旦王

營業中

休息中

終於搵到我係深圳食酸辣粉的味道了!!!!! 薯粉比深圳的還要好....粉的質感很QQ呀~~一碗$14,貴了些,不過很好味,還可以選大,中小辣....初次嘗試,選擇了中辣走蔥他們還租了隔離店給堂食...不過只有企位,幸好冷氣夠凍....不用回味著深圳了~~現在香港也可以吃到了.....

今日特登走到太子...為吃一碗酸辣粉~!我可以講, 呢碗簡直係全HK最好食嘅酸辣粉,仲好味過北上東門!!!!!十幾蚊一碗嘅街頭小食,可能各位讀者會覺得我好似吹水咁,但大家只要試過就知道,我同BB一人食完一碗,隔多兩個鐘, 臨走,都再返去一人食多一碗!!!因為真係好好味, 正~!~仲要邊食邊歎冷氣

早於店舖一年多前開張時已經被旦王呢個名深深吸引。竟然有人夠膽以魚旦稱王。食過魚旦後果然名副其實，當時嘅魚旦口感實在，並唔會好似坊間咁粉，而且辣汁味道夠香夠辣。但其後店家推出重慶酸辣粉令我更著迷。一年以來無論天氣熱還是凍都影響唔到我對佢嘅支持。近期更加上癮地一個星期最少一碗。酸辣粉($14)以紅薯粉作主打，比平時食開嘅稍租，口感更好，店家整得非常煙韌。而湯底以豬骨湯加上各式香料，最後配料根據客人要求而加上芫茜，花生及榨菜。最後加上少許肉碎入口香辣，麻，酸，百感交雜，小弟特別喜愛小辣多麻。紅薯粉煙韌嘅口感令掛上麻辣嘅湯料停留喺嘴邊更加令人感到過癮。食完後成身汗，嘴唇上麻辣嘅感覺不停跳動，令人好有衝動再來一碗。p.s.店舖內不設座位,但另有一個舖位比人『立食』

約左朋友食飯...又好肚餓...唔想食太多野...經過旦王....聽朋友講....賣魚旦賣到出哂名...就試下啦~~~waaaaaaaa 我好鐘意食辣, 佢既然係辣辣, 豉油任加...... 一d都唔孤hon 呀~我只係叫左魚旦同燒賣, 由於一個人食, 影唔到相....講左燒賣先...$6蚊4粒...同平時食既好特別....佢入面全部都係魚肉...我100%肯定..因為我太愛食燒賣啦~ $6蚊4粒, 價錢係貴左d~~~不過夠大粒同足料...再講魚旦...佢$6有10粒, 魚旦真係好彈牙呀....平時食開既唔夠辣,, 呢間夠哂之餘...唔夠仲可以再加tim ar...整體講 100分....佢用料好好...唔會比d平貨人....下次會再食...一經過都會再食...不過真係好想試下佢個酸辣粉....

中學時代北上很喜歡到深圳東門食重慶酸辣粉,但現在要工作!很小時間會北上 剛好想起在花園街附近有間跟深圳食的味道差不多的酸辣粉,朋友食過都讚好~哈哈!自己唔係好食得太辣...但係又鐘意食辣! 矛盾 所以要小辣!紅薯粉,配料有莧茜,花生,炸菜,等等~最喜歡紅薯粉的煙煙韌韌,可惜自己胃不太好,不能食太多和經常食...辣到嘴唇都發震刺激刺激!一邊食粉一邊喝椰汁降辣! 十分好的配搭

其實我唔係好食得辣~~~買番屋企同阿媽2份吃~~所以我要個小辣~伙計超級好人~我又叫少d芫茜多d榨菜~佢都唔會話黑面或嫌我煩~~~~回到仍然熱熱地~~一打開已聞到香味四溢，佢個紅薯粉好滑好煙韌，湯底先酸後辣，好香嘅花椒同保寧醋味道在舌頭盤旋著~~雖然d眼淚係咁飆~不過好鍾意果份麻辣感~

