旦王

營業中

休息中

旦王 is a street food stall located on Bute Street in Mong Kok. Their singature dish is rated by Weekend Weekly Magazine in 2016 as THE BEST Chongqing Sour and Spicy Noodles in Hong Kong!The base price for the noodle is $26. You are given the option for additional toppings ranging from $8-$12 each, and you can also select between the five levels of spicyness.$26 Sour and Spicy Noodle + $12 Japanese Fat Beef topping, medium spice level. The soup base brewed in the traditional Chongqing style is a d

其實我好多年前已好喜歡食呢間酸辣粉。旦王。佢係一間立食酸辣粉店。佢冇位畀你坐的,你可以叫外賣,亦可以買完食物後,去佢地相連的舖位,會有一d位置畀你企喺度食。除了酸辣粉, 佢仲有各式各樣的小食。你叫酸辣粉時,都可以加錢加餸。呢日我叫左酸辣粉 小辣, 加魚皮餃。酸辣粉 ($26)酸辣粉一碗$26,另外加左$10要魚皮餃。魚皮餃有4粒,略貴, 但味道唔錯。呢度酸辣粉好出色,多年來我都好喜歡食。之前有雜誌做全港酸辣粉比拼,佢都係第一的呀!!!佢d薯粉煙韌有咬口,湯底夠酸。佢仲有榨菜芫西花生同肉碎, 份量仲要都幾多!一d都唔孤寒!如果佢唔係立食,係可以好好地坐喺度食,我諗我平時食飯會多d來食

呢間旦王真係由我中學開始食，食到宜家27都仲食緊。當年只係12蚊，宜家已經加價加到26蚊，但仍然不變既係佢既味道。比起其他我係香港試過既酸辣粉，呢間暫時真係最出色！唯一可能要挑剔既可能係油左少少，但基本上其他地方都做得好好。又足料，肉碎，芫茜，榨菜，花生都好夠，啲蕃薯粉口感係最無得彈既，每次我去都係煮得岩岩好。因為地方細，只能立食，食碗又麻又酸既粉，夏天真係會有啲辛苦既。但無論點樣，我都會幫襯。因為...我真係好中意食酸辣粉

這間位於太子的旦王小食店，由佢開業無耐食到現在已經有很多年了!他們的酸辣粉一直都係我的最愛!每次經過這裡不論咩時間，午餐、晚餐、宵夜，我都買一碗黎食，甚至會外賣返屋企食!這裡的酸辣粉辣度可自己揀，因為我唔算係好食得辣，所以每次都只係叫小辣，但因為佢個湯麻同酸都好出，所以每次都食得過癮!出面其他的酸辣粉都暫時比不上。而薯粉亦不會好淋，有適量的咬口!他們的配料絕不吝嗇，花生、炸菜、芫茜、炸醬每次都會有好多!基本上唔需要再加其他餸都已經好飽!另外如果一碗唔夠可以叫加底，加底之後份量超多，足夠飽整個下午!不過如果係佢地到食記得唔好著白色衫，因為一定會彈到!

旦王係我的最愛！！之從同事知道我中意食酸辣粉！就介紹左我去食旦王，點知道一試就愛上左。只要經過旺角都會去買一碗食，過下癮。門口大大個招牌好易認，其實位置就花園街中間的那條小巷。 酸辣粉彈牙易咬，痲，辣香，一應俱全！係我暫時食過最好味的酸辣粉。配菜方面有：肉碎，芫茜，同酸菜。 老闆唔會慳住！！每次都比好多，好足料，所以我每次都不用再加餸。 原來之前 都有介紹過，仲要係第一位！除做酸辣粉之外，仲有其他小食的！例如：魚蛋，牛雜等等！可以立食或者外賣。 

一經過太子/旺角都必定會去旦王買一碗酸辣粉！因爲真係太好味啦。旦王是沒有座位提供的，如果想食的話就要外賣或者立食，立食的位置有冷氣的，都不用擔心食到身水身汗！之前都有比新假期話係做好味的酸辣粉。我通常吃小辣，酸辣粉好香，而且酸辣的分量好好，唔會互相搶左大家的味道！旦王落配菜一點都不手軟！芫茜，肉碎，榨菜全部都大大份放落去，好像不用錢的樣子，毫不吝嗇，吃每一口都有配菜，口感極好。酸辣粉Q彈，都都容易咬開。

「掃街」係香港人必定會做嘅活動之一，一邊行街一邊食香地道小食，你都咪唔爽😁！講到香港地道小食，點可以唔提魚蛋、燒賣、雞蛋仔、夾餅呢🤗？旦王嘅魚蛋係有咬勁嘅陳皮魚蛋，唔單止有彈牙，而且仲好掛汁、好入味😊！佢地仲有賣懷舊豬腸粉，食落有米香，而且好軟滑，加埋混醬，正啊！韮菜豬紅蘿蔔都係我嘅至愛之一，豬紅唔會一夾即散，反而帶有少少彈牙，用辣湯煮到入曬味，真係忍唔住口一啖接一啖😋！佢地最特別嘅仲有即整麻辣燙、酸辣粉。你仲可因個人口味揀：多麻、多酸、多辣🤣。

