旦王

營業中

休息中

旦王嘅酸辣粉真係無敵好食, 天氣一凍就大排多龍QQ彈彈嘅薯粉, 配塔旦王嘅秘製湯汁, 酸酸辣辣, 惹味又香口配料揀三種可以以優惠價配酸辣粉, 外賣反office食就啱曬啦大食妹今日突然好想食超唔健康嘅加工野豬柳大大塊,有少少過咸, 但一次食過夠本芝士腸係經典嘅脆皮腸, 咬開芝士即刻流出黎, 份量都幾多仲有鮮味嘅魚皮餃, 肥妹仔最愛

係旺角鬧市見到長長既人龍 原來係排緊酸辣粉關注組大推既旦王🍜叫左碗小辣酸辣粉 肥腸 蘿蔔 牛柏葉 湯底酸酸辣辣好開胃 面層有厚厚既紅油 湯底偏鹹 食完都有啲渴 平時去譚仔食三小辣 旦王叫小辣都略嫌辣得唔夠爽🫣 薯粉口感煙韌 略嫌淋左少少 配料仲有肉碎 榨菜 花生 配料份量偏少🥹 必食肥腸 口感特別 肥而不膩 新鮮爽口 乾淨冇臭味 蘿蔔超級索味 牛柏葉爽口掛湯 吸哂湯底既精華🫡堂食只有企位 枱面唔太乾淨 要靠大家自律啦～ 但有冷氣呢一點 都夠哂滿足 唔洗食到出哂汗🥹 依個價錢食到一碗算正宗既重慶酸辣粉都算幾抵～ 下次癮起既話 都會Encore 🤩

呢排見好多人講👀經過又食下先 都好多年冇食啦以前食好似$20-25🤣🤣現在已經$29（但都仍然抵食）薯粉份量多 仲有肉碎 芫茜 炸菜 花生🥜我走左花生）有立食位 即買即食 薯粉口感軟糯 小辣都已經好過癮！行過都可以支持下👍📍旦王📌旺角弼街72號地舖

自從食過旦王 其他酸辣麵再也睇不上眼每次食都覺得係人間美味 極力推介‼️已經幫襯了好多年 極力推介‼️💗.🐈.𝙎𝙪𝙢𝙢𝙖𝙧𝙮人間美味 全香港最好食嘅酸辣粉🤩🌶️立食嘅話 環境好一般 比較污糟同少清潔抹台建議外賣返屋企食 浸得耐啲仲好味～外賣仲熱辣辣 食得過癮 冇得頂👍🏻👍🏻👍🏻.🐈.🌟酸辣粉 - $27配香料 醋 肉碎 花生 炸菜等 可另加配料.湯底好夠味 又酸又辣 （個人認為比譚仔辣）推薦配料：金針菇 芝士腸 墨魚 豬腸尤其係豬腸 口感特別 新鮮爽口 令人想食完一舊又一舊🤤

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥📍旦王全港最好食嘅酸辣粉❤️次次買都大排長龍～食開小辣嘅我覺得味道好夠，夠曬辣🤣啲薯粉滲透曬湯底嘅味道，配料則有肉碎、榨菜、花生。呢間調配十分出色麻度、酸度和辣度都可以自己揀。

一向都鍾意食米線、酸辣粉～經過旺角梗係要試吓呢間正宗重慶酸辣粉咩時間都有人排隊～正宗重慶酸辣粉冇幾間～就試吓你幾正宗先叫咗碗正宗重慶酸辣粉少辣加豬紅～份量唔算多細細一碗～有：榨菜絲、花生粒、辣肉碎、芫荽～加咗四、五樣調料一齊～好適合我口味酸辣到啱啱好～又酸又辣好惹味～薯粉吸收左湯嘅味好好味～一份豬紅有五大嚿都幾抵食～可能吸收左D湯味～同個酸辣粉好夾依間湯底幾好味都算幾正宗～唔怪之成日都有人排隊買啦

已經食過旦王無數次，今次都係第一次寫食評。因為好早嚟到，12點前得我同三個客左右，我嚟旦王每次都係食3個餸：肥腸、蘿蔔、牛栢葉，酸辣粉要麻辣大辣，今次有吸收谷友意見、叫左加酸。餸既水準唔會有分別，因為基本上次次嚟食都係咁正！雖然要成$8-10一個餸，但佢既餸真係足料同好食，我覺得值。湯底今次反而俾唔足大辣我，有啲失望，但加左酸的確更加正同埋味覺既衝擊大左！最後，想講一講遮遮們既態度，我自己唔係太著重，始終都係外賣為主，唔受氣就ok。係旦王忙既時候食過，唔忙既時候都食過，發覺遮遮們真係…唔太focus，無咩客既時候都會重複問我要咩辣、要咩餸，最後都係煮唔岩辣度，因為個個都係度傾住計寫粉。如果叔叔係度就反而無呢個問題⋯雖然係咁，但我仍然好鍾意食旦王！希望遮遮可以有番啲改善，做嘢時專心啲喇