好爽.食酸辣粉食到身水身汗,但我個人認為太麻,食到冇哂味覺= =不過整體黎講very good呀~同班fds食到上癮.去親mk都要食下但係夏天企係出面食既就會好熱!多d企位就好d同埋有陣d呀姐都幾惡下-.-

同妹妹去街，雖然旦王係深水埗開左新分店有得坐但由於地點唔近，所以我地都係選擇反太子的分店立食因為學生們都開始放假的關係所以都多左人食，等候的時間都長左同妹妹一人一碗，2碗都係小辣走花生粉的量好似少左D，而且未煮淋不過榨菜就有好多都唔錯今次的油量比較多所以身體有少少不適

在花園街與弼街之間的"旦王",本來賣開魚蛋燒賣,後來連酸辣粉也賣,結果率先跑出,配角搶去主角風頭,有些朋友吃罷之後,更說是全港最好的酸辣粉.與包括龍火兄在內的幾位朋友,晚飯過後當然意猶未盡,大家來到太子一帶,便想起這一間酸辣粉,見大家也未試過,便走過來試試,這間賣魚蛋變成日賣八百碗的酸辣粉.只見辣度方面有五隻辣椒,應該是有五個級別,我比較保險,來個小辣,其他朋友便要中辣.$13一碗也是經濟價錢.當酸辣粉奉上給我,便拿到隔離舖立食.材料有紅薯粉,莧茜,炸菜,花生等等.小辣之級別,對我來說已是很刺激,湯底帶有麻香,酸度則不算強,辣度強勁,如果是大辣,心想吃不到一半已支持不住.紅薯粉爽滑,索汁力強,將所有精華級收.連著花生,榨菜一同吃,很爽的說.在持續低溫天氣之下,來一碗酸辣粉,即刻有如慾火焚身,整個人慶恰恰.其他朋友的中辣,賣相明顯比我的小辣,色水更為火紅.他們說吃出個甜味,有點意外.酸辣粉之後不能忘本,友人再買來旦王的魚蛋,燒賣,只見魚蛋細小如鵪春蛋,入口彈力不足,肉質有點散,醬汁亦不甚刺激,幸好其配角酸辣粉大紅,否則這般水準的魚蛋,很難令人吃到一再回頭光顧,燒賣沒有吃,不能評價.不過同

聽說旦王有酸辣粉, 經過見人不多就試試, $13一碗在香港算平. 叫了小辣. 看見個哥仔放了些香料和辣油, 紅薯粉都是煮好再即叫即放進滾水弄熱. 每次兩碗很快手. 旁邊有空位有檯可以站著吃, 不然都不想叫了. 吃了幾口才想起照相. 味道不錯, 有麻有辣, 花生很香, 一點也不腍, 薯粉也有咬口, 個人偏好酸一點, 這碗感覺甜了點. 下次值得再試.

　　下午經過旦王，門口有幾個人在排酸辣粉，我也有想試試，就要了一個小辣的酸辣粉來吃。像這種小吃店通常都要站在店門口吃的，但它在隔壁闢了一個小房間出來讓人可以在裡面吃，特別在冬天，就不用在寒風中吃東西，蠻貼心的，但小房間裡的清潔好像做的不太好。　　　　好像這兩年酸辣粉也沒加過價，所以十三元我覺得蠻便宜的。我叫的是小辣，可能是我吃不起太辣的東西，吃下去第一口就覺得喉嚨有一點嗆到，嘴裡的辣味開始從舌頭擴散到整個口腔都是，我突然醒悟，知道為什麼在小房間吃酸辣粉的人旁邊都有一杯旦王的椰汁，原來小辣的辣可一點都不小。吃到一半就開始流鼻水，我也加入了房間裡面一路吃一路吸鼻水的人其中之一。吃的時候辣的感覺會時常嗆到喉嚨，感覺是”很辣椒”的辣，很有”重慶辣”的味道。吃完整碗酸辣粉覺得身體整個熱了起來，蠻適合冬天吃的。另外辣的部份比較多，不能吃辣的朋友如果想吃的話吃微辣就好了。