其實食咗好多年旦王最鍾意嘅當然係佢嘅酸辣粉啦當小天后仲係肥妹仔嘅時候爸爸就係成日都買酸辣粉做宵夜俾我食所以係由以前＄15碗就開始食起.講真果句覺得以前濃味啲好食啲不過依家湯底清左覺得食完冇咁口渴感覺健康好多.不過佢哋嘅辣度依然無變老闆嘅態度都保持超nice☺️而小天后依然食超辣😌☝🏻.買完再喺隔離買多個椰皇一啖酸辣粉一啖椰子水☺️.就係呢種單純嘅快樂自己一個人食都好開心

在旺角掃街想又快又平靚正，這間酸辣粉是我的最愛。試過不少店，這間比其他地方好食得多。每次經過聞到香味都會好想食。配料有炸菜/花生/莞茜/肉碎等等，給得大方。我通常會加點肥牛，貪佢同麻辣湯底夠夾。叫了小辣，覺得辣度剛好，太辣失了平衡，其他味無掟企。（本人平日是譚仔五小辣level)湯底惹味，香酸麻辣集於一身，重口味偏咸；花椒味濃，正合愛重麻口味的我；紅薯粉煙韌入味，份量不算好多但小女生夠飽。-30蚊左右，好味又不浪費時間；兼有冷氣比客人在店內立食；如果可以加幾張小高腳椅會更好啦。

好耐無食過了，今日經過旦王，又想起酸辣粉既味道忍唔住買左碗黎食甘耐無食，但味道無變過叫左個酸辣粉，中辣，分湯，走花生我建議分湯係最好既選擇，我會少少地將薯粉放入湯中食，又唔使驚索晒D湯因為個湯真係好好味，又酸又辣又香，會不竟不覺飲晒D湯，每一啖都有肉碎伴住，好好食叫阿姐多D芫茜，毫不吝嗇，比好多哈哈，好正！！係我心目中，酸辣粉就係旦王最好食

#double_港式#double_旺角.【#🍋👧🏻 獨食系列之旺角】終極一擊💡💡💡仲以為系傷心酸辣粉就錯啦😎去旺角點可以吾食旦王❗️肉碎 芫茜等配料 出手闊綽🤩麻得剛剛好 不過較重口味🤪覺得咸嘅話 去隔離買椰汁大王就更加perfect池啦💯💯💯💸$25.食左咁多野反工都寧舍有動力😤下次獨食邊個地方好呢 有無提議啊？🤣.#double_酸 #double_咸 #double_辣.#酸辣粉#芫荽#肉碎#花生#榨菜#麻辣#酸辣#紅薯粉#重口味#旺角#四川#重慶#川味

其實食咗好多年旦王最鍾意嘅當然係佢嘅酸辣粉啦當小天后仲係肥妹仔嘅時候爸爸就係成日都買酸辣粉做宵夜俾我食所以係由以前＄15碗就開始食起講真果句覺得以前濃味啲好食啲不過依家湯底清左覺得食完冇咁口渴感覺健康好多不過佢哋嘅辣度依然無改變老闆嘅態度亦都保持超nice😍而小天后依然係食超辣😌加韭菜同牛肉有時會叫埋豬大腸🤓買完再喺隔離買多杯椰汁 一啖酸辣粉一啖椰汁☺️有種好純樸嘅快樂 自己一個人食都好開心😀

去開旺角, 幫襯下酸辣粉, 碗粉入面有花生, 酸菜, 仲鋪滿肉碎, 睇見都食指大動, 鍾意食辣嘅朋友可以要大辣, 唔食得辣就走辣, ㄧ樣咁好味, 間舖細細地, 無座位提供, 只可以企係度食, 都係ㄧ種風味。

耐唔耐經過太子，都會心思思走過黎旦王食吓呢到的味精食物，每次食完都會勁口乾，就知道味精落得幾重手吓，但係呢到的酸辣粉又的確幾惹味，麻，香，酸，辣都有齊食開辣粉，都會食多兩串豆卜，索哂的咖哩汁既辣，又係唔錯既選擇最後呢個泡椒鴨腎，唔好睇佢清清地，其實又係惹味野黎，吊出到小小既鹹辣味，鴨腎都爽口，食落都唔錯明知呢到賣的野又味精又唔健康，但耐唔耐食一次都其實係幾過癮既係立食地方搬左細舖而家有的逼

喺朋友介紹下得知<<旦王>>既酸辣粉好出名，經過花園街買嘢就決定一試！嚟到都夜晚九點幾都有幾個人等緊，大部分人都喺嚟買佢既酸辣粉或者麻辣燙，朋友話酸辣粉正，就試下佢先喇！酸辣粉有得揀辣度，因為唔算太食得辣所以都只喺叫左微辣，店員會問你需唔需要走啲配菜，不過我自己就全部都要喇。呢間舖好在隔離有一個舖位喺專喺度俾客人企喺度食嘢，有高枱可以放嘢食。呢隻酸辣粉既辣比較多喺麻辣，反而辣真喺比較少，食左幾啖成個口已經麻晒，要抖吓再食，但真喺好味！