日本黒毛和牛焼肉 牛太 (沙田中心)

營業中

休息中

有朋友生日，想試燒肉放題，於是揀了牛太120分鐘，雖然價錢略貴，但試後物有所值！我們叫了第三款即>48O！牛的種類已很多，其中薄切牛，和牛片最好味！汁燒，葱，鹽燒通通也不咸；還可以點果味燒汁；胡麻汁更好味！還有海鲜類有鮑魚，扇貝，蝦→樣樣都正，鲜，爽！多款菜類可燒，菠蘿都有！以此價錢食靚牛，值的。幾位哥哥，姐姐上菜極快，沒有漏單！惟一要改善地方係4人枱點多每次最多2隻鲍魚，2隻扇貝；要分兩次下單先夠4人分！

哩間係小妹第一次食到想再番撻嘅燒肉店，件件特上燒肉油脂充足，唔會好易燒到變柴皮，唔止牛肉類，連其他肉類，比如羊架咁都係好林，燒起上黎好juicy!!餐廳套餐分🌲松、🎋竹、🌸花、🕊️雀(係咪好似打緊太鼓之達人呢！) 今次係the first trial, 叫左$659 (竹級) 嘅 特上日本產黑毛和牛燒肉放題套餐，係second too 嘅選擇。menu 指一共有79款食物可以叫，詳細我唔係IG擺圖喇，可以去我Openrice 睇手機落單cap圖啦～簡單記錄一下哩個set專有嘅肉類：🤍厚切特上辣椒肉扒🖤厚切特上牛肋肉(燒汁)🤍厚切特上牛肋肉(鹽)🖤特上牛肋一葉舟🤍特上牛肋肉(燒汁)🖤特上牛肋肉(鹽)🤍特上牛肋肉(蘿白蓉柚子醋)🖤特上牛脊肉(燒汁)🤍特上牛脊肉(鹽)🖤特上牛脊肉(醬油漬蒜片)🤍黑毛和牛火炙壽司🖤極上大虎蝦🤍牛油蒜蓉廣島蠔除左可以食以上🎋竹級肉類外，都可以向下食番花級同雀級嘅野食，係唔會有🌲松級食材。不過因為餐廳做緊Promotion, 所以幫襯🎋竹級，佢係會額外每樣送幾去松級嘅日本產黑毛和牛類您試，分別有厚切牛舌、極上雪見肉眼芯、極上座布團、極上厚切肉眼芯，同埋厚切特上辣椒肉

上星期同屋企人去咗試沙田中心呢間日本燒肉任食本身充滿期待但係食完一次真係唔會再去了！首先我哋係揀咗$468日本黑毛和牛燒肉套餐佢都包括少量海鮮但就唔包和牛專用醬料普通醬料可以喺出面自助區度拎自助區就有d即食食品包括沙律，配料，飲品前菜等餐牌入邊的牛都試哂冇一款特別覺得好食有幾款牛都好靭好似食緊$200燒肉放題的感覺都好失望好食既野係帶子，鮑魚，蝦，幾新鮮同埋爽口，另外佢個北海道牛乳雪糕都好味其他串燒味道一般 選擇都唔多好多食完一次都唔會再叫而當日我哋去到 佢個落單QR code又壞咗要用人手落單 好浪費時間送上嚟嘅食物又經常扣單職員服務態度都一般總括嚟講 埋單每人連加一大約$500真係一d都唔值得呢個價錢以後都唔會再去了

這跟旦馬屋是同一個集團同一個宗旨 牛肉高質不斷復單都會保持牛肉水準並不會只有第一回可上大枱雖然價錢唔平 也會覺得值回票價第一次係荃灣食過已經一試難忘今次嚟沙田店 再次小試牛刀嚟個中boss 價錢餐牛肉保持一向水準燒起嚟 陣陣牛油香未食已開胃入口嫩滑 多汁配上月見黑松露汁 好好味提供自坐沙律吧 可以解膩對於愛米飯之人 也提供了白飯可配上 日式咖喱牛肉嚟食 正呀仲有炸雞中 boss 餐跟 生啤放題 自助生啤機 十分有趣去到甜品放題區簡單的軟雪糕 有兩款口味 北海道牛乳 草莓兩款熱點 英式迷你小蛋糕 比利時迷你窩夫日式小丸子 蕨餅 紅豆 蘆薈粒粒食完真係大滿足

