旦王

營業中

休息中

鐘意食酸辣粉一定有聽過旦！王！係關注組幾乎每日都會睇到有人食同介紹，小妹都忍吾住了🤩終於試咗🤩吾叫餸$30有找❗️❐ 酸辣粉加韭菜餃同魚皮餃🍜小辣 $50評分 ▮ ▮ ▮ ▮ ▮ ▮ ▮ ▮ ▮ ▯ 💁🏻‍♀️推介❗⟰ 酸辣粉粗度正常，煙韌有口感又唔會韌到咬唔斷好似橡筋咁💫⟰ 每條酸辣粉極入味整體吾算油💥⟰湯底開胃最出色係嗰隻酸味唔度度都食到，易入口得黎係食完會啖啖回酸個隻好特別💦吾怪得知✨人人食人人推介✨平時怕酸建議可以叫小酸配中辣🌶🌶⟰ 韭菜餃🥬大大隻好驚喜係人手包既，餡料勁多韭菜好香而且入面d肉好鮮嫩又多汁💦⟰ 魚皮餃🐟最怕一咬落去成口油，內餡料彈牙而且冇油膩嘅感覺好味❗️🍚推介指數☻ ☻ ☻ ☻ ☻ ☻ ☻ ☻ ☻ ☹ (10為最高)

花園街已經少咗好多小食舖，喺弼街只係見到呢間小食就試呢度嘅魚蛋，買咗20蚊一碗，14粒。見到好多人都要酸辣粉，但我今次唔肚餓所以就淨係食魚蛋。魚蛋好香嘅陳皮味，咬落去好牙，都好滿意。汁就係好香嘅咖哩汁，阿姐仲話唔夠可再加汁。

呢幾日天氣凍咗,放午飯時間走去買碗酸辣粉食吓,今次叫咗碗小辣,湯底惹味,麻、辣味夠香,薯粉煙韌彈牙,配料也十分豐富有肉碎、酸菜、花生、香蔥、芫茜,同薯粉一齊食好美味

因為自己本身好鐘意食辣，所以成日都會食酸辣粉，食過啲地方好多都係得辣椒油既辣味，無酸辣粉個種又麻又酸嘅感覺～但呢間真係我所食過全香港最正宗嘅酸辣粉，仲可以request多榨菜！如果鐘意食酸辣粉嘅你食完呢間真係番唔到轉頭呀！

我本身已經住附近，係熟客，疫情尼段時間無去到，之前叫韮菜豬紅大腸，已經好少大腸，尼次竟然仲少，中指長小小，碗野數埋得6舊大腸，我問店員，你唔係呀嘛，俾咁少，距地話已經多，笑死我，話老闆規定！我每次都係叫一個大的，真係叫個細的都係咁多。我係熟客，以後唔會再係！36蚊已經貴啦，仲要俾咁少客人！大家真係無幫襯！咁噶老闆教D員工咁做！其實無心做就真係無做啦！連熟客都要走，味道正常啦，但你收咁噶價錢，俾番相當份量啦，唔知以為大腸好貴！員工仲大條道理話自己已經俾多，大碗都得6舊，咁細碗尼？真係想笑死人！以後唔幫襯！等關門！

點左三拼，腸粉燒賣魚蛋不過不失。燒賣好似換左批次，因為不似以前煙靱果種好味燒賣。另外點左泡椒雞腳，成碗野有泡椒同大量蒜但偏偏無鹹味，啲雞腳是bb腳黎，仲要勁臭既雞味，一份$21，食左少少就掉了，可想然之有幾差。食黎純粹for生存用。

一直都鍾意食呢間嘅酸辣粉記憶中呢間舖頭喺太子至少都有10年八載好多年前喺荃灣都有一間分店但後來冇再經營， 太子呢間舖頭好似一直都係做立食雖然大熱天嘅時候要企喺度食真係幾熱幾辛苦下，但係同啲朋友仔諗唔到食咩或者自己一個人時耐唔耐都會想食，暫時喺其他地方仲未食到如此惹味的酸辣粉雖然地點唔算就腳都會專登行過嚟食酸辣粉亦都由以前$20左右加價到而家$28但係都依然吸引好多人幫襯可見佢嘅味道係幾咁特別 而喺某雜誌酸辣粉大比拼之中佢亦都係最高分味道多年來都冇咩點變過雖然係油咗少少。哈哈同埋預咗食完一定會好口乾記得一定要帶紙巾同埋唔好着白色衫如果唔係啲汁會彈到件衫。酸辣粉叫咗個小辣配料充足再加上啲肉碎。芫荽花生等，好正好香^_^而且我鍾意食佢呢度嘅薯粉好煙韌。煮得啱啱好其實佢呢度嘅韭菜豬紅蘿蔔都好好食㗎不過今次得一個人所以冇叫到燒賣就每次都一定叫佢有專屬嘅調味料咖喱汁/沙嗲汁正一包檸檬茶$8大包滿足， 希望一直保持質素

