旺角海鮮菜館

營業中

休息中

今晚同老公去花墟買富貴竹，打算佈置一下屋企，準備過新年。周圍買嘢買到夜左先醒起未食飯，剛好見到一間旺角海鮮菜館，門口菜牌寫住有消夜套餐，食物都好豐富，老公話食海鮮做消夜！好啊！不防試吓！菜館擺設像酒樓格局，老闆娘招呼週到，入座後立刻送上熱茶和前菜。消夜套餐有三款選擇，我們選了龍蝦套餐，煮法亦有得選擇，上湯/芝士焗，或黑胡椒/白胡椒粉絲煲。我們選擇後者，用砂鍋盛載上枱，熱騰騰份量不少，龍蝦只波士頓龍蝦，肉質鮮美彈牙，食得出是生猛龍蝦，黑胡椒味香帶點辣，粉絲吸收醬汁和龍蝦的精華，爽口又惹味！旺角六小福，六選二：白灼鮮魷魚，魷魚介花賣相不錯，灼得熟度剛剛好，加左豉油熟油，口感爽脆很好味！白灼海哲頭，加埋雞絲用特製醬汁調味，味道帶少許辣又爽口。招牌炒靚蜆，做法三選一，豉椒炒靚蜆：蜆大隻炒得夠穫氣，蜆肉鮮甜冇沙，豉椒汁調得夠味又惹味。粥粉麵四選一，懷舊泥猛粥：粥底綿滑，泥猛已去骨拆肉，味道鮮甜，加有果皮絲增加香味！新鮮菠蘿咕嚕肉：見到有咕嚕嚕肉，到來試試！咕嚕肉外脆肉嫩，酸甜醬汁調得味道剛剛好。菠蘿用新鮮的，特別美味！旺角豉油皇炒麵：上枱時熱騰騰，香噴噴！炒得夠穫氣，麵加有銀芽和韭菜炒，爽口彈牙

旺角海鮮菜館，宵夜套餐有龍蝦食！龍蝦餐$398，二人食絕對夠飽！龍蝦可以上湯焗、芝士焗或者白胡椒粉絲煲，我見白胡椒粉絲煲比較少見，就揀左呢個，果然有驚喜，粉絲煲非常入味！精華全在粉絲內，好香又帶微辣。白灼韭菜花及魷魚，韭菜花好嫩好甜，魷魚算鮮味，如果用鮮魷會更好。油鹽水浸蜆，蜆肉夠大隻，亦算鮮甜。沙田雞粥，二人食，每人一大碗，非常飽肚，雞肉都算滑，粥底份量夠晒多。另外加點：椒絲腐乳唐生菜（$78），腐乳味比椒絲味重，怕辣者都可以食。

喺旺角搵宵夜，好多間餐廳都關門了，幸好俾我哋發現在旺角道的旺角海鮮菜館，有宵夜餐提供，二話不說入去醫肚。宵夜餐餐牌「旺角夜消磨超值套餐」有三個價錢選擇，仲有四款菜式，夠晒吸引！先來了「旺角六小福」中的小食頭盤， 分別白灼鮮豬脷及鮮粉腸，配上佢哋特製嘅椒絲豉油，我最喜歡的鮮豬脷肉質夠晒鮮嫩。「豉椒炒靚蜆」每一隻蜆肉都有我手指公咁大隻，一食落去就食到廚師炒嗰種鑊氣，蜆肉相當鮮甜爽口，再加埋特製嘅豉椒汁，很惹味。「避風塘炒辣蟹」大大隻既越南大青蟹炒得好香，但係仍然掩蓋不到辣蟹嘅鮮味， 蟹蓋有很多膏，蟹身啖啖肉， 蟹腳亦都很鮮甜。除此之外，配料嘅蔥同埋蒜蓉炸得非常脆卜卜可口，好似食緊薯片咁，惹味可口。還有「經典燒鴨河」每人一碗，河粉很柔滑，最重要是燒鴨有鴨味，肉質很林很新鮮，食完大感滿足！最後甜品就係「南瓜🎃梳夫厘」喂呢一餐豐富滿足的宵夜餐畫上句號。