試試新開無幾耐嘅日本和牛燒肉放題120分鐘，分別有4個Grading，由最平$389到最貴$899，而我試呢個$469，就有68款食物選擇～再貴啲果2個Grade就會有啤酒任飲同埋一啲更矜貴嘅部位可以食，以下有一張介紹唔同矜貴靚和牛部位嘅圖！首先食材好新鮮，和牛可以選擇嘅部位都好多，其實呢個Grade都算幾夠食！海鮮質素高，有青口、鮑魚、蝦、帶子⋯⋯而最新鮮最好食嘅係蝦😍壺漬果味牛肋肉牛同薄切赤身肉係我嘅最愛！建議留返壺，可以將其他比較厚身嘅牛放係壺入面醃一陣再拎出嚟燒，甜甜地帶果味更好食！而薄切赤身肉啱啱燒好沾溫泉蛋係最夾！食落無咁漏之餘仲要好滑口！醬料亦有好多選擇，個人最鍾意係胡麻醬同旨鹽！座位寬敞，入面嘅卡位比較有私人空間！燒網可以經常換，而且抽氣系統係向下抽，出到嚟個身完全唔會一陣味！上菜速度快，唔會拖好耐消磨用餐時間，服務亦好好！出邊有沙律吧、生果、甜品同炸物，仲有飲品櫃！個人最鍾意係抹茶蕨餅同草莓牛乳雪糕！⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 9/10服務： 9/10環境： 9/10打卡： 8/10CP值： 8/10推介值：8/10

試下新開的牛太，選了$199 黑毛和牛上級 燒肉套餐， 牛肉略帶 脂肪，淋但 冇牛味， 並不是食評見的咁多油花， 只有薄薄的8片，全靠食了兩碗白飯，沙律菜及水果，總算食得飽。 熟食有炸雞和薯條但都係淋的， 食物選擇不多， 連湯都冇。 不會再來。

沙田中心新開餐廳牛太，中午有午市定量燒肉餐，限時60分鐘，係星期五中午就去試下，叫左一個199上級和牛，另一個同樣199和牛三味，每碟有8件，份量唔太多，但有任食bar，沙律生果炸雞薯條咖哩牛肉飯，所以實飽，上級牛肉好有油脂，肥美及好稔，另一個係牛舌2件橫膈肉3件牛肋肉3件，牛舌正常質素，橫膈肉就比較韌，牛肋肉好味，總結一試不妨。

滿心歡喜同屋企人黎食，前一日打電話諗住訂定枱，但職員講嘢一舊舊好似想耍走我咁，咁好啦第日我哋walk in去，等左一個鐘頭想話問下幾時到我哋，職員又黑面又話我哋知係要等架啦咁，最後等左兩個幾鐘先有得食，環境還好吧，始終新開，啲嘢食又唔係黎得快，肉類要睇你係叫邊個餐，我叫左中間嗰個，以呢個價錢就其實有好多其他更好既選擇吧。服務態度就真係奇差，尤其係出面叫飛/聽電話嗰個！所以真係唔知有咩咁特別，又要成肚火咁食，唔會再去。激氣

今次黎到沙田 牛太日式燒肉放題分4個級別～揀左日本產黑毛和牛套餐 $469/位 總共有68item!主打上級牛肋肉、上級牛脊肉、薄切赤身肉、壺漬果味牛肋肉、厚切牛舌、鹽燒鮑魚&牛油燒日本產帶子~另有為日本黑毛和牛專用醬料黑松露月見燒汁醬油漬蒜片和風京蔥京醬油 雪見蘿蔔蓉柚子醋自助區：沙律、炸物飲品有Ooha、冷泡茶、汽水等另外仲有任飲twinings 茶包自家製雪糕機 （3.6牛乳/愛文芒口味）甜品：窩夫/pancake 抹茶厥餅、白玉丸子、紅豆蓉均可自家製雪糕杯topping 最喜歡上級牛肋肉：口感軟嫩juicy同上級牛脊肉 脂肪較少，肉味濃郁d另有其他主食/溫泉蛋等

叫咗個日本產黑毛和牛燒肉放題套餐，好多款食物任君選擇，另外仲有牛肉日本豚肉雞肉海鮮🤩自助吧又唔同種類嘅熟食前菜同甜品，愛民芒果牛乳雪糕幾香芒果味、抹茶缺餅、丸子好 幾好食，飲品區仲有冷泡茶選擇添😋最鍾意食上級牛肋肉， 呢個一上枱已經見到油脂分布睇落已經好好食～牛肉油脂分布平均肉質嫩滑，正🤩👍🏻
另外仲有幾款肉類推介分別係薄切赤身肉、壺漬果味牛肋肉、厚切牛舌、上級封門柳、上級腹胸扒、牛仔骨等等，每款牛肉的質素都唔錯 ，整體嚟講四百幾蚊食到日本和牛性價比幾高

前一日打電話去念住book枱 話唔比book 6點半 叫我walk-in 等。第二日6點半去到攞飛話預計等1個鐘，一等就等到8點。到最後同我講book左8點可以入先我張飛最快都要9點。公司管理極度有問題，等枱流程完全唔清晰，員工態度都十分唔友善，不知所謂。警世！

