啱 配上日本甜豉油 一啖 回味最後叫多一杯透心涼的凍檸茶凍檸茶都好有質素 總共有四片檸檬用上新奇士檸檬 絕對冇hea場服務員服務水準優質值得推介

同我哋傳統式嘅滑蛋蝦仁飯唔同， 佢就好似而家新式嘅冰室咁， 參考咗日本嘅蛋包飯做法， 賣相方面更加整齊同美觀。 啲蝦人都好大粒， 雖然得嗰六隻唔係好夠我食😂😂除咗蝦同蛋之外， 佢亦都撈少少類似甜豉油咁嘅醬汁， 我個人嚟講就唔係太喜歡嗰個醬汁嘅配搭， 因為啲蝦同啲蛋好甜美， 但配咗啲豉油好似有少少苦苦地嘅感覺， 好似突然間響欣賞蝦同蛋甜美嘅享受之間抽離咗出嚟， 有少少嘅苦澀味。 不過呢啲都好個人， 我有啲朋友就話加咗豉油好正， 所以都冇話呢啲好定唔好。價錢就普普通通啦， 都50蚊一碟囉， 不過如果你肚餓都夠飽嘅。

張相入面有塊多士， 不過影相之前畀我食咗😂😂😂佢下午茶呢個餐， 最令我驚喜嘅係佢個通粉嘅口感同質地， 佢揀嘅呢隻通粉呢個質地厚少少， 而佢又唔會煮得好冧， 但係你咬落去唔好覺得硬， 而係有啲彈牙嘅感覺， 好好食， 加埋隻通粉有啲好明顯嘅坑紋嘅質感， 你條你會感受到粒通粉有啲紋路， 口感上更加出色。 個蕃茄湯汁就冇得彈！！另外響午餐肉方面都有花啲心思， 一般我哋食午餐肉係一片片， 呢間餐廳係一粒粒， 咬落去個肉感強啲， 最搞笑嘅係佢會炸過啲午餐肉， 所以嗰啲一粒粒嘅午餐肉塊皮係脆， 要我形容嘅話， 望落去似我哋平時酒樓食嗰啲燒豬， 嗰啲切成方塊粒嗰啲燒肉。隻滑蛋都係好好食冇得彈， 特別你係鍾意食嗰啲唔係全熟嘅蛋， 佢啲蛋汁仲有 喺表面