食西餐, 打邊爐打得多, 間唔時都會好想叫餸食飯, 一道靚小菜加碗白飯, 已經可以令人好滿足。上網搵下有咩小菜好食, 見到旺角海鮮菜館, 記得有印象見過佢門面, 因為有種舊式小菜館味道,  又見評價不錯, 就一於去食碗飯。餐廳唔算大,  但係好企理而且放既枱其實唔多, 所以感覺又唔會迫狹, 反而有種隱世餐館既感覺。店員殷勤問我地要咩茶後好快就放低小食花生同茶, 係傳統中菜館既鹽味花生D! 依度有套餐,  以海鮮為主, 一心黎食海鮮既話係抵食既, 不過第一次黎又都有D我地想食既野套餐冇既, 所以今次散叫住小試牛刀先白灼菲菜花白灼菲菜花好少餐廳有得食啦, 見到即刻叫一個, 加埋少少豉油嫩又香。旺角避風塘炒蜆蜆肉大隻肥美, 又難得地唔會甩哂殼, 避風塘辣汁香辣惹味, 仲炒得仲幾有鑊氣添薑蔥桶蠔成晚最中意既一道菜, 桶蠔冇欺場超大隻又厚身, 送上枱時仲係渣渣聲, 我梗係趁佢渣渣聲炒多兩炒, 香味即刻湧上黎! 桶蠔表面有焦香味, 蠔味鮮美, 加上薑蔥既香氣同石鍋既鑊氣, 我比滿分!花膠蒸肉餅肉餅札實有口感唔會鬆鬆散散, 用左花膠粒所以食落多左咬口, 佢冇落到豉油, 望落好似好清淡但其實本身個肉味

年近歲晚，又係一大班同事搵地方做冬嘅時候，今次同事揀咗旺角海鮮菜館食海鮮！地點就腳，就喺旺角火車站下面，去邊都咁方便！門口大大個魚缸，好多生猛嘅海鮮游嚟游去！近期餐廳做緊推廣，價錢都係套餐形式，劃一收費，同事覺得呢個收費模式會比較好，明碼實價！點了一個孖寶套餐$888套餐有兩隻巨型賴尿蝦，蟶子皇，扇貝，鮑魚等等，全部都係喺魚缸即攞上嚟，非常新鮮。賴尿蝦份量十足，炸得通透，很夠火喉，肉實彈牙！蟶子皇很爽口，扇貝鮑魚鮮味十足！旺角吊燒雞$148店長極力推介，招牌菜之一，雞皮做得很脆，雞肉嫩滑，比起很多大酒樓出色！咕嚕肉$118炸得香脆，火候十足，送飯一流！最美還有芋頭西米露附送，大滿足😊今次同事冇介紹錯，除咗明碼實價外，做法亦火候十足，店長服務亦很好，以後都不用老遠走入西貢屯門食海鮮了😁😁

今日同同事開工開到好夜，諗住食埋個宵夜先返屋企，見到呢間旺角海鮮菜館，有宵夜套餐價錢都有幾平所以入去試吓。宵夜套餐有三款可以揀 ，龍蝦粉絲先398 ,不過朋友想食賴尿蝦所以我哋就叫咗賴尿蝦套餐。套餐包括下面嘅嘢食椒鹽賴尿蝦賴尿蝦非常之大隻，用咗椒鹽落去炸，外面脆脆地，鹹鹹香香辣辣，配上賴尿蝦本身嘅肉質鮮甜，仲要幾結實，最估唔到兩隻其中一隻有膏，正呀。平時食嘅賴尿蝦非常之細，食落都唔夠喉，今次大大隻又鮮甜，正。另外有兩個兩盤，揀咗白灼粉腸，別有風味

好友準備榮升老闆，當然要賀賀佢拉🤩🤩大家都鍾意食海鮮🦞搜尋之下見到這家位於旺角洗衣街的海鮮菜館 推介米芝蓮班底，餐館裏邊有漁缸，真係看得到的新鮮🤩🤩地方非常就腳👍👍仲有不少套餐，孖寶三寶⋯⋯裝修地方企理，干淨，醫護服務好周到，做為我地介紹今天的生猛海鮮👍👍最愛椒鹽賴尿蝦，點左$888套餐，椒鹽賴尿蝦、扇貝、聖子皇、各兩隻🤩🤩爽呀！椒鹽賴尿蝦大大隻，爽口彈牙，椒鹽烹調也不會蓋過鮮甜味，火候拿捏得剛剛好，蝦殻炸得脆卜卜，蝦肉卻能保持水份，真係由心滿足🤩🤩😝😝🥰🥰果皮蒸鮑魚，同樣大隻，食得出用上靚果皮，非常爽口，一點也不靭👍👍蒜蓉粉絲蒸扇貝，蒜香撲鼻，火候剛剛好，扇貝嫩嫩的，要分幾口😂😂豉椒聖子王，嘩，入口爽脆，很細心，剪開幾段，方便食👍忍不住叫碗飯，真的很惹味！西蘭花鮮尤，很大碟，＄118 這個價錢真心化算😬😬鮮尤份量多，新鮮我們即是海鮮控也是食肉獸😂😂😂😂招牌吊燒雞 脂肪少皮脆肉滑，不愧為招牌菜😝😝菠蘿咕嚕肉，用上新鮮菠蘿，酸酸甜甜很開胃呢👍👍避風塘系列也是他們的招牌菜，避風塘炒蜆，惹味唔大辣！☺☺太滿足啦！估唔到旺角這麼方便的地區也能食吃到如此豐富地道的海鮮，最後還送了糖水給我們，超級