世間美食何其多 但係只會有其中一啲 你係會想一食再食 同埋隔一排無食就會心癢癢💙.旦王嘅酸辣粉(HK$27; 加餸每款HK$8-HK$12)絕對係我離唔開嘅美食之一 由佢得一間細舖 做到租埋隔離做立食 再賣到越黎越貴 我都一直支持住佢🤣🤣🤣 因爲佢酸辣粉湯底嘅調味比例 粉嘅煙韌程度 都係其他店舖比唔上的🤤🤤🤤.推薦配餸：豆卜 魚蛋 蘿蔔(要睇時節) 牛百葉 魷魚 腸仔.辣度就睇你食得幾辣啦 我會選中辣或大辣(FYI我譚仔食中辣) 隻辣會令你食過返尋味🔥

本人已食這間超過6年 雖然並不是經常食，但一直有keep食。由於不太食到辣一直只限於微辣至小辣，平時都會覺得好辣。但今日叫左碗微辣酸辣粉食，又油又不辣，成碗嘢得個油字，食唔到落口。。係我太耐冇食依家嘅酸辣粉興甘油定我黑仔。

太子地頭蟲既我，旦王一定係最常去的店子之一，由細路時候食到我現在中年時候，旦王都係太子弼街旺場的店子。招牌的重慶酸辣粉，非常惹味，我有曾經懷疑過佢 D味粉有落大麻，會令人上癮。今次我下單叫了招牌重慶酸辣粉加豆卜，重慶酸辣粉如常保持非常惹味，另外豆卜入哂酸辣味，吾食得辣既朋友就吾好使。因為是2人來，另外下單叫了腸粉燒賣，燒賣水準就不過不失，腸粉就比我想像中好味，基本醬料齊全。每次食完酸辣粉一定會好口渴，冇辦法，碗酸辣粉味精一定多，所以今次去左對面幸福堂買左杯純茶黎解渴，5星的酸辣粉配上5星的飲品，爆讚

如果唔係飲左杯幸福堂，飽晒~~應該都想試下它既酸辣粉，感覺會幾好味!!!!咖哩魚蛋，麻辣魚蛋，燒賣，每樣買左一串食，可能仲早啱啱開舖，所以咖喱同麻辣魚蛋都唔係好入味，但係都幾好味，話晒係陳皮魚蛋喎!!!我幾喜歡個麻辣，烓燒賣點番個咖哩麻辣汁都非常好味~~

屹立 弼街多年的旦王，每次惠顧都不會令人失望，落單買了酸辣粉，魚蛋，燒賣， 豆卜，酸辣粉如平常一樣，越吃越好味，始祖重慶酸辣粉，魚蛋是細粒陳皮魚蛋，Q彈入味，燒賣和豆卜都很出色，食完會令人上癮，但食後很是口渴，望一望對面，去買番杯幸福堂既珍珠奶茶先

这家酸辣粉 之前我吃过几次 和我老公一起的 没什么问题 上次我自己去吃 找钱的时候老板看了我一眼 当时就觉得那一眼有点怪怪的 我也没多想 等我回到家看到老板找给我的是泰铢 当成港币十块找给我了 因为我跟他讲的是普通话！他觉得我是游客 不认识港币才这么做的！有这样的素质低下的生意人 这个店用材料的品质不会好到哪里去的！！！很难想象 都这个年代了 香港居然还有这种生意人存在 不诚信 恶意欺骗顾客 如果说推荐 还是他家对面的真知味的鱼皮饺 鱼肉烧卖比较好吃 这家店赶紧倒闭吧

第一次試佢, 其實唔係畀佢嘅賣相吸引. 係因為見到阮小儀同金剛張相, 佢哋食得開一定覺得好食. 一間舖頭售賣嘅嘢食唔算多亦都地方唔大, 但係佢間舖頭隔離就有幾張枱畀你立食. 咁辛苦我都係買番外賣返屋企食, 今次嗌咗中辣, 首先講一講個湯底先, 湯裏面有啲豬肉碎芫茜花生榨菜, 仲有一層好厚嘅辣油, 酸就好似落咗陳醋一樣, 其實一般嚟講都會上癮. 至於紅薯粉方面, 唔知點解佢啲紅薯粉好鬼滑同埋煙韌. 分量一般, 27蚊嘅價錢可以接受.

每次諗起想食酸辣粉。都第ㄧ時間走去位於花園街呢間小食店。雖然站著吃。但依然會上左瘾甘幚襯。一碗好既酸辣粉在乎於湯底的味道。而旦王呢間絶對成功。麻辣夠麻。酸味夠酸。。超级正宗。仲混埋大量配菜。加埋肉碎混合ㄧ起。簡直愈食愈上瘾。連湯底都飮埋。試過你就知。