前陣子喺馬鞍山去過一次「牛太」 已經成日心思思想再返去原來最近喺沙田中心都開咗分店了 勁近我上次食過$469/位《日本產黑毛和牛 燒肉放題套餐》已經有68款食物選擇今次同屋企人去食餐好 專登揀上一層的和牛套餐.《特上 日本產黑毛和牛 燒肉放題套餐》以有幾款特別推薦- 厚切得上辣椒肉扒- 厚切特上牛肋肉 (鹽)- 特上牛肋肉一葉舟- 特上牛肋肉 (燒汁/鹽/蘿蔔蓉柚子醋)- 特上牛脊肉 (燒汁/鹽/醬油漬蒜片)- 黑毛和牛火炙壽司- 極上大虎蝦- 牛油蒜蓉燒廣島蠔 特上級別的黑毛和牛 雪花紋路特別細緻漂亮分佈平均即使係厚切既肉扒同牛肋肉 都能夠食到當中既油花最中意緊係特上牛脊肉 食起黎會溢出豐富鮮美既肉汁唔洗搭配咩醬汁其實都已經好好食仲有意想不到的黑毛和牛火炙壽司 入口即溶 好似食緊拖羅咁 估唔到除左和牛 仲有海鮮虎蝦同廣島蠔都係好鬼大隻 真材實料電話qr code自己點餐仲有得好多其他品種嘅豬、牛、羊 任君選擇計埋蔬菜(南瓜、洋蔥、大蔥等等)總共有79款單品 只需$629/位真係要留定肚去先夠位食 食足120分鐘任食.食完主菜仲有甜品連媽媽都大讚呢到既雪糕北海道牛乳雪糕 又香又滑佢仲好

📍日本黒毛和牛焼肉 牛太 (沙田中心) (沙田)牛太喺沙田開新店喇！黑毛和牛同其他分店一樣咁高質，好味到兩個女仔都食到廿幾碟🫢。仲未計前菜、甜品🍦。✨日本產黑毛和牛燒肉放題套餐 $469（星期一至四）$499（星期五、六、日、公眾假期）任食嘅黑毛和牛包括上級牛肋肉、牛脊肉、薄切赤身。不過牛肋肉、牛脊肉都有唔同口味選擇，所以食多幾碟都唔會厭。牛肋肉油花多少少，相對軟腍。追求厚切同多啲口感就會偏好牛脊肉。我哋encore得最多係薄切赤身🥩。每面燒十秒鐘就食得，仲有少少焦香。任食海鮮有蝦🦐、鮑魚、日本帶子。鮑魚、日本帶子都好值得encore。自助corner有🥗沙律、🍍生果、🍦甜品，亦都有少量熟食。最正係有部自助雪糕機，有🥛3.5牛乳雪糕同🥭呂宋芒雪糕，兩款都係日本直送🇯🇵。📍日本黒毛和牛焼肉 牛太 (沙田中心) (沙田)沙田橫壆街2-16號沙田中心3樓50及57號舖

入到黎沙田探店，食嘅係呢間主打日本產黑毛和牛嘅日式燒肉店。呢到嘅燒肉放題，有三個等級嘅和牛同一般燒肉可以揀，價錢由$389到$899。我哋抱住食好d嘅心態，當然係揀食日本產黑毛和牛。先講環境，係充滿江戶風格嘅現代日式裝潢佈置，乾淨企理，而且冇咩油煙。呢到嘅黑毛和牛種類非常豐富，更加有唔少稀有部位好似座布團、肉眼芯等等。食咗咁多款肉，覺得最正嘅係極上雪見肉眼芯同極上座布團，睇住d油花已經流哂口水，輕輕一燒即食得，肉質腍到不得了，入口即融，好食到不停encore。就算係次一級嘅和牛好似特上牛肋肉、牛脊肉、辣椒肉扒咁都已經好好食，肉味香濃，肉質腍嫩，食肉獸仲可以揀厚切version，食落啖啖肉香。除咗燒肉，放題亦都有海鮮可以燒，好似日本帶子、鮑魚、廣島蠔同大蝦咁。鮑魚就最正，夠哂新鮮，入口鮮味爽口彈牙。帶子同廣島蠔就夠哂鮮甜水嫩。餐廳仲有個自助buffet bar，可以拎沙律菜、水果、炸物、甜品同飲品等。特別要提嘅係食特上或者極上黑毛和牛放題，仲會包埋生啤同酒精飲品任飲。呢到更加係用自助生啤機，睇住啤酒同酒泡慢慢注滿啤酒杯，夠哂過癮，邊食燒肉邊呷返啖生啤，大滿足。女士們最愛嘅甜品有好似蕨餅、

是這家店隔壁的住戶，之前還在裝修的時候就留意到過這家店，今天中午正好路過，看店裡沒什麼人不用排隊，就想著來試試看味道怎麼樣。點的119牛雞豚半放題午市套餐，限時一小時，另加了兩盤牛舌。店內環境挺整潔舒適，但是味道不敢恭維，豬肉不知道為什麼有一股豬騷味，雞肉和牛肉也很一般。服務說實話讓人感覺不太舒服，吃到一半的時候就有人過來結賬，還沒到時間，肉也還剩下了半盤沒烤就來趕人，總體來說不會再去了，也不推薦。