今晚宵夜時段去咗旺角海鮮菜館食宵夜套餐， 喺餐廳見到呢間係咪芝蓮推介所以我都有啲期望！ 當然你唔好無我失望。見到有個宵夜menu套餐好抵食我就叫咗一份避風塘炒蟹，還有幾款唔同做法，還有黑胡椒白胡椒做法，都相當吸引！叫咗698蚊宵夜套餐包一份解兩份小菜一個豉椒炒蜆同埋叫咗份豉油王炒麵！先食海蜇頭同埋魷魚感覺非常唔錯魷魚非常爽彈 口感一流！豉椒炒蜆一啲沙都冇姐姐炒得非常入味唔會過鹹味道啱啱好。炒麵份量非常足夠唔會過份油膩 炒得鑊氣好好我非常欣賞。最後主菜避風塘炒蟹， 餐廳用咗越南青蟹，所以肉質非常嫩滑！ 而且避風塘嘅做法非常惹未，鹹香味十足，感覺一流！整體嚟講七百蚊食餐飯，感覺非常滿足非常推介大家

與大哥自私聖誕吃海鮮店家鄰近旺角東站，又近弼街門外已經看到魚缸的海鮮游來游去，非常生猛想不到店內的裝修如此貴氣格局與大酒樓差不多可惜只有幾圍枱，需要事先訂枱我們叫了最抵吃的「旺角夜消磨超值套餐」要晚上9:15後才可以點選了越南大青蟹套餐 - $698因為我兩不太吃辣，故選了薑蔥廚師建議用少少黑胡椒炒，果然沒有介紹錯，早知直接選黑胡椒更加惹味青蟹最正的是巨大的蟹箝，極其厚肉很正肉質有點水潤的，又帶點清香和甜絲絲的味道白灼鮮魷魚鮮甜彈牙，也可蘸調配好的辣椒豉油白灼海蜇頭切成條狀的海蜇頭，條條晶瑩剔透入口爽口無渣溝拌些少雞肉、麻油和芝麻，香氣無比油鹽水浸蜆蜆洗得乾乾淨淨，不帶一點沙蜆在雞湯下更顯得鮮甜底部很多粉絲，盡吸精華，鹹鮮清香經典燒鴨河想不到會每人一碗火力控制得均勻，鴨皮色澤金黃，皮質爽脆入味而肉質結實而不韌，是好鴨子河粉亦吸收清甜的大地魚湯傳統杏汁花膠燉豬肺 - $68滋潤養顏首選，平常家中不會煮，工序多又繁複，因豬肺非常難處理杏汁芳香撲鼻，暖入心扉以燉湯作為結尾最為圓滿

久聞這間米芝蓮菜館，剛好在旺角睇完戲未食飯，就來試一試。而且9：15後的宵夜套餐十分抵！兩個人$398（未計茶芥）就食到龍蝦！套餐點了油鹽水浸蜆，豉油皇炒面，白楜椒龍蝦粉絲煲！每道菜都非常出色，尤其龍蝦粉絲，粉絲底索晒精華，回味無窮！