之前有網友向我推介此店, 一直想去試試...但奈何好日唔出太子, 可幸早幾天在附近飲宴, 所以就特意去打個底...想不到站著吃這麼辛苦, 也要大排長籠...平時我在其他地方吃中辣至大辣, 但因為第1次幫襯這裡, 所以先來1碗小辣試試味, 哥仔好好笑容好有禮貎第一啖吃下去, 咀巴神經已經感到麻庳跳動...而我一向也不太喜歡酸味, 但這裡的酸很是惹味, 就連那些酸菜我都吃光光...十多幾的天氣, 我只穿了2件單薄的衣服, 但竟然一邊吃一邊流汗...實在太好味了!!!雖然份量及配料較少, 我邊吃邊有些路人在議論, 說$13太貴了...但我還是覺得值得的!

之前食過佢既酸辣粉,$13一碗,對於深圳既價錢係貴左d.不過無辦法,唔通得登上深圳食咩!今次係陪朋友食,佢話想試下wor我就突然好想食腸粉,見佢$7先得4條都照食因為好多人買,所以佢地買埋隔離鋪位,俾d人可以企係鋪入面食.唔使下下係出面食埋小巴"塵"店員照平常一樣問你要咩醬,我要多麻醬走辣醬,豉油同甜醬正常結果佢真係加左好多俾我.正!!!d腸粉都係現成貨.無層層分明,好黏但係都仲有米香d醬就相當唔錯.所有醬都無溝"希"d豉油又夠鹹.不過整體黎講環境唔太衛生.p.s.之前食酸辣粉既味道唔錯,不過真係唔抵食

每次去mk, 經花園街就一定諗起佢....不過最近要on diet, 所以...要隻眼開隻眼閉走過~ 但係見到佢仲有人龍, 真係令我好放心, 因為我知道將來都仲有機會食到佢!!!其實呢間o野我都食左好多次, 每次都一定要有枝凍水同tempo傍身先敢食。最鍾意佢又熱又酸又麻又辣, 個薯粉煙煙韌韌的。無留意係邊個整wor, 下次要留意先, 不過so far次次都係水準之作。最厲害都係試過中辣, 唔敢再試大辣了, 因為...唔小心索到d油, 真係要咳到痴肺o家~ 係好食到, 夏天汗流浹背o既時候, 企o係度食到汗水鼻水一直流都唔理~ haha...

每次行開花園街，個心都會立即諗下買咩小食好呢=]因為花園街以致附近都實在太多美食啦至於今日，因為突然好想食辣野既關係就立即諗起旦王既重慶酸辣粉啦其實之前都買過１次，但果次係買番屋企食既就係因為感覺幾好味所以今日一諗起辣野就好想再食番啦今日亦都係我第１次企係度食呢碗粉終於可以感受下平時成日見到ｄ人係呢間鋪隔離個鋪位企係到食既感受啦，哈哈一入到去，嘩，涼浸浸呢=]原來老細專燈開大左ｄ冷氣比大家，令大家有個舒適ｄ既環境食呢碗酸辣粉呢果然，原來企係度都食得好舒服，今次食完成碗我都完全無大汗搭細汗呢！至於碗酸辣粉，今次叫左細辣，湯底濃郁而唔會有食完味精野好口汗既情況發生至於麵條，仍然都係咁爽滑基本上呢碗酸辣粉由始至於我都係最愛佢個粉做得好出色煙煙un un，配搭埋個湯底真係美味之作！咁耐無食依然出色！！！同埋一碗只須１３，真係平靚正呢^^今日下午食完之後已經開始好懷念啦，睇黎短期內我又會再次光臨了，嘻嘻^0^