有一台客要2碗麵4個姐姐系到執呢樣個樣4個吾知系到忙乜，又系到玩！我地魚蛋隊個邊排晒隊無人理，條隊又亂真系頂吾順，走左希望老闆正視下員工既工作效率同責任真系好趕客。。。

自從食過呢間酸辣粉之後, 再無食過其他酸辣粉係好味過佢, 不過呢間店只有企位, 無坐位, 只可以外賣又或者企係度食, 呢間店我最鐘意嘅配菜就係魚蛋同豬腸, 蘿蔔幾乎係每次必點, 佢嘅魚蛋係陳皮魚蛋 , 豬皮中間係無通乾淨, 係有好多脂肪嘅. 蘿蔔真係超級入味, 諗起都口水直流上一次係叔叔整嘅酸辣粉真係比較好食, 今次係姐姐整, 雖然都唔錯但就有高低之分, 希望下一次黎買外賣會係叔叔整~

呢間舖頭相當多人我一直都知去到條隊亂曬籠 我已經問定前面嘅人係買咩咁嚟排隊歷盡千辛萬苦終於到我嘅時候，隔離突然間出現咗一個凶神惡煞嘅肥大叔嗰下我就心諗唔係咁都要畀人插隊下嘛已經即刻叫前面嗰位姐姐幫手同阿姐講定先阿姐聽完當冇聽到都算一見佢畀嘢食我前面嗰個姐姐咁我就梗係嗌嘢食啦，個阿姐又當聽唔到之後隔離個肥大叔又即刻大大聲開口叫野食個啊姐就即刻旭手整佢啲嘢食咁我一睇就即刻扯火大聲咁同佢講我個魚肉湯到底整咗未呢個阿姐竟然同我講叫我排隊仲話係個阿叔嚟先嬲到我癡線好彩排我前面嗰啲人 個個都開聲幫我同阿姐對質個阿姐見個個都幫我就話咁你而家仲食唔食呀呢間舖頭態度咁好真係搵鬼幫襯仲要間舖頭入面一啲都唔乾淨

朋友推介一間佢細個就食開既酸辣粉果然無介紹錯我叫左普通酸辣粉無加配料但麵既份量都算多 仲有肉碎花生 走左青酸同辣味都適中依加天氣咁熱 好彩舖頭隔離有間房仔雖然得企位 但入面有冷氣 可以好舒適咁食辣野 唔使食到出哂汗👍🏼

At this eatery, they use only chenpi fish balls which I love. They have a few seats around the corner for customers to eat in.The mala fish balls were very flavorful, of course full of MSG too lol. Fair price. $20 for a bowl. Perfect snack to nibble on, ideally with beer from a convenience store nearby! The faux shark’s fin soup was also very rich with lots of meat and black fungus inside.

今日經過，外賣返公司同同事一齊品嘗每兩星期就想食一次旦王每人叫既餤都唔同，雖然只有3個人食，但佢地啲肥腸實在太好食，所以專登叫咗碗淨肥腸蘿白豬紅，大家一齊share我都係照舊中辣多酸叫咗3個餸: 蘿白+生菜+肥腸蘿白+生菜 索晒啲湯肥腸份量都好多今日只叫了3個餸，雖然有時買旦王叫得多餸，埋單接近$80 一碗，但佢地餸既份量足而且最緊要多酸夠辣，最重要係佢地保持到水準，唔會一時好食，一時唔好食，同埋好夠味，但食完又唔會好口渴

又去咗旦王買外賣估唔到夏天都咁多人食酸辣粉，呢幾次買都要等，勁多人排隊，今次都等咗20分鐘不過等都值得既，因為真係未搵到好味過佢既酸辣粉又叫咗好多餸生菜+芝士腸+蘿蔔+肥腸中辣多酸，我就走芫茜 走榨菜同走蔥佢地比肉碎好豪爽最正係啲薯粉索晒啲湯入晒味，唔少得生菜同蘿蔔又係索晒啲湯入晒味，而且每次都真係做到中辣多酸，好正當然，黎到旦王必叫肥腸，佢地啲肥腸份量好足，而且好乾淨無臭味，最緊要係好有口感整體依然會再黎，味道好，而且餸既份量真係足，成碗野夠味但食完又唔會口渴

食過旦王好多次 真係好好味😋食完佢哋嘅酸辣粉真係唔會想食其他嘅酸辣粉🍽今日又叫咗好多餸😂韭菜餃+肥腸+蘿蔔+芝士腸+生菜韭菜餃係佢哋自己包，皮薄餡靚肥腸每一次都一定要叫，食落淡淡油脂，非常滿足蘿蔔同生菜就索晒酸辣啲湯每一次都要叫中辣多酸🍽佢哋宜家好多人幫襯，成日都要排10幾廿個先到，食過好多間酸辣粉，有啲可能第一次食好好味，第二次食就失晒水準，但佢哋唔會，保持水準好難得雖然我叫好多送一碗都可能要$70-80，不過食過就知道其實一啲都唔貴，濃郁得來又唔會過鹹