多次想光顧此菜館，今日終於有機會跟一班好友前來慶祝我的生日，太感謝了🙏🏼菜館不是太大，怪不得上次我想book 20位被婉拒了。檯與檯之間空間比較狹窄，見到侍應捧著餸菜走來走去都有點膽戰心驚。一看餐牌，感覺菜式跟尖沙咀興記近似，都有六小福 - 豬粉腸、豬肚、豬脷、海蜇、韮菜花、魷魚。味道比較淡，沒有鮮味，豬內臟做得比較實，不彈牙。上湯龍蝦：味道不錯，龍蝦新鮮，肉質鮮嫩，如果加上伊麵底仲正，我們後悔沒有加上，浪費了鮮美的上湯。薑蔥粉絲龍蝦：都是龍蝦但另一種做法，粉絲滲透豉油汁很是惹味，肉質同樣鮮嫩。炸子雞：侍應一寫單就推介這雞，但真心唔知為何值得推介。雞除了乾外，肉質帶鞋沒彈性又沒味道，根本就是冰鮮雞，幸好只點了半隻。豉汁炒蜆：味道不錯，蜆新鮮但卻有沙，美中不足。杏汁豬肺湯：杏仁味濃，不過全湯偏淡，豬肺是完全無味的。但可以肯定的是不含味精。小炒王：韮菜鮮嫩，味道濃郁，配料尚算豐富，幾惹味。蒜蓉粉絲蒸扇貝：扇貝新鮮但細隻，蒜蓉粉絲味道一般。啫啫通菜煲：沒有驚喜亦沒有失望，中規中矩吧！豉油王炒麵：配料不多，麵炒得惹味但超鹹，師傅落鹽太重手了。泥鯭粥：真不錯，泥鯭新鮮，肉質鮮美，粥底綿綿，鹹度剛

<海鮮好食 服務勁差 係甘催你食野😡😡>唔太想詳細甘講 簡單講就係 呢間都叫老字號， 價錢唔平 閒閒地500 蚊以上落樓 海鮮真係整得幾好食 , 但佢地服務好有問題 野食上得快唔緊要 但不停勁密雜式收碟催你走甘 ! 😡 我冇誇張 . 我肯定平均每2至3 分鐘 就有唔同 staff 收一次碟 平均我食一舊肉 個碟得一個海鮮殼佢又要黎收碟 ! 另外 一碟餸 得番兩舊肉 我鍾意幾時食埋佢係我既自由 不停催迫你 <食埋佢夾埋佢！> 想點樣？ 😡 我飲罐裝啤酒 你就成兩三次 拎起我罐啤酒 睇下飲完未 你地 d staff 係咪short左呀？最無禮貌 係我食緊野剝緊龍蝦殼時 你格硬伸隻手係中間係都要換個碟？ 如果唔係我屋企人喺度 我實大聲鬧爆你地 知唔知乜野叫禮貌？ 7點2 至至7點10 收左成10 幾次碟 . 係甘催你食埋佢 . 餐飯都唔平 最尾每人600 幾蚊 都係致在一家人食下飯即 你整得幾好食 都俾你地催到背脊骨落 la ! 我一定唔會再食 同埋會宣揚你地餐廳既服務出去 永冇下次 !!! P.s我覺得好失望 明明整得甘好食 但甘既服務 不如個廚

一家人食晚飯或者同親戚食飯，通常都會揀中菜，不過中菜價錢其實好多都唔平，而且未必好食。旺角海鮮菜館其實好多朋友推仲過，呢間菜館好老字號、雖然環境比較舊，但係食物有質素。今次我哋叫咗好多海鮮，有推薦嘅龍蝦絲煲。蝦粉絲煲非常之入味，而且粉絲份量都好多，好好食好香呀！龍蝦都非常之新鮮！另外仲叫咗蒜蓉蒸扇貝，上面勁多蒜蓉同埋蔥，食落去好香，仲有粉絲喺面。唔少得叫鮑魚，鮑魚都幾大隻，而且新鮮爽口，呢度啲海鮮真係唔錯。

親友回港，過境性質只留一晚，住喺旺角某酒店，希望喺旺角食飯聚一聚。喺 openrice 見此飯館好評之多，又近東鐵站，故且試一試。點知中伏，所有出品全部都鹹到無朋友。本想再加餸，都被大伙兒反對。最後，也是全晚最欣賞嘅係一大鍋粥同兩碗白飯。

星期五晩揾個#宵夜 食吓😋呢間#旺角海鮮菜館 都唔錯有#宵夜餐 幾抵食份量都唔少#龍蝦餐 $398有2個#小食海哲頭#白灼豬肚1個#油鹽水煮蜆1個#龍蝦粉絲煲仲有碟#豉油皇炒麵話就話二人餐但我4個人都夠食🙊起初諗住個龍蝦粉絲煲只想食粉絲但估唔到隻龍蝦都唔差喎算#好味 D肉都彈牙個#炒麵 簡直 #出色 好鬼香我地仲加左碟#椒絲腐乳通菜 炒出嚟好有鑊氣有D大排檔風味不過呢間嘢好細間同D#啤酒